你當我是羊渣吧

營業中

休息中

好久冇同老婆一齊去食飯，冬天想搵啲羊肉嚟補下。見到「羊渣」呢個名好特別，所以就入去試下，叫咗兩碗麵。麵本身就一般般，但湯底真係幾正，好鍾意嗰陣羊肉香味，啖啖都係暖笠笠嘅感覺，食完真系舒服😊服務態度都幾好，環境乾淨舒服，整體體驗唔錯。希望未來有機會再嚟，試多啲佢哋家嘅招牌菜。真係值得推介畀朋友同家人，尤其係冬天時節，來一碗暖笠笠嘅羊肉湯，真係享受！

食左一陣先記得影相😅性價比高，老公本身係鐘意食羊，所以我地買左兩碗試下食，麵有三款選擇，我地買左一碗米線同粗麵，我地都覺得呢個湯配米線最夾，湯好濃厚，羊渣都好香口，羊肉就正常，重點係個湯好飲，我老公都大讚，見到評語有講起老闆，就順便講下，我地order時老闆既對答係比較硬朗，但整完外賣後，林走老闆都有講多謝，每個人性格都唔一樣既，唔係每個人都會比人感覺和藹可親既，不過唔重要既，總括黎講野食係好味！

估唔到第一次寫食評係因為呢間西鋪😡之前係附近經過，本身又鍾意食羊肉，一直都想試下。點知今日行到鋪頭前面，個老闆一直都坐喺張櫈上面玩手機，完全正眼都唔望我一下。然後鋪頭牆上面明明貼咗八達通標誌，我行去問既時候，老闆只係一副愛理不理既態度話淨係收現金，跟住就繼續撳手機。過程中完全感受唔到一絲既尊重，唔怪得之前經過咁多次都無人幫襯，如果無心做生意既話，不如都係早執早著，唔好係度獻世! 服務: 0/10衞生:1/10，鋪面望落去唔太乾淨，而且枱面上有好多漬

見店名甘得意，決定叫呢間試下叫左招牌羊渣麵，加一隻煎鴨。巨型煎餃，同一份湯餃。第一次食羊渣麵好正，羊渣好香好脆，有肉味，但唔太油，湯底好鬼濃味，好似日本拉麵湯底個種濃同厚身。配埋煎鴨蛋，味道真係好夾，第一次食煎鴨蛋，味道比雞蛋香，size都較大，發現自己真係見識少🙈，唔食我真係以為鴨蛋天生就係咸蛋🙈🙈🤣。。。Google後知道原來營養價值仲好高！！巨餃真係好大隻🤣湯餃ok合格👌🏻 但我prefer煎，因為香口啲呀

New roadside noodle bar I like the goat soup noodles over here, instead of going to those roadside coffee cafe, I much prefer to enjoy my Me Time with a bowl of hot noodles (and they serve dessert here too)/The soup is stunning, you could tell it is not just chicken stock powder mix, but cooked with proper bones . The smoked minced meat are well fried, not overly burnt but crunchy and chewy enough to maintain the meat texture.  I would come again for sure