偉記燒烤樂園

營業中

休息中

食物質素差，有的肉類甚至是未醃好。而且食物款式少，甚少蔬菜類，連包玉米的碩紙都要加錢購買。環境也十分擠逼，我們一同十二人只有一個爐，還要收200元一位，位置十分偏僻，只有的士才能到達，一定沒有下次。

好味……好多野食……星期六日過來hae返一天好開心……下次有機會再來過……朋友講D野好好吃的……所以過來……已開了好多年……行路同坐車都去到……坐的士還有十元比返你……

中秋節前後就會BBQ，我哋朋友嘅都會係中秋節嘅前後開始今年都嘅BBQ熱門活動。今年都唔例外，同樣是選擇了元朗的偉記。今年來講價錢已經加到佢＄200一位。老實講價錢上面我哋真係覺得貴左少少。對於食丸，腸，麵包及一啲急凍嘅肉類等。豬排及豬仔脾麵幾好食，而牛排就比較怪，因為牛又唔似平時食既牛，但又唔似豬肉。其他丸類都係平時常食既到樣。200蚊一位，晚上6點可以入座，包一支水，一罐汽水。獅威罐裝60蚊半打，炭另收費，泊車費爛地50蚊架

元朗有幾間燒烤場，我覺得質數最好都系呢間了，如果坐車黎系無甘就腳，但揸車既朋友就唔怕，佢有晒位比你泊車，野食方面都系普通一般燒烤場既野食，最好既佢香腸系用廚師腸，唔系用其他雜牌，雞翼豬排牛排入味，得閒有d糖水叫你地自去拎

每年聖誕總會搞bbq,每年如是而每次地點都希望會有所不同今次投票揀左元朗呢間一入場就有一張飲品券同一支水券開爐佢果堆炭真係勁碎，碎到我都未燒完一轉就已經要補炭但我見佢隔離兩個爐d炭都勁大舊...食款式其實真係唔多，黎黎去去食極都係果幾款味道都係普通，不過未去到好多味精要不停飲水果隻佢有特別o既司華力腸,窩心的已經切半, 但個味道一般, 同平時食開的真係好唔同..而且佢個皮好難咬...雞翼都有3款, 如果唔識得辣我覺得食番普通果款因為佢個辣雞翼都ok辣, 好夠辣味!最正係佢麵包, 夠大塊同埋有我最愛o既蒜泥牛油,抵讚既係佢醬料真係多款, 只係我地無用盡佢其實我最想知用完炭佢有無免費炭提供?因為我地1x人都係2包炭,好彩全女班用唔晒咋..

之前聽過不少朋友讚偉記的食物好吃，只可惜這裡的位置不太就腳，若不是適逢今日和男友路經附近，大概我們也不會專程來光顧呢！四點左右到，原來有六個鐘可以任燒任食，可以食到十點先走，時間都很充足！因為尚未到 peak hour所以食物方面的選擇較少，大致上都只是些基本的丸類、扒類、魷魚和雞翼等。因為無標示味道，不能在此簡述，只吃得出當中有辣味雞翼和南乳雞翼。牛扒味道得一種，魷魚帶點苦，整體食物味道不算很突出。大約六點左右食物款式才稍多幾項，但也稱不上為多，亦不算很吸引。如果有到過吉吉燒和西鐵燒烤樂園的話，便會有感款式方面這裡真的比下去！至少這裡的蔬果類要另外付款買，但其他兩間是不用的！飲品方面，選擇也很少，以汽水類為主，但啤酒不算太貴。大概這裡賣點是氣氛吧！由八點半開始，每隔半小時都會有職員打鑼鼓宣告有免費糖水、生果和涼菜贈送。那個職員相當懂搞氣氛，令場內頓時熱鬧起來！順道一提，這裡有不少供小朋友玩的收費遊戲設施，是家長帶小朋友來BBQ的不錯選擇。

Didn't been there for a age, this is a pretty popular BBQ place in Yuen Long, we came here in the afternoon and only few people visit. people seems preferred came here in the night.The hygiene of washrooms is better than before. Food seen not very attractive than before and not many choice of drinks provided , still provide desserts which is soybean curd with eggs taste not bad, not very sweet and milky.

喜歡一大班人一齊BBQ,大家可以圍著一起,有說有笑,不像吃西餐一個長方枱像唱山歌的說話,在以前很少有BBQ任食的情況下,都是要分組各自負責醃製食物的,而現時有buffet 的話,大家可以FREEHAND 咁來,又不用擔心吃不完要那一個人拿回家.很好.而在OPENRICE當中選擇了好幾家比較好,選擇了偉記 最主要其一是不會只得2小時時間限制,可以燒足6小時 當然不會燒這麼久.還有就是通常吃BBQ都會很口喝的,其他塲就只是供應一支水,而偉記就有一支水加一支自選飲品,呢度仲有糖水生菓涼茶送，一响下囉就大家來排隊,都幾好氣氛,那天我們的糖水是最愛的腐竹糖水.＼(^o^)／仲有即製waffle玩 .是可以自製的保證100%新鮮.而肉類和丸類選擇也多和擺放整齊,肉類醃製得不錯不會太咸.

唔知大家會唔會想燒野食，一早去燒烤場霸爐，再自己call齊堆朋友去買野食呢？以前我會架，宜家比較忙喔所以去呢d燒烤場岩晒我！如果有睇開我既「吃貨日記」都知我之前好推介起錦田「勁嘆」BBQ~ 由於地點有點遠，所以今次就試下元朗呢間「偉記」。聖誕節關係，預早book定位，而節日關係加左價一人$160 ，由4:00 -10:00。呢到係做港式燒烤，入場價包一支水同一罐飲品。取食物方面，分兩個器皿，一隻銀色碟放肉類，一隻膠篩子放丸類。食物方面，款式夠。肉類方面，有豬頸肉/ 雞翼（中翼及全翼）/ 腎片/ 雞扒/ 牛柳粒/ 牛扒/ 豬扒/ 金莎骨.. 值得一提，食物醃料整體味道不錯，最起碼好似雞翼有分幾種味，燒完之後食都分得出邊隻係果個味 XD （點解我咁講，明明不同醃料，燒完全部都係同一個味, 唔知你地有無呢個同感？）除左牛柳粒過咸之外，其餘食物都好食。丸類方面，比較特別有「潮州白魚蛋」燒完有小小juicy, 魚蛋爽口！其次，比較少有連「司華腸」都有得燒，我對丸類要求蠻高，以燒烤場計，呢到丸類質素屬中上，希望水準一直保持！蔬菜類就不算多，有粟米同蕃薯。蒜蓉牛油不算很香濃, 不過連蒜蓉牛油都有,

在千色廣場附近坐的士入去，不用五分鐘，也不會跳標，而且還可用的士單跟樂園claim返十元呢。可能我們人少，跟食物區離得比較遠，但也相對比較安靜，適合小圈子談天。燒烤食物主要也是丸和肉，其中的腐皮丸有些像南記的招牌春卷，燒完更是外脆內軟，好味。肉類味道都幾好，我最喜歡的是一款辣味雞翼，醃得很入味，燒完掃上蜜糖，甜甜辣辣的，很好味。唯一美中不足的是素菜只有蕃薯及粟米，但沒有金菇之類，而且我們出去拿食物的幾次都沒有粟米了。走時只在門口等了幾分鐘便有的士了，直接坐到元朗西鐵站，也只是21元，感覺也滿方便的。

上OPENRICE搵左幾間,見呢間唔錯就試下呢間啦,週邊環境就冇乜特別,但入面幾乾淨整齊好氣氛,野食好乾淨生同熟批好, 我將生熟擺埋一齊,即比個工作人員叫住.話會交叉感染 但我見其他BBQ場都唔會咁丸類好少食, 都係一般平時能食既,但肉類有驚喜~雞翼有3款,蒜蓉,辣,同埋另一隻唔知咩,都好好食.同埋黑椒牛柳粒. 整體食物係另外要讚下係佢D座位擺得好舒服,唔會好迫,拎醬料,買野飲個位又唔係放埋一齊,好鮮明.

相信住係元朗的朋友好多都一定有去過偉記BBQ 喇..雖然佢地點唔萛好方便 但係勝在D野食野食種類多又KEEP 到D質數 同佢人流多 食物都KEEP到好新鮮 ..之前都去過好多次 但今次有新驚喜發現真係忍唔住要推薦一下 佢新增左個租品部 入面有個"原隻椰王焦糖布甸" 布甸超香 入面仲有類似啫哩ge野 食落好爽口的 食完發現佢可以外賣的 即刻買返買個返去孝敬媽媽喇 之後見到有個男人專程揸車黎買外賣 一買就買左6 7 盒野 ..仲聽到佢話買返去放雪櫃 分開幾日飲 八卦問下先知原來佢地仲有另一真材實料正野 就係"原個雪梨燉川貝圓肉"岩哂岩岩bbq 完清潤返仲有止咳的功用tim 佢話佢地真係原盅燉足兩粒鐘 每日限量發售 賣哂就無GA 喇!! 我有個朋友岩岩有幾聲咳即刻叫佢試下喇 佢話飲落有陣雪梨的香味 清清甜甜咁 明顯同一般糖水鋪食開的有分別 佢飲完話第二日真係好似好返d 唔怪得有人專程揸車黎買喇 ..早排去藥房買過川貝都成百蚊兩喇 重點係佢只係賣23蚊 佢個木瓜雪耳糖水真係堅好足料 GA(有圖有真相)...賣20蚊真係抵到爛 ..大家去開偉記 真係要去試下 ..真心覺得有水準 ..

是日星期日 等候兩個家姐放工一同覓食 原先想去新開的bbq場燒烤，但未進內 在門口已發生一件事令我們三人卻步。。。就是bbq場一個客人也沒有 只有三個員工或店主的人 。。。所以我們立馬轉場 <偉記bbq>,久之前也會來偉記燒烤的 因為場子較熱鬧 到來當然沒有令我失望 場內開滿四分三的爐 bbq的香味也隨之飄進我的鼻子 急不及待要進場 進場先放下每人($120Hkd)包一枝水及飲料 價錢在同區的bbq不算貴 沒有任何開爐費 進場會給一個鐵碟(放肉類) 一個紅膠籃(放丸類) 碗一隻(放蜜糖) 燒烤叉(按人頭算) 進場有職員會開爐 我和家姐馬上到食物站取食物 食物種類頗多的(牛肉粒，牛扒，豬扒，雞扒，豬仔脾，魷魚，金沙骨，豬頸肉，多春魚，雞腎，雞翼，九類，司華力腸，豆卜，白色大魚蛋……)整體最愛食:豬仔脾味道辣辣的 肉很嫩口 最愛肉連骨的味道牛肉粒第二愛是牛肉粒 味道很足 一口一粒 食上癮 係咁燒黎食 丸類都不差 推介相中幾個 麵包多牛油蒜幾正 多蜜糖牛扒一般 冇咩味 定時會有鑼聲提醒你拎特別食物eg:涼茶+香蕉、糖水

秋高氣爽最適合去燒烤，呢幾年都係去偉記，雖然交通唔係好方便，但勝在老板好識搞氣氛 ，所以依家啲客越黎越多。  偉記既食物款式同其他燒烤場差不多, 有豬扒、牛扒、鷄扒、鷄翼、金沙骨、豬頸肉、鷄腎、尤魚、牛仔粒、多春魚, 仲有豬仔脾添。哋既食物質素唔錯, 醃既肉唔會好似某啲燒烤場咁多味精 。 鷄翼都有幾款, 雖然我唔係好鍾意食鷄翼, 不過都覺得佢哋既醉鷄翼醃得好好味。丸類亦都有好多選擇, 每款食2粒都好鬼飽, 我最鍾意食魚肉春卷同墨魚丸, 今次佢哋有款好大粒既魚旦, 好似個乒乓波咁大, 仲幾爽口彈牙, 不過因為太大粒, 要燒好耐先至食得。佢哋啲食物係俾客人自己夾, 唔會好似有啲燒烤場咁慢慢等佢哋夾俾你。  今日係星期六, 入場费係$120/位, 開爐不另收费, 包2支水同2罐飲品, 玩成晚都幾抵喎。偉記依家多咗個生菓檔, 今次有菠蘿同棷皇($15/個), 我要咗個棷皇, 好清甜。

每次去元朗BBQ,一定會揀偉記燒烤，雖然地點唔算就腳，每次黎都要搭的士過去，但勝在食物一直保持水準，又無開爐費，仲有糖水，生果，涼茶送，雖然可能對於某d人黎講係平價野，但我覺得就份外貼心，起碼出面係買唔到，所以今次我地五個人再去偉記BBQ先講丸類，種類好多，仲有得燒司華力腸及燒賣，燒完之後仲外脆內軟，正~~~~扒類方面，圖既右上角就係豬仔脾，每次出都會被洗劫一空，佢呢度既醃肉唔覺得落左味精，食落好香，尋晚食左隻辣雞翼，味道好惹味，值得一讚 呢碟仔係咩黎架？？就係自家製蒜蓉牛油，每次黎我都會攞至少一碟，因為免費任攞架，一般情況蝦子餅都會先搽滿一面響方飽上面燒，記住牛油個邊一定要向上，否則好快燶，燒到咁上下硬身，另一面就搽滿蜜糖再燒到一陣，個包就會超香，大家都可以試下啦~~~~嘩！！做咩咁多人排晒長籠？？每次聽到有職員敲鑼時，就代表有野派，一般次序先派糖水，然後生果，之後涼茶，尋晚就派薏米糖水及香蕉，氣氛好正好開心，因為好多食客都好期待呢一幕整體黎講，以每人$120價錢入黎呢度食，真係物有所值，每次黎到都好開心，因為好識搞氣氛，地方夠大，乾淨企理，重點食物質素一直保持水準，所以本人誠意推介