影片
營業時間
今日營業
09:00 - 23:30
星期一至日
09:00 - 23:30
以上資料只供參考, 請與餐廳確認詳情
話說牙痛咗幾日，但牙醫要下星期先有時間理我，所以決定用民間傳說嚟自救住先。今日經過樓下商場，去涼茶舖買枝涼茶頂住先。枝枝涼茶都有不同功效，見葛菜水可以清熱解毒，朕今次決定買佢試試。飲落有少少甜味，但大多都係草藥涼茶味，但唔算難飲，有凍熱兩款。飲完之後，唔知係個人感覺定另外原因，真係好似舒緩咗無咁痛，不過un住嘅感覺仍然有。。。希望可以頂到下星期二見靚仔牙醫。。。
繼續閱讀
路過想買一杯涼茶外賣，排隊等候，前邊有一男一女買完就走，本身下個應該到我，點知我後邊嚟咗個妹妹，佢同舖頭裏面食緊野嘅女人講完佢要乜，然後佢等個員工轉身嗰陣時同佢講，個員工即刻處理佢個要求，等佢倒完妹妹話要買嗰兩杯嘢飲，諗住等左咁耐到我啦，佢仲問坐響度個客係咪係咪要多兩隻蛋，然後施施然夾茶葉蛋俾佢，我呢d排隊等左咁耐問都唔，嬲到走左 😤
繼續閱讀
本身未裝修之前都有幫襯開，見到裝修後想入去飲杯涼茶，點知阿姐態度好差咁問要咩，我話要雞xx，之後佢問大杯定細杯，我問細杯係有幾細杯呀？ 之後佢態度好差咁細杯米細杯law, 但係又無指示係咩大細，我即刻話唔要啦（本身好想鬧佢，但係忍住），買野要受氣，希望你地公司可以檢討下d員工態度，唔係之後真係送我都唔會再幫襯。
繼續閱讀
入得涼茶鋪，唔飲嘢的話，就係食龜苓膏。呢排比較夜訓，又食得多熱氣嘢，但又唔想飲苦茶，所以，就要咗碗龜苓膏，化一化佢。仁和堂大碗龜苓膏($34)~大碗上，特別貼地，比以前叫一盅盅的，親切好多。我叫咗碗熱的，首先唔落糖漿，試下原味，入口係苦後回甘，口感亦有咬口，之後，我將成碗攪碎，再落糖漿，一入口，簡直，成碗飯後甜品禁，真係又好食，又健康。總結，仁和堂龜苓膏，係物超所值，比那些一盅盅的，另外亦有套票買，一次10張，270元，平均一碗大龜，就變成27元，強烈推薦買套票，完。
繼續閱讀
洗面時，突然發現面上生痘痘，誰叫這陣子食了多餐生日飯，加上夜訓，積積埋埋d熱毒，真係要在清熱解毒方面落功夫！最方便就係去涼茶鋪整返杯，優點就在唔洗自己煮，方便快捷。在這家涼茶鋪，有幾款涼茶雞骨草，火麻仁之類，而我目標，是要清熱去濕呢！看到銀菊露的藥效：解毒去濕，平肝明目看來好適合治療面上的痘痘，一於整返杯熱的銀菊露！紙杯盛載，手感溫暖，聞到少少藥材味入口不算太甜，少少菊味但有回甘，讓我覺得似阿媽煮果種感覺。（我唔鐘意大批量生產果d超甜的膠樽裝！）幻想緊，痘痘快快消失，快消失，快消失…就算無痘痘，都可作保健之用啦！8元買個方便+幻想+健康，都值嫁！
繼續閱讀