仁利餅家

營業中

休息中

早在八年前，經常踩單車往來元朗沙田等地，經過軍地都會響度買嘢飲，直至一天看見頭條日報的介紹，方知道佢嘅月餅咁巴閉，而且可能係最後一造，於是買來食下，點知一食返唔到轉頭，覺得其他名牌月餅都唔好食，於是這八年來，每年臨近中秋都會去朝聖一下，我啲同事朋友食過都問我係邊度買，真係人人食過都話好食，連一啲唔鍾意食月餅嘅人食完都話好食。有冇咁犀利呀？哈哈，就係有。

美國回流已整整八年！但竟然今年先至留意到「仁利」月餅！可能之前有人提過自己沒上心！因為月餅和甜品都不是我杯茶！😜今年女友付諸行動送咗一隻「仁利」金華五仁月俾我。我放咗上Facebook、竟然引起好大回響！例如：一個人一口氣可以食三個、食咗返唔到轉頭.....等等、忍唔住即晚切咗嚟食！👍🏻😍「金華火腿五仁」月餡料豐富、 味道鹹鹹香香、口感軟硬度又剛剛好！真係食到停唔到口！即時好想再試埋佢嘅「四黃」蓮蓉和豆沙！👍🏻😋😋😋原來想買佢哋嘅月餅、一啲都唔容易！除咗山長水遠之外、幾十年擁躉一早已預訂！想買要晨早7-8點入去！否則未必買想要嘅味道！😳是日女友開車載我去位於粉嶺軍地的「仁利餅店」！女友已是第三代幫襯「仁利」、和「仁利」老闆娘母女諗熟！老闆娘請我地食當日新鮮出爐嘅月餅、知道我喺美國住咗40年嘅美燦！又送個花燈仔俾我（好有兒時感覺)！跟住又話如果昨日入嚟就見到同影到D師傅製造過程！👍🏻😜佢個炭爐加柴枝燒烤月餅呢種製法香港碩果僅存！而柴火爐已（超過半個世紀）。若哪天個爐退役、仁利的蓮蓉月餅也就成為絕響了。所以我地要珍而重之享受每啖「它」的味道！😍😍😍

在這個世代, 什麼食品都加化學品, 防腐劑. 仁利餅家, 迄立粉嶺軍地50多年歷史,堅持人手製造, 保留傳統文化.所以今年預早訂了雙黃紅荳沙月餅$220及雙黃白蓮蓉月餅$232品嚐它的風味.紅荳沙月餅, 餅皮一般沒驚喜, 但內涵見真功夫, 蛋黃有油水, 磨製成幼細特濃紅荳,又香又滑,比美日本級數的紅荳香,整體味道不會太甜太肥膩. 一次食半件也沒有滯胃感覺.雙黃白蓮蓉月餅, 老廚師手功爐火燒製白蓮蓉, 因產品無防腐劑只能放室温3日, 逾時見議放入雪櫃保存. 我食前再放入烤箱預熱, 皮會脆口一點, 而且品嚐到輕微爐火味和清香蓮蓉味,真是齒頰留香.另外店內試食五仁月,則麻麻. 論價錢及口碑仍是涌青區涌尾大歡喜足料勝一籌.