來記士多

營業中

休息中

老闆同老闆娘和藹可親💕內裡有洗手間可供使用，大家記得要提前預訂食物哦～柴火煨雞和蠔餅係必試必嗌.柴火煨雞：雞肉肉味濃、嫰滑且醃得非常鮮味！啖啖清新嘅香茅味喺口中盤旋睇住老闆流哂汗咁去睇住個柴火，嚟份心機都已經好值得去支持佢地.特色香煎蠔餅：蠔餅一碟大大份，蠔肉夠多且煎得香脆可口，不錯不錯！一口可樂，一口蠔餅，大快朵頤確係爽.蝦球炒麵：份量足、蝦球彈牙，乃飽肚之選.山水豆腐花：有熱同凍揀，同樣都係大大碗，豆腐花非常滑溜，作為飯後甜品一流.是次我地係去開附近玩獨木舟，所以大家去開附近行山或玩獨木舟嘅話，推薦你地去來記士多！

最近夏天想玩水上活動，於是約咗一班朋友玩獨木舟&食柴火燴雞～呢條路線沿途景色優美，加上又小眾，所以想推薦俾大家，專登入嚟食雞係值得㗎！📍午餐：榕樹澳來記士多⭐️⭐️⭐️⭐️⭐️（柴火煨雞&蠔餅必食！要早幾日打去預約，士多係由一位葉伯伯經營，佢好俾心機架～）⭐️⭐️⭐️今次真係要讚一讚午餐，柴火燴雞啲雞肉出邊有荷葉葉包住煨，肉質好嫩滑，同埋好香。我哋同伯伯傾傾咗一陣計，佢話用香茅同埋紅蔥頭爆香咗先，之後塞入雞肚入邊醃製，然後喺出邊包荷葉，包錫紙，先至攞去煨，要用炭火燒50分鐘架！我哋9個人叫咗兩隻雞，其他朋友仔如果幾個人去嘅話叫一隻就夠晒㗎啦～記得要提早電話預約，因為伯伯要特登早幾日買材料架！

由水浪窩行入去溶樹澳，目的只為了來記士多聞名已久的柴火煨雞，客人最好提早－至兩天致電預訂. 當天由於行路速度快了－點，俾預訂時間早到，老闆告訴煨雞需約1小時，我們到達後有時間看到雞正在柴火下煨著，散發出清香的雞火味.等待雞時，我們嘗了炸蠔餅，俾起坊間的蠔餅很有蠔及蛋香，沒有太多脆漿，而且是厚切，啖啖蛋肉，非常可口也試了雞屎藤，不太甜，很煙靱，很不錯煨雞非常嫩滑多汁，絕對不能錯過.蝦球炒米就比較一般最後一碗熱辣辣豆腐花，非常嫩滑，豆味較淡

假日獨木舟從企領來，友善熱情的老板娘為你道來蠔餅、 馳名豆腐花和豆漿，還有雞屎籐茶果。好有豆味之餘，蠔餅有鮮味。還有濃濃既人情..老板娘熱情好客，又主動跟我們介紹各款餸。還有熱情唐狗狗。

由深涌行去水浪窩，中途會經過榕樹澳村，而經過呢間鄉村士多。店內竟然是坐滿人，但食客不是食餐蛋麵，而係食蠔餅、柴火雞粥、豉椒炒蜆、山水豆腐花、等等。我哋又走入去食嘢嚕😄特色香煎蠔餅 (HK$100/小)．好厚好高身，我覺得似蠔批多啲😂．煎得超級脆口，餅批不知是什麼食材做的？麵糊？蛋漿？麵包糠？🤔．裡面有BB size 蠔仔㗎！．小的都好大塊，我哋一人食1/4塊山水豆腐花 (HK$20)．我叫咗碗熱嘅，絲滑口感，有豆腐味，幾好食😋自製雞屎藤茶粿 (HK$15)．熱辣辣的辣手㗎！．好大一件，粿皮口感軟糯、煙韌．餡料有好香濃的黑芝麻和花生碎粒，不太甜，好食👍🏻

行完山當然要搵好野食，今次西貢水浪窩尾站深涌答船走。在這間深林深深深處的餐廳充滿了原始風味，重點是柴火煨雞: (350需預訂) 原隻雞用柴火慢烤，調味也恰到好處，大量香茅碎，肉質嫩滑並保有肉汁。其他食物:蠔餅: (130)蠔肉充足，半煎炸的蠔餅不會太乾，惟有些厚粉，口感結實。蝦球炒米粉(95) 配料較少，比較普通，建議配辣椒醬食用。豉椒炒蜆(120) 汁醬濃郁，可惜有沙，份量一般。雞屎滕茶果：(15) 皮較厚口感煙韌，餡料相對較少。綠豆沙：(25)有臭草，海帶及果皮，比坊間的綠豆沙更足料。豆腐花：(20)質感幼滑，配黃糖才有味道。自家涼茶，豆漿: (20) 正常範圍，沒什麼太大評價。深山來說也不特別講究價錢，環境比較原始，冬天來十分清涼，夏天戶外可能會比較熱。

最近學識完直立板，約朋友去西貢沙下水上活動中心租直立板玩。今天的路線從沙下出發，撐去榕樹澳，然後去榕樹澳的來記士多食豆腐花。上次去過榕樹澳但沒帶錢，這次特意帶上零錢，不要再錯過了。經過一個多小時在水上漂，終於到達榕樹澳，士多的食客都是行山客，只有我們是從“水路”過來的。士多的一景一物都很有鄉村氣息，食物用柴火來煮，融入大自然。我們只點了一些作為下午茶：豆腐花：很滑，要加黃糖才夠味。蝦球炒麵：蝦球新鮮，麵乾身不油膩，意想不到的原味好吃。雞屎藤：朋友點了個雞屎藤，兒時味道。值得注意的是，聽說士多的柴火煨雞不錯，但要提前預訂。

秋高氣爽，正是行山的好季節，一行三人，由水浪窩行去深涌，沿路有山有海，藍天白雲，微風輕吹，不同顏色的芒草隨風蕩漾，全程以平路為主，不知是否假日關係，沿途有很多的士丶私家車、大型泥頭車駛入，所以行山人士經常也要在避車處避車，存在一定的危險行到近尾段榕樹澳，已差不多中午一點，便前往「來記士多」食個充滿鄉郊風味的午餐「來記士多」，非一般只提供餐蛋麵之類速食的士多，它還提供很多特色的美食在入口處的大帆布，寫上「香煎蠔餅、「蝦球炒麵」，店內環境雖然有點簡陋，但四周環境的清幽，仍給人一種悠閒丶舒服的感覺士多內「設有開放式」廚房，感覺味道很原始，但整體來說，環境丶食具也算乾淨！店主很貼心，在入口當眼處已張貼了有關街渡船期的時間表，方便食客知悉船期，以便離開。山水豆漿，豆味一般，少甜，冰涼解渴豆腐花，豆味也是一般，滑溜程度，不算太滑豉椒炒蜆，份量一般，蜆殼部份未開，即使開了的蜆肉部分有沙，而且不夠熱和不夠惹味！香煎蠔餅，分有大和細的份量供食客選擇，蠔餅厚度似厚身薄餅，煎成金黃色，很有蛋香味，沒有油膩感。𧐢餅除有𧐢外丶內裏還配有芫荽粒、蔥花粒，胡椒粉，𧐢仔肉質鮮嫩，口感和味道也不錯！整體而言，「來記士多

見到柴火煨雞，想試吓，但要等個几鐘，於是改吃鹽焗雞，點知😩😩😩，三倍多的泰x雞價錢😩，原來只是翻熱的冰成品🤦‍♀️，還以為有現場蒸，即使是冰鮮也有點盛意啊，不會再光顧了。

今日去咗西貢親親大自然，由榕樹澳行去深涌，尋找穩世大草原。天氣好熱，好彩多數係平路，而且沿路都有啲樹蔭。有山有水，又有紅樹林，風景一流。行到肚餓，見到間士多，即刻入去休息下。以行山士多黎講，都算多野選擇，有凍飲，粥粉麵飯，山水豆腐花，蠔餅....一人一碗餐蛋麵，山水豆腐花，再叫多個蠔餅share。餐蛋麵餐蛋麵，一般茶餐廳水準，冇乜特別，飽肚。蠔餅好少係士多食蠔餅，好多蠔仔，味道仲要幾好，半煎炸，熱辣辣，卜卜脆 山水豆腐花行山必食既山水豆腐花，食完先似係行咗山，消暑一流。食飽飽，就可以繼續行去尋找穩世大草原。

weekend入咗企嶺下玩獨木舟 本身定好嘅路線太遠去唔到 嬲嬲地決定去食飯就算 划咗嚟呢度餐廳前面有個沙灘仔嘅 泊好船行到1分鐘就到 環境舒適 有微風 本身以為有蚊 但又冇 叫左幾樣野食柴火雞粥可能隔夜左 冇想像中咁好食 仲有d 白色一舊舊鯨左既野蒜頭炒白菜同油麥菜超香 唔知佢用咩油煮 山區黎講好好食蒜頭味夠晒重 菜炒得唔乾身雜錦炒飯 正常水準 好有味但唔太咸豬頸肉炒米粉都係入口夠味 咸度岩岩好 但舊豬頸肉冇味太肚餓唔記得影食物相 得環境相畀大家睇下

每次計劃行山路線🤔，都會先諗咗行完山食咩😋先去決定。今次都唔例外，由西貢白沙澳行入榕樹澳，大熱🥵天時去到來記士多，梗係飲番個蘆兜水，清熱解毒，原來蘆兜水有期限，錯過左依段時間就冇。另外，推介大家食佢個煎蠔餅，配上魚露，蠔味濃又香口，亦唔會有平時食好膩嘅感覺。食埋個山水豆腐花就起行繼續出水浪窩，唔想行嘅朋友可以選擇搭船，非常方便。

由西貢水浪窩行山至深涌，途經來記士多，便進內補足一下體力。與一般郊區小店不同的是，士多提供多款食物供客人選擇，除了粥粉麵飯，更有蠔餅，炒蜆和外面未必能食到的柴火煨雞。炒蜆和柴火煨雞需要事先預訂。由於當天有不少人行山，不少食物己經沽清，於是點了一碗泥鯭粥和山水豆府花。泥鯭粥很有驚喜，泥鯭份量很多，入口鮮甜，而且事先煎香，所以口感不會散修修。粥底亦帶有泥鯭的鮮甜味，想不到能在郊區吃到一碗如此美味的粥品。山水豆腐花頗有豆味，不過和一般豆腐花店吃的豆腐花無太大分別。小店人手有限，上菜時間會比較耐，但姐姐態度十分好，一臉鬆容，而且會提醒我們小心魚骨。

又到了秋天行山的時候，這次為了吃深涌的柴火雞，所以特地選了路經來記士多的行山路線。出發先從馬料水碼頭坐船到深涌碼頭再步行20分鐘到來記士多，到達士多剛好到了吃午飯的時候，先叫了豆腐花再慢慢等烹調中的柴火雞。豆腐花：老闆娘說是用山水做的豆腐花，味道的確鮮甜又十分嫩滑～柴火雞：需要早三至四日預訂，是用荷葉包著全隻雞再用柴火慢慢煮熟，由於用柴火煮的關係，雞肉非常嫩滑，吃上去有種柴火的味道，雞殼內是裝滿了香茅同香料，十分配合雞肉，老闆娘給我們選用手套吃或是她幫我們斬件，那當然是選用手套吃吧，那才能配合野外環境，感覺像手撕雞一樣。深涌是個效遊好地方，走累了可到來記吃個午餐補給，店內也有老闆娘自製涼茶，又有蠔餅同炒蜆，一班朋友絕對合適來小休一下。吃完後又有力量再去行山～

都市人平日都在石屎森林中, 放假總想去郊遊一下, 呼吸大自然的新鮮空氣, 今次由馬料水搭船來深涌, 目的地是來記士多, 吃下午茶。平日只有8:30船和15:00船, 來記士多12點後才開, 所以唯有選擇15:00船。從深涌碼頭大約行20分鐘便到來記。今天沒有菜乾豬骨粥, 雞粥也不錯吧。用柴火燒出來的粥, 好像比較綿滑, 雞件亦有雞味, 肉滑, 不錯。蝦球炒麵, 有不少蝦隻, 椰菜, 炒麵有點油, 但最大問題是非常鹹, 鹹到吃不到, 今天大廚好重手, 煮開野食的人, 其實很少會犯這種錯誤, 不太明白, 因為鹹的程度不是多一點點, 是多很多很多....最後我們吃剩很多, 老闆娘問我們為何不吃, 我們如實說了, 她很不好意思, 說早點告訴她就可補救一下, 或補償其他東西給我們, 我們都算了, 因為趕路...蒜蓉油麥菜, 郊遊的菜似乎特別好味, 炒得剛好, 味道也適中, 我們都吃不停, 只是比住家會多一點點油。