佳佳甜品 (已搬遷) 新店位置

元宵佳節梗係要食湯圓應下節啦!Openrice 咗一吓就揀咗佳佳甜品～等左10分鐘就坐低Order 啦！首先梗係寧波薑汁湯圓啦！超級夠薑der，細細粒湯圓皮薄又餡靚！然後黎多個合桃糊，唔太甜，仲有ｄ粒粒口感埋單真係好抵～咁夠薑又溫暖既甜品冬天食就岩晒啦

路過想起，一個人都來朝朝聖。點知都有條小小人龍，不過人流轉率好快，所以不消五分鐘就入到。蕃薯糖水最忌蕃薯殿粉感太重或多根，糖水太平淡或過甜，令蕃薯跟糖水互不相干。這是一曲很諧和又激昂的合奏曲。令人非常驚喜難忘。尤其當你第一口是淺嘗糖水，第二口淺嘗一口蕃薯的中心位時。那蕃薯好像帶著身體內的滿滿香甜薑汁溶化在口水。辣是真的辣，很暖胃。蕃薯不重殿粉感，一碗一人食剛好。很推介

今日下午茶齊齊同幾個朋友仔去佳佳甜品飲糖水，佳佳甜品從細細個就開始食，味道甘多年都無變過，不過最近入選左米芝蓮街頭小食，比以前更多人喇。一入店就聞到比較香嘅姜味，姜汁類甜品算系呢店比較有特色，一上臺就聞到好濃郁嘅姜味，但飲落又唔覺得好嗆喉，覺得姜嘅濃度剛剛好，湯圓分量都算大，有好多粒，系黑芝麻湯圓，糯米湯圓香糯，芝麻味雙好香濃，飲完覺得成個人都好暖，冬天飲就覺得更適合喇。補腦核桃露好濃核桃味，食落好滑，應該系用核桃生磨，所以核桃味好重，好重料，又唔系好甜，食完一碗都唔覺得滯，朋友話其他地方好難食到。如果想一次試兩種甜品嘅可以點混拼，可以試下黑芝麻糊同核桃拼，雖然兩種混一齊唔系幾好睇，但兩種 一齊食，又有唔同嘅口感同味道，呢間店嘅糖水出品都比較好，所以可以放心搭配點嚟食。

和好友佐敦食完飯，就開始搵甜品喇~好友提議一定要試美芝蓮得獎~ 佳佳！就去望下多唔多人排~好好彩時間早等5,6 張左右！排！露比自己就點招牌。。寧波薑汁湯丸！好濃 ge 薑汁呀~湯丸幾圓幾大粒！咁咬開試下喇，入面芝麻蓉好香！好沙~ 最愛！湯丸皮唔會煮得太粉！食落又唔會漏，剛剛好！不得不提佢 ege薑汁，真係薑味好重好辣~但冬天飲真係岩岩好！夠暖胃！

和好友佐敦食完飯，就開始搵甜品喇~好友提議一定要試美芝蓮得獎~ 佳佳！就去望下多唔多人排~好好彩時間早等5,6 張左右！排！露比自己就點招牌。。寧波薑汁湯丸！好濃 ge 薑汁呀~湯丸幾圓幾大粒！咁咬開試下喇，入面芝麻蓉好香！好沙~ 最愛！湯丸皮唔會煮得太粉！食落又唔會漏，剛剛好！不得不提佢 ege薑汁，真係薑味好重好辣~但冬天飲真係岩岩好！夠暖胃！

米芝蓮推介之前已經好出名，推介左之後更加晚晚都大排長龍，不過我地今次係下午5點幾去，所以就唔多人。不過好似因為出左名，所以就黎要搬啦。今次試左個白果付竹薏米同薑湯芝麻湯圓。個薑湯係超濃，好辣，好岩冬天！白果付竹薏米既薏米份量唔係話好多，但係煮到付竹完全溶晒所以好杰！好鍾意個杰度，好厚身好足料，而且重好有白果既香味添！

是日是元宵佳節, 那就寫一篇應節的博文吧, 好的地方, 值得一來再來, 上次一個人來吃合桃露, 這次就跟文迪一同前來, 自是更加甜蜜吧, 也是佳佳搬鋪前最後一次前來了.白果薏米腐竹 $18: 8.5分, 文迪細心的挑來白果薏米腐竹, 我的心頭好. 相當足料, 白果下得夠多, 腐竹已經煲至溶掉, 味道清潤, 新春期間吃得太多年糕, 吃這客糖水下下火就很合適了.補腦合桃露 + 湯丸 $26: 8.5分, 當然少不了的是補腦合桃露, 文迪愛吃湯丸, 那就加3粒湯丸吧, 只要另加$6, 合理的價位. 合桃露熱度對辦, 帶相當香濃的合桃味道, 湯丸質感煙韌, 芝麻餡味道香甜, 很有水準.兩口子一同吃糖水, 就是簡單而甜蜜的節目了. 佳佳甜品的補腦合桃露, 合桃味道香濃, 白果薏米腐竹就相當清潤, 加上芝麻餡湯丸味道香甜, 這個晚上, 很甜了.

早前曾經去過佳佳甜品吃碗糖水，當時食後感覺良好，直到去年車胎人公佈佳佳成為今年推介食店。縱然成為推介食店，舖租卻大幅上漲，也令佳佳被迫搬遷。當食店獲得推介或摘星，換來的卻是大幅加租的後遺症。今晚亦因為有點事務要辦，完成後就順道食番碗糖水。在晚上接近八時許，理應是晚飯時段，但是眼見店子幾近坐無虛席，而且顧客不停進進出出，可見人流穿梭不停。加上晚上氣溫稍低，吃碗熱騰騰的糖水，可謂暖暖身子。在眾多糖水中，選了合桃糊，是因為很久沒吃過，加上合桃有益身子，據聞是補腦的食材。除了有富有合桃的味道外，還有其磨到幼滑的口感，沒有半點粒狀的合桃，順滑得來又熱，咕嚕咕嚕的像水一樣倒入喉嚨一樣。縱然現今不乏中西式甜品，但是食番碗中式傳統糖水，卻又可從中回味一下傳統的味道。

佳佳甜品係我最喜歡嘅港式糖水店。由佢細細間舖開枱坐街，食到而加大大間舖。遲啲佢地搬，我一樣會繼續支持。喜歡佳佳有好多個原因：1) 味道。佢地做嘅每一款糖水都好出色。食咗咁多年，基本上款款都食過晒。我個人特別欣賞佢嘅薑汁糖水。薑味好濃，辣辣地又唔會太哽，甜味恰到好處。襯蕃薯同湯圓都真係完全無得輸。佢嘅湯圓又係極品。麵粉唔會太厚，而且好煙un，個芝麻餡真係好流沙，而且好多餡，唔係好似有d地方食咗大半粒湯圓先食到少少芝麻餡。同埋最值得讚嘅係佢嘅芝麻餡滑得嚟唔糊，食落去真係有芝麻嘅質感咖。2) 感覺。佳佳用嘅餐具－ 懷舊陶瓷碗－真係勾起好多兒時回憶。加上佢舖頭嘅木枱木椅，令我諗返起細個嘅時光。今日下晝2點零3點到嚟食，咁啱兩個搭枱嘅都係一個老人家帶住一個小學生，放學走去食糖水。呢啲溫情唔會係你喺香格里拉high tea搵到的。3) 人情味。佳佳就算做到出晒名，個價錢一樣都好親民。面對咁貴嘅租金，佢地都堅持18蚊一碗糖水。呢d就係人情味了。Overall, 佳佳喺我心目中係9.5/10。其中嗰0.5分係比某d態度帶點惡劣嘅伙記的。

一行十人，吃過飯後，便拉大隊到「佳佳」吃糖水。到達門外，已見一少撮人龍在等候，大顆兒等了約十分鐘，便安排入座。眼見糖水款式，不似其他甜品店的選擇那麼多，但勝在真材料實料，難怪多年仍有不少捧場客。熱芋茸蓮子西米露愛芋頭的我，這糖水定必為我囊中物。將芋頭打成淡紫色的茸，口感綿軟，稠度適中，蓮子香軟，西米沒有烹調得過腍，令整體口感更為豐富。小店沒有過份花巧，以實力取勝，真材實料的糖水價錢不過二十，用心的小店，當然大力支持！

前天下午的時候我系佐敦，霖起好耐之前系佳佳食過薏米腐竹糖水味道好正，所以有機會就又去一次。點知去到發覺好多人排隊。照舊點了一個薏米白果腐竹糖水，現在冬天喝糖水是很滋潤的，薏米很肥大的一顆顆，很有嚼頭的感覺，腐竹不同於一般的做法，糖水的口感更佳，白果的話，因為都是糖分比較多的，所以都是甜甜的口感。睇到很多人都點了芝麻糊，於是我也點了一個芝麻糊，看起來沒什麼特別的，但是芝麻的味道很濃厚，非常細膩的口感吖，入口很滑的，芝麻糊很熱的，在冬天吃真是太棒了，而且芝麻味道香濃是很不同於一般的味道濃，好吃。價錢還是不貴，經過的時候光顧一次是正確的。

其實早在佳佳奪得米芝蓮之前，我已久聞其名，雖然它位處我活躍的區域，但由於對中式糖水興趣不大，加上覺得糖水能夠有多好吃呢？不是都差不多嗎？所以即使奪米芝蓮後，也沒有特意去光顧的念頭。適逢星仔的父母隨星仔來港，老人家都只叫中菜，而星仔也一直嚷著想吃佳佳多時，所以就趁此機會拜訪一下。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊佳佳為於油麻地和佐敦之間的白加士街，雖然離港鐵站不近，但也非常方便易找。甫到門外，約晚上九時，正值糖水店最繁忙時間，店內早已坐滿食客，而店外也有一條長長人龍。幸好人龍雖長，但也不需待上太久，只等了約15分鐘就能入座，原來除了地鋪外，閣樓還有空間，估計全店可最少可容納100位食客，難怪食客流轉速度可如此之快。店內沒有太多裝潢，格局就如一般老式糖式店，牆上掛著大大個餐牌清楚列明提供的糖水。糖水以中式糖水為主，主要是合桃糊、芝麻糊、杏仁露、紅豆沙、綠豆沙和麥米粥互相配搭而成，也配搭出二十多個組合來，而除了楊枝金露($28)和自製寧波湯丸(24粒)($38)外，其他糖水都不過$20，不管味道如何，單看價錢已先嬴一仗。 凍綠豆沙拼麥米粥($18)記得小時候，媽媽

店係佐敦地鐵站唔遠嘅地方，比較容易穩，裡面大概十幾廿款吧，都係正宗廣式糖水，我就係比較鐘意廣式糖水，清甜滋潤還有各種功效，飲糖水好似喝涼茶咁有用。經典芝麻糊，真係夠經典，很濃稠嘅芝麻糊，磨得很細，熬得很香，用湯匙輕輕的攪動一下，鼻間滿滿的都是芝麻的香氣，正！核桃露芝麻糊，同經典芝麻糊有異曲同工之妙，一樣嘅細膩一樣嘅香，不同嘅係，其中多咗核桃嘅香，兩種香混合係一齊，妙不可言！寧波薑汁湯丸，湯丸細細嘅一個，皮很糯，餡很香，糖水裡面加入好多嘅薑汁，辣辣地，加埋湯丸甜甜嘅味道，就不覺得甜過頭或辣過頭了。最重要係店裡面嘅嘢都唔貴，全部都在20蚊以下，抵食兼好食吖！

之前新聞報導這間店因米芝蓮推介而面臨加租，因此在它搬遷前要試一試這中式糖水。木瓜燉雪耳 $20有凍有熱，任君選擇。木瓜清甜軟淋又大粒，雪耳爽口，糖水偏稠，卻不會過甜，感覺滋潤。還可以加蛋丶湯圓或者番薯，這次剛吃了豐富的晚餐，還是下次再加。一邊吃一邊看着店內的搬遷啟示，不禁慨嘆今次米芝蓮推介到底是福還是禍。還好這店主的堅持，令＂佳佳＂有重生的機會，可到底還有多少這類傳統小店在租金不斷上升的情況下，不能堅持而慢慢消失？

天氣咁鬼死凍，肯定要食翻啲暖粒粒噶甜品啦，行勻成條街，覺得最好食噶應該都喺呢間最好食又喺最抵食，雙皮奶啦，芝麻糊啦，湯圓等等，當然我最鐘意食噶絕對喺芝麻湯圓。所以我一入到嚟，就要咗一碗，發覺湯圓超級大碗吖，而且有好多粒，而且呢碗喺薑汁湯圓，啲薑汁噶味道非常濃郁，而且同啲湯圓一齊食好正，薑汁仲會滲入湯圓入面薏米白果腐竹糖水，食材真係超級多，超級混搭，而且聞落去有好香噶白果味，糖水喺奶白色噶，好香好滑。黑芝麻糊，好香濃，口感細滑雙皮奶，好香好嫩滑，而且甜而不膩