影片
港鐵深水埗站 D2 出口, 步行約6分鐘
繼續閱讀
電話號碼
59930067
開飯介紹
由藍帶西廚、知名法餐餅廚二人主理，以及知深pastry chef協助，炮製各款西式菜餚及自家製甜點，如慢煮牛小排、班戟等。
繼續閱讀
營業時間
今日營業
全日休息
星期一至五
12:00 - 16:30
18:00 - 20:30
星期六
12:00 - 16:00
星期日
全日休息
以上資料只供參考, 請與餐廳確認詳情
-
網上訂座服務暫停
招牌菜
呢一間Coffee Shop除咗杯咖啡唔錯之外，佢D Cake其實先至係焦點。好似我今日叫咗嘅呢個青蘋果蛋糕。外形真係好似成個青蘋果咁樣，其實入面就係Matcha Mousse，再加D Raspberry。酸酸地吊返個味，令到成件青蘋果蛋糕嘅味變得酸甜適中，口味偏向清爽型，食咗唔會覺得好滯。佢呢度嘅咖啡都唔錯，不過話晒係一間Coffee Shop，所以杯咖啡好飲係應份嘅。呢間餐廳雖然唔係好大間，不過勝在靜靜地幾好坐。
繼續閱讀
係網上睇見有人大推呢間餐廳既蛋糕，又咁岩有我鍾意既開心果口味，緊係要搵時間嚟試試佢啦☺️揀咗日星期五下晝嚟呢度試lunch，唔知平時繁唔繁忙，不過我哋錯開咗lunch hour，所以一到步就有位。👍嗌咗兩個lunch set，美式咖啡再加兩件蛋糕。是日餐湯係蘑菇湯，我覺得佢個蘑菇湯好好飲，有啲餐廳既蘑菇湯感覺上係好多蘑菇碎，但融入唔到個湯入面，但呢間整得好好。兩款意粉分別係：慢煮三文魚檸檬汁扁意粉明太子蟹肉蟹籽扁意粉一件好厚肉嘅三文魚，外皮再用火槍燒過，幾香脆不過最特別嘅係佢嘅意粉有好香嘅檸檬味，好清新。明太子蟹肉蟹籽意粉幾好食，蟹肉唔腥，不過食到後面都會感覺有少少漏，係呢個時候再食一啖檸檬汁意粉就感覺超fresh。開心果軟心慕絲蛋糕+開心果芝士蛋糕兩款蛋糕食落唔重開心果味，不過都好好食，特別係開心果軟心，入面係朱古力不過唔係好甜，總括黎講我覺得蛋糕比意粉出色😆店舖仲有兩隻可愛既貓貓❤️
繼續閱讀
無諗過深水埗呢D咁地道嘅地區食得到咁高質素嘅意粉，雖然Set Lunch嘅價錢上喺深水埗區黎講算係比較高，不過食過之後，無論喺材料同食物味道上面都係物超所值嘅，推介比D對食物有要求嘅朋友黎試吓。呢碟係明太子蟹肉蟹籽扁意粉，賣相靚之餘佢D食材都新鮮美味，就以佢D蟹肉為例，食落去食到一梳一梳嘅蟹肉，而唔係外間成日食到嘅科學合成蟹肉。加埋蟹籽喺上面一邊食一邊就會有咬爆蟹籽嘅口感，正。另一款意粉我地揀咗蒜香橄欖油紅蝦扁意粉，大廚所用嘅蝦新鮮，肉質彈牙，另外佢個意粉汁都好香，配埋蒜片同橄欖油食落就好Fresh。飲埋呢度嘅咖啡就係Perfect。
繼續閱讀
同個friend喺深水埗黃金商場睇完電腦之後佢忽然之間話想飲返杯咖啡，上openrice search附近嘅coffee shop就見到呢一間小店，行過去大概七至八分鐘左右，地點有少少隔涉，不過就係因為咁所以可以靜靜地傾下偈，環境唔錯咖啡都好飲，我哋叫咗一杯Matcha Latte，另一杯就係Flat White，兩杯嘅味道都唔錯，尤其是我杯Flat White，奶同埋咖啡嘅份量都好balance。Matcha Latte Flat White
繼續閱讀
已經食過無數次 終於忍唔住要為呢間野寫人生第一個食評了！ 我一向都好鍾意發掘hidden gem, 但都有啲怕試新野會好伏，加上而家openrice好多假食評，所以我每次試新野都會有啲猶豫。但事緣幾個月前第一次假日午餐時間（本來想去素年但未開，跟住經過見到呢間小店裝修幾唔錯，又有可愛貓咪，就入左去試左，超驚喜，從此，就不斷回頭入坑了！🤣🤣 不論係甜品定主食，都真心好好味！！今晚第一次試晚餐，好驚艷。好好食。好耐無食過性價比咁高嘅西餐。今晚同老公兩個人試左三個主菜（乳豬、羊腩、青口意粉），再加三件蛋糕（檸檬撻、朱古力撻、New York Cheesecake）🤣🤣 肥死！全部都好好味，大家有機會全部都要試😂😂😂味道就係高級、有層次、有心思、令人有胃口嘅味道，好過好多過港島區中環區甚至某啲酒店收貴一倍嘅西餐（貴野食唔少，明就明，唔明就唔明😂😅）。好欣賞阿廚同Stephanie嘅執著同用心，做飲食就係要有要求。本來想私藏，但實在覺得小店值得更多人認識同支持（佢地本身就係有好多高級餐廳經驗）。加油！！🫶🫶🫶😭
繼續閱讀
您可能會有興趣的...