來多客

營業中

休息中

鳳德邨附近都算多嘢食好多餐廳今次我哋揀咗呢一間門面都算ok嘅 早餐款式都算多午餐晚餐餐單都還可以 午餐快餐 豬扒飯 啲豬扒都大大件 唔會好嚇味道可以 跟餐如果唔要飲嘢可以 揀 糖水 呢間餐廳仲有埋宵夜食 間唔中都要等位不過唔使等太耐

來多客一向大大碟，好抵食深受街坊歡迎餐廳環境係紫色為主，有6人台/4人台/2人台，全部卡位，坐得都幾舒服晚上9點人流都幾多！從來都未係呢度食過扒餐，今次就order左吉列魚柳香茅豬扒配薯菜鐵板餐！首先黎左餐湯同餐包，羅宋湯好大碗，係比較希，但希得黎濃味。蒜蓉包有2片，蒜蓉味唔重。吉列魚柳香茅豬扒配薯菜，最驚喜嘅係2塊扒中間夾住左好大片菠蘿。仲要係新鮮菠蘿，好甜吉列魚柳佢係外脆內軟，好大塊，但外面麵包糠比較厚，味道麻麻，隱約有陣麵包味，唔似食緊炸魚。香茅豬扒比較薄身，正常size，香茅味唔夠，口感似醃左好耐，但又唔夠味，普通。薯菜係用薯角唔係薯條，薯角炸得好脆，好夠咸，唔駛點茄汁都好好味第1次食扒，覺得最正係薯角同菠蘿，扒就真係麻麻地有待改進！餐飲要左凍檸茶

每逢星期日晚都係苦惱食咩既時候今日無出街，所以就要係屋企附近搵野食最中意來多客既餐可以跟糖水咁食飽就唔使再搵糖水食同老公每人叫左一個扒餐選兩樣扒+蒜蓉包+紅湯+飲品或糖水想講～碗紅湯真係～勁！大！碗！係用粉面碗果種大蒜蓉包每人兩塊其實剩係食呢兩樣好飽扒餐到～用鐵板～夠熱雖然扒唔算大同厚但意粉/薯菜都好夠最後食埋碗紫米露糖水～一個字～爽最重要係咩？梗係抵食啦$62一個餐食到飽又滿足係依家呢個環境真係好難得所以附近既茶仔得呢間要排隊都係有原因

來多客黃大仙的鳳凰村沒有特別大嘅商場，只有幾條街的餐廳可以選擇，大部份都係茶餐廳，而且都好老批。不過今次來這一間，裝修比較鮮艷，新的fusion 港式茶餐廳,除咗提供一般茶餐廳都有嘅炒粉麵飯之外！以後樣嘢我真係想聽覺得好食！就係他們的越式公司飯，大概＄60包埋飲品！絕對抵食！好大碟，白飯又多肉又多，這個公司飯有豬頸肉, 雞翼，窄肉，豬扒， 全部都有香茅葉制過！非常入味，未食都聞到好香！另外仲有用醋葉過的羅白絲，酸酸甜甜，10分開胃！當然唔少得仲有煮熟過嘅椰菜伴碟！他們的凍檸茶都很大杯架！真心推介大家食呢個公司飯，抵食好味，令人驚喜！

今天外出在黃大仙附近工作，經過環鳯街附近。見中午時份，是時候找間餐廳坐下吃飯。見這家餐廳的名稱幾特別，要吃過飯才知道可否「來多客」?!我點了咖喱豬扒拼煙肉飯及凍椰汁黑糯米。咖喱飯有豬扒，煙肉，炸薯塊及椰菜。賣相可以。份量算多。熱辣辣的。咖喱汁少少辣，味道好咸。豬扒算是"大塊"，囗感豐富，肉質爽軟及好嫩滑。煙肉不是"薄片"，而是"厚片"，有煙肉的香味，味道可以。炸薯塊是新鮮炸起薯塊，好脆口，好新鮮，味道好似燒烤味。黑糯米糖水有紅豆，黑糯米及紫糯米。賣相很好。味道不甜，好好味。用來中和好咸咖喱飯就剛剛好。餐廳環境裝修可以，座位舒適度也可以。等候待應落餐及送餐時間算快，侍應服務態度尚算殷勤。

最興奮就係收工既一刻同班好同事一齊收工，就緊係諗下食乜好，吹下水啦。我地收工都10點啦，有個女仔就提議去來多客，反正我地幾個都未試過，就不方一試啦😬去到門口，見到有好多人等外賣，仲怕要等位添，好彩入去就有位啦。餐廳都有好多餐牌既選擇，有鐵板餐，宵夜餐，煲仔小菜等等。我地今次食小菜，有跟中湯，白飯，仲可以揀飲品或者甜品🍮湯🥣：有好大碗，但麻麻，好鹹，應該好多味精，我飲左幾啖就無要。飯：都有一大碗，普通吾算差啦薯仔排骨煲：炆得好香，薯仔好多，但排骨得4件。。椒鹽雙脆：炒得好香，肉排都好食，吾太鹹！仲有翠肉瓜係入面，可以一試彩椒炒鮮魷：魷魚都算多，大件，吾un,炒得香夠入味！可以一試啫啫雞煲:呢個入面有雞，豬潤，洋蔥。雞件都好多舊。豬潤係爽吾粉。雞入面，好食！椰汁黑糯米糖水：好味，吾太甜！椰汁甘香，黑糯米煮得岩岩好，煙勒。好過揀飲品呢度收12點，我地11點到，都一路見到有人入泥食野。加上多卡位，坐得幾舒服！可以列入宵夜好地方😍

開完OT, 都已經9點, 番到屋企樓下, 九點半, 懶得煮, 去食宵夜。估唔到九點半的來多客仲要等位, 莫非個個夜鬼都學我要OT?雖然要等位, 但即使一支公仍然分到大檯, 唔洗搭檯宵夜餐有好多款可以揀, 似下午茶gam , 大食者可以揀炒粉面飯, 輕食者可以揀雞翼沙律薯條等等。是晚我叫左個最普通, 亦是試到餐廳有無誠意的「楊州炒飯」大概十分鐘後就已經上菜。看色水, 是對板的, 每一粒飯也是金黃色, 証明有蛋汁包過每一粒飯。而餸的比例也算多, 有蝦有叉燒有火腿有炒蛋, 也有少許蔥粒。總括而言, 這炒飯算有誠意。餐飲可改選糖水, 叫了熱喳喳, 雖然豆豆算多, 但應該是用微波爐翻丁的, 要扣分。總括而言, 宵夜以四十多元的價錢, 質素還是不錯的。OK。

年30晚, 放早工, 好早就同娘親去戰花市, 戰完界限街又戰摩士, 花市少少野食實在食我地唔飽,番番去黃黃大仙蒲崗村, 發覺來多客仲有宵夜食, 而且仲唔收額外費用, 於是諗都唔諗, 決定開始新春增肥計劃action Go!我地黎到其實都十點, 要食梗係食宵夜, 貪平D 呀嘛, 跟餐又可配餐飲或者甜品, 要求唔高其實都算可以, 當然唔好期望係上上品啦。我同娘都叫左一人一碗宵夜羅宋湯米線配香茅雞翼, 羅宋湯唔好期望要好濃牛尾味喇, 港式羅宋湯有些少菜, 有少少肉已經收貨了。而米線也OK, 唔太淋要彈的是碗羅宋湯唔夠熱。至於雞翼, 稍為炸得老了點, 過了火氣。但38元包甜品, 算不過不失吧。

每到lunch time 時間又到了苦惱的時候啦🙄🙄因為餐廳的選擇有限，而且搵間抵食的就更難！！所以每逢到黃大仙慈雲山一帶時，必定會令我諗起佢啦！價錢十分貼地，$40多電就可以賣單啦！而且如果不選擇飲品的話還可以選甜水tim ! 很是難得又小見！！炒飯、湯麵、焗飯及泡飯也有呢！燒汁豬柳扒拼腸仔飯～份量十足！如果是食肉獸的朋友一定會好滿足！豬柳煎得不過火！而且還有邪惡的炸薯角！一定能令你飽足一個下午呢！！

見到呢個招牌《來多客》，都改得幾直接喎😂😂入到去一睇，都幾大間，好多位。lunch time真係幾多客人喎！！😁好喇，點野食！有lunch set揀。＄3×-4×一個set.包野飲 or糖水 可揀。咁特別有糖水食，就叫下啦！叫左個豬頸肉日式拉麵。豬頸肉都唔錯喎。外脆內軟。仲加埋其他配料，溫泉蛋。湯底都幾好味，豬骨湯底黎😃😃另外叫左個燒汁雜扒飯。哇，都幾大碟喎！！都幾多餸。有紅腸，雞扒，牛扒，薯角。😃啲扒都ok.唔會話好難咬開。但真係好大份，😂食唔哂！糖水叫左綠豆沙同椰汁西米露。味道都唔差喎！但個西米就有d咬落去好似好硬咁，未夠熟？！😯😯

今日難得食lunch 約到darling一齊撐枱腳😍😍來多客難得少學生 無咩人爭位可以坐卡位😀😀唔算太貴 價錢接受到 普通茶餐廳價錢叫左個印尼炒飯 加杯凍奶茶印尼炒飯好普通 無特別驚喜 少少辣 有提子粒 蝦仁杯奶茶平穩啦試左darling 個糖水 但唔記得左影相😅😅最多我下次補返糖水係椰汁黑糯米個糖水不錯 唔太甜 岩哂女仔 唔怕肥PS糖水有熱有凍揀 好貼心噢！下次我要試下揀糖水啦 今次蝕底左啦🤧🤧唯一要講既係 餐廳有好多蚊滋😅

今日咁岩係附近做完野，臨走之際見到間來多客，其實係深水埗食過，平時自己出街食飯次數唔算多，但真心好少茶餐廳會有糖水送，可以㨂凍同熱，咁我就叫左個椰汁黑糯米，都唔錯，唔會太甜食飽飯食糖水就一流啦，先講下個menu, 好多選擇，有7個餐應該總有個岩食，咁我叫左個「黑椒豬扒拼煙鴨胸飯」，啲鴨胸一般，有啲hi, 好似食緊香口交咁，豬扒就煎得普通，好似返煎咁，反而啲署仔就幾好食，好香口，啲黑椒汁我覺得好鹹，人唔多情況下，又有糖水食，呢個價錢都係市價，始終好難同啲貴野比較不過著短褲，好似有野咬同成日有幾隻野飛來飛去

朝早喺屋企食咗粥，到4點幾唔係好肚餓，不過本身自己個胃唔好，唔可以唔食嘢頂到今晚食飯先食，咁就落去食個茶餐香茅豬扒米綫冇加價，不過明顯細碗咗，已經發現咗一段日子，唔知係咪轉咗廚師，啲嘢係淡味咗，本身自己都唔係食得好鹹，但係佢眞係可以加多兩粒鹽餐蛋治味道同一般冇分別，不過有啲奇怪嘅係，唔知點解兩塊午餐肉都喺分開3節凍檸茶(+$2)一杯要走甜，一杯少甜，今日好奇怪走甜嗰杯連茶味都走埋，少甜嗰杯啲茶味就正常另外，想佢哋改善下嘅，佢哋個下午茶同個宵夜個餐牌內容係一模一樣嘅，呢個可以接受，但係啲餐牌裏面啲食物可唔可以定期換下，幾年都係呢啲嘢食，好悶

番工識到新朋友很感恩番工總是很期待快點lunch hour 搵好野食吹吹水為苦悶既打工日子找一點樂趣今日試左依間茶記好彩行快一步，如果唔係要等位了餐廳都幾大，都好爆見隔離台d 野食都係份量很足，大大碟剩係午餐menu 都已經好多選擇花多眼亂依個牛扒紅腸飯都幾大碟但因為好味+好肚餓食到一粒飯都冇剩仲有最愛既炸薯角tim依個餐仲包埋糖水要左椰汁西米露唔會太甜 好味下次會再黎有機會成為我同同事既飯堂坐得舒服，又多選擇，份量又多價錢合理

調黎慈雲山番工都有大半年，平時番工都係帶飯多。今日約左新黎又岩傾既同事一起出街食。有時放飯時間，出外行下都係一件好事。我地兩個都唔熟路，見到依間茶餐廳感覺唔錯，坐得舒服，環境乾淨，最重要都係抵食。我叫左依碗日式豬頸肉溏心蛋拉麵份量都幾大碗豬頸肉煎得好香口，唔會好乾又唔會太硬拉麵唔會過淋（唔喜歡太淋既麵）😜配埋粟米木耳紫菜，賣相味道都好好加左$6 要碗海帶綠豆沙糖水又係👍🏻唔會過甜，好香海帶味炎熱消暑一流