仁沙洞

營業中

休息中

這一間位處於土記內的韓國餐廳，可算是這區的老字號來了。屈指一算，好說也開了超過十年了吧....第一代的韓籍男老闆好像已退下來，現在接手的同樣是韓人。本來以為這應是不會影響水準了吧....怎知，原來是錯的....好久已沒來。今次平日時份來訪，基本上是包了場。平日許多土記街坊大多留在家裡做飯，很少出街吃。所以店內出現這狀況，是毫不稀奇....簡簡單單跟太太一人來一份餐，有飯也有麵。再加幾碟前菜，就夠塞飽我們兩人....前菜沒甚特別，都是些泡菜、豆芽以及甘薯一類的東西。基本上在哪一所韓國餐廳吃，味道都相差無幾....太太一向不"湊米氣"，但今晚竟點了一個鐵板豬肉跟飯吃....小弟試了點豬肉，只覺很韌很嚡。最後只撈起洋蔥及椰菜來伴飯食，才算是入得口....難為了一向不愛食飯的太太，給她碰著了如此水準的飯定食，就注定了她今晚冇運行了....我的那碗海鮮魚湯麵，水平就更不濟 ---- 湯底與麵皆有一咲超重的鹼水味；所謂的海鮮只是一隻不太新鮮的蝦仔、細如豆豉的青口以及淡如在嚼臘的魷魚鬚.....面對著這碗東西，說老實還可以講甚麼呢 ? 記起從前，這兒的出品是還可接受的，但轉了手後卻來個大退步....

日前，經 app 訂購此餐廳晚餐，4款食身物，同$4xx，怎料送的餐 其中兩款湯類食物全部翻倒，故致電餐廳要求再送過， 餐廳職員話佢不是負責人話唔到事，故我要求老闆來接聽， 老闆態度惡劣話我搞事，唔肯再送過，又話你點證明係我們送前包裝得唔好，我要求佢比手提電話我立即將照片send 比佢， 佢又唔肯，我覺得佢地餐廳即係 死屈客人比錢 ，野又食唔到，老闆之後又找人冒充app職員打比我 話會退款，但我一直連絡app都話無講過此事，只比$30 作補償， 我覺得此店服務態度惡劣不在話，仲要做如此卑劣的行為，大家千萬不要再上當

間中禮拜日去食午餐，今日去食分2次落單, 埋單卻唔啱數，當時佢已講午餐是無加一的。離開後才發現在第2次order中收了10%，第1輪order 銀碼又是正常的，單尾又打埋d古古怪怪items 混亂視聽。而呀姐理據：第1個order比左discount，而且你地又加單...。但午餐跟本是明碼實價，discount 乜嘢呢？？？自問能力有限無法理解呢d邏輯傾開，已有人上禮拜幫襯完lunch，都收左佢10%！係部收銀機有問題? 真係有discount? 真係要收10%？或是d人想收埋d 陰濕錢？Check單呀！街坊！

由於屋企係樓上，所以間中都會幫襯。前排去食既時候已經發現啲野食唔同左，質素大不如前，諗住都俾次機會啦，但幾日前再去時，發現食物真係差左好多泡菜豆腐湯呢樣係我地每次去都必嗌，以前既湯頭係好好味，小小辣之餘（我地都食得辣），都有鮮味，湯底除左有嫩豆腐，仲會有啲蜆仔，八爪魚，翠玉瓜粒等等。但而家材料變左，雖然見到新加左蝦，但反而味道感覺好單薄，好淡牛肉紫菜包飯呢樣都係必叫，係唯一仲叫左保持到質素，但偶而食到啲飯比較乾，少少扣分。但整體味道都唔錯海鮮餅鐵板上熱辣辣，一咬落口，有燶味既，而且好孤寒，一分六份，有一份係得粉漿同兩條葱，其他所謂海鮮得啲八爪魚仔辣炒年糕有年糕，魚糕，菜等等，年糕都算煙韌不過略冧左啲，味道辣得黎帶甜，都幾正宗既味道，不過年糕份量偏少食完今次真心覺得無必要都唔會再黎食食物質素下降之餘，服務態度都認真麻麻曾經仁沙洞都受歡迎過一排，晚市都會排下隊。而家除左假期晚市可能要等1至2枱度，平日行過都見食客唔多，唔知係咪都有人同我地一樣覺得野食難食左呢順帶一提，老闆都已經換左人喇，但唔肯定廚房人手有無變到。

今日喺土瓜灣體育館睇完球賽，之後見肚餓，所以就上網search附近有咩好食～😛所以就去咗呢間仁沙洞韓國餐廳試吓，我哋一同行四個人叫咗四樣嘢分別係海鮮薄餅、牛肉辣湯飯、韓式蔬菜拌飯、炒粉絲～😝不過不失啦，係我好肚餓嘅情況下食，都未算係好好食，而價錢都覺得可以既～叫咗四樣嘢叫埋汽水每人＄100，晚飯既話係OK嘅，但lunch黎講就一般般啦，由於佢或一收費，冇分時段，所以冇辦法啦～餐廳裝修其實一啲韓式風味都沒有，好搞笑🤪唔知係咪因為咁食唔出啲韓國味～😝😝😝哈哈哈

We made a take away here just now and they had missed out some order. We called back to ask for it and the Boss refuse to get us back the missed food nor provide refund. They scold us in the phone said they doesnt care about it and rudely tell us to hang up. To be honest, no matter how good the food is, not valuing their customers at upfront make the restaurant not a recommended one. We were a long term fans of this restaurant and had recommended this to many people living around. We felt greatl

一行七人，叫左石頭飯、炸雞、炒年糕、紫菜包飯同燒肉。泡菜嗰啲小食可以任食，又多款，好吸引。炸雞同炒年糕都好辣，我冇食好多。紫菜包飯今次叫左牛肉，好好食，麻油味香。今晚嘅重點係呢個4-5人份嘅燒肉！呢度啲肉餣得好好味，甜甜地，包埋生菜同泡菜一齊食真係好正。蒜頭、洋蔥同菇都可以燒，夾埋啲肉一齊食冇咁膩。燒蝦又係另一推介，呢度啲蝦好新鮮，肉質彈牙，就算好飽都要食兩隻。臨尾仲送左碟橙黎，好甜。呢間野嘅感覺好韓國，冰水、熱水、熱茶任斟，整體感覺唔錯。

天氣太凍。同朋友係土瓜灣想搵間餐廳食個晚飯。見到有間食韓國野 好似都唔錯。大大間。所以就入去試下。食d辣辣地既野暖下個身喇。呢間餐廳，除左有d韓國料理，仲可以韓燒。但驚熱氣。最後都無選擇韓燒喇！坐低都俾左d前菜小食我地。個泡菜都唔錯。個辣度岩岩好，同唔會好咸。另個個飯圈幾特別，出面炸過少少黎。味道唔錯，可以凍左d.叫左個牛肉辣湯。牛肉一粒粒既 🤔好少牛肉。個湯有菜，金菇等等……味道唔多夠牛味。但辣味就夠。同夠熱。另外仲叫左泡菜芝士蛋炒飯！都幾大盤！要係佢未熟得哂之前撈好。每一啖都食到芝士。都唔錯。味道岩岩好。唔會好咸。呢碟都好多飯。食完好飽

是日剛好到土瓜灣見客，又恰巧我親愛的家姐放假，所以就近在土瓜灣用膳，就去了仁沙洞第一次來嚐味，但味道亦不錯。真的是韓味勁濃，連裝修風格都是別有一番韓國紅噹噹的味道不算新潮新派的韓食館，但韓式家庭餐廳味濃店內餐紙亦是紅色為主，餐具用韓式的銀餐具，據說餐廳是由一位韓國人開的其實餐廳係由韓燒至部隊鍋到熱食都有今日我地一行三人叫左4樣野，全都係熱食熟食鐵板燒牛肋骨定食配上飯、前菜及湯炒年糕 $88 ★★★韓味十分濃，十足到訪韓國一趟，醬汁辛中帶甜，魚腐入味香口彈牙年糕煙煙un un鐵板燒牛肋骨肉定食餐 $82 ★★★不知韓風味是否就是俺制，所以很夠味，但又跟普通平日吃的沒什麼兩樣，但定食餐包括有湯、白飯一碗及前菜，確是不錯份量足夠海鮮蔥花餅 $88 ★★★★這個蔥花餅是這餐的推介，因為除了十分像樣，是合格及相似的韓國菜之餘，煎餅確實是厚度足份量多，魷魚多又香口我地吃得十分滋味但卻生起疑問，餐牌寫的是海鮮，但只有魷魚一種海鮮，雖然好吃香口，但卻又有一點被欺騙的感覺辣醬蕎冷麵 $70 ★★★蕎冷麵是眾多餐品中，小妹認為最不似韓國道地的餐品之一，冷麵不夠冰，因為沒像韓國一樣有冰底，醬太多太濃，導致

是日有事到土瓜灣，由住在該區的朋友帶著吃了一頓韓國菜。前菜小碟最欣賞的是泡菜，菜醃得相當入味，酸鹹皆備，解開了味蕾的枷鎖；此外芽菜和蛋卷都蠻好的。二人點了一冷一熱的主菜。部隊鍋有芝士、豬腩肉、午餐肉、菇菌、雜菜，充足齊全。小人最喜歡韓國的午餐肉，不會過鹹也不會過肥，用來做火鍋一流。冷湯麵其實跟韓式水冷麵無異，除了麵條之外，有梨片、瘦肉絲蘿蔔、半只烚蛋等等。麵條是煙靭的，惟湯既淡且不夠凍，欠缺冰鎮的感覺，是為失色之處。除了冷麵外，其他的都是滿意的。

老闆是韓國人夫婦。太太是廚師，所以口味非常正中！中午套餐$40有找。非常化算！為一美中不足是，只有有晩市及六、日中午才有燒烤！大家要留意！和他打個招呼後入去買了一條什菜卷和一條金槍魚卷，飯仲暖暖地好好味，下次要來食過牛肉煱先

家住土瓜灣，前排想試試韓國菜，所以就好順理成章咁去左就近嘅仁沙洞，網上評價好壞參半，整體黎講算係不過不失。因為唔嗜辣，用餐當日點左豬肉包生菜、泡菜剪餅同蟹肉卷飯，味道略淡，但可以接受。值得一讚係店內有自助水機，方便食客。

土瓜灣有很多唔同國家既美食。而這間韓國料理已經開了一段時間。泊車的朋友可以泊在美景街或翔龍灣停車場(需付費)平時都係食午市套餐多，今次第一次叫了燒肉套餐。配菜有6款，薯仔是6款之中最好味。不到一會，燒肉就來了，職員前來把燒肉夾在進爐中,接著到差不多時間便會過來剪斷燒肉和夾回你的碟子裡。平時習慣了自己燒自己要吃的份量,所以一開始有點不習慣,但聽聞正宗的韓燒也是這樣的。而食材方面, 燒肉肉質嫩口，不會太肥及太瘦。醃制的醬汁較甜，是正宗韓國人醃制的味道，味道幾令人滿意。而飲用的水和茶是自助形式,非常方便。最後,可能晚市時段比較人手不足，職員態度真的不太好。假如下次再來光顧,可能都要選非繁忙時間會比較好。

土瓜灣簡直係一個美食地方如果你住過土瓜灣 一定會識呢一間店舖呢間店舖位於落山道中午時段經常全場爆滿全因為佢嘅嘢食真係好好食!正宗韓國菜!而且價錢非常抵食又平又大碟 呢日我叫左一個 平時最鍾意食嘅泡菜牛肉粉絲味道香濃 粉絲入口煙韌 非常有口感店主好有心思 佢送嘅配菜都一樣好好食架最鍾意就係食佢個咖喱薯仔保證你食完都話好好味店內設有自助飲水機 要飲水嘅就記得自己去酌啦唔好勞煩店員 佢哋都好忙架咁大碟都只係40多元 真係超抵食呀

又去友人屋企附近的這一間韓國食肆😬，因為之前去過，味道不錯，價錢廉宜，這次再來安哥。先有一個飯卷，飯卷我本來一般，但是這兒的也不錯，飯不算太硬，而且溫度不太冷，所有事情都剛剛好。最出色的是這個生菜包豬肉，豬肉，好像車仔麵或是雲南米線的腩肉一般，一片一片上下排列😍，井然有序，可見心思。豬肉呈半肥瘦，豬皮位置完全沒有豬毛👍🏿，肥瘦大概是四成肥肉、六成瘦肉，瘦肉也不會太過瘦，不是瘦到滿口痴牙，加塊蒜頭，再加點辣醬，然後將生菜包起來吃，更加滋味，是整晚的亮點。水冷麵，近日不知為什麼，總是喜歡水冷麵🤔，可能因為上次在大埔吃完那個最美味的水冷麵之後，一直念念不忘，但是卻找不到有那麼好吃的。這兒的水冷麵尚算彈牙煙韌，但是溫度略嫌不夠冷，不知會不會因為我們沒有烤肉，不夠熱氣，所以店員認為不用加冰也足夠😖。麵條也還算煙韌，但是其他配料非常一般，有些肉絲，非常瘦非常韌，有蘿蔔、梨切件。芥末又好像溝了水，比較淡味、比較稀。牛肋肉，這個也相當之香口，味道不錯 汁醬輕微帶甜味，其實用來拌飯一流，這碟肉裏面的粉絲也不太少，但是韓式粉絲總是黏在一起，很容易一次過夾起晒😁，粉絲盡吸牛肋肉的香味、及甜香，非常好吃。牛肋