佳芳廚房 (已搬遷) 新店位置

朋友推介去深水埗的“佳芳廚房”吃餃子。因為深水埗有好多出名美食在褔榮街，此店座落於汝州街，隔離係樹記腐竹，好易搵到。想不到此店有意外驚喜，芫茜煎餃好味，份量足兼無味精。還點了一客南乳豬手，炆得好冧和入味。朋友點了一份雲耳馬蹄蒸餃，老闆娘送老火湯。 湯底係用豬骨和老雞乸加五指毛桃煲上數小時，非常鮮味。老闆娘強調全無味精，大家食得安心。御五品粥 (逢星期五/六先有）用近四小時及13道工序熬製而成，味道生津回甘，冇任何味精添加。材料有:新鮮豬骨，梅頭肉，蚝豉，皮蛋，咸蛋…功效: 捱夜引致的虛火上升，清熱排毒。大家一定要試這款粥，非常好味。

經過幾次都夾唔岩時間，今日終於可以試到。主打係餃子 同湯， 正值晚飯時間，於是試下個晚餐，佢跟埋個湯係無味精自家煲既湯，毛桃朱骨xxx湯（見佢話去濕），再加個餃子上菜時唔似普通茶記， 有個托盤十足日式餐咁，有心思。飯唔駛多最緊要夠。跟餐既湯都係專登煲，飲落唔咸，有毛桃味，真係好似自己煲咁，好足料既湯。 下次會試下佢每曰特別湯。值得回頭再食。餃子（双碰左韮菜同雲耳馬提)，皮唔薄唔厚，岩岩好。內涵足料又唔肥利，食多幾隻都得。再配埋辣椒醬同醋，簡直一流。唯一係彈係下次可以放好啲位置黎蒸，太近痴埋一齊。值得番卓

餐廳座位舒適，天氣好熱，入內冷氣夠，今日試左麻辣娃娃菜肉餃，辣香味好食唔系死辣，香煎好味，菜肉餡料新鮮，仲食左南乳豬手，唔太咸，南乳香味吸引，豬手夠軟滑入味，加手工麻辣醬，食不停口，會回頭再試。

朋友知道我喜歡食餃子，推薦我深水埗新開餃子店【佳芳廚房】，雖然說是街坊廚房，但佈置很清新乾淨。店員老闆都很親切👍我們兩個人點了麻辣鮮肉蒸餃，雲耳馬蹄鮮肉蒸餃，皮薄餡正，尤其麻辣鮮肉蒸餃有驚喜。煎餃我們選了韭菜餃，必定要食😋好好味。另外點了豬手，唔濃味勁淋，無牙都食得，滿滿骨膠原。還有湯餃，小米糉，籮白糕實在食唔到，下次必要試🤣🤣老闆還請我們飲酸梅湯同豆漿，很解喝的。走時我再買了煎餃和豬手回家，大滿足，下次一定會再去

This is most probably one of the best dumpling place my friends and I have ever been to in HK. And my friends are local Hong Konger so if they think it's good then it should be beyond good. 👍❤️ All dumplings were handmade with great passionate. We have tried almost all of the dumplings on the menu, they're all unique, flavourful from the taste, texture and the silky skin of the dumplings. You must try their signature braised pork knuckle too. The other day our volunteer team took a group of elde

叫左籠蒸餃味道濃淡適中，餃子個皮好簿好滑，而煎餃就煎到外脆內軟，咬個時d汁都流出黎，而豬手就好淋好野味，酸梅湯好好飲還解渴生津 😋真才實了煲既真係唔同d,下次一定要再飲

路線深水埗見呢間餃子店新開張不久，便進去試一試，雖然係新店，但這間的餃子同其他餃子店的味道係有分別的，細問之下原來係用新鮮豬肉整的，個人比較喜歡湯餃，湯底真材實料冇加味精，喜歡食餃子的朋友可以去試吓，非常推薦！

做為一個北方人，都真心覺得啲餃子好好味！皮簿餡靚！又多汁！值得一去再去！而最有特色嘅係蔴辣娃娃菜猪肉餃子，蔴辣味十足但又不會搶咗娃娃菜同猪肉嘅鮮香味。另外猪手也是必食，好淋好入味。👍👍👍👍👍如果唔係食量有限，真係好想試晒所有款式嘅餃子。😜😜

今日經朋友介紹去食餃子，睇餐牌見種類唔算多，可能因為新開張，店面整體乾淨，老闆娘熱情款待，介紹那個款好食，我哋三個人食兩個餐加一隻糉，剛剛好，套餐個豬手麵好抵食，以呢個價錢，真係算可以，豬手口感軟糯，味道很好，另外我特別喜歡佢地店自家制嘅辣椒油，但麻辣嘅辣椒油就普通，我極推介辣椒油，好香夠味，可以買回家，吃粉麵時加落去，提升加倍👍👍👍聽老闆娘講，食物種類會陸續上新，期待新餸會帶俾我哋驚喜❤️❤️❤️

我是第一次光顧，沒有諗到會咁好彩，食到一間非常之用心經營的小店，芳妹的所有材料，都拿捏得非常好，豬手部位正到痹，味道十足，但係完全唔會覺得鹹。我還另外叫咗蘿蔔糕和一隻糭，糯米質素好，平時豬肉都比較肥，佢的配搭就恰到好處，平衡到呢個問題。現在等待是蘿蔔糕，希望你哋也來親身經歷，品嚐真正的味道… 我相信你們，親身經歷之後，也會感受到芳妹的熱情，享受真正美味食材的樂趣，支持佢轉型從批發香水到這樣有意義的，廚藝發揮

新開小店，廚師用心制作，真材實料，每次光顧都有家既感覺尤其餃子，款式多，亦有素餃提供，可選擇有煎有蒸，豉油雞味道超掂，滷水豬手更是一絕，自家酸梅湯，套餐價格合理

真材實料，香芋肉醬餃，好香芋頭味，我食煎餃，太好味，粟米鮮肉餃，用上新鮮粟米加鮮肉，另外手撕雞無得輸，辣得嚟唔會遮蓋雞嘅鮮味，自家制酸梅湯加十年陳皮係必試，飲埋個老火靚湯

欣赏老闆娘嘅創意，餃子有多種口味，好待別，酸梅湯係自製，有陳皮架，正！我中意煎餃，夠香口，但湯餃亦好特別，湯底係五指毛桃湯，極之重本。如果中意辣，呢度D涼菜有少少麻辣醬，惹味到呢

餃子皮薄，饀juice，汁多得嚟又唔會穿，應該係避免餃子因皮薄面容易穿，所以細隻少少，但一碟有八隻，份量又唔係特別少，夠食，值得一讚係老板娘個自家制酸梅湯，應該係加咗新會靚陳皮，入口唔甜但有甘甘地嘅感覺。可以嘗試吓‘’麻辣餃子“”，辣度適中，怕辣嘅朋友都可以接受；最特別係湯餃嘅湯底係用五指毛桃紅蘿蔔餚制的，我飲哂啲湯呀！再試埋啲涼拌少食，有蓮藕粉雲耳同青瓜，嘩！又麻又香，唔太辣，味道好清新，一定要試

行過見新開餃子店，身為餃子控嘅我，當然要試下，點左客韭菜鮮肉煎餃，酸梅湯試下。酸梅湯先上，夠味，仲飲得出陳皮味，收貨。之後韭菜餃都上埋，食落皮唔厚，餡料調得幾好，唔會有噚雪味，仲有汁水，好快已經比我消減左，意猶未盡，叫多個鮮蝦煎餃，等左陣又到左，蝦肉好夠，煎得同樣出色，味道唔錯。事頭婆仲比左碗五指毛桃湯我試飲，話用嚟做湯餃嘅，飲落交到貨，直頭可以單獨賣😄整體係比到驚喜我，希望保持到水準，會再嚟幫襯。