佳佳甜品

營業中

休息中

12點幾同朋友係佐敦食完野，想食d糖水。見呢間佳佳燈光火著，又多人，又吹到自己係發哥最愛既糖水鋪，就即管試一試，點知又係中哂伏。我地好快就有位，menu 上糖水選擇唔多，主要係中式糖水，點知佢咩都無，呢樣又話賣哂個樣又話無，不過呢樣都算，此終都夜啦，賣哂唔奇。好唔容易叫到合桃露加湯丸，冷熱燉蛋同芝麻糊。點知全部都唔掂。合桃露問題不大只係芝麻湯丸有d苦。點知芝麻糊先係重災區，勁苦，又唔香芝麻味。冷燉蛋又係差，勁鞋口，又無蛋味，食左一半已經頂唔緊。熱燉蛋就好少少，不過都係無蛋味。如果呢間係發哥最愛既甜品、咁只可以講一句：「發哥，你都幾唔識食喎！」

途經佐敦就想起佳佳，所以帶友人一起去食，裝修過的店更光亮整潔。友人有點傷風就點了一碗「濃姜蕃薯糖水+湯圓」，蕃薯軟淋香甜，姜汁沒騙你真是很濃、很辣，不過食完真係驅到風、暖哂，連咳都止埋。再點一碗「杏仁露+湯圓」，養顏又滋潤，自家磨的杏仁露很香很滑，完全不是坊間沖粉可比，不能不吃。我就要個「核桃露+湯圓」，補腦又補腎，滑滑香濃。這店最出名是湯圓，每到中秋就排長龍買湯圓跟家人排排吃，所以我們個個都加無走雞。老實說這水準跟這價錢在這年代是物超所值，行過無理由唔食

由舊鋪食到新鋪。西式甜品樣靚，但用大量牛油，糖，朱古力等製成，食得多冇益。我始終偏好中式甜品，有食療效果。綠豆沙清熱，陳皮紅棗就補血補氣，杏仁茶就潤肺....下午4點幾人流依然一樣多。一個人的話等候時間都不會太長。冬天時分必點嘅係勁薑汁蕃薯糖水，加埋湯圓就暖笠笠。今次就點左腐竹薏米。腐竹煲到溶，好香嘅豆味。薏米的話是用洋薏米，去濕效果就不及生熟薏米咁好。甜品舖都與時並進，依家落單之後會有電腦單俾你攞去櫃檯俾錢。

人氣中式甜品店次次都見到好多人幫襯價錢好抵食而且 味道真系好唔錯 唔系只系甜 真系有煲到好出味推薦 冰糖木瓜燉雪耳 相比出面既糖水鋪 確實好有誠意店面都幾大 等候時間都唔算耐

母親喜歡吃甜品，今天路過佐敦，特意去佳佳甜品買了一碗芝麻糊回家， 我應該說是一碗無法抗拒的芝麻糊！今天剛巧下雨， 否則門外又是一條長長的人龍。佳佳堅守做傳統糖水， 雖然沒搞太多的花巧， 但也有二十多款選擇！佳佳的芝麻糊勝在細滑不甜，糖水黏稠掌握得宜，不會太稀也不會太黏口; 還能嚐到濃濃的芝麻香味！加了三粒湯圓，湯圓填滿濃郁微甜的流沙芝麻 餡料， 吃起來更滋味! 母親大人十分滿意!

有人請食糖水，黎左呢間好出名既糖水店買外買返去食。3個人叫左三種糖水，外賣包裝唔同左(靚左既)，好似大兜過係堂食。叫左紅豆沙，綠豆沙，同芝麻糊。紅豆沙好足料，好香既陳皮味。讚。。。芝麻糊都好香，不過就甜左啲。綠豆沙不過不失啦～整體都係好食既

今晚同朋友係尖沙咀食完飯後，大家都話不如去食佐敦果間好出名既佳佳甜品食糖水。當我地去到果陣見到門口已經排長龍好多人等，果然係米芝蓮推介👍🏻👍🏻雖然多人排隊但都人流都算快，我地只係等左大約五分鐘就入得去。今次我地試左冰花燉雞蛋同芝麻糊。芝麻糊既芝麻味偏濃，唔似其他糖水鋪咁味道淡而稀。至於冰花燉雞蛋，就不過不失，冇特別驚喜，味道比較甜，入口尚可接受。

今日同朋友食完飯，喺佐敦搵緊有咩糖水舖好食，就見到呢度最出名嘅佳佳甜品，所以我哋就嚟咗呢度試吓。一黎到已經見到好長嘅人龍，但係佔咗七成其實都係大陸人😭😭不過好彩呢度嘅員工都好快手，我哋大概等左10分鐘已經可以入去坐低食嘢。今次我叫咗個凍冰糖燉木瓜，落左單大概3分鐘之後已經送到上枱，速度真係非常非常快！一食落已經覺得好足料，啲木瓜好大嚿好甜，以佢嘅冰糖水味道適中，唔會過甜或者過淡。不過呢度嘅人流始終冇減退過，所以如果大家想搵一間糖水舖慢慢同朋友坐低傾吓計食下野嘅話，呢度可能唔係好啱你哋。所以我同朋友食完之後其實都好快走咗。

食下飽飯，當然要食糖水喇！朋友極力推介「佳佳甜品」，所以我哋就由圓方落去佐敦食喇！行到去，條人龍都唔短，1x人在排。排到去門口咁上下，先至知原來佢連續四年有米之蓮推介😲呢度糖水選擇唔算好多，一眼睇晒，不過價錢好抵食！我哋就叫左「芋茸蓮子西米露」、「芝麻糊」、「白果薏米腐竹加芝麻湯圓」。😬「芋茸蓮子西米露」—> 好足料，唔會太甜，好味😋「芝麻糊」— 真係芝麻糊，唔係溝出嚟，好香、好食😋😋「白果薏米腐竹加芝麻湯圓」— 好滑！湯圓好Q，好味😋😋因為佢嘅番薯糖水太出名所以買咗碗外賣🤣好勁嘅薑，正😋

這次晚上去的，人很多，需要排隊，不過大家都很有秩序，所以速度也很快。 佳佳甜品，連續多年米其林推薦街頭小吃。環境一如既往的乾淨。 服務員動作麻利態度很好。 東西的價格都不貴，隨便點都很放心的不會踩雷。雖然價格便宜但用料實在。 「精制杏仁露」這次的杏仁露，入口爽滑，杏仁香氣充滿整個口腔。味道微甜，熱熱的，超贊！ 「楊枝甘露」記得在哪裡看過說佳佳甜品的楊枝甘露全港好像排名第二哦！味道入口層次感很明顯，有柚子粒微酸微苦的口感，細品之下就能感受到芒果的香味。

朋友推介我食佳佳糖水，於是我就同男朋友一齊去食，睇下係咪真係咁好食。好彩早去到，要不然要等太耐，皆因門口已排了長長的人龍。到結帳時先知道這裡是米芝蓮推介的甜品鋪，難怪人流咁多。客似雲來無形容錯吧！牆上貼了餐牌，方便食客看看，而且有英文版本的menu，方便外國遊客。而且價錢都幾親民，又不太貴。傳統的雞雞碗是用來裝芋茸蓮子西米露+春蛋。（22元+2元春蛋）春蛋是什麼東東就是鵪鶉蛋。偷嚐一口，美道香濃，而且頗為濃稠。我就點了楊枝甘露（34元）其實正正常常，沒有太大特別。

呢間佳佳甜品，我好細個就已經開始食，我未到真係好好特別係芝麻糊合桃糊等等！非常之滑因為太好味，得獎之後，竟然被業主加租，又大鋪搬細舖，但食嘅人依然係好多。今次我再次點左芝麻糊加杏仁糊，杏仁糊的甜味再加芝麻糊的口感。。。味道簡直是一流。

唔好以為車呔人食肆就一定貴，呢間糖水鋪走親民路線，價錢平民到叫多碗都唔肉赤，所以深受香港人同各地旅客歡迎。除此之外，分流都做得好好，就算好似我假日8點幾排成廿人，等候時間都只需十分鐘左右，所以每次去佐敦晚餐，佳佳都會係我指定飯後節目😊芋茸蓮子西米露 $22🥢🥢🥢🥢呢款糖水唔係周圍有得食，所以阿sir揀咗嚟試。芋茸香又滑，甜度剛好；蓮子清甜無澀味，食得出靚貨；西米唔會過腍，為整碗糖水加添一點口感😋濃薑番薯糖水+湯丸 $22+$7🥢🥢🥢🥢濃薑堅濃唔係人人頂得住，但鍾意食番薯糖水嘅人就喜歡重薑味🤤。所以我特別鍾意响呢度食番薯糖水，但今次個番薯比較失色，因為唔太腍，幸好番薯味搭夠。另外，湯丸係必加項目，細細粒皮薄煙韌，黑芝麻餡又香又濃郁，唔試走寶呀😆二人共消費：$51

喜歡這家店已經數載，隔一二兩個月便會特意去吃上一碗，杏仁露、核桃露都是必吃的傳統甜品，輕輕吃上一口，暖香、醇厚 ，齒頰留香，特別一提，他們家的姜汁湯圓又是一絕，湯頭純正，湯圓小巧Q彈，裡面的芝麻陷甜而不膩，讓你欲罷不能！

晚饭后和朋友特地慕名而来，我点了薏仁白果腐竹，22块一碗，非常好吃，看不到腐竹，网上说是融化了，那不就是豆浆了么。薏仁和白果只有一点点，但这碗“豆浆”非常好喝！很浓郁香醇的豆味。忍不住又打包了两杯回家，打包加一块钱，打包的杯子也很好，地铁带回家完全没撒