倫舍

營業中

休息中

叫咗嘢食，超𣎴衛生，杯邊全部污積，明明叫左唔辣，俾左好辣，同店員講完，就係攞左個麵幫我用水洗，望住佢一路係咁搞黎搞去，超唔衛生，我胃口大減，唔會再食依間餐廳☹️

附近都冇咩餐廳，小食店更加少之有少，現在兩公婆經營，都幫襯左幾次。有時買下三文治有時食腸粉，佢哋都好用心做，小食嘅種類都幾多㗎，希望住附近嘅街坊都多多支持啦！😀😀

碗仔翅⋯超足料，好味正豬扒包⋯包夠軟身，入面有少少菜，沙津醬，豬扒厚度適中，一食就會愛上雞扒炒烏冬⋯即叫即整，夠熱又好味又唔太油，唔太乾，有少許汁，冇得頂重跟飲品就連屋企人都試過食，都話好味，話會再試埋其他，還有很多都未試，例如：沙爹牛肉包、芥末雞扒包，牛肉炒出前一丁麵，糯米雞，撈面重包埋一個餸（可選魚蛋、燒賣、腸仔）諗起都想食這間店雖然唔算大，坐位唔多，但真係好多食物選擇好抵食、好味、正一句講晒，食過之後，會總想再食

認真，我係特登新開戶口黎寫食評既，呢間小食店應該開左半年左右，野食都好多款式，腸粉 燒賣 魚蛋 三文治 麪 ，而且價格非常經濟，味道亦唔錯。同埋店員好有禮貌，最基本既早晨 多謝，同埋非常親切誠懇既笑容 態度，我都知呢d係基本禮貌，但香港已經無咩舖頭做到！就係呢樣野令我有動力經常特登幫襯，加油！

昨天試食了這間新店，店內食物質素都幾好食，三文治新鮮整，豬扒包沙嗲牛肉包等等都是即叫即做而且價錢都算經濟，重有特別食物(潮式腸粉)一定要試.腸粉皮軟滑加上有餡料包括菜、蛋和肉等，但如果餡料份量可以多點會好些。店內都整齊清潔，可惜只做外賣或立食所以環境未算舒適，食品選擇亦可再多些，店內裝修屬開放式設計廚房一眼睇晒製作食品亦可清楚看見，店內員工招呼亦算親切禮貌，係屬於家庭式店舖所以比起大集團食野多咗一份人情味！