侍元

營業中

休息中

一間好日式的拉麵店名，看餐牌第一頁都係主打拉麵, 再看價錢，只是$64一碗，想也不想就坐底叫了一碗拉麵還加了一個炸雞同凍o茶才$88，是其他拉麵店一碗麵既價錢，心想相當便宜所以點餐取餐都是快餐店型式也不怪，可以減輕人手賣平宜一點。但係我既想法似乎有出入了，來了一碗麵，外表還是正正常常，一夾起麵條來看就知出事了，係茶記拉麵的麵條，一路放麵條入口一路諗，唔好係茶記拉麵啊，點知我既想法又再次錯誤，正是茶記拉麵，連湯底都係，义燒都唔係正宗野，只係一塊豬扒仲要係鞋既豬扒。不過炸雞相當出色，新鮮即炸，外脆內juice, 而且相當大舊吓。 必試。來此店不推介拉麵了，只推介炸雞。

呢晚又過嚟屯門搵食，今次試下呢間日本菜初時以為呢間只係拉麵店，但望下餐牌原來有拉麵有飯有小食都幾多選擇。1. 糖心蛋忌廉雞皇飯 $58；另加 餃子配凍奶茶 (+$24)飯入面有粒粒雞肉，個汁調較得幾好味，加埋大大隻有少許流心的糖心蛋，味道唔錯。但餃子略嫌細隻同埋油咗D2. 糖心蛋墨魚餅湯烏冬 $54；另加炸雞兩件配凍檸茶 (+24)墨魚餅普普通通冇乜特別，烏冬都算彈牙炸雞肉質都幾嫩，味道不過不失，但同樣都係比較油。整體來講食物質素同味道OK，價錢唔貴，而餐廳雖然以自助形式為主，但店員有禮，臨走時更送咗把扇比我，都幾surprise（但堂食都用即棄餐具就唔係咁好了！）

今日去屯市搵食，日日都去真係諗唔到食乜好，四圍利下見到li間新開，睇菜牌都好多選擇喎，又有位就試試有烏冬，拉麵，咖哩飯，親子并，仲大炸蠔？！咁就試試佢啦$58仲包野飲係自助式，出去點餐，自助拎餐，因為即炸都要d時間等下叫左炸豬扒同炸蠔定食 各$58，加多個榴連炸彈炸蠔唔錯都鮮既無雪藏味既，豬扒個炸漿都唔太厚，係有少少油。榴連炸彈唔係出邊食開糯米個種質地，係用炸漿好鬆脆既外皮，少少似酥皮咁埋單$152，抵食過米線，下之試埋拉麵

可能情人節關係，好多餐廳都要排隊。見尼間餐廳唔使排隊就試下。去到門口，職員會叫你拎餐牌入去搵位，再出去落單俾錢。部機仔響就可以出去取餐。醬料同水都係自助形式。白武士九州風櫻花蝦豚骨湯拉麵($62+炸雞套餐$22)一聞就聞到好香既櫻花蝦味。豚骨湯底偏咸，但岩我口味，唔錯。拉麵係粗身，軟硬適中。叉燒有2片，口感唔錯，唔會好鞋口。流心蛋，好味。整體幾好味。（個人口味Ｓ：４/５分）主食加$22轉套餐配炸雞同凍檸茶炸雞有2件，比我想像中大件，肉質嫩滑，係好食既炸雞。如果餐廳有提供沙律醬會更加滿足，個人麻麻地配茄汁。凍檸茶正常。（個人口味Ｓ：４.５/５分）黑武士東京風黑蒜油醬油湯拉麵($62+炸雞翼套餐$22)黑蒜油味好淡，無乜黑蒜油味，湯底淡淡地。“友人”就覺得拉麵偏乾身，叉燒鞋鞋地，平民版拉麵。（個人口味Ｅ：３/５分）主食加$22轉套餐配炸雞翼同凍檸茶炸雞翼有３隻，都幾大隻，但係偏油，口感同味道爭少少，麻麻地，無炸雞咁好食。（個人口味Ｓ：３.５/５分）（個人口味Ｅ：３/５分）炸流心芝士蝦餅($25)蝦餅中間有芝士，食完芝士就係正常既蝦餅。$25一件性價比不高，應該唔會再叫。（個人口味Ｓ：３.５