仙葉

營業中

休息中

之前食過晚市堂食係唔錯嘅，由於中午食飯時間太多人，所以選擇咗OpenRice外賣自取。唔知係咪用app落單低人一等，個豬頸肉好臭豬蘇味，未食過咁嘅味豬頸肉有怪味都唔係咩大問題，可能台灣嗰啲真係咁嘅味呢？但嗰日食完3-4點就開始肚唔舒服，咕嚕咕嚕咁，之後仲痾咗2次本身無食開呢間嘢，一食就出事，肯定係佢有問題，真係傷心，肚痛肚痾到依加，都唔知幾時先好！科學園都已經無乜好食嫁啦，都唔知有無粥食添！您仲要整啲咁嘅嘢我嘆，您叫我黎緊呢星期食乜

又嚟到科學園12W搵嘢食🤣今次嚟試呢間台灣野～餐牌選擇都唔少 飯麵小食應有盡有仲有甜品台式飲品～另外佢都有個牌係列左幾款小菜套餐座位就可以揀店內同店外店內位置唔係好多 地板同餐桌都有啲跣🥶店外就係梳化位都幾chill 不過食完要記得收個個餐盤入店內😋我就叫左個雞扒肉燥飯份量都幾多！肉燥汁都夠撈飯雞扒外皮幾酥脆 肉質都嫩滑👍🏻入面都有啲菜 豆腐 滷蛋做配菜好滿足😋😋每叫一個飯麵都可以加$12配個小食我地就加左兩款 份量唔多都係一小碟咁一份醉雞卷有三件 雞幾嫩滑 👍🏻酒味有嘅但感覺偏淡 層次唔夠 但都不錯嘅皮蛋豆腐就比較有驚喜🤩凍豆腐有四片 都好滑 配埋個汁幾好食！————————————————————————總結食物質素不錯 份量都幾多👍🏻特別係啲雞好嫩滑！不過啲枱同地板黏住都有啲唔舒服如果清潔多啲就好了

I am a resident of Science park and this is walking distance for me! I have only ever tried the nodded and fried chicken but both are delicious! My family would eat the rice and other side dishes and they also say it is delicious. The desserts and drinks they have are very Taiwanese and I recommend the Matcha brown sugar bubble tea The service is also great as there is a worker there that always tends to tables and ask if you are satisfied.

餐廳坐位唔多，lunch time 時間排長龍叫左一款肉燥飯一款牛肉面肉燥飯嘅份量好多，肉燥好大粒，醬汁足夠撈晒成碗飯有如另外嗰款牛肉面， 湯頭冇乜特別，牛肉軟淋，面有少少彈性。加左2個小食，肉鬆蛋餅同炸咸蛋雞翼前者蛋餅可以唔使再食， 蛋皮鬆散，冇蛋香入邊嘅餡料極少後者鹹蛋雞翼Ok ， 熱辣辣好有鹹蛋香，炸得香脆如果唔洗排隊又突然想食台灣野過口癮係可以一試既

#科學園 #台式飲品科學園附近多左好多新樓盤，過黎探朋友兼house warming科學園有泊車優惠，但完全唔知有咩買，行行吓就見到呢間coffee shop🧋芝士奶蓋四季春 $32外賣由於唔多人，唔係等好耐就有味道正常，奶蓋濃厚度都ok.呢度既環境唔錯，近窗果邊都有唔少位置可坐，靜靜地好休閑既感覺味道: ❤️❤️❤️賣相: 🌸🌸🌸環境: 🎪🎪🎪🎪服務: 👍🏻👍🏻👍🏻..............................價錢: 💸人均消費~$32🏷 仙葉 i.teeea📪 科學園17W 一樓======================#foodreview_junjunjunko#junjunscore7.5/10

估唔到今次輪到我出事， 之前買過幾次都冇問題， 但有同事已經提醒我 外賣會送漏食物，一個同事叫沙嗲牛肉麵冇牛肉， 另一個同事叫雞扒麵就冇雞扒， 要包返好拎落去換 , 好彩近近地就話啫， 遠概話 , 行去換都要時間丫， 唔洗開工咩，今次我仲慘 , 出小野加出錯野 , 叫五香肉丁麵 冇五香肉丁， 腸仔抄蛋變煙肉抄蛋 , 唔通次次叫外賣都要 check 清楚有冇錯先好拎走 , 十分失望，難道外賣就不用檢查清楚就俾食客？ 食物普普通通， 叫沙嗲面肉丁麵 個湯底都係醬油湯底

應該疫症關係，人流比較少，餐廳只有我和男朋友。因為我唔太舒服冇咩胃口，我哋兩個點左一個豬頸肉湯麵套餐。湯麵嘅口感都唔錯，都幾煙銀，豬頸肉有叉燒嘅感覺，佢仲有幾舊紅燒豆腐，其實都幾飽肚一個人食嘅話。但本身去都係想點蕃茄湯，但竟然冇蕃茄湯，有點失望。另外飲品係是日果茶：巨峰提子，都幾好飲，唔會話太甜。個set包兩份小食，都係set好咗冇得揀嘅，佢就送咗兩條腸仔同埋麻辣雲耳，我就唔食腸仔嘅，雲耳都幾好食，有譚仔麻辣嘅感覺。整體上都唔錯，環境都算乾淨，企理，會再encore。👍🏽

🍜醬燒豬頸肉湯麵🍅蕃茄濃湯 $65🍜手工台灣麵☕️是日果茶.蕃茄湯底都幾好飲🤤豬頸肉就係普通嘅豬頸肉🤣唔會太硬太乾除左豬頸肉之外都比左幾款配菜蘿蔔同豆卜吸左湯底都幾好食🤩果茶係幾意外地好飲👍可能口味清淡啲嘅會覺得微甜不過有少少唔環保如果佢每個樽就咁扔落垃圾桶的話🤔聽講咖喱都幾好食下次有機會再試😋

今日因為工作關係來到科學園，呢到本身唔多野食，好彩比我搵到間都算吸引的餐廳叫左個秘製咖喱豬扒飯$58，配時令水果茶都算幾多汁同多豬扒，豬扒好軟腍，咖哩汁都好味。水果茶就唔太知係咩生果，不過都好飲，個細樽仔又幾得意

味道: 5/5有芋圓糖水，特飲，蛋糕，果冰，手作牛肉湯麵，小食等等，麻雀雖小，五臟俱全🐥從食物中可以感受到厨師烹調的細心，以咁樣嘅食物質素絶對可以對得起呢個親民價錢。環境：5/5裝修摩登得嚟令人感到舒服，每個角落都有精心擺設，就連塊帘都印有佢哋logo,睇得出老闆好有心機。服務: n/a全自助式的服務，都好難comment, 但係埶枱好快囉。衛生: 5/5可能係因為新裝修，好乾淨舒適，坐到唔想走。疫情下見餐廳都有做足曬防疫措施，每張枱都有板相陣而且寫有本店已徹底消毒，感覺食得好安心。性價比: 4/5唔想俾太高，因為驚老闆見到comment加價🤣🤣🤣

上次食到舊生雞肉 今次食到舊生既牛肉 如果少少生 我都算。因為牛肉生少少我接受到的。但可惜 舊牛肉超過70%都係生既。第一個餐牌冇講到話係生牛肉。第二 已經唔係第一次食到生既肉。上次食生雞肉已經好過分。本身諗住只係一次半次 俾多次機會你，但估唔到真係有第二次！！真係想問下佢個廚房 整熟d食物有幾難呢？ 對食肆黎講 應該係基本野啦 係咪。你宜家唔係做日式刺身喎。有鑒於事態頗為嚴重，會影響食客健康，我決定寫完呢篇文去食環處投訴！

環境好chillLunchtime超爆 可以坐出店外 都好舒服坐低飲杯嘢吹下水都可以spend到一日食左個lunch無骨雞湯麵 花雕酒味較重 啱哂我口味👍🏻👍🏻朋友食左個鹽酥雞扒飯 淨係塊雞扒都大過我塊面 店員推介嘅 話最多人食但朋友都話好正黑糖珍珠奶茶同個糖水都無得彈飲完杯奶茶真係飽到行唔郁已經成為我近期最喜愛餐廳✌️Menu太多選擇 幾時先試得完😄😄環境好chillLunchtime超爆 可以坐出店外 都好舒服坐低飲杯嘢吹下水都可以spend到一日食左個lunch無骨雞湯麵 花雕酒味較重 啱哂我口味👍🏻👍🏻朋友食左個鹽酥雞扒飯 淨係塊雞扒都大過我塊面 店員推介嘅 話最多人食但朋友都話好正黑糖珍珠奶茶同個糖水都無得彈飲完杯奶茶真係飽到行唔郁已經成為我近期最喜愛餐廳✌️Menu太多選擇 幾時先試得完😄😄

講真幫襯過好多次，食物都Okay, 係科學園黎講算價錢相宜。只可惜今次食到生既食物就令我扣晒分。好在3舊雞扒入面只有一舊係生既。服務員都有道歉。否則我會要求退款，再者 如果我有唔舒服都會追究的。希望唔會有下次啦⋯