偉記車仔麵

營業中

休息中

這間位於彩明街巿的偉記車仔麵，舖內可容納大約十多人，而且座位都較擠迫，而且感覺上不是太乾淨，因為等候人數也不少，所以點了車仔麵外賣。車仔麵餸的款式很多，與一般車仔麵無異。今日選擇了雞翼，貢丸，豬紅米線配秘製麻辣汁，餐飲點了熱檸水。餸的份量和味道正常，很普通的車仔麵。而秘製麻辣汁的麻味很足，但辣度不算很辣，反而咸味更重，有點失望。令人感到意外的竟然是熱檸水，一般餐廳的熱檸水會附送一兩包砂糖，因為我不太喜歡太甜，所以習慣了無糖檸水。而這間的檸水用了糖水加檸檬… 而我不知道… 因為店員並沒有詢問或通知檸水是甜的…

食了一碗$40蚊4餸車仔麵，除了蘿蔔較多其餘韭菜餃子有兩小粒，冬菇粒狀(大概一隻冬菇份量)，牛根極鹹顏色偏黑相信超過3日賣唔去的賣剩貨。最難受嘅係個辣汁，一入口就食到強勁嘅味精，辣味一迅即世，落辣椒油好過。另外位置佈局非常奇怪，長方枱靠牆坐位置狹窄，肥啲都坐唔到落去，隻腳都放唔落。雖然送嘢飲，但係食物質素奇差，份量有非常之少。點解40蚊一碗車仔麵可以係咁嘅質素，邊度會有人再幫襯呢？極之失望，一定無下次。

都唔記得第幾次幫襯，每次必叫豬大腸同豬紅，豬大腸蚊得好入味，好淋！豬紅加埋個酸辣汁仲正！仲有個韮菜餃好好食，好多餡，聽老闆講係佢地每日新鮮自家制，值得一試P.s.老闆好好人，好有禮貌！支持小店！

行行吓商場口痕想揾d野食吓，又唔想食太飽，就決定去街市食車仔麵，沿途經過格離店食米線既勁多人，車仔麵店就無人，心覺不妙，猶疑咗一陣，決定食返車仔麵，環境都算清潔企理，運作都係傳統用張紙仔圈食咩餸，諗梗食咩餸的時候，老闆不停問我兩位飲乜野，叫我地講左飲乜先，明明店内無人，唔明佢急乜野。。。叫完野飲，圈左蘿蔔豬皮牛腩，牛腩要加多三蚊，跟凍檸茶35蚊，牛雜麵凍檸茶32蚊，韭菜豬紅18蚊，味道各方面都好好，但份量太小，下午茶份量，凍檸茶無糖既？。。。....算。。希望下次改善

有天，運動之後，在這兒附近找找有什麼好吃。一向都覺得將軍澳實在沒有太多餐廳合心水。結果，曾經想過，可不可以到那個學院，看看有沒有餐廳呢？結果到了這個邨，街市都是領匯化，內裏亦都有三數間小型餐廳。看到雲南米線，又恐防好像譚仔一般非常大碗，會太過飽肚，結果便去了車仔麵店，結果便中伏了。雖然車仔麵店的款式看起上嚟也不少，而且也寫有牛雜麵，亦都由於我好像看不到有豬大腸這個選項，因此便叫了一個牛雜麵。竟然是這樣的模樣，實在叫人驚嘆。我以為，餐廳有牛雜麵這個選項，最少會有一款麵在底下，然之後上面起碼有牛蒡、牛腩、牛肺、牛腸等等，幾件幾件的陳列在上邊。結果竟然是一大碗米線，然之後就變之後幾舊碎濕濕的牛肚、以及牛腩，然之後湯底就是一大碗滷水汁。這碗可能是本人市場吃過最求其的牛雜麵。雖然餸料入味，但牛腩極碎濕濕，又乾；牛肚還好；牛筋三兩條細小的，可能酒樓的花生豬手底下也找到更多牛筋凍檸茶，茶味欠奉，空有顏色，普通以下，不值一試

調景嶺街市有多間粉麵檔，一向食開宏富米線，今日就試下新野💁🏼‍♀️偉記車仔麵。佢係3餸起，送冷熱飲品，$32。因為第一次食，都係叫佢推介果D比較穩陣，有好幾個餸都係推介；豬皮、韮菜餃、豬紅、雞翼尖、雪菜肉絲、炸菜肉絲同咖哩魚蛋。我叫左豬皮、韮菜餃、生菜配米粉份量都好足，欣賞佢個生菜都算多，因為好多時叫菜，但菜嘅份量只有一、二條，呢間一D都唔孤寒👍🏻！至於豬皮個色鹵得好深，不過冇特好好味，一般般，最後個韮菜餃確實幾好味，個餃子好夠味，唔錯唔錯。

住在附近，無咩食,於是走去街市搵食。呢間鋪就係街市發現既。鋪頭應該係家庭式經營，車仔麵3餸32蚊包野飲，麵有分唔同既麵。其中，韭菜餃好值得食，我每次去食都叫韭菜餃。