何時 • 河地 (已結業)

始終未係好敢去商場環境侷促嘅餐廳更令我卻步帶住bb都係親親大自然曬曬太陽比較放心坐uber入嚟司機聲稱google map條路唔啱要花點心思先搵到路啊落咗車我先意識到哩度係河上鄉曾幾何時踩單車入過嚟當然嗰時比較荒蕪而家有人用心經營一個聚腳點感覺好開心天氣實在太熱先嚟杯紅豆冰+黑森林行咗一圈映下相是日唔算多人但有單車友同用心打扮嚟映相嘅少女們天晴非常曬大部份枱都有太陽傘但真係熱得過份☀️躲返去入面坐半戶外位舒服得多仲有個波希米亞風千秋bb都玩得不亦樂乎再一嘗有機蒲公英花茶值得一讚店員都好好借咗支蚊怕水比我喺哩度悠閑地坐咗大半個下午雖然食物只係不過不失但環境就令人好放鬆花花草草都種得好靚小河也有魚成個環境好organic要同千千萬萬幾乎差不多裝修嘅打卡cafe比我更喜歡哩度嘅自然如果嘢食再好味d就一流啦其實餐廳仲有室內有冷氣位怕熱都係一個好選擇

難得疫情冇咁嚴峻 放假想去遠啲透下氣 一於嚟到呢間bookmark好耐嘅隱世cafe☺️ Google map search好似係見唔到呢間餐廳 我係喺openrice地點導航搵到個位 搭東鐵去到上水 A/D出口都可以去到上水廣場地下 就會見到個小巴站 係中間位置就係51K小巴 留意返51K小巴由上水開出嘅有兩個目的地 分別係河上鄉同羅湖懲教署 我哋係要去河上鄉先岩㗎😉上車之後司機會等齊人先開車 當日下午兩點左右去到 等咗大概十分鐘先開車 唔洗二十分鐘車程就到目的地<居石候公祠/河上鄉鄉公所>  落車之後向前行少少就會見到<河上鄉士多> 經過<河上鄉豆美味豆花團>入口行前多少少 就會見到終極目的地<何時·河地>啦😉😉 聞名不如見面 呢間cafe果然隱世 四周被樹林植物圍繞 中間有個湖 湖邊都係啲室外座位 比大家可以對住湖景食野 十分寫意🤗而且呢到寵物友善餐廳 見到都有唔少人帶埋愛犬嚟到打卡🐕餐廳出面係單車徑 都有好多單車客經過/入嚟食野補充體力🚲座位流轉率都好快 我哋到嘅時候都唔洗等位可以直入 中間都見到不斷有人食完離場/入

係個度等左成個鐘，食物啲味道認真麻麻，對唔住個價錢，服務態度又差，而且個度多蚊、烏蠅、蚊滋、蠓多到癲左，野蚊就係去喂蚊，仲有除非你坐到湖邊，否則唔好諗住有啲圖影嘅景。

今日帶2個小朋友去咗上水河上鄉「何時何地」露天餐廳，呢度環境優美，食物價錢中等，但十萬個不推介..😓首先叫左 coffee, 味道似奶水🤭之後等左大約50分鐘，食物都未到，問 waitress, 佢話今日多人，正常要等，其實無問題，但我哋發現有兩台遲過我哋黎既客人都食緊 (同我叫既食物一樣)，我再追問，佢都係答今日多人，要再等..再等多10分鐘，我叫的雞burger終於到，但包是凍的，另外薯條變左一個好硬既薯餅，我要求轉反薯條，點知..黎左下面呢碟..叫左老闆過嚟，睇下佢見到碟薯條咩感覺，點知..佢覺得無問題，仲問我哋有咩問題.. 問我係唔係錢嘅問題，想佢退錢.. 我同佢講唔係錢嘅問題，係食物質素問題，坦白講，食物唔算平，有基本要求是正常，但我對於呢位老闆既回應實在好失望，亦感到好可悲，一個無heart既老闆，只為錢..

今日踩完單車諗住tea下，見到有間cafe shop 咪去試下，都要排隊20分鐘,排隊都吾緊要，去買食物order特色牛肉飯又話無咪叫2個漢堡包，一等竟然等左50分鐘，買個時係配薯條，來到配薯餅，又吾同你講，之後又炸返薯條比你。$85元一個漢堡貴都吾緊要，係吾好食囉！完

初初以為只是一個偏遠地方估唔到可以坐低嘆杯茶吃過午餐仲有小食工作關係只能在紅日及假日回去每次回去也有一個特別的感覺服務員戰戰兢兢為了用最短時間把食物及飲品送到客人面前目測園區繁忙時間係12:00-16:00 自選限定蛋糕因應季節調整 老闆及老闆娘 什至出動到整個家庭成員 由園區內外打點 食物的準備功夫可真的很大就是為了給客人有更多選擇 假日時間園區吸引不少朋友到臨，還有一家大少帶同小狗的一個鄉郊地方突然之間讓更多人認識 更成為熱點 處處都是打卡位置高興能夠來到這裡不一樣的園區 希望大家珍惜這個地方

唔知係假期的關係定本身煮的方法問題，點解可以難食到咁？仲要咁貴？我覺得自己的廚藝好食好多😅— 蕃茄醬肉丸意粉 （餐牌寫店員推介）🤔😯 $83意粉又乾又硬又冇味，至於個蕃茄醬🤔🤔🧐🧐點解可以冇味到咁？🙄有少量芝士係面，肉丸就好似瑞典個隻囉。成個意粉差到😐😐我食左幾啖放棄了🧐（咁就盛惠83蚊）—椰汁涼粉紅豆冰 $38一d甜味都冇，😪麻煩加返少少糖水😐😐環境：打卡嗎？😶，附近多塵又有蚊仔🙁總括，no next time🧐PS : 我終於明白點解咁多人叫all day，最穩陣

山長水遠去到講真係為打卡，但去到個環境其實好污糟。超多蚊同埋超多烏蠅，惹蚊嘅你要三思，真係冇晒癮，好多人都係食完就嗱嗱臨走啦，嗰度幾池其實係好污糟！食物方便相當普通，溫度唔夠味亦淡。食咗個漢堡包set，漢堡包皮係淋，薯條都係淋。咖喱三寶係冇咖喱味嘅，嗰啲蛋糕係可以，但好明顯啲蛋糕都係外來買嘅。價錢亦都係偏貴！職員態度方面，非常惡劣。入去用安心出行已經好混亂，俾錢落單又係。最嬲嘅係，食完野去影相，佢走來話我哋冇幫襯但係入嚟影相，明明我哋就係俾晒錢食完嘢！啲職員完全唔認得啲客㗎，亂咁過嚟話人。真心我係比ig d 相昆左，唔會有下次！

認真抗疫所以好耐冇出門不過真係就來發Mo所以諗住去下啲少人嘅Cafe抖下氣之前喺IG已經見到呢間cafe係河側邊真係好chill但記得要帶蚊怕水！記得要帶蚊怕水！記得要帶蚊怕水！好重要！我同男朋友叫咗個All day bfast同雞翼shareAll day不過不失唔知點解我個腸仔係廚師腸我見人哋食評都係大肥腸可能賣晒掛...（88蚊食廚師腸唔係好抵🤣）雞翼都係正正常常 花茶都係正正常常 冇咩特別主要係環境加分～因為Cafe有得影相但就唔係真係話嘢食好好味到會再嚟但天氣好都值得入嚟Hea下

疫情令到我地出走多左郊外🤭但係邊個話郊外冇好野食呢？今次就帶大家黎到呢個何時河地～位於上水河上鄉@_@!呢個Cafe就係圍繞住一個小湖而建，如果好天黎會更加綺麗><☆☆交通☆☆到上水地鐵站之後出去上水站小巴總站轉乘51K，然後同司機講侯公祠有落～沿士多方向行落去3分鐘左右，見到有個紅屋子就係！～～～～～～～～～～～～～～～～～～～～♡ All-Day Breakfast $88 (8/10)All-day價錢唔貴，份量都頗多！黑松露炒蛋既松露味唔係好濃，個人幾鍾意～牛角包都頗鬆脆，腸仔就普通嗰種雞肉腸，煙肉，茄汁豆等等都合格沙律菜伴麻醬，食落都幾飽。☆ 涼粉奶茶 $28 (7.5/10)奶茶都係普通奶茶味啦，伴埋涼粉都唔錯既，但係唔算話特別。不過都唔係好甜，OK。● 石榴蘇打 $25 (9/10)我朋友叫的，但係佢話好好飲，就幫佢打九分啦。佢話石榴味幾真水果味，而且杯嘢又打卡，願意為呢杯嘢再黎喎 0.0～～～～～～～～～～～～～～～～～～～～● ● 提示 ● ● 1. 建議好天黎2. 第一眼見到可能會失望，但係坐左落去會發現好靚3. 記得借蚊怕水/著長褲！小編就算著左y

最近放假去咗一個幾世外桃源嘅地方非常之偏僻 喺上水再入環境非常之靚都好多打卡位🤩Cafe有提供意粉、小食、甜品等醫醫肚🤭不過係非常之多蚊😵‍💫-🌺環境周圍好多花草樹木🌲感覺好似去咗旅行咁！成個環境都好多打卡位Cafe中間仲有個湖影相都好靚🤩（最尾附上兩張）Cafe可以揀坐室內或者室外室內位置得三至四個🤭不過可以防止被太多蚊咬😵‍💫😵‍💫同時室內都影到好多靚相老闆都好好人咁問我哋要唔要蚊怕水不過我哋就噴完都比好多蚊咬😂🥢食物以呢個地方來講 食物選擇算多不過因為我哋食咗晏先入去所以去到淨係食咗個cake同花茶🌺件cake有啲膩 不過配埋花茶可以中和返少少🤏

✨打卡幾正✨.朋友帶我生日去cafe打卡，我哋去到上水廣場對出嘅搭51K小巴，大概10-15分鐘就到達，由落車到餐廳唔洗十分鐘❤️當日天氣好好，更顯得何時何地有世外桃源feel♥︎.我哋大概11點半去到，當時唔算好多人，亦坐到我哋想坐嘅室內座位～聽聞過坐户外勁多蚊，坐室內嘅我哋就冇特別比蚊咬😆呢間要黎打卡的確幾正⸜( ˶'ᵕ'˶)⸝但就唔好對食物太有期望.▫️雞扒包 $79個包味道正常，但薯條又幼又淋.▫️黑松露意粉 $79朋友點我冇試到🙈但見佢食剩幾多，仲有估唔到堂食都好似外賣咁.▫️秘製雞中翼 $49正常雞翼冇特別.▫️紫薯牛乳蛋糕 $3x呢個印象深刻，第一次食咁難食嘅蛋糕(頭盔：人人口味不同，唔啱我唔代表唔啱你），唔識點形容，口感有啲似發寶膠😹大伏.另外佢到個最igable嘅打卡位，其實冇咩人真係會係果個位到食野，大家都係去個到影陣相就離開，所以唔會黎到打唔到卡嘅情況發生😚btw果個位都幾多蚊下，亦都好曬，我哋好快影完好快走lu

疫情下留港當然要四圍搵地方覓食有日踩單車經過河上鄉見到有間新開既戶外cafe , 於時放假就渣車黎試試佢如踩單車由上水出發，其實20 分鐘都到行路45 分鐘內渣車就泊cafe 外路邊有d 爛地位，但唔多Cafe 環境，遠睇都ok 有d 角落係裝飾得幾靚側邊仲有水塘近睇個水塘就人工造既唔算好乾淨，但都好過南生圍戶外地方有蚊就一定佢都好好會四圍插蚊香驅蚊但由於附近一帶算新興建仲有工程坐路邊有車經過會塵土飛揚重點，食我個人都唔高要求，個日去諗住飲杯野食件蛋糕🍰 輕鬆下，cake 似出面買番黎，飲品可以沖得難飲真係好唔掂榛子慕絲 $39似係出面買番黎整好一批批個d 咁，好難食！即磨咖啡（凍）好難飲檸檬茶（凍）都可以係無味兼難飲，真係搞唔掂我叫左上面3 樣野用左$100 我唔會再黎，真係好唔掂，簡單一杯凍檸茶都可以難飲同我視察過，應該得上面張相個位係最靚影相位其他真係無咩特別

山長水遠由觀塘黎到上水 仲要再轉小巴入黎 真係當郊遊下😆又俾IG相既照騙呃到😂係有特色不過無想像中咁靚 湖側邊都係有車同好多人 野食就唔好講啦😂如果拍拖唔知去邊都可以黎既😂香草牛油黑松露意粉 ($79)憑相都見到啲汁一pat pat🙈似係罐頭忌廉湯加少少黑松露碎 牛油就feel唔到架啦 意粉乾真真😵‍💫😵‍💫咖喱拼盤 ($56)呢個就正正常常 有魚蛋魷魚牛柏葉 咖喱汁都夠味 呢個價錢都ok啦😎涼粉椰汁紅豆冰 ($36)最值就係呢杯野 都算多紅豆蓉同涼粉! 飲杯凍野透心涼!🙌🏻 btw 我諗佢啲甜品會好食啲🙈為食指數: 2/5性價比指數: 2/5推介指數:2.5/5

本打算踩完單車去Chill 下，呢間餐廳可以說是咁多年食過最差的餐廳，食物完全與餐牌不相乎，😠😠，侍應態度差。話說餐牌明明是白汁黑松露意粉，事實只是白汁香草意粉，意粉凍及乾身。完全可用難食形容。餐牌提及的黑松露完全沒有出現。朋友點竹炭包，最後出現是白麵包，落單個時知道冇竹炭包，都唔出聲？出菜先講😓😓😓老細不停同餐廳客吹水，明知疫情嚴重，仲拉低口罩走足全場。另外，我朋友想要一支叉食包，問個老細拎，拎左十分鐘仲未有，佢繼續同客吹水。朋友最後自己行去水吧拎🙈臨走前，想飲杯水，請侍應拎一杯，我又等左10鐘鐘，最後，我自己入去水吧拎。口口聲聲話忙，其實我見住一班侍應吹水。呢間餐廳劣評，唔會再有下次。😠