仁沙洞

營業中

休息中

在土瓜灣這舊區有一間著名的韓國菜, 今天和同區友人又來吃了! 想吃好一點沒有選更經濟的午市套餐, 選了散叫以下幾款食物:海鮮煎葱餅: 內有的海鮮其實只有八爪魚, 不過卻有大量, 餅很香而且在鐵板上很保溫一直保持熱度, 配上的煎餅汁有畫龍點睛之效。年糕拉麵: 甜辣醬汁加上年糕和拉麵, 還有韓式魚餅及蔬菜, 就是韓國的味道。初吃一口覺得辣味還好, 及後愈吃愈辣, 也讓的喝了好幾杯水!蟹肉紫菜包飯: 說到韓國小吃還是要數紫菜包飯, 這裡有數款不同口味可選, 今天選了蟹肉, 就是簡單的美味。而且相比其他旺區這裡的價錢更經濟但味道卻一樣美味。 還會再來的!

今日母親節，BB訓覺訓到夜晚8點幾先醒，同屋企人商量都係唔好去咁遠食，於是去左樓下仁沙洞食飯。執好晒野落到去都差唔多九點，門口無咩人排隊，咁同阿姐拎左位，就推埋架BB車入去。點知入到去佢話仲執緊位，係呢個時候黎面黎左5個中學生。個韓國阿叔老闆即刻過黎問我地幾多位，我答左2位，然後佢見後面答5位，即刻話無位俾我地，叫我地推番架車出去。然後就叫左5位入去坐低。明白佢做生意想賺多D都算啦，又唔想再行就照等啦。入到去，阿姐見我地推住BB車，咁都好快俾我地坐低左，咁都無咁嬲。野食味道普通，但勝在抵食。隔離檯叫左好多野食，老闆好好招乎，仲叫阿姐幫佢地燒肉，又自己行過去問佢地覺得野食點。都幾好服務呀。咁我地可能無叫咁多野食啦，無人招呼都唔緊要，去到埋單，韓國阿叔老闆竟然將張單掟向我地檯面，我講多一次，係掟，掟到張單啪一聲係檯面。我果下真係呆左我地究竟做錯左D咩你要咁樣對我地？擺低左錢就即刻走人。真係以。後。都。唔。會。再。黎。

之前已經食過好幾次仁沙洞，係我以前老闆帶我嚟食，亦係佢recommend我食牛尾湯定食，結果一試愛上！睇住呢間餐廳開張，同一個鋪位，之前幾間食店都好快做唔住關門大吉，所以最初都唔睇好佢... 但又估唔到，係佢一直做落去到而家都有好幾年，而且午市晚市嚟食，都見佢坐滿人！臨別土瓜灣，要同老公嚟食多次！毫無疑問，我點咗牛尾湯定食，而老公點咗午市定食。老公嘅set先到，呢度嘅set都會跟幾碟前菜，仲有跟湯，個湯係肉片白蘿蔔湯，$42有咁多嘢食真係好抵！跟住有我嘅牛尾湯定食，跟餐有更多前菜，如果得我一個人食，要有多個胃先食得晒！牛尾湯嘅牛尾份量好足！唔知係咪韓國人太鍾意粉絲，連湯入面都有！另外湯入面有好多蒜蓉，我唔係蒜蓉愛好者都可以接受到（如果丁點蒜都接受唔到嘅人就唔好點呢個餐喇！）。店員另外俾咗胡椒粉同小碟上嘅辣醬，佢極力推薦我加入湯，但我喜歡原味多啲，而且我會飲啲湯，所以我冇加～講番個牛尾先，肉質好淋好滑，本身牛尾冇咩味道，應該啲精華都煲晒出嚟喺湯入面呢～一口牛尾一啖湯食，就係一直令我惦記住嘅味道！另外我都要讚吓個前菜，我好鍾意個薯仔，甜甜的，老公果碟都俾我食晒！呢度有自助飲水機，客人可以隨

由最初仁沙洞啱啱開嘅時候，抱住一試無妨嘅心態去食，結果感覺非常良好，價錢亦都實惠，後來我搬走咗，雖然都係喺土瓜灣一帶，但始終都有一段路程，不經不覺已經一段時間無黎食喇今日反黎娘家呢頭，想食個中午唔知食乜好，叫苦連天，老公突然一句: 你唔係好中意食仁沙洞咩？係喎！即刻9秒9向住仁沙洞方向進發！咁耐冇黎食以為價錢會好唔同，點知中午套餐好抵食又大份，＄40就有一個飯，一碗湯，再加一份前菜，真係超抵食呀！我帶咗一份泡菜豬肉飯，平時唔係好食辣嘅我都食晒成份，好大碟，好好食，好飽！佢嘅泡菜係唔係一般香港韓國餐廳嘅偏甜泡菜，偏向韓國人口味，比較酸辣，好開胃！老公唔知食乜好，買咗個一模一樣嘅外賣俾佢，買多份紫菜卷俾佢嘅同事食，紫菜卷都只係＄28 ,仲送前菜！正常就咁1份＄28都已經好抵，送埋前菜真係無得輸！野食又好味又地道，份量又多，物超所值！抵佢開左咁多年都仲咁多人幫襯！

仁沙洞因為好近自己屋企，而且附近當時又好少韓燒，所以經常都去果度食，三個人就叫四人餐，飽都飽死！今次去到，水準都係差唔多，一分錢一分貨，唔係叫做上等美食，不過我覺得比起其他韓燒黎講已經經濟實惠好多，係出面食可能要4個人最少$600蚊，但係呢度$400蚊就埋單，如果未食過呢間韓燒可以黎試下，老闆人都好Nice不過留意返，場入面係需要自己拎杯去「針」水，同埋唔好撞正食飯時間去，如果唔係就會等好耐，因為間舖頭細細，但係人流都幾旺下架！

與朋友打完波後去沙仁洞食飯，第一次到這餐廳，內裡有分韓燒和韓式主食，朋友怕熱氣，選擇主食，點了炸雞半份及海鮮芝士年糕，炸雞比較乾身，冇汁一般，味道還可以，海鮮芝士年糕，唔係全部年糕，有埋烏冬，不過比較辣，味道好見其他食客都有韓燒，份量好多，下次有機會一試。

今晚同男朋友去食，一人叫左一份定食＋半隻原味炸雞，味道一般！最慘系服務員態度好差，擺明系比面色你睇，已經收左服務費啦，仲想人比貼士！喂大佬，連斟被水都要自己拎隻杯去斟，點比你貼士啊！

經常食仁沙洞既我.依一年轉左menu 之後.(3-4人)燒肉既set貴左好多(雖然肉既量多左)但再唔係好似以前噤抵食冇左個餐湯(牛肉湯).最嬲既係生菜!以前係免費提供.依家變左hkd 40一蘿(大約十塊)唔太合理!最緊要係員工態度唔好.勁趕住收工噤！P.S 午餐會抵食d 大約40(連餐湯)

之前食過一次感覺麻麻，今日黎開土瓜灣諗唔到食咩就再一次行入呢間鋪頭。除左晚飯呢度仲有韓式燒肉，上次食既係燒肉但覺得麻麻，今次就挑戰佢地既晚飯。韓式飯卷🐟完全食唔出有魚既味道，感覺好似食緊普通既壽司飯卷一樣，味道好一般囉。😟泡菜煎餅原本對呢個泡菜煎餅抱好期待既心情，但食落好冇驚喜之餘入面既泡菜仲好酸，成個感覺好奇怪！😥韓式牛肉🐂飯牛肉煮得太熟喇而且冇咩牛味，幸好有少少汁令到牛肉食落冇咁干身。整體味道一般。食完真係好後悔點解自己會心軟比多次機會佢😩😩😩 食物好一般但竟然都有好多食評。🤔唔會再冇下次...

心癢癢想食韓國野，就會到屋企附近間韓國餐廳。最鍾意食豆腐湯鍋，呢度個豆腐湯鍋好足料，唔止有豆腐，仲有蜆肉、魷魚、翠玉瓜同洋蔥，仲打左隻蛋落去，蛋味香濃，又夠辣，成個鍋夾埋好岩我口味。前菜都幾好味架，不過餐廳就越來越貴，食既人都冇以前咁多

店名：仁沙洞地址：土瓜灣土瓜灣道335號偉恆昌新村好味指數：8/10價錢：金槍魚紫菜包飯$25菜肉炒年糕$58豆腐窩$78五花肉窩$128呢間韓國店都算幾正宗，好夠辣，好足料，值得去食！Side dishes kimchi好味！年糕略嫌個汁太稀。五花肉熱食一流，加塊生菜包住黎食好味又夠辣，但凍左食味道就偏甜。壽司一般般，唔係話特別好食。豆腐窩配料好多，味道辣而濃，不錯！ 

放平日假，難得可在家附近吃午餐。店子開了好幾年，是很大眾化及街坊的韓國食店。時不時會幫趁。平時韓食都是石頭飯、烤肉飯，難得餐牌上有咖哩豬扒可選，好奇想知道韓式咖哩有甚麼不同。午餐大約五十元上下。跟餐有泡菜、湯。看上去跟日式分別不大。但咖哩的味道不算強，沒日式那麼甜，而辣味很溫和。豬扒也炸得開脆，整體不過不失。我喜歡的一點，是配菜像薯仔、甘筍等很多。但這店子還是傳統韓食較出色。

細細個就嚟食仁沙洞，到咗今日，韓國餐廳已經開到周圍都係。再次黎食都仍然係好好味，炸雞外面有甜辣醬，但仍然脆口，部隊鍋非常足料，熱辣辣，食完仲可以叫佢炒飯添。紫菜包飯亦都係好足料，大大條，每人都食到幾舊。泡菜炒飯雖然唔係太乾身，但泡菜味濃，酸辣好食。

剛從韓國回港，家人提議食韓國菜，五人同行，都奉陪一下吧。  㸃了牛肋骨湯套餐，連飯加泡菜，湯裏放了點粉絲，味道一般，牛肋骨味道稍嫌太酥。 雜菜炒粉絲，蔬菜份量足，值得讚的是完全不油膩。  由於太想吃炸雞，所以兩款都想品嚐一下。  原味炸雞，脆漿雖不厚，但太多，所以賣相一點也不像韓式炸雞，味道還可，鷄肉有肉汁。 辣味炸雞，辣醬味道總尚有韓式感覺。  豆腐泡菜豬肉，用的是充滿嚼勁的豆腐，口感充實，泡菜味道正宗，但豬肉份量稍為不足。  蒸五花腩，滿滿的一盤，配以豆板醬同咸蝦醬，生蒜同辣椒，另上一碟生菜用來包肉，豬肉有可能切好放得太耐先上碟，肉面有點涷同硬，（因為㸃菜過多，打包了一點五花腩回家，泡麵後放入麵上浸熱了，反而味道出來了，咸味同豬肉味都有了）。  另外，每個餸菜都附送小菜，如豆芽，泡菜（味道不夠濃郁），煎蛋卷，炆薯仔（夠林,味道討好） 總括而言，餸菜份量充足，味道不錯，但如果希望吃的是韓國菜的蒜味，辣味，蔴油味，濃味，一定覺得不足。

服務態度好差 特別係個韓國人老細 買外賣個時無仼何收據 到拎餐個時發現佢俾少左一個飯 同番個老細講 佢可以話無收過錢 仲口upup好似講粗口咁 完全無想像過竟然會發生咁既事 雖然有cctv可以睇番 但係已經成肚氣唔想同佢嘈 一百幾十我當跌左 但係我以後唔會再食而於食物味道不過不失 但態度會影響食慾