伝説のすた丼屋

營業中

休息中

行過東港城諗住求其搵啲嘢食下，經過見到一間食丼飯，價錢望落又唔係太貴就入去試下。原本都唔係話好大期望，只係諗醫食啲嘢醫肚。叫咗個自選下午茶餐，個餐包括牛肉丼SS、唐揚炸雞2件、汽水管加5蚊)，埋單一人53蚊。牛肉丼SS牛肉丼SS係指迷你版，事實上都唔算太細，牛肉鮮嫩多汁，而飯望落好似就咁白飯，但都有汁，只係比其他公司嘅牛肉飯淡味啲，如果要講唔好嘅地方，就係個汁偏油。唐揚炸雞2件唐揚炸雞相信係我食過嘅日式炸雞最好食嘅一間，佢一啲都唔肥，外皮夠脆，雞肉嘅肉質鮮嫩，冇因為高溫炸過後變得好「柴」，同埋冇果陣臭雪味。炸餃子3件我哋叫咗兩個set，其中一個set嘅小食叫咗炸餃子，上枱果下打咗個突，個外表真係有啲肉酸，心諗一定唔好食。雖然佢外表同內涵都係一般，但值得一讚嘅係，佢冇一般日式店嘅餃子果陣臭碗布味，外皮炸得亦夠脆，只係唔知入面嘅係咩餡，總算合格。餐牌綜合價錢、食物質素、店內環境我覺得都唔錯，久唔久一餐都可以接受。

東港城周圍餐廳都太多人，但又想食少少野，就去左呢間食下午茶，$48 一個飯+一款小食 冇+1一開始黎既係餃子，雖然菜同肉唔多，但餃子味道比好多日式餐廳既都好食，其他餐廳既好多時會有雪味….牛肉飯望落冇咩汁 但其實搞勻後好夠味 濕度岩岩好 但覺得太油 味道唔錯 👍炸雞！ 必食！！ 呢度既炸雞冇肥冇咩雞皮咁 岩我鍾意食瘦既人！ 可以話係咁多間日式餐廳最岩我食既一間 一定要試！總括來講 食物好夠熱 食既時候小心 味道比想像中好🥰

喺外賣平台見到新餐廳諗住試吓，睇吓會唔會係同區眾多食燒肉或者牛肉飯之中脫穎而出。份量都上叫做足夠，但價錢絕對唔係平。食完發覺牛肉冇日本過嚟嗰間咁好食，汁又唔係特別突出嘅味道。味道較淡，相信喜歡健康人士都可以係一個選擇。但就絕對做唔到日本一半嘅質素。如果佢對手係同區其他牛飯，咁佢應該好快會被淘汰。如果同區有得選擇都只會揀返日本過嚟嗰間，暫時可能因為新開未熟手定點質素的確就麻麻，希望如果餐廳係有心做嘅話就改良下自己啲食材同埋配方，令到自己競爭力提高。

新開就行入去試下, 不過一次就夠 食物 : 生薑豚肉定食 $80 - 定食包泡菜/前菜(菠菜)/飲品或湯, 另外加$12要咗一隻温泉蛋, 碟豚肉來到時見到份量咁少, 立即叫職員問問, 她說是因為不夠細碟, 用了大碟裝才會覺得少, 其實是正常份量, 既然你說是正常, 我也沒有辦法只好繼續食, 整體味道普通 和風牛肉烏冬 $58 ~ 等咗一輪, 終於見到牛肉烏冬, 原來用咗細碟感覺真的差很遠, 但碟內有三分一是芋粉, 牛肉比較碎, 有D嚡, 烏冬比較淋, 唔彈牙, 整體味道普通 環境 : 新店裝修乾淨舒服 服務 : 職員有態度, 但經理不斷在鬧人, 令人食得唔自在 費用 : $138 (無服務費)

明明我對食物唔高要求但係呢一間真係太難食🥺🥺🥺我今晚同屋企人食飯，嗌咗鰻魚牛舌飯同埋香蔥伝說飯。牛舌淡而無味、好薄好乾。鰻魚又係勁薄。伝說飯d豬肉又係無味。飯不是日本珍珠米，好硬。啲蔥係中式嘅生蔥，無煮過咁。所有野一食就知道係好cheap嘅食材😮‍💨但係賣到$80-$100一碗，價錢和食物質素不成正比。其實將軍澳人好鍾意食日本嘢，呢一間實在太太太太差，令人非常失望。😑😑😑東港城咁多食肆，好多都唔差，如果唔改進，一定好快執笠。一定冇下次🙂‍↕️🙂‍↕️

見佢晚餐時間幾多人就同朋友入左去試，餐廳客人數量少所以服務幾好，幾次見到冇曬水都即刻斟，點左一個普通烏冬同一個牛岩鹽燒肉定食，烏冬除左冧咗啲之外，食得飽冇乜特別，個牛岩鹽燒肉真係不得了，咸到一塊肉食幾啖飯，個餐仲送一碟菜仔，又係咸到想一盆水沖落去，我諗就算放係日本重口味啲既地方賣都應該搞唔掂。價錢方面日本野晚餐黎講算平，但真係要帶住重口味既心入去食，個晚都聽到其他客人講自己既餐好咸。

第一次食呢間東港城分店, 炸雞尚算可以接受, 牛肉丼溫度唔熱只係微暖, 牛肉超硬又多根, 根本咬唔開, 更加唔駛講味道, 收咁嘅價錢低質素柴皮牛肉, 仲差過吉野家, 一定無下次

昨晚點了一份中份的傳說牛丼，牛肉炒得很香，質素不錯，讓人印象深刻。然而，今天中午再點了一份88元的大份傳說牛丼，與家人一同享用時，體驗卻大相徑庭。牛肉的處理方式似乎只是用熱水煮熟，肉質粗糙且偏硬，完全失去了應有的口感，十分難以下咽。整體味道甚至不如連鎖品牌如吉野家，令人非常失望。我們最終只吃了一半，剩下的實在無法繼續，既浪費了金錢，也浪費了食物。這樣的品質不僅讓人覺得不值得，也影響了對店家的信任與期待。希望店家能儘快檢討與改善，或許是不同廚師手法差異所致，但穩定的品質才是贏得顧客支持的關鍵。