佳記冰室

營業中

休息中

本身晚上行完西九返佐敦已經夜接近9點，好多餐廳都就關門，見呢間茶餐廳仲有食客，醫肚心態入去食埋去啦，但出奇地有水準喎，家陣港式茶餐廳都真係買少見少，要支持幫襯下。晚餐SET揀左菜心炒牛肉，原來分開餸和飯另上，即係等同一份小炒既份量，大碟喎，牛肉軟嫰無渣，菜心亦不老，都OK架。全日早餐又真係即叫即整喎，初初以為薯餅個D實係炸定涷晒，又唔係喎，真係即炸，炒蛋有埋火腿絲，件豬扒雖然唔係厚切不過都算大件，抵食呀！

香港人都市忙碌，有兩餐飯食已經好滿足😋但係忙都係事實，煮唔到飯就要買外賣🥡做無飯主婦😅，路過［佳記］，今晚就試吓啦🙌🏻［食後感］📝知道今日出咕嚕肉，再揀個薯仔炒煙鴨胸，實在完美😎✔️食物毋須評論，只想讚吓啲員工。✔️收銀姐姐好nice，有(我)問有(佢)答。✔️𢳂餸姐姐好有心機，將啲餸砌入小小的餸格內，每樣配菜都𢳂少少✔️咕嚕肉都係數住啲肉粒嚟𢳂，總之唔係求其𢳂幾殼交差就算！我數過，絶對收貨！

係附近返工，所以間唔時都會黎食下，味道一直正正常常，但今次後我唔會再黎。乾炒牛河咁簡單嘅嘢，然後佢炒燶咗。呢啲餐廳我都唔求有鍋氣個啲，點知一遞上枱面勁大陣燶味，唔知點好意思比客人。都算，隻碟有粒超明顯乾咗嘅飯粒，但係經廚師手，經樓面手4隻眼都見唔到，定扮見唔到。仲要加咗價，更加唔會再嚟

乾炒牛河咁簡單嘅嘢，然後佢炒燶咗。呢啲餐廳我都唔求有鍋氣個啲，點知一遞上枱面勁大陣燶味，唔知點好意思比客人。都算，隻碟有粒超明顯乾咗嘅飯粒，但係經廚師手，樓面手都見唔到，定扮見唔到。

見經過附近又到下午茶時間，用左外賣平台搵 誤打誤撞搵到依間餐廳 (比walk in 買平少少) ，見到個menu 有多款選擇，揀食咩都諗左好耐，最後買左個焗豬扒飯番office食焗豬扒飯 ($49) 味道可以夠份量都幾大，一個男人食完應該都會覺得飽，仲要包一杯熱飲﹐我個人認為好食過依家快餐度個D 焗豬!如果經過實會回頭再叫!

午市途經佐敦，見午餐有多款選擇👍午餐點了咖哩牛肉飯配紅豆冰咖哩香濃、牛肉唔老！紅豆冰太多花奶，失味！午餐：墨西哥汁焗雞扒飯香濃茄膏、辣汁芝士加厚厚雞扒😋凍奶茶紅白餐湯一般！特色菠蘿豬扒包😋配薯皇👍絕對有驚喜👍熱奶茶

點餐時愛理不理，不斷呼喚點餐都沒人理睬，要大叫先聽到；還有那好不耐煩的尊容，點餐時好像要趕時間咁，還喝你諗好先再叫；轉頭又忘記你要點餐，又再呼喚侍應，還會責罵你「你無睇清楚餐牌咩！」；真係令你一試難忘！

有點歷史的佳記冰室，早餐來來去去都是那些。就是沙嗲牛肉麵，雪菜肉絲米，火腿通粉...最近吃多了沙嗲牛肉就想轉轉口味吃比較淡味的仿鮑魚絲火腿通粉，這個是早餐味道最有保證的，因為那些鮑魚絲，火腿絲那裡都是一樣味。切絲之後又很好送通粉。之後的滑蛋火腿多士，我發現我沒點火腿，應該是雙份滑蛋的，算了，早餐快快脆吃完返工，滑蛋同火腿都是正常味道，丹麥多士搽了很多牛油。整個早餐+凍飲$39。3字頭的早餐已經很少見。

今朝8點入去食早餐，員工態度惡劣到一個點，落餐無完全無反應，落完個早餐都未夠3秒就走，全程黑面，個場又唔係爆，我問返佢，我未講要炒蛋定煎蛋你就走左去既？佢話唔講日明要咩，就一概當係炒蛋，咁都得？個場唔係大，樓面有3個員工，工作量好大？都唔好講話d野好唔好食，咁既態度，我永遠都唔會再幫襯

煙肉芝士牛角包煙肉不脆，好像沒有煎過一樣，牛角包亦不酥脆。第一口吃下去，以為是芝士火腿，但若當成芝士火腿來吃，味道不錯。雙奶麥皮牛奶微甜，麥皮還好，可以接受。雞扒腸仔炒蛋配牛油多士雞扒、炒蛋，及牛油多士沒有overcooked，但味道都十分清淡，腸仔的鹹度正常，但味道不太討好。多士不脆也不鬆軟。火腿炒蛋配牛油多士火腿、炒蛋，及牛油多士沒有overcooked，但味道都十分清淡。沙嗲牛肉出前一丁我沒有吃，友人說質素普通。

出發去拜山前喺佐敦搵嘢食, 周圍都係茶餐廳, 所以都係隨機咁入去 ❥⧽佳記冰室 ❥⧽。𓊈招牌沙嗲鮮牛肉麵 ✧ 轉出前一丁𓊉估唔到個沙嗲牛肉麵嘅賣相咁好, 沙嗲味道超濃, 牛肉肉質軟腍, 而麵嘅軟硬程度亦都剛剛好。𓊈嫩滑炒蛋 ✧ 火腿 ✧ 蒜蓉厚切多士𓊉多士充滿香濃嘅蒜蓉味, 炒蛋真係好嫩滑, 我將炒蛋同火腿放咗喺多士上面食, 變成三文治咁, 都好好食。𓊈熱華田𓊉熱華田味道唔算濃, 個人可接受。✧✧ 整體食物都好食, 如果諗唔到食乜, 係值得考慮嘅茶餐廳。

附近茶餐廳少有的鮮牛肉豬潤麵。雖然豬潤只有兩片，但個湯好鮮。早餐價錢$40，還有半片蒜蓉多士、午餐肉和一隻煎蛋。奶茶也不錯。環境都好整潔。以後會再嚟試吓其他食物。

放工落雨冇帶遮同同事諗住醫肚仔等雨停經過呢間裝修乾淨光猛嘅冰室同事之前試過話幾好食 就決定入去試吓一坐低冇幾耐 老闆見我哋攞紙巾抹身即刻問我哋凍唔凍 使唔使熄部冷氣嘩！真係窩心到呢🥰今時今日仲會關心食客嘅老闆 真係買少見少👍🏻食物質素方面又係好驚喜 超水準！我哋嗌左菜心炒牛肉同肉絲炒麵share食菜心甜牛肉腍 好有鑊氣 連我呢啲平時都唔食菜嘅都忍唔住食多幾條🤪最有鑊氣一定係碟肉絲炒麵 炒麵炸過勁脆而不油膩 50幾蚊食到酒樓嘅質素真抵食🤤總結而言呢間冰室唔單止有人情味仲超水準發揮💯✨Ps:同事話佢呢度嘅扒餐好多人食 因為又係大件夾抵食 又好食又平過啲大型連鎖店

一杯奶茶。如何沖出跟清水一樣的效果！呢個水吧師傅簡直超乎常人。又唔戴好個口罩。吧位一路播放歌曲，師傅一路大力大力高唱，將口水完全射落杯奶茶。疫情之下唔該戴好口罩啦！

兩間佳記打通，佳記美食主打兩餸飯，佳記冰室則格調高小小，老闆娘在門口招客，話好食㗎，食過返轉頭，晚餐A鐵板西冷牛扒只係$63就入去試啦！我見餐廳餐牌懷舊鐵板有澳洲牛肩扒，紐西蘭西冷，幻想呢個$63的晚餐鐵板西冷也會用靚牛扒。。。少年 你太天真了！嚟到的牛扒腍且鹹，估記落咗唔少鬆肉粉同埋醃咗幾耐吓，已經食唔到牛肉味了。。連餐的忌廉湯係普通罐頭湯多粟米粒。配牛扒的薯菜用薯角，炸得脆。朋友話佢叫的豬扒炸帶子飯不過不失，總之陸拾蚊的餐就是陸拾蚊的質素，係大家樂鐵板餐的另外選擇！