任我點‧掂 (已結業)

按完摩行到過黎葵廣啲芋圓硬到似像皮膠 又粉其他野野就一次過雜撈入去 全部啲味都未撈暈 好似耶果就少少酸 愛玉凍就無味紅豆撈埋就得“糖”水味真係唔太識欣賞 食左葵廣幾樣咸食都ok 最後就食到個伏食到又頂胃又難食

鍾意食芋丸地瓜丸清心丸紫薯丸 總之係鍾意食煙韌野嘅朋友！一定要黎試吓👍依一間食芋圓既糖水店係我食過最滿意嘅一間！我同朋友叫咗個任我點 自由配既糖水 糖水底係椰汁西米露 配芋丸地瓜丸 再額外加清心丸😋$36 首先講吓個椰汁西米露 佢唔會太甜 甜度剛剛好 而丸類份量都好多 而且好大粒 好煙韌 每款都大約有五六粒 食完嘢過嚟食返碗糖水 兩個人食都可以好飽👍清心丸會再煙韌啲 但整體三款都好好食❤️芋丸食得出好濃嘅芋頭味 依間自家製嘅糖水店 真係好足料 好新鮮 而且賣完係即止 好彩上次試到佢嘅清心丸 ☺️😋好滿足呀！下次會再食

本人對芋圓有一種鐘情來葵涌廣場掃街, 一定唔使怕肚餓食街一條又一條. 今次就試試呢間手工芋圓因為掃街既關係, 想食細份d選了一份仙草, 再加芋圓, 誠惠$26仙草芋圓加了花奶和棷奶最後還是一碗滿滿的但因仙草好味，最後都有食晒仙草滑滑可以加多少少糖水手工芋圓尺寸可以做細三分之一咁就可以一口一粒, 剛剛好. 芋圓味道, 即芋頭味道一般芋圓有咬口, 但可以軟一點整體滿意！下次會再來試大滿足的仙草芋圓，紫薯圓和蕃薯🍠圓。

葵涌廣場一向出名多小食店，不過轉手都轉得幾快，冇黎幾個月原本買手卷嘅鋪頭已經變咗賣芋圓，不過正合我心意，未食正餐前先來個甜點三色芋圓·愛玉凍店舖強調用嘅係手工芋圓，食開芋圓嘅都知手工製造嘅會比機打嘅Q彈，亦會食到絲絲芋頭絲同蕃薯絲，所以都好期待芋圓份量好多，望落都大大粒。點知試完真係好失望口感基本上冇乜問題，都幾彈牙，可惜味道真係麻麻，完全冇芋頭同蕃薯味，話係三色芋圓但淨係見到兩色...越食越覺得似咬緊像皮膠，係有糖水一齊食嘅像皮膠，好彩愛玉底正常，如果唔係就仲失望

難得週末黎到葵涌廣場，當然要留肚食哩度嘅小食店。無黎一排有好幾間已經換左手，食物嘅種類都比以前多，見到角落位嘅哩間芋圓店好多人排隊，一於試試佢。三色芋圓·愛玉凍聲稱係用手工芋圓，望落大大粒，顏色都幾鮮艷，心諗應該唔會伏啦。點知試完之後真係有啲失望。口感係幾煙un，但味道方面真係食唔出有蕃薯或者芋頭味，連埋糖水食都好似咬緊像皮膠咁，同我印象中嘅手工芋圓有點出入......整體黎講份量係幾大兜，糖水底嘅愛玉唔錯，只係既然係專賣芋圓，個主角就真係好遜色喇😪

呢間店主打芋圓同手抓餅 唔算太多人介紹過💁🏻‍♀️ 佢嘅「雙重芝士滑蛋手抓餅」($28) 即叫即整 手抓餅香脆 芝士用左車打同拉絲芝士 味道唔錯 (其實芝蛋一定好食🤪) 可惜太細份 🐰小編唔夠喉啊！😭-The signature foods of this shop are the taro balls and the flaky scallion pancake💁🏻‍♀️. Just a few foodies have introduced this shop before. The flaky scallion pancake with double cheese and scrambled eggs ($28) is made immediately after order. It is flaky and crispy. Cheddar cheese and stringy cheese are used. It is yummy! (Scrambled egg with cheese is always good🤪). However, the portion is too s

👭任我點。掂(葵芳)👭點點王子 $36係葵廣咁多店鋪既選擇下，38就去試呢間有得食芋圓既甜品店😍38見到茶單上面咁多款式揀，選擇困難症都出埋黎，最後叫左個包羅萬有既<點點王子>。呢款甜品有仙草凍，芋圓，地瓜圓，原味麻糬，寒天，薏米。落單時店員有問我地要唔要椰漿同淡奶，為食既38緊係要埋啦🤭整體料超足，又附有香濃既椰漿味。芋圓係手工做既，大大粒又煙韌，可惜味道偏淡，但整體性價比都算高👍推薦度：7/10🏠葵芳葵富路7號葵涌廣場2樓2026號舖

再黎到葵廣掃街子，今次食飽鹹食就食甜品，大大話都係葵廣都食過幾間芋圓，今次食呢一間終終係一間有質素嘅芋圓 😛-#芋圓地瓜圓麻糬愛玉凍 $34，唔好睇佢價錢好似出面堂食一樣咁嘅價，佢有嘅係質素再加份量，呢到嘅芋圓其實可以自由配搭，仲有好多唔同配料可以揀，例如仲有紫米露、仙草凍、椰汁西米露等等做底，配料有齊台灣特色嘅地瓜圓、紫薯圓、清心丸、大西米、寒天等等 😈-而我就揀同出面唔同啲嘅麻糬同愛玉凍做底，愛玉就似白色嘅仙草咁，口感似滑嘅啫喱！而配料三樣我都揀哂煙韌嘅嘢，麻糬、地瓜圓、芋圓，麻糬就當然係有咬口，主講芋圓同地瓜圓口感都幾煙韌，芋頭同蕃薯味都有，如果再出味啲就更加正，個人認為有中上水平，而且份量直頭係二人份，抵食，可以去馬 😛-任我點．掂葵芳葵涌廣場 2 樓 2026 號鋪

鍾意食芋圓嘅人應該都有見過葵廣呢間手工芋圓！見佢宣傳全天然手工造成就試咗佢🙈 佢有三種味道嘅芋圓，仲有多款配料！雖然係手工製但味道偏淡！可能是因為是全天然的關係吧🤷🏻‍♀️ 口感不錯，可能有啲唔夠「煙銀」🙈 鍾意甜啲嘅話呢個未必係你嘅菜🥺

看見IG有人介紹，吃完很多小食後，便決定來到這裏作為最後的飯後甜品。因為港🐷非常喜歡吃所有煙銀的產品，所以滿心期待，因為這裏出名的是手工芋圓。但是嘗試後真的有點失望。雖然這間芋圓的形狀，以我所知是經由店主經過多番嘗試，而決定最好吃的選擇。但吃後不論口感以及味道並沒有覺得有什麼特別。

自從搬離葵涌區後，已經好耐冇嚟葵涌廣場食野，之前有睇報導介紹過，今日就黎試試【任我點•掂】未去之前已經比佢d手工芋圓吸引咗，加上有少少選擇困難症，又加上第1次食乜刀未試過，就點個【點點公主】試下咩籠了！店員問： 需要加椰漿和花奶嗎？本身我唔太like就冇加了！(事後諗諗其實加左應該會香滑好多)首先芋圓在我黎講唔算太有味道，但好煙un, 有咬口，因為佢本身個糖水好出，(我估係黑糖) 太搶味，所以食唔到芋圓味，反而紅豆幾喜歡，唔太死甜，比起芋圓我會更喜愛紫薯圓，濃味好多，唔錯！另外愛玉凍，椰果和大西米都不過不失， 唯一美中不足係唔記得加清心丸最後店員比左張卡仔，滿34蚊有1個印仔

之前黎葵廣有食過間芋圓麻麻地，今次行過見到呢間任我點·掂。店員話芋圓地瓜圓紫薯圓清心丸都係自家制，唔係機造，就咁聽已經加左小小分我就揀左個A+B+C($34)配搭，A:仙草凍B:地瓜圓紫薯圓C:紅豆另外加左份清心丸($6)老實講，我呢個配搭就好小出事同時佢又俾到驚喜我啵仙草凍係花奶同小小甜嘅糖漿嘅襯托下，味道突出之餘又滑地瓜圓、紫薯圓、清心丸全部人手搓，地瓜圓、紫薯圓有淡淡蕃薯紫薯香，清心丸個口感十足，煙煙unun。質地就當然不及台北九份個隻啦，但已經係我係葵廣食過最好味嘅，過下口癮都唔錯！撈埋啲紅豆一齊食，又升左一個LEVEL最後，想講返佢份量都唔小，所以$40又唔算好貴，經過嘅話值得一試

味道係OK既, 芋圓夠煙韌. 個仙草凍, 即係涼粉, 做法幾特別, 香港食開既涼粉係一粒粒,佢既形狀係似豆腐花, 一片片咁, 同埋質地無咁杰. 比較易入口. 2樣野都係好食.價錢黎講比較高, KEEP住係呢個價唔會再買,2種顏色要$30, 3種要$36, 相信2種同3種份量係一樣, 一碗要$36但無得堂食其實都幾貴下,因為有得堂食既店都係差唔多價錢.另外鋪頭送左4個代幣, 係用黎夾公仔, 係隔離鋪有得夾, D公仔款色都OK既, 呢樣野幾新奇

平時都唔打食評，今次打係有原因下文分解😂😂😂最近葵廣多左幾間賣芋圓試過幾間都係呢間最岩口味果然係一分錢一分貨食得出真係手搓既芋圓好煙韌好香芋頭地瓜味仲有清心丸超正值得一提(就係我講既原因點解會打呢篇食評)同老闆娘吹開水佢地原來係堅持每日新鮮搓一日瞓得幾個鐘😅就係為左食物既質素佢地份堅持令我更加好想打呢篇食評去支持下呢間小店💪💪依家香港地真係買少見少仲有咁 heart 既店舖絕對會再食既一間手工芋圓

點名叫任我點，原來是因為任何配料，都可以自己揀。又或者佢有建議的特色配搭我揀咗弱肉強食手抓餅，手抓餅的水準當然沒有台灣那麼好吃，但是青芥末醬頗為新鮮，小店嘗試值得支持！😋😋