傅記飯店

營業中

休息中

同朋友行山行元荃古道⛰🌲，行咗四五個鐘已經不停嗌好肚餓🤣已經係咁話行完山一定要去深井食燒鵝🍗由於有朋友之前係住深井，所以佢就帶我地路去食呢間傅記，話價錢比較相宜。果真係晏晝五點幾仲有下午茶餐🍜，於是我哋每人叫咗個燒鵝瀨🔥嘢食一嚟到影張相先📷，跟住乜都唔使講即刻食嘢🤣太肚餓啦！！！啲燒鵝肉唔係好多，骨位比較多。同埋脂肪位都比較多。不過醫下肚吊下味就算啦🤪當日見到其他客人都係食燒鵝瀨，下次行完山都要再返嚟食🤪

昨日打算吃飯時間過去吃飯 ，點知點餐叫服務員寫單，之後他說等等 ，後來我睇住叫幫後面落單完全當我透明😡我想好了 後去叫多佢一次 服務態度不佳，好啦後尾終於採我啦 ，我想叫既時候突然轉身走 算啦 之後我都轉身走唔會再幫襯呢間野 ...幫襯第二間好過 我唔知道有無人好似我甘遇到甘既情況

食物質素和服務差劣，環境衛生有待改善，控煙辦應加強巡查，餐廳內有人食煙，可惜未能拍照。四圍充滿異味，令人失去胃口。服務員態度惡劣，問去洗手間都唔想回答。停車場落車後要經過衛生惡劣的後巷才到達。下次免費都唔去！！

喜歡吃燒鵝，但很多地方都只有燒鴨而沒有燒鵝，但總覺得不夠肥美，少了點香味，只好遠走深井🤣這家店是住深井的朋友介紹的，雖然名氣稍遜於經常賣廣告那家，但試過後我每次到深井都會來😝兩個人除了燒鵝，還可以多點兩個菜式和白飯。我見過其他客人甚麼可以自携湯水來加餸，非常親切的人情味店。雖然店員都是大叔，但他們都用心招呼，非常友善。說回燒鵝，如果你細嚐一下燒鵝近骨處，更會嚐到濃濃的花椒八角醃料味，可見是真的花了功夫的菜。食完燒鵝如果仍有胃口又夜未央，不妨到旁邊的滿記吃個甜品。上次我就選了心太軟和窩夫。

二人吃了四樣野！1 例牌燒鵝 肉唔老又唔癡牙2 香蔥爆蝦球 夠香味，蝦球無雪味又彈牙！但唔夠味3 腰果鴨舌（名唔記得 夠香口 ，唔油膩！ 鑊氣名食到我停唔到口4 豉汁蒸白膳 呢道菜需要等耐少少，但肉質好滑而且攤涼左都咁好食整體來講最意外既就係個鴨舌比我想像中煮得出色！而且上菜時間都唔而要等太耐！第一次去食感覺都可以！

裕記，能記，傅記三間最終選左傅記 （1:30pm) 。一家4口岩岩落車一過馬路就係！心諗燒鵝野食應該都過得去啦雖然係大排擋，反正三間都未食過，而且評價都差不多！點知非常失望⋯⋯⋯⋯！的野食重差過我樓下間餐廳！！！ 燒鵝味道一般，但的肉好老！！！ 三絲炒面，面唔脆，無味的⋯⋯⋯⋯⋯！！！ 個炒飯無味之餘重要炒 ‘燶’ ，好難食 ！ 唯一過得去係西籣花炒牛肉！ 最後，第一次食大排擋有服務費 ? 呢間野一定black list ! so disappointed. $450 在大排擋食個lunch算貴，重要係深井！貴都不是問題，最大問題係難食！唔值！當然我係一個對食幾有要求既人啦！但至少唔好係below average 囉！ 講時講，的燒鵝同長沙灣間‘中華 ’ 無得比囉！

We ordered their famous goose, vegetables and half portion of fish. We specifically mention we only have 3 people and they still try to send us a full portion and add the full portion double the price despite knowing that we said half portion and common sense 3 people should be more than enough. They just want to upsell customers and using their old traditions to blame customer fault. Do not recommend for local or foreigner

本來想試聞名烏頭扣。但因為四點去，燒鵝店似乎未入客，所以在茶餐廳部份，點份下午茶。平時少吃西多士，但下午茶時候的傅記，差不多每三枱客，就有一份西多。食西多似乎是一種氛圍，因為西多炸得金黃剛剛好，厚切連大舊牛油，以其自身熱度，溶化捽在它身上的牛油。一大樽蜜糖任落，最鍾意蜜糖樽乾淨企理，無一茶餐廳嗰種笠痴痴。如是者，每啖又牛油甘鹹，甜滋滋放入口，可謂是日邪惡之選。去深并當然要食燒鵝，色水不錯，有油脂香

爸爸每次看電視播放深井裕記燒鵝廣告時，總笑說有朝一天一定要去深井吃燒鵝，但一直都沒去，今次藉着他生日這個機會，我和姐妹決定帶他去深井一嚐燒鵝😏為何沒有選擇裕記，因為早前為公事上查詢及訂枱時感覺服務一般，而傅記則態度較為友善。坐了差不多1小時巴士，終於到達深井傅記🎉侍應叔叔迅速帶我們入座，並為我們開茶，遞上餐牌及一碟喬頭作開胃菜。其實除了可點餐牌上的餸菜外，餐廳四周也貼滿其他不同的菜式，供大家下單。我們點了例牌燒鵝，每人亦點了自己愛吃的小菜，我點鹹魚雞粒炒飯；亦為爸爸點他最愛的海鮮：豉汁蒸白鱔；我姐妹一起點香蔥爆蝦球。不用等太久，侍應很快上菜。燒鵝肉嫩多汁，不黐牙，可惜燒鵝皮並不很脆😖蝦球彈牙鮮味，大廚加上紅辣椒🌶️，所以整碟菜有點香辣，頗惹味，但我姐妹受不了，我姐喚我妹去買樽裝飲品😏（我妹買完回來看見桌上吃剩少許燒鵝，又牽扯出另一場風波🤣傻子，怎會在吃燒鵝途中就出去呢😏）豉汁蒸鱔味道鮮甜，白鱔肉質彈牙，豉汁味香濃😋鹹魚雞粒炒飯一上桌，我就嘩了一聲，因為真是太大碟🤣只有我和爸爸吃😂吃下去有淡淡鹹魚香味，沒有想像中那般濃烈或過鹹；如圖所見其實是雞肉，不是雞粒，足料到幾乎每口也有雞肉🤣吃完滿足

晚上同朋友做完運動 時間又不太早。所以隨便在深井搵了一間餐廳坐下。初初抱著不太奢望有好野食的心態。隨便點了一個苦瓜菜脯炒蛋小菜配以白飯一碗$62. 估不到非常好味，鍋氣夠，蛋又香。老闆還好好人送了幾件他們店裏出品的靚叉燒給我們吃。真意想不到咁有人情味啊！

今日我們去咗深井表姐屋企同兩個超可愛嘅表姨甥，之後夜晚我們去咗之前去食過幾次覺得都幾好喺深井村嘅「傅記飯店」食晚飯！我們叫咗蜜汁叉燒嘅肉質相當鬆化軟滑，蜜汁嘅味道好香甜，諗唔到呢度除咗燒鵝出名之外，叉燒都係咁好食！菠蘿咕嚕肉嘅外層炸粉唔會好厚身，肉質好鬆軟，而且炸得好香脆！椒鹽鴨舌係新鮮熱辣炸出嚟，所以非常香口惹味，炸粉亦好薄身！蒜蓉炒白菜炒得好夠鑊氣，而且份量十足，味道好清甜惹味！豉油皇炒麵炒得好乾身，麵質亦好煙煙韌韌，醬油嘅味道唔會好鹹！豉汁蒸魚雲係新鮮即叫即劏，所以肉質超鮮甜嫩滑！總括：食物出品相當唔錯，仍然保持到水準，但環境衛生比以前差咗，因餐檯、餐具同地面都係非常油膩，衛生情況真係要好好改善吓！

價錢是正常的 不算貴也不算很平 大約四十元左右一個碟頭飯 食物味道普通和一般大排檔差不多 沒有特別之處 而份量亦算適中 但員工態度非常惡劣 問些少問題都不願意答 全程一直黑住塊面 好似得罪左佢咁 點餐時態度依然惡劣 本身諗住開心食餐飯 點知全程受到不友好的對待 極為影響食慾及心情 雖然餐廳食物味道應為首要任務 但如任由員工用如此態度對待客人 要客人食飯都要受員工 即使餐廳的食物質素再高都難以吸引更多客人 所以餐廳食物及價格正常 但一定不會再幫襯

上星期日同朋友在深井食晚飯。由於沒有訂枱便隨便找一間食店，遠處看到一位叔叔很殷勤在店外招攬客人。便選擇這間入座。快速地點了2款菜蔥爆手切本地黄牛 嫩滑滋味豉汁蒸鱔 魚肉嫩軟細滑，半點醒味也沒有。這晚為了這碟蒸鱔還添了飯呢！

來到深井，當然要試一下有名的燒鵝。這天跟朋友一起行山，終點剛好是深井，朋友介紹到這裡。我本不太喜歡吃鵝，總覺得跟鴨的味道很像。可是這裡一個簡單的燒鵝瀨就把我這個多年以來的念頭粉碎。燒鵝的皮很脆，而且很香，鵝皮上的油吃起來很飽滿卻不令人討厭。鵝肉的肉質很嫩，吃起來不會硬硬的，配上絕配的瀨粉，簡直是完美的下午茶。只是一個簡單的下午茶都沒敷衍，用到這麼優質的鵝肉，相信它的晚餐或午餐一定人很用心。看來下次朋友聚會的地點已經選好囉。

今晚我們去咗深井嘅「傅記燒鵝飯店」食晚飯！我們叫咗個4-6人套餐：正宗深井燒鵝「半隻」嘅燒鵝皮燒得好香脆，肉質非常鬆軟嫩滑，肉汁相當多！粟米魚肚羹嘅味道好鮮甜，魚肚好爽滑，唔會有腥嘅味道！菠蘿咕嚕肉炸得都幾香脆，炸粉唔會好厚身，肉質好鬆軟！紅燒北菇豆腐嘅豆腐好大件厚身，而且相當嫩滑！上湯鮮腐竹浸時菜嘅時菜係菠菜都幾青嫩，腐竹亦幾軟滑！涼瓜燜黃立倉嘅黃立倉好肥美肉厚，肉質好嫩滑，涼瓜亦好甘甜！另外我們再單點咗蒜蓉炒豆苗都係鑊氣十足！豉油皇炒鵝腸嘅鵝腸相當爽口脆身，豉油皇醬汁嘅味道好香甜！揚州炒飯炒得都幾有鑊氣同粒粒分明，材料亦幾豐富，但味道就鹹咗啲啲！