俺流塩らーめん (東港城)

營業中

休息中

無論任何時候，東港城一田超市門前總是人來人往～ 難得出外， 又難得有堂食，也順道午饍～找到這間日式拉麵， 環境比較open。黑蒜油熟成濃湯拉麵$79可以揀麵嘅軟硬程度， 揀了硬身，不過入口 發現麵條都不算硬身反而偏軟。 湯底濃郁，蒜味不算太重。俺流塩湯拉麵$64白湯底較溫和， 以大量雞骨，豬骨淆製而成， 清甜而不膩。俺流味噌拉麵$82份量比較大， 曲麵條非常堅韌， 味噌湯底味道濃郁，加上芝麻特別香～拉麵款式選擇多，不過湯底未有太大驚喜～ 未至於連湯底也喝光的美味。

自從男朋友愈來愈忙就好少一齊食好些今日想食咩的時候佢話好耐無食拉麵辛辣熟成濃湯拉麵（2碗）一碗普通麵另一碗係硬麵本人喜歡硬麵因為我食得慢好怕麵糊了吾好食辣度係一般人都可以接受到的點解甘講係因為男朋友吾太食得辣佢都食到俺流餃子（六件）食左一件已經吾係好想食吾係因為佢吾好食餃子餡料肉同菜的比例係好平均吾會覺得好油膩外皮煎炸過有點脆口好耐無食小麥製品食完個麵已經超飽同個胃有點吾舒服男朋友叫我下次叫飯吾好叫麵🤣🤣

一個字: 掂! 好食. 抵食.呢間拉麵源自渋谷. 個名真係難攪. 漢字部份讀”厭流鹽”? 日文字部份應該係解拉麵. 咁普通市民點讀出嚟呢?講番食物. 煎餃子. 不過不失. 夠熱. 餃子皮唔會乾硬. 餡料味道正常. 主菜: 俺流熟成濃湯拉麵. 係呢間拉麵店嘅基本版拉麵. 同系有黑蒜同埋辛辣.麵質彈牙. 直身. 係我最鍾意嘅拉麵質地.湯底似係用豬骨雞骨熬出嚟. 白白地色. 濃味. 唔會太油或者太鹹. 我最後成碗飲晒.日式叉燒就半肥瘦. 正常. 唔算有特色.配菜有蔥. 呢個唔錯. 另外筍就出事了. 未算老, 不過真係唔夠嫩. 食唔到.12蚊加隻糖心蛋. 做到糖心. 不過唔知係咪把刀唔利, 切口唔齊.總結一下: 拉麵同湯底屬超水準. 食完嗰刻你真係想叫多一碗. 性價比非常高.

I normally do not post, but this is the first time I’ve eaten where the food is so strange. The rice, meat, and dumplings all give off a sour taste. It tastes and smells expired 🤢 may not come back again. Couldn’t finish my food. The best part was the ice cold water.

今日阿女放假，我今日中午決定同阿女一齊食俺流塩的兩款拉麵，第一款：俺流熟成濃湯拉麵，第二款：黑蒜油熟成濃湯拉麵🍜，兩款都十分美味，而且湯汁都全部飲晒，十分美味可口，所以日後有時間的話，我都會全家人一同再去食拉麵🍜，加上日本疫情都好嚴重，暫時都未能夠去日本，食當地人做的拉麵！只有在香港的拉麵店吃住先，當作懷緬自己去日本食拉麵的情景，我實在太太想念日本🇯🇵和日本人最喜愛的拉麵🍜，拉麵是日本的文化之中的表表姐！

東港城呢間係第一次我覺得食完真係夠晒飽嘅一碗拉麵。今日下午茶時間無咩人，又突然想食麵。我哋叫咗三款主食，兩款小食，真係幾好味，由其拉麵，唔怪得好多時都咁旺。唐揚炸雞(4件)，都可以，再滑啲更好。玉子大板燒，我以為都係用麵粉做底嗰款，一咬落去有驚喜，好似係炸嘅流心蛋。豚肉盛合拉麵，好味呀，食完都幾飽肚。俺流叉燒飯，雖然唔多豉油，但係食都底都唔會話好似食白飯咁，叉燒都幾淋，唔錯。俺流特製撈麵，啲啲嘅辣可以接受，幾惹味。飲品都係支裝或罐裝飲品。

俺流男盛拉麵 $89黑蒜熟成濃湯拉麵$78手羽餃子（2隻）$49整體拉麵一般，湯底麻麻🥲拉麵嘅炸雞如果分開上會好好多，叉燒口感好肥😅唯一可取係個糖心蛋，整得唔錯！手羽餃子好乾🥲

今日夜晚同男友一齊叫咗個外賣：熟成濃湯拉麵（$68）湯底相對嚟講算比較對得住個價錢，濃濃嘅豬骨湯味；但其實似double咗嘅出前一叮⋯但可惜麵身食得出係比較廉價嘅拉麵（七福神style）、亦唔掛湯，白白浪費咗個湯底。另外以麵身嘅質素嚟講，個份量得咁少亦對唔住個價錢。只能食得剛剛好，但唔會覺得似食咗個正餐而叉燒表現普普通通，有肥肉抵讚、但肉地無肉味⋯亦得一塊，如果有兩塊食客或者會食得比較開心總括而言，唔會再食多一次⋯

東港城都真係幾多嘢食但係有選擇困難嘅我哋根本唔知揀咩好、今次就揀左拉麵🍜試下食完發覺係我都係比較鍾意港式粉面首先，感覺價錢頗貴，無太大驚喜 其次，份量較少，味道一般 ，雖然至於難食，但唔想食多次俺流柚子拉麵💰78表面有啲啲嘅柚子皮碎、成個味道好fresh, 伴有啲啲柚皮苦澀味道，味道唔算太濃烈、食完亦不會覺得太口渴。份量來講：碗麵就得一塊叉燒而且叉燒本身冇咩味。對唔住佢嘅價錢咯溏心蛋：算係做得比較出色

主打係鹽味拉麵，有辣有唔辣，有炸雞有溏心蛋湯底可以話係一碗拉麵嘅靈魂呢度嘅湯底主要有鹽湯同熟成鹽湯兩種前者係用雞骨、豬骨、葱同蘋果等慢火熬製再加埋秘製辣汁就變咗做辛辣鹽湯一嚟到已經聞到好香嘅黑蒜油味，然後飲咗啖湯底超濃郁~有兩塊叉燒，兩塊都好厚啖啖肉好嫩滑, 麵條夠彈牙熟成湯底,麵條分粗幼選擇 麵身都係由日本直送香港 同日本食到既一樣咁原汁原味消費$300將軍澳重華路8號東港城2樓227號舖

午餐walk in，職員態度唔錯。期間限定小食好似系炸墨魚? 上到黎都系暖既，唔夠熱，皮亦唔脆，好在入面墨魚係嫩既，唔會咬唔到，所以都算Ok。豚肉盛合拉麵都有幾多肉，2舊厚叉燒，1舊厚腩肉，4塊肉片。叉燒就麻麻地，舊腩肉仲好食過佢。但湯底好好味，夠香濃，拉麵都唔錯👍🏻 配有真系流心既流心蛋🥚黑蒜熟成濃湯拉麵相比之下呢個就好小餸，只有1舊厚叉燒同流心蛋，湯底一樣好正👍🏻味道濃郁，2款完全唔一樣味既湯底。

點了外賣 有點不放心 打開一看竟然有根頭髮雖然換了一碗 下次再也不來了真的被難受到 其實沒什麼想說的 算我倒霉 但是為了讓大家都知道 還是要湊夠80個字 不然誰知道下次又有誰會中招呢？

價錢比較親民嘅拉麵店，而且分店較多，有時想過下口癮，都不失為一個好選擇🥰呢間小編已經食過好多次，拉麵講求嘅各方面佢都冇乜特別，但又食到日本拉麵個種風味，對得住個價錢😆.🍜豚肉盛合拉麵 $89食肉獸至愛，有三款唔同嘅豬肉，分別係豚角、豬肉片同埋叉燒😚基本上每一次都係叫呢一款，唔係因為佢特別好食，而係佢有齊小編想要嘅嘢😂有蛋有好多肉同埋唔辣🥳呢間湯底好濃同重口味，會越食越鹹😞.🍜墨汁魷魚豚角拉麵 $89小編不嬲都唔敢試呢啲新嘢，尤其有芫荽，但難得個朋友咁勇敢，就偷食咗佢個碗幾啖😂第一啖都覺得幾好幾新鮮，越食就越覺得麻麻，同埋啲魷魚完全冇味，都係正正經經食返豬骨湯底算啦😎.🍽味道: 3/5🏙環境: 3/5‍👨🏼‍🍳服務: 3/5💧衛生: 3/5💰價錢: 3.3/5

將軍澳區要找一碗有東京味道的拉麵真的很難。呢間裝修有日本拉麵店的特式，亦都係吸引🍄🍄去試的原因。而且menu既選擇都唔少，第一次食還是選擇人氣之選的拉麵。黑蒜熟成濃湯拉麵，麵可以選擇軟硬度、同埋要唔要某些配料或加多配料份量，呢樣同日本某些拉麵店一樣。🍄🍄就選擇麵條要軟一點的，另再加$12筍乾。筍乾係屬於幼條形，和東京食開粗條的不同；當然🍄🍄是偏好東京那款粗身和醃好的筍乾，爽脆又美味🙂麵既湯底味道唔算特出，麵條因🍄🍄選擇較軟所以唔會係爽口口感。叉燒得一舊味道偏淡，唯一流心蛋較好食，整得較好！另外一款柚子拉麵，好適合夏天吃，柚子味酸酸地較醒神開胃。呢間仲有飯團賣，🍄🍄買左兩個，試過後都應該唔會再買第二次😉，不過$10又真係幾平既！

朝早去完南大嶼郊遊，出返東涌食下午茶。舟車勞頓，唔係太開胃，於是就叫咗個辛辣拉麵刺激下胃口。1️⃣辛辣熟成濃湯拉麵基本上係熟成濃湯拉麵，加一啖辣油喺面。湯底濃厚係基本，鹹度適中。不過我多手，加多左幾羹黑蒜油，味道就變得太過鹹。麵條我就選擇左硬，彈牙而不黏稠。唯一美中不足，就係配料唔係好夠，如果叉燒可以比多一塊 ，客人會更加滿意、滿足。同行者有選擇其他味道，我哋最後得出一個結論，就係叫未到最基本嘅一個拉麵，然後自己再按個人口味添加醬料，其實都係一樣。本身想去一風堂，但留意到最近幾次服務以及出品每況愈下，於是就想試吓新嘅嘢，結果亦冇令我失望。Written by Andrew想睇更多食評？記得follow我哋Instagram @mespirit.dining！仲要支持我哋嘅自家飲食專頁 @mespirit.hk