佳捷食店

營業中

休息中

今晚趕住出去，所以唯有勁快食個快餐然後出去🫢🫢🫢🫢位於村屋群中既佳捷，唔算好起眼🙈🙈🙈🙈🙈應該都係做街坊街里生意既😉😉😉😉😉😉😉😉😉😉餐廳內裡只有幾張枱櫈，門外都有幾張餐椅比客人坐下hea下咁☺️☺️☺️☺️☺️店中既餐廳，方便客人一進來快快手就叫個飯外賣（眼見都幾多外賣客）應該係主要做外賣生意？我同屋企人之前都有叫開外賣既☺️☺️☺️主要都係食叉燒炒蛋飯貪佢叉燒夠多，加上熱既甜豉油，係我同屋企人既最愛喔🤤🤤🤤不過衛生環境就差左少少既

難食已經算，衛生唔得，俾又俾得少，分量唔足，請又請埋d老，一系就有問題嘅人，以前個廚房有個年輕人都唔錯，個時日日lunch排隊咁上下，但已經冇見到佢了，成班老，身體有缺陷，好彩有口罩擋一擋，唔系真系胃口冇曬，見攞我個盒飯出黎唔系之前嘅年輕人。個年輕人系度每個月真系幫襯幾次，因為佢煮飯粒粒分明，又衛生，又靚仔，真系又焗又臭都因為佢行入去幫襯，勁耐冇見到佢了，真系覺得間野嚴重有問題，好心就執左佢啦。真系相由心生，行入去，個個都唔掂，唔好再呃錢啦，垃圾。有年輕人都唔知人善任，老野可以同你炒得幾耐，又唔系話好食，成日過咸，返屋企煮好過啦，老一代嘅做法，完全亂咁黎，沖杯野都要攞枝棍打冰，攞手黎煮野食，見到佢地個個對手都污衊，一系好彩有口罩擋一擋，唔系胃口大減，唔識做生意，執左佢啦…，唔好獻世啦…見你地慘先幫襯咋，當做善事，但佢地都唔方系好人，所以請各位唔好再幫襯，鄉下做法，就攞返上大陸開鋪，香港講求色香味，淨系色都唔掂啦，香？入到去又焗又臭，味？落一包鹽咁，真系唔好當香港人系傻啦….執左佢，積下福啦

這間食店屬於老字號，由街市都有幫襯開，直到搬這間新店。上年，見到廚房有個後生靚仔，個期一個星期幫襯3-4次，每個月幫襯10幾次最少，又會周圍幫佢介紹，因為廚房好少後生，又靚仔肯入里行，真系好欣賞佢，因為乾淨，飯又煲到粒粒分明，唔會唔新鮮，睇得出系良心出品，唔會污糟不堪，通常都會幫襯炒飯，或者椒鹽朱扒，真系有分量，足料，好食依家成班阿婆阿伯，真系行入去都唔想，污糟，唔帶口罩，冇分量，煮個個阿叔又污糟，形象惡劣，雖然老字號，但成班老人家真系覺得好慘，幾十歲，煮又難食，又好咸超咸，出品又唔得，形象又惡劣，分量又唔足，總括而言，垃圾，質素大不如前，藍店，請各位唔好再幫襯

佳捷食店嘅所在位置並唔難揾，其實就係位於大圍上徑口村(顯田徑)，亦即係顯徑邨顯沛樓斜對面(近馬路邊)，呢間舖真係有幾多嘢食，叫外賣嗰陣時請耐心等候，一般嚟講～如果係叫廚房嘢大概都要等10～15分鐘，呢度嘅粥粉麵飯樣樣齊，而且仲有腸粉供應(係現叫現做)，店內環境算企理，至於衛生方面～當我一行入店內嗰陣時，我的確係睇到有個應該係老闆娘嘅四眼女人坐咗喺櫈嗰度，係冇戴口罩嘅，但我個人認為，其實喺本港所有嘅食店，有好多餐廳或小食店其實都係咁，戴上口罩都只係做比人睇🤣，難道戴咗口罩嘅就代表一定衛生？言歸正傳～我嚟到呢度買咗盒椒鹽豬扒飯，盒飯一攞上手就已經聞到好香嘅蒜頭同辣椒味，豬扒炸得有少少脆邊，肉色呈深啡色，有用梳打粉醃過(但大多數嘅茶記都一定係會用食粉醃肉，無可避免)，算幾好食，味道又唔會太鹹，肉質唔會過淋，白飯亦都煲得好靚，而且價錢真係唔貴，就算加埋飲品都係大概$40左右，至於衛生方面就真係見人見智，因為當D客人喺店舖入面食飯嗰陣時，咪又係一樣除低口罩，係咪先？🤣😅🤣

大圍街坊，由細幫襯開。以前舊鋪起街市入面無乜留意，換左新鋪位又撞正疫情，幾次去都見到員工無戴口罩處理食物。整野食（粥品/麵）的員工會戴住手套禁電話，事後繼續處理食物。最為嚴重的是員工在空閒時拉低口罩進食，把口罩拉返好時，手套觸碰到口罩外面。然後又繼續用同一對手套處理食物（直接接觸例如：腸粉/油炸鬼等）！店內有食客把口罩除下，然後直接放起檯面，員工在抺檯時只用濕布抺一下，並沒有進行消毒！本人明白食客的行為未必關及食店，但疫情底下員工應有責任提醒食客的行為，讓店內有一個衛生的環境供大家安心進食。衛生意識低，不會再光顧！

以前呢間老字號就係街市入面，所以都好早關門，自從街市翻新，佳捷就搬左去上徑口村呢到，搬左後營業時間去到晚上9點，令到我呢d晚上七，八點先返到顯徑既人多個優惠選擇，因為佢d野食，我諗係整個顯徑都無一間比佢平。30-33一個飯，係邊到仲可以搵到，求其係間茶餐廳食個晚飯都要50起。香茅豬扒飯，$30一客，豬扒夠大塊，啖啖都係肉，仲可以配唔同既汁，時次我配了豉油汁。椒鹽豬扒飯，同香茅豬扒飯都係我首選，真係好扺食炸雞翼薯條。雞翼食得出係有醃過，好入味，而薯條係大大條既薯條，呢種薯條真係好好食，就咁食呢個都好飽。講真係顯徑入面真係算係良心店舖，價錢平，而且又大份又好食，未食過既，記得去幫襯下喇

老闆和伙記服務親切，裝修簡單，衛生環境合格。食物選擇多，粥粉麵飯腸粉都有，價錢超抵，一碟碟頭飯大約$35，飲品加$7，冷熱同價， 食物味道水準之上，傳統懷舊港式茶餐廳的味道，比現代大集團的茶餐廳味好，總括來說「平靚正」之選擇，值得推薦！

去大圍飲食，實在多選擇，但好吃又有懷舊味道，我必吃位於上徑口村佳捷的咖喱牛肉飯。這間快餐店原先在顯徑街市內，但街市裝修，所以最近搬了去上徑口村。從前屋企樓下的快餐店，我必吃這款飯，但搬屋後加上已關閉，最近讓我碰上這間快餐店，無意中點了咖喱薯仔牛肉飯，簡直吃出兒時的感覺，咖喱有濃濃的椰汁咖喱味，小小辣，通常都能夠接受，亦都會加兩塊已入味的薯仔，正！牛肉炒至恰到好處，每一塊都軟熟。一個懷舊咖喱牛肉薯仔飯，雖然簡單，但非常好吃😋