佳閣 (已結業)

今日OT，老闆請食下午茶，當然叫間平時唔拾得食嘅啦蝦多士沙律：沙律啲生果好新鮮，不過唔知點解暖暖地嘅雜果班戟加朱古力醬：普通啦炸籃：有洋䓤圏,雞翼,魚柳同薯角；好好味不過好熱氣餐蛋麵：傳統個款，不過依度啲餐肉係厚切，好有口感腿蛋治：無特別；五個茶餐加埋$146，以觀塘而言都頗貴，好彩老闆請

觀塘的茶餐廳，向以平見稱，但佳閣卻是出名偏貴的食肆，不過卻又是物有所值的；早餐：三文治好新鮮，麵包軟熟，如叫蛋治的話，你會發現蛋也很有蛋味；公仔麵餐，熱㷫㷫，唔係求其淥兩淥就加湯個隻，真係似認真煮過；午餐：堂食比外賣好味，set lunch 選擇亦多；晚餐未有機會試，不過望見相片，亦應該唔錯；順帶一提，佳閣的服務相當好，無論堂食或外賣，員工都好有禮貎，好難得以茶餐廳以言，水準十分高

因為去官塘開倉,所以就搵下工廠區有咩好食見呢間野食評都幾好, 而又d 朋友仔都係話$40-50蚊到個人覺得ok,所以一行兩人去啦大約1945去到,係樓下見到佢個餐牌係冇價錢,都覺得怪不過試下啦~見到有牛扒同豬扒個d上到去先知中招!個d咩扒咩扒!要80-90 蚊一個~嚇得我~個度係工廠區啦,你又唔係咩私房菜!只好叫佢個"西班牙炒飯"同鰻魚石頭飯講"西班牙炒飯"!好野啦!明明係咖哩炒飯又改個咁型既名最重要係唔好食~咖哩味唔夠,飯又太冧,我地食左一半就冇食啦,個石頭飯叫做好d~料都夠多~個窩好夠熱,但鰻魚就長啦....長到得8cm到下次見到餐牌冇價錢~大家真係要小心小心~唔好好似我咁比人呃呀!一句~冇下次

5月3日, 今日呀比繼續攤抖, lunch time過咗黎睇我試衫同埋陪食飯~ 平時我都幾鐘意食佳閣, 每日都有A-J成10個set比你揀, 而且日日唔同款~ 可以預先上網睇完佢地日日唔同嘅online menu, 覺得啱食先至黎! 平時lunch time呢度好爆, 我地就等晏少少先黎食就唔洗等位~::: 意式香草焗肉醬意粉 ::: $43平日湯款都有一中一西選擇, 我地都要咗西式意大利雜菜湯~ 濃濃嘅顏色似係落咗茄膏, 但味道都ok, 仲幾多菜添!肉醬意粉賣相都幾靚~ 肉醬豐富, 面頭d芝士焗至微焦, 好香! 汁醬份量啱啱好撈勻意粉, 番茄味頗濃, 肉醬夠碎亦夠惹味~ 意粉焗得乾身, 不過偏淋. Overall都幾好味~跟餐要凍朱古力唔洗加錢! 朱古力重手, 好濃味~ 又夠凍! 讚!::: 泰式白咖哩香茅豬扒配飯 ::: $43成面都係茄子, 仲以為黎錯咗添, 原來d豬扒墊咗落底~ 咖哩辣味唔係好夠, 不過就夠晒杰, 撈飯好好味~ 豬扒比d白咖哩味蓋晒d香茅味, 如果普通煎豬扒可能好d~ 茄子亦係一個精髓, 索晒白咖哩又好淋, 唔錯唔錯~凍奶茶茶味奶味都均勻, 亦夠凍, ok咁啦

以前食中午飯都會不時來這餐廳,不過近來發覺服務愈來愈差,ORDER了午餐,要西湯,結果飯食完餐湯都未到,幾番詢問先講"無晒西湯喎,要中湯啦"這個情形經常出現,而服務生的態度好似"唔憂做"咁,問waiter取叉,佢竟然說"哦,無叉用",這個算什麼服務態度？總之就係差差差,如果有人覺得呢間野ok的話,這只係以前的事,各位如果唔想食餐飯都成肚氣的話,去第二間把啦...

工業區大把茶餐廳，間間都有下午茶餐，但係同事們都愛叫這家，一個很大的原因是，佢有很多很多的選擇，而且豐儉由人，平平地20蚊左右到豪豪地40蚊都得！是次推介佢港式三文治系列，尤其是蛋牛治，不是道道有得食，而且佢的蛋做很夠厚，好有大排檔感覺，配奶茶或鴛鴦就一流！而且佢地的用具和食品包裝很高質，所以很受歡迎，另外再推介大食同事至愛的炸雞脾，由於居士覺得heavy左少少，所以一直沒有試，不過見同事都食得津津有味，而且經常都叫，我想味道必定保持到水準！位置不算咁難搵，希望下次有機會幫襯佢的晚餐。

下午外出食晏, 叫了個set lunch.餐湯選了中湯, 雪耳紅棗雞湯, 算是幾特别和有誠意之作. 湯喝落清清地, 面有多小舊雞油, 要揀開才飲得比較健康.主菜要了辣汁龍脷柳意粉, 汁只是微辣, 龍脷柳有煎過兩面, 但肉質霉霉地, 食完肚痛未知是否因為這疑似霉壞的龍脷柳.

返工同一大班同事去果度食lunch, 好快有位~　野食唔算太慢，　不過冷氣好凍．．．ｄ位都ｏｋ啦～　果次食左個哪沙既面，　不過一ｄ都唔喇沙ｌｏ．．．簡直就冇味，　ｂｕｔ　服務幾好ｗｏｒ～同佢講左之後，　就同我換，　唔知系換定系加左野，　之後就覺得ｄ味有返ｄ，　算系清清地，　幾好味～份量都剛剛好，　如果想舒舒服服食下野都ｏｋ既，　去左兩次，　印象都幾‘好～最緊要系態度好～

佳閣響同區內算係較有質素之餐廳，D野好食，環境乾淨，D侍應服務幾好!!今日下午食左個意式香草焗牛脷飯，正!!!雖然我對食牛無咩研究，但係我就好鍾意食焗飯!!還記得當侍應生把這碟焗飯遞到我面前的那一刻......熱辣辣!!熱氣泡像熔岩似的在飯面上滾動!!香氣撲鼻!!相當震撼!!真係怕辣親個咀!!牛脷好有牛味，唔鞋口，軟綿綿加埋D汁好香好有口感，D飯完全吸收晒D汁同牛脷的精華，我成碟飯食到乾乾淨淨!!好味道!!再跟餐轉飲我的至愛-鮮炸奇異果汁!!四＋幾蚊絕對係驚喜!!不過響度食lunch次次都要排隊等好耐，所以我多數都等兩點半去食下午茶餐，唔駛等位廿幾蚊個餐，重幾多選擇，佢地D三文治款式多幾好食!!

佳閣在巧明街超過一年, 一向在巧明街是問題多多, 並非像下面各人所講那樣完美, 平日叫外賣慣常地會俾漏餐具, 甚至有時會俾錯食物今日中午我同幾個女同事一齊幫襯, 未向侍應叫餐已經有人把餐湯拎過來, 她等一回才知搞錯, 我們叫了兩個雞扒意粉, 一個牛柳意粉和一個牛柳配薯角, 今次正式叫了的餐湯又遲遲不送來, 其他三個同事叫的食物一早來到和進食中, 而我叫了的牛柳配薯角是最遲來, 等了三十分鐘才到, 其中一個穿紅衣較高的男侍應十足撞聾一樣, 跟他說話是沒反應的佳閣最初是很旺, 人客曾經多到在門口等位, 現在變得靜了很多

响觀塘做嘢嘅朋友都一定知道佳閣午市係勁多人嘅，條隊由2樓排到1樓，我次次都等唔切，同d同事走咗去第2度食。但偶然發現晚市出奇地少人，十張枱空了七張，如是者就同同事、女友食咗幾次。我唔多覺有set dinner，就跟餐牌叫，有湯有嘢飲，仲有甜品送，話明係送，餐牌梗無寫，但我差不多次次都有。兩個人都係一百蚊鬆啲落樓。最難忘就係個香草天使面，量多、質高，香草夠香，olive oil 同d蘑菇撈埋都幾好口感。一對細食情侶/女仔應該可以share 食。可能係人小嘅關係，上餐速度ok，侍應獠你傾計，有大電視睇，卡位較大，兩個大男人坐都唔迫嘅。下次夜晚响觀塘又唔想同人迫，可以試下佳閣嘅 dinner。

今日來了這裡吃午飯，皆因這裡坐得舒服又有電視睇，服務仲好好tim；但有時下午茶時間來這兒，就會聽到員工大大聲講粗口，又喺度玩(以前不會的，但轉了新員工之後就這樣了)，會覺得同這裡的氣氛格格不入，所以依家只會來食午餐。今日點了A餐. 鮮雜菌牛仔柳+飯$43 - 牛仔柳唔"鞋"好好味，鮮雜菌汁好香F餐. 咕嚕魚柳飯$38 - 咕嚕汁酸酸甜甜好開胃，配魚柳清清哋好好味呢個價錢包餐湯同飲品，又無加一又坐得舒適，食物水準穏定，午飯係唔錯ga選擇

第一次在這裡吃晚餐, 人少也坐得舒服, 這裡選擇都算多, 除了餐牌食物外, 也有特價晚餐/ 熱狗餐等等…叫了兩個特晚餐餐湯–羅宋湯, 不會稀稀的, 味道也不錯。煙三文魚炒墨魚麵–也差不多六片煙三文魚, 可是三文魚不算很好吃, 或者說不是很”煙”, 墨魚麵有點像黑色的意粉, 還有些磨菇, 加了芝士粉讓這個麵的味道更濃郁。芝士香芒大蝦凍雜肉意大利包–厚厚的兩塊麵包夾著芒果/ 幾片不知名的肉類/ 一塊芝士, 好像是三文治, 味道都得意。甜品–什果啫喱, 很稀的啫喱, 味道很淡, 生果也沒有味道。餐茶–凍檸茶及熱咸柑桔蜜 可以加六元改其他飯品, 包括鮮榨果汁

以西餐廳來講呢間既價錢真係好抵...服務超好...要咩有咩...環境唔錯...分開吸煙同不吸煙區...好舒服...食物份量足夠...多到有時可以兩份食...最緊要價錢又唔算貴...飲品都調得幾好...Order外賣又送得快...外賣員有禮貌...不過有樣唔好既就係間餐廳細左小小...有時去食lunch會排到落樓梯...有時可能太多人0的野食又會出慢小小...不過總括來講...呢間餐廳係觀塘所有餐廳之中最好既一間...

昨晚去了觀塘吃飯,男友帶了我去一間樓上cafe"佳閣",初初諗住係一間茶餐廳罷了,但上到去,又觀感又唔差喎.有卡位.有大電視.環境寧靜得黎又乾淨,而且餐牌都算幾多選擇.不過價錢在觀塘工業區,我覺得算貴了一點.我點了西冷牛扒配蒜茸汁;男友的是吉列豬柳.份量足夠.味道也不錯.埋單$150幾蚊.套餐有蒜茸包(不夠脆,但味道ok)同湯,仲有甜品.又幾近APM.如果係APM諗唔到食乜.去呢度也不錯呢!仲有係D侍應,服務態度好good同好有禮貌!