佳豐粉麵

營業中

休息中

今日去開北角聽朋友講有間好抵食嘅車仔麵所以買咗嚟食睇返價錢真係好抵成碗我揀咗好多個餸都只係$53 仲要未到係幾好喎喺港島區有個咁抵食嘅車仔麵真係好正下次去到我一定會再食

呢間係車仔麵麵檔，價錢比較親民，舖位比較細容納唔到幾個人，其實正常食係幾好唔錯，但係叫得越多餸比你嘅份量就會越小，但係食得越耐，就發現啲阿姐唔講道理，鍾意幾多點就幾多啲，鍾意比少啲就比少啲，其中叫一份牛腩見到阿姐俾三粒牛腩，問阿姐講會唔會太少日常經常幫襯份量都比三粒多，阿姐答份量係固定可以俾錢再叫多份 （一份7$），阿姐直頭想同我理論我話我經常食點會唔知份量，隔離食客見到我得三粒都笑出聲，其他人叫牛腩份量都係一份結果待遇唔同以後不會再幫襯

傳統車仔麵檔，簡直係窮人(我）恩物。叫左個兩餸麵都係$25。（睇餐牌單餸最平$21，之後每加一餸加$4，當然有啲餸如牛腩係貴啲）食物質素雖然一般，但價錢同食物份量極度唔成正比，我從未食過有咁平嘅車仔麵。呢個價錢好難要求好好嘅味道，更何況佢味道真心唔錯？整體黎講，如果你正經歷緊貧困嘅階段如糧尾😂，而你又想出去食，我大力建議呢間。A budget friendly traditional noodle restaurant. Ordered a noodle with two dishes, curdled pig blood and squid, costs $25 only! The lower the price does not mean the worse the quality is. In contrast, this restaurant maintains its standard. Overall, the price is really surprising and food is not bad. If ur budget is limited, I would

認得呢間以前係琴行街另一邊的小店，差不多一年前搬左過黎現址。記得舊店的時候經常都有人排隊，生意不錯。今次夜晚十點黎都仍然有幾個人排隊，十分受歡迎。叫左三拼車仔麵。一入店面就聞到好香的蘿蔔味，所以其中一個餸叫左蘿蔔，好入味同好香。另外叫左牛腩、魚皮餃同菜心，十分滿意。湯底都十分清甜，係可以飲晒個種。姐姐都好好和善，返完一日工見到和善的面口好開心。呢間係自助服務，不過其實只係將碗麵拎去張檯度，好少事姐。埋單計數，碗麵三十幾蚊，真係好抵食! 會再來。