保食屋 (已結業)

同屋企人一行8人去完西九龍中心shopping 唔知食咩好⋯見openrice有間新既日式料理就黎試下,好近就係西九龍中心行過去1分鐘 就係深水埗差館附近 我地叫左好多小食,有炸魷魚鬚,芝麻雞亦,豆腐魚餅，螺肉，香芋丸，芝士年糕,炸帶子，煎軟骨餃子，除左螺肉無咩特別，其他小食都好有水準好好味定食我地叫左鰻魚炒飯,雞扒讚岐烏冬 ，和風牛仔骨飯，濃味豬軟骨飯 ，一d無失望呢個價錢有咁好既水準值得一試再試 有其他特價中午餐 $30 同每月推介 不過真係食唔到喇今餐太飽 搵日同朋友再黎 呢度環景吹水唔錯

琴日同同事做完野, 黎左呢一間保食屋食野。呢度地方唔算大, 裝修簡簡單單, 座位都幾闊落。午市餐牌主要係日式熟食丼飯為主, 有少量麵食, 另外可以叫小食, 選擇都唔少。價錢方面, lunch set 大概五十幾蚊連野飲, 小食大概十幾廿蚊有一客, 算幾公道我地3個人點左2個飯share食, 再點左幾款小食黎過下口癮。滑蛋豬扒飯$56炸豬扒都幾厚身, 幾大塊, 肉質唔差, 唔會乾到榎口; 外皮好脆, 上台要快D食。滑蛋都幾多, 約8成熟, 仲有少許蛋漿; 飯本身煲得偏少水, 加埋滑蛋既蛋漿恰到好處 鰻魚玉子飯$58個人鍾意呢個鰻魚玉子飯多過滑蛋豬扒飯, CP值好高鰻魚肉質爽脆, 蒲汁夠哂入味, 令整碗飯既味道更勝一籌。個飯除左玉子之外, 中間仲有洋蔥, 香菇。呢度小食既份量, 2件,3年為一客, 每樣叫一份大家share可以食多D唔同野, 幾好唔洗焗人點大大份。芝麻雞翼$28 (三隻)醃得好入味, 芝麻香勁出, 如果唔係叫左咁多野真係想追加多一碟。煎軟骨餃子$18 (三隻)見呢個都係推介就點黎試下啦煎得好脆, 皮薄薄, 略嫌油左少少; 個餡係軟骨, 配左個醬比你點, 咸中帶甜, 幾好味芝

照燒雞朳飯 $52除左雞皮脆之外，雞肉較為老，佢採用左黑椒汁，實在太辣了食唔落就算佢想用牛油粟米中和番辣味，但我覺得太辣😫紅色絲更加同呢個飯唔搭另外價錢以午餐黎講有啲貴，唔太推介呢間好味指數：😋😋😋

新開既日式料理,食左幾次午餐都唔錯!!最中意就係鰻魚炒飯,唔慳皮,見到用左好多蛋,粒粒飯均匀,仲有其他配料加埋好足份量既鰻魚粒,超惹味! !!不過趕反工次次無影底相…. 呢幾日見出左下午茶餐又黎試下, 叫左個雪見蜂蜜厚多士+熱啡, 蜂蜜多士平平無奇原來內有驚喜,外脆多士裹面係雪糕糯米磁,仲有紅豆蓉同其他配料,好有心思.熱啡雖然無星字連鎖店咁好飲,但都好過茶餐廳. 炎炎夏日,一邊嘆下午茶~一邊聽下日文歌都唔錯… 總括黎講,環境舒服,店員態度100分, 最重要野食OK埋單先$40 好抵食!

第一次來點了雞扒烏冬, 咖喱吉列豬扒飯, Not bad!.價錢合理. 環境及氣氛都ok. 街坊生意. 依家新張期內, 外賣自取九折. 但要12:00 才營業, 所以要食lunch 先好來呀!

影完花同朋友泥深水埗覓食，行過一間新裝修見到差吾多坐滿晒人入泥試下。。一坐低叫左三樣，鰻魚飯、豚肉生姜燒飯同埋忌廉蟹肉薯餅。成尺長鰻魚飯：鰻魚又厚又長，多汁，88蚊真系抵食，食既時候小心有小小刺。豚肉生姜燒飯：一泥到好大陣生姜既香味，夠足料，豚肉煮得岩岩好，撈飯一流！忌廉蟹肉薯餅：唯一美中不足個餡冇咩味，加左d豬扒汁就好d。食飽去洗手間都好乾淨又吾迫，環境都好舒服，吾會好迫，又可以聽下日文歌。服務好好，個飯煮緊可能要等耐少少會同客人講。總結：物有所值又冇收加一，下次再光顧試下其他食物！

荔枝角道保食屋開左一星期BI見有新舖開 星期日特登去試下首先叫左兩個小食雞軟骨餃子雖然都係現成攞貨反黎 但即叫即煎外面少少脆 入面D雞軟骨同肉嘅比例恰到好處即刻encore多一客螺肉雖然係現成攞貨反黎 有D偏辣面頭灑左D芝麻有擺盤 相比起其他餐廳哩D細微位有加到服務分 當日去到比較夜，加上哩個星期仲係試業 想食嘅野好多都已經賣曬 所以老闆將雞排讃岐烏冬轉做生姜豬肉讃岐烏冬 讃岐烏冬彈牙，口感好好，個湯底唔係好多味精 而個豬肉份量都幾多，唔會得一兩片，但就無姜味 極其量可以叫做燒汁豬肉。 洋蔥都好多，但略生 可惜粟米粒質素差,粒粒都好似粟米乾咁 令成個烏冬扣左分。至于咖哩一口雞飯一口雞嘅SIZE岩岩好飯量夠多 但汁太少唔夠送曬成個飯如果可以多少少配料或者汁咁就perfect 滑蛋吉列豬排飯 如果將呢個同吉豚屋比就當然無得比 始終吉豚屋係專門店 但哩個飯都已經唔錯 蛋唔老身 有幾片冬菇 食落唔會太寡 洋蔥夠多 豬排厚身 鰻魚炒飯BI食落第一下就已經覺得個味好似咸魚雞粒炒飯個味偏咸，D蔥無咩味配料唔夠多，鰻魚粒好少，只有少量日式魚蛋呢個我唔推薦總括黎講 保食屋價錢親民服務良好 值得一試！