倫記快餐 (已結業)

9/1(二) 9pm做面後到倫記再接再厲,此時段仍有挺多街坊捧場,店內無八成也有七成滿.由於食之慾念大於生理需求,僅要了3個淨送:豆腐,蘿蔔及生菜.$15三送是阿姐示意的最低消費.豆腐4大件,味道不算極入味,鹹度適中;蘿蔔5-6大件,味道屬清甜也無渣,乎合標準!生菜份量亦不少,食味合格!其份量之多,不得不打包作翌日的早餐.至於任添加的榨菜甜味過甚,盡失榨菜的本性及優點;湯底亦然,淡而白開水.此家車仔麵可說是質優價廉,阿姐亦是有求必應,加東加西無任歡迎,樂意之之.值得重訪的食店!

土瓜灣街坊美食眾多,唯獨車仔麵係大盲門,在譚公道,大家食隔離的"倫記",已經係大多街坊之選.十年前在牛棚附近發跡,十年後已經在紅墈美國寶對面開分店,不過,食味都係同十年前一樣地平平.湯底十年如一的曖昧.蘿蔔十年如一苦兼有渣,唯一好處,炸菜任添.乏如無味,也可憑此送麵.見其用料也"創新",煎釀三寶,燒賣,魚餅也不是新鮮事,連Hash brown也能搭車仔麵,似乎過左火位.Hash brown一浸水就散.完全不合拍,兩者老死不相往還.勉強無幸福.車仔麵,都是傳統的好.太多花臣,等同一個咩野名牌都搭上身,但一點自知之明也沒有的港女.五呎二,學人著Trench coat?咪嚇我啦.

之前通常都係買外賣返屋企食，但係同老公仔就多數係堂食係度宵夜，食味道唔錯，都好抵食，另外因為係24小時夜晚都好多幫襯呀，仲要坐到出門口添。推介﹕雞翼尖、同免費任加榨菜。

呢度D車仔麵算係我食過最好食o既一間~$15三個餸，餸多過麵，抵食~今次叫左碗牛肚豬紅魚蛋米線~精髓係免費加辣加榨菜加豬油渣~豬紅索左d辣汁好正，牛肚夠淋，魚蛋相比下較遜色~味精唔重，食完唔太口渴~

宜家要$15一碗車仔麵啦!!味道仍然ok啦,份量一樣仲係咁多~~

我對呢間食肆既印象好深，因為以前成日放學都會去食車仔面，覺得好好味～　但呢家諗番起，我都唔知果Ｄ"好味"，係唔係因為佢污漕！我並唔係想倒人米，但各位睇完呢篇野，就要重新考慮去唔去幫襯倫記喇！我自己腸胃好敏感既，少少唔乾淨我食落肚，都會即刻肚痛。　有好幾次幫襯完倫記之後，我都會肚痛。　初頭諗住算啦，講真可能自己之前食既野唔乾淨未必關佢事，更何況好多人都覺得，車仔面有名叫0拿渣面，預左唔太生啦！　不過呢一件事我好記得，因為係自己考會考數學前一日，我去完九龍中央溫書行去土瓜灣，一心諗住食最中意既車仔面。　點知就咁死喇。。。果晚又痾又嘔，真係幸苦到九彩！　第二日仲要考數，入ＥＲ又唔係，食藥又嘔番出黎。。。　無奈到極點！好在第二日無再嘔，但個人極累啦！自此而後，不單倫記，我連其他車仔面都有成年幾兩年無食過！可能有人覺得都係一次半次，間野未必真係咁污漕。　但我想話我問番好多幫襯過佢既人，都話唔再幫襯既原因就係食完又痾又嘔。。。或者客觀Ｄ評論，大家可以自己用肉眼睇下佢既廚房生。。。　

黎lee度食車仔面~ 主要都唔係食餸~ 因為間間都係差唔多架拉~~主要目的都係黎"加辣"~ 講真o個句,如果碗面唔加辣,真係一d都唔好味~~~ 同埋記得加炸菜~~~ 哇~ 諗起都想食~~~個老板幾好人~~~ 好有禮貌~ 不過o個度d阿姐手腳較慢~ ~~

有$14車仔麵，又有$5四條腸粉同$6豆腐花等，好多選擇。後兩者同區來說不算抵。唔知點解次次叫d唔辣既菜，出黎碗野都係辣。雖然食店有d野好難避免，但我不幸地有次食麵時，係碗野到見成隻小強，碗野點食>_<，希望多加留意la 。

The HongKong style noodle there is quite good!! i always go for a lunch or tea time!!<br>The most attractive thing is the size of a bowl of noodle is quite big even can share with other.......but it just cast $14 and choice three type of food,how great!!!!!