影片
以上資料只供參考, 請與餐廳確認詳情
記得年幾前食過銅鑼灣嘅人生有限杯，食物質素都相當唔錯，近排發現佢係尖沙咀開左新分店，緊係食過番尋味黎支持下啦💛新店座落係赫德道位置非常方便而且裝修仲非常有格調，有open kitchen比你睇住師傅燒，真係好似去左日本咁而且價錢仲非常實惠，最平一串都係10蚊，勁抵‼️❣️五花腩 ($10)五花腩燒出嚟嘅時間岩岩好，油香味豐富而且孜然調味唔會話太重，最重點係10蚊一串，真係食多幾串都唔驚😆❣️墨魚鬚 ($10)墨魚鬚相當彈牙而且鮮味十足，最重點係個墨魚鬚配埋嘅泰式酸辣醬非常惹味相當推薦😋❣️蜜糖栗米 ($10)燒栗米一上枱已經聞到一大陣勁香既牛油味，食入口蜜糖牛油嘅調味無懈可擊，栗米粒亦都非常飽滿仲非常juicy ♪( ´▽｀)❣️味噌松板豬 ($15)松板豬油脂非常豐富，食落口感似豬頸肉🐖另外個味噌調味都似蜜糖醬，好味得嚟都非常邪惡😈❣️鵪鶉蛋卷 ($20)鵪鶉蛋入面有滿滿嘅蛋黃，外面包住一層薄薄嘅豬腩肉，如果鍾意食蛋捲嘅朋友仔真係唔可以錯過🤟🏻❣️芝士年糕 ($38)芝士年糕外層燒得香口得黎又非常煙韌，入面既芝士流心咸香味十足，相當唔錯🥳❣️山椒鰻魚汁白鱔 ($48)白鱔有三大舊，鱔肉鮮味十足，鱔皮亦香脆，鰻魚汁惹味得黎唔會搶晒鱔嘅鮮味👅另外仲有山椒調味，有少少麻嘅感覺相當頂癮，好食到我地仲encore左一串😙😙❣️鹽燒牛舌心 ($28)牛舌心肉質彈牙亦保留到肉汁，牛味亦相當豐富，鹽燒既調味亦無得彈‼️無諗過呢個價錢有咁嘅質素，非常推薦🫶🏻❣️椒鹽雞軟骨 ($20)椒鹽味相當香口，雞肉同軟骨比例都岩岩，整體感覺不過不失～❣️免治雞肉棒 ($28)免治雞肉棒會配埋生雞蛋一齊上兩樣一齊食令到個雞肉非常滑溜，而且仲有淡淡蛋香🍳雞肉棒入面仲有大量軟骨碎，口感豐富🤩推薦‼️❣️墨魚滑紫菜大蝦 ($68)呢個墨魚滑紫菜大蝦絕對係呢到既必食推介‼️啖啖墨魚滑彈牙得嚟仲保留到淡淡嘅海鮮味🥹除此之外仲有個大蝦，大蝦蝦肉都係爽口蝦味相當濃厚，無諗過墨魚滑同大蝦係咁夾✨另外仲有個千島醬調下味酸酸地非常開胃🥳❣️焦糖雪糕多士 ($48)黎人生有限杯最唔可以錯過嘅就係個甜品雪糕多士🥰焦糖多士甜絲絲又非常酥脆‼️雪糕嘅冰凍口感又十分清新而且令到個多士多返一種濕潤感，食完幸福感滿滿🥺強烈建議食完串燒之後食埋個甜品先走😈推薦指數：🌟🌟🌟🌟【𝐏𝐫𝐢𝐜𝐞: 4.8/5 𝐅𝐨𝐨𝐝: 4.2/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.5/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ
繼續閱讀
人生有限，最重要係及時行樂，所以同家姐去咗「人生有限杯.串燒店」細嚐串燒、把酒談天。*此餐廳收取加一服務費。有限杯之忌廉煮蜆（單點$68），表面鋪有香草，蜆肉食落好新鮮，配以忌廉食用，奶味濃香。流心蛋薯仔沙律（單點$68），表面鋪有青瓜、蟹籽、黑芝麻，馬鈴薯沙律口感綿密，配以流心蛋、美乃滋食用，蛋香味濃，食落類似碎蛋馬鈴薯沙律。鹽燒和牛牛小排（單點$48），肉質嫩滑，食落牛味濃厚、帶有黑椒味道，配以黃芥末食用，味道鹹香帶辣。蒜蓉燒蠔2隻（單點$48），表面鋪有辣椒絲、蒜蓉、香蔥，廣島蠔肉質飽滿，味道鮮甜。蒜蓉菜脯燒元貝2隻（單點$48），表面鋪有粉絲、菜脯碎、蒜蓉、香蔥，元貝食落有鮮味，略嫌元貝肉質比較瘦削。鹽燒雞中翼（兩串$48），雞皮口感薄脆，雞肉食落好Juicy，配以檸檬汁食用，味道清爽。鹽燒雞腿肉（兩串$48），雞皮食落帶有焦香味道，雞肉肉質厚身，食落啖啖肉。菻蓉菜脯燒茄子（單點$38），表面鋪有菜脯、辣椒、蒜蓉、香蔥，茄子食落好入味，味道香辣。味噌松板豬（兩串$30），肉質彈牙，略嫌味噌味道欠奉，配以辣椒粉美乃滋食用，味道更佳。紫蘇鹿兒島雞頸肉（單點$28），肉質爽口，配以紫蘇葉食用，食落好香口。豚肉牛油果卷（單點$28），表面鋪滿紫菜，豚肉肉質肥瘦適中，配以牛油味食用，味道清新。免治雞肉棒配日本蛋（單點$28），雞肉棒內有雞軟骨，口感爽脆，略嫌免治雞肉肉質比較鬆散，配以月見沾醬食用，味道鹹甜。香燒翠玉瓜（兩串$20），表面鋪滿孜然粉，食落好惹味。港式蜜糖多土夾雪糕（單點$48），蜜糖多士口感酥脆，味道香甜，配以呍呢嗱雪糕食用，冰火交融，呍呢嗱雪糕口感幼滑，帶有呍呢嗱籽。手打檸檬茶（單點$28），茶味濃香，味道酸甜。青檸梳打（單點$28），味道酸溜。
繼續閱讀
嘢食味道其實幾好，但又冇其他comment講到CP值咁高🥲不過最大問題主要都係環境麻麻哋⋯⋯坐低已經覺得成個環境好迫，啲枱好痴立立，然後食食吓冷氣機滴水滴正喺食物側邊，店員都好好有即刻幫我哋調去吧枱。不過吧枱好大油煙，差唔多食到最後仲見到有曱甴喺木質嘅牆邊爬，最後食晒都即刻走😖
繼續閱讀
重點*上嘢食速度正常味道正常份量偏細環境正常服務無特別可一不用再一入去見到張menu就覺得好似燒烤堂自然令我有對比。首先佢$10-$20嘅串燒最少叫兩串，而有啲只係想試吓味道如何，但要叫兩串就卻步。串燒平均都係細份，$28串牛舌細細舊有3舊，叫做有舊大少少。燒鱔都係有3舊仔，有啲細份。$10$15串嘅都味道正常 偏細份烏冬茄子正常發揮，最好每人一個烏冬打個底。我兩個人食 好彩女朋友食兩啖話飽。埋單400幾 我食咗7成嘢食 大嘅4成飽兩個男人嚟食預最少食一千蚊有更好嘅選擇
繼續閱讀
體驗超讚！串燒火候拿捏完美，雞肉、牛舌、豬肉串鮮嫩多汁，炭香撲鼻，令人回味！醬汁調配得宜，微甜鹹香，完美提升食材風味。店內氛圍日式風情濃厚，服務員親切周到，推薦的清酒搭配一流。環境乾淨舒適，適合朋友小聚。價錢公道，性價比高，絕對值得一試！下次必定再來！最值得試佢個烏冬同雞皮。會想再encore 既串燒店，有係日本食串燒既感覺。
繼續閱讀