傷心酸辣粉 (越秀廣場)

營業中

休息中

凍凍地中女緊係即刻要補下🤣呢個胡椒豬肚雞真係慳家之選🤭但都好足料，夠胡椒味雞又滑，成個湯成飲哂先再加湯打邊爐😋其他邊爐料都正常算多選擇，包埋嘢飲真心抵，新浦崗新鋪光猛新淨坐得舒服，絕對會encore 😏

呢幾排天氣咁凍，梗係想食啲熱辣辣嘅嘢，咁啱晏晝經過開就試左呢間，本身諗住食酸辣粉，但見到有雞煲/烤魚放題，價錢咁抵就試咗，仲有多款煲既選擇可以揀😮揀咗招牌麻辣雞煲，本身唔係太食得辣，所以揀左小辣🌶辣度岩岩好，份量都幾多下，蔥蒜辣椒果啲配料都好足好惹味，啲雞都好入味🌟食完雞煲就加湯打邊爐有好多款火鍋配料可以揀，自己鐘意食咩就夾咩，仲有粗幼薯粉可以揀，可以自製麻辣雞煲辣粉😆飲品都幾多選擇，想試埋佢個小食，所以叫左3款店員見到我哋差唔多食完仲送埋豆腐花🌟抵食又好食，午餐同晚餐時段都食到$108 /位 兩位起（120分鐘）海蜇手撕雞 $38麻香雞翼 $28貢菜皮蛋 $28

新蒲崗好多抵食餐廳，去開mikiki見到傷心酸辣粉都出咗烤魚放題，仲要$108一位咁抵，決定試試。.麻辣烤魚（小辣）🐟🌶條魚幾大條，又唔太多骨，仲愈食愈入味🤤。魚肉都幾厚身，唔會無肉食。湯底辣勁十足，小辣都好夠喉。任食嘅配菜有魚、肉、菜、丸類同少量海鮮，個魷魚🦑幾得意，用長竹籤穿起，好似食緊麻辣燙咁😂飲品方面選擇都唔少，因為食辣野，飲咗勁多包茶。.$108真心抵，食到勁飽，呢個價錢冇得彈。

呢間連鎖店可以話係香港重慶酸辣粉潮流嘅第一代icon。繼佢以後，可以食酸辣粉嘅地方如雨後春筍，越來越多。LadyB 特別尊敬開創先河嘅領軍者。今日黎呢度重溫一下「始作俑者」既味道。簡單招牌傷心酸辣粉，另加腩肉。湯：預設小辣，其他程度嘅辣要另加兩蚊（🤔呢個做法有別於其他酸辣粉店嘅做法，一般係一個價錢有多種辣嘅選擇）雖然係小辣，有少少麻，都足以令ladyB流晒鼻水🌶😮‍💨。湯底係清甜嘅味湯，都算係有誠意👍🏻配料：有好多脆卜卜嘅花生，好好味！仲有少少肉碎同埋菜，都幾豐富☺️腩肉：用五花腩，肥瘦合宜。可能係ladyB比較重口味，所以覺得腩肉味道唔夠出，如果濃味啲，就更正啦🤗服務一流，工作人員都有禮熱心招呼👍🏻簡簡單單嘅酸辣粉，要保持到果種最初另人趨之若鶩嘅水平，其實都唔容易。

傷心酸辣粉🤩🤩而家有放題😉CP值勁高！$108 /位真係好抵～～一啲都唔傷心😌♥️仲好開心Happy😍🤣～呢個放題有好多選擇✨🤩😍有雞煲/烤魚/肉骨茶煲/胡椒豬肚雞煲/藥膳雞煲/滋補雞煲放題✨✨我揀咗酸菜魚放題～唔食得辣嘅朋友仔亦可揀唔辣～✨💕條魚仲好大條好多肉食～✨✨✨出面自助吧有多款食物放題選擇，有肥牛、豬肉、雞肉、蔬菜、丸類、薯粉等等！應有盡有😍😍✨飲品亦都有多款選擇✨⭐️

今日去左新蒲崗分店既傷心酸辣粉，任食２小時，只係每位１０８元，講緊呢個係埋單價，已包晒所有費用。呢個年代仲有＄１００頭既任食，真係難得，我諗係十幾前既價錢。咁平會唔會無咩野食呢，又唔係ＷＯ首先有條魚，魚既味道都合格，佢係炸左一次，然後放入個爐煮，肉質都唔算太諧口。其實都拍得住一Ｄ坊間好貴既酸辣魚架啦。除左條魚，出面仲有得任拎食物，有牛丸，魚丸，肥牛，牛肉，雞件。菜有娃娃菜，生菜，芽菜。有蝦串，有八爪魚串。有香腸芝士腸等等呢Ｄ大路既打邊爐餸。上面一碗碗鐵碗個Ｄ係薯粉。佢仲有兩三款熟食，有春卷，炸魚粒，蕃薯。 我最愛既八爪魚串唔敢講好多野食，但１００蚊左右既價錢都有咁多，算好好啦。野飲方面，都係任飲架。有可樂，無糖可樂，雪碧，忌廉，烏龍茶，檸檬茶，桃茶，蘋果茉莉，蘋果綠, 仲有啤酒（不過我唔飲，所以唔知咩牌子）。講真，依家係快餐店打邊爐，唔加任何配料錢都講緊起碼五六十蚊，仲有食完好似無食過野咁，依家１０８蚊就可以任食任飲３小時，而且以上講既野食，唔敢講超級好味，但有基本水準，肉都有醃過下，都算係好味。

天氣開始轉涼，又係時候食烤魚、火鍋、雞煲、肉骨茶煲等等暖暖身體！😍「傷心酸辣粉」居然推出極抵食優惠，一位只係需要$108就可以任飲任食，cp值好高！🌸🌸🌸🌸🌸🌸🌸🌸🌸🌸🌸🌸🌸🌸🔸皇牌老壇酸菜烤魚🐟選擇好多，有雞煲、烤魚、胡椒豬肚煲等等！今次選擇「老壇酸菜烤魚」，大大條美味烤魚，賣相吸引，味道豐富！😝先說外皮炸脆，魚肉卻是啖啖肉、外脆內嫩，建議魚皮魚肉一齊食，配上開胃微酸的酸菜湯底，三重享受！而魚肉都超多，不怕不夠飽！🔸多款火鍋配料🍲選擇都唔算少！有蝦、牛肉、豬紅、大量丸類以及蔬菜選擇！蔬菜方面，比較喜歡芋頭，芋頭切得細條，粉而香，煲得耐幾入味！丸類選擇不少，有香腸、年糕、芝心丸、龍蝦丸等等任君選擇！😋🔸烤魚必飲任飲飲品🧃飲品都算齊全，就算你想揀罐裝或包裝飲品，選擇都唔少！除了可樂雪碧等罐裝飲品，仲有罐裝啤酒，爽！如果想降下火健康啲，包裝的竹蔗茅根以及金橘檸檬都不失為好選擇！✔️

//< 傷心酸辣粉 >傷心酸辣粉食粉就食得多，估唔到依家竟然有烤魚/雞煲放題！🥰價錢仲要好抵～～ 性價比高😆————————————- 皇牌烤魚：老檀酸菜味 $108/1位（兩位起）-小編諗咗好耐究竟食雞煲定係烤魚好！因為兩樣都好吸引同好抵呀🤣🤣小編唔知係咩魚，但係超級大條，煎得好香🥰 魚腩部分超級滑，邊邊位則好香～ 記得趁快食！如果唔係會老曬唔好食架喇～湯底味道都選豐富，酸鹹到適中～ 唯獨食到後期稍微鹹左少少，基本上小編都唔需要將火鍋配料額外沾醬汁，已經夠味🥰火鍋配料選擇都好多，質素正常啦！不過小編食魚都已經好飽lu😇飲品有紙包飲品、罐裝汽水甚至啤酒🍻都有，非常豐富😊————————————- 鹽焗手絲雞 $36 -呢到既小食總類非常多～ 呢個正常發揮，雞肉唔會太嚡，帶有少少鹹味🧂配埋青瓜絲同芝麻都香口同爽～過下口癮非常不錯！————————————評分：7.2/10地址：新蒲崗寧遠街3-23號越秀廣場地下G10-G11號舖營業時間：08:00-23:00#傷心酸辣粉 #新蒲崗美食 #新蒲崗 #新蒲崗必食 #烤魚 #烤魚放題 #雞煲 #雞煲放題 #酸菜魚 #香港美食

知道有酸菜魚加放題，又$108位及食兩粒鐘，當然唔放過。去之前打電話預訂枱，約7:45分到，餐廳九成滿。安排坐四人枱，點了酸菜魚中辣後就出去搵食，有兩盆可即食，包括春卷及番薯。由於肚餓，所以都食住先。春卷唔錯，脆口內有木耳絲，爽爽地，好食。飲品都好多選擇，有最新的零系可樂。酸菜魚係炸過，所以較香口，但我比較喜歡傳統的，冇乜點炸的酸菜魚。條魚好大條，份量足。至於打邊爐料，丸類都多，喜歡有魚肉選擇，雞肉都好食，可能係跟供應雞煲有關，但末見有鮮牛肉。由於烤魚的煮盆比較淺，所以打邊爐時不太方便，另外係湯底偏咸。雖然如此，這餐開心酸菜魚，都令我食到捧着肚回家！

去咗九龍城探朋友順便食飯，想食雞煲見到新蒲崗有仼飲任食就過去試試，仲要有新張優惠$108唔需要加一，☺️更加吸引我哋去食，7:30左右去到，未算好多人，眼見8成full所以座位唔迫環境都算舒適嘅。開始食無幾耐就見到要等位啦，不過可能係呢區嘅人早開餐，都見到keep 住有人埋單，所以好快就有位。雞煲方面，雞件好滑👍🏻👍🏻👍🏻唔係講笑😄配料都唔hea有洋蔥，芹菜，芫荽，蔥🤩齊晒仲有我個人，對於雞煲嘅調味都覺得剛剛好唔會太濃亦唔會覺得鹹有我最鍾意❤️無糖coca cola 🎉🎉仼飲唔需要再加錢😋有自助醬料區，選擇唔會係多，我相信都係因為個煲本身都係重口味嘅，所以醬料區亦都唔需要太多配料啦自助食品區，應該有超過30種不同嘅食物比你可以選擇，有肥牛，雞件，丸，菜，蝦🦐，基本上打邊爐有嘅基本野佢都有齊嘅，唔錯呀😋😋😋🔺🔺🔺🔺總括來講呢個價錢算係性價比高嘅仼食放題

————————————————————————-🎉估唔到傷心酸辣粉都有雞煲烤魚食，而且係任食任飲，價錢都係$108一位，抵到喊，即係就同家姐去咗新浦崗試試！🔆原來四位已經可以任選雞煲/烤魚/肉骨茶煲/胡椒豬肚雞煲其中兩款！可惜我地得兩個，就揀咗烤魚～上枱已經紅噹噹香噴噴，條魚一睇就知肥美大條，兩個人絕對唔會唔夠喉！食落肉質一啲都唔差，加埋微焦嘅魚皮，食唔停手，問落先知係巴沙魚，正！🏮成日都形住香港所有辣嘅菜式都被港式化，唔夠辣同惹味，但傷心酸辣粉出品嘅烤魚，絕對無呢個問題，叫咗中辣，夠晒味，湯底同配料都配搭出色，好夾條魚🤎食完烤魚梗係要打bino!呢度嘅配料雖然款式唔多，得絕對夠，大路野你想打嘅配料都有，而且肉類味道都完全合格，過足火鍋癮，我最滿意就係任食任飲款式好鬼多，而且啤酒竟然可以任食任飲！宜加好多地方都要加錢，加分！烤魚雞煲怎能沒有酒！🚼小結：已呢個可能係全城最抵嘅價錢，食到一啲都唔失禮嘅烤魚，性價比係超高質，而且仲要任食任飲，爽😎

$108食兩個鐘，兩位起可以揀肉骨茶，烤魚，酸菜魚或雞煲以上係一次性，之後加湯打邊爐任食一行三人去食餐廳幾大，座位幾多，而且坐得唔迫不抱期望去食，估唔到有驚喜以呢個價錢，真係好難搵到另一間烤魚有一大條，肉質好滑，烤得好香，湯底夠辣食完其實都飽左5成火鍋配料選擇唔少，基本豬，牛，雞都有雞係冰鮮，但肉好多好滑有菇類，有幾款菜，仲有丸類飲品都係任飲推介有鮮牛肉，好滑有肉味另外牛丸都好值得encore食滿$250仲送一包200g 自家制牛丸，爽口彈牙有牛味埋單$108, 唔駛加一唔駛茶錢，非常抵食

平價雞煲放題傷心酸辣粉相信大家都聽過呢個名，細細個已經開始識佢嘅酸辣紅薯粉。今日去miKiki行街之後見到原來佢已經唔同咗好多，出咗好多新野～茶餐廳環境，寬敞舒適，尚算乾淨企理，服務質素都ok~雞煲放題每位$108～有得選辣度，我就揀咗BB辣😋除左雞煲，仲有烤魚、肉骨茶煲、胡椒豬肚等選擇，非常多款式，而且價錢便宜～放題可以係免費區自選火鍋配料（大量丸類、魚腐、燒賣、年糕、麵類、菜類、肉類等）少量炸物、還有多款飲品～自助形式，連加湯都係，免收+1服務費雞煲選了BB辣，微辣，很易接受，越食越辣。雞肉嫩滑份量多而且很入味，辣得惹味，不錯👍🏻吃完之後加湯，食火鍋，食菜的話會變到很辣🙈推介肥牛、芝士魚腐～放題食到飽～服務質素：7/10環境舒適度：7/10ᶘ ᵒᴥᵒᶅ個人口味評分：7.5/10

天氣一轉涼，就想搵啲暖笠笠嘅嘢食🐷最近去咗傷心酸辣粉，試左佢哋嘅麻辣雞煲放題✨平時去傷心酸辣粉食酸辣粉就多，但今次嚟到新蒲崗分店，試咗佢哋性價比極高的麻辣雞煲2小時放題($108/person)💛首先服務方面一入店內店員好熱情，即刻帶你入去坐低，好有耐性講解套餐是怎樣的～食食下見到我哋嘅雞煲就嚟燒燶，會提醒客人關小點火，抵讚👍🏻💛然後食物方面我哋order咗重慶雞煲小辣，辣度適中，雞肉份量算多，非常嫩滑入味~重點係花椒和辣椒的配合，簡直係味覺嘅衝擊❤️‍🔥食完雞煲，可以加湯打邊爐🍲配菜款式選擇多，質素不錯😆好鍾意食佢哋嘅芝士丸魚皮餃，食到最後再加少少薯粉，薯粉吸收左湯汁，煙煙韌韌好有口感，非常正😈💡配料款式有:肥牛，雞肉，豚肉片，蝦，豬紅，丸類，豬皮，新鮮蔬菜，豆腐，寬粉薯粉，米線••••••💛最後店員主動送上山水豆腐花作為甜品，為完美的一餐雞煲放題畫上句號✨

行過新蒲崗竟然發現傷心酸辣粉🍜出咗一個爛市街坊價的$108超抵放題🍲，小編當然唔可以執輸同大家試吓係咪真係咁抵咁正先🙆🏻‍♀️👉2小時任飲任食放題($108/人，兩位起)1️⃣雞煲🐓/烤魚🐟/肉骨茶🐽/胡椒豬肚中選一款☝🏻小編就揀咗酸菜烤魚🐟，巴沙魚先煎香🔥開邊再用方盤爐上枱，份量大份到有成隻手臂咁長又冇咩骨，食落肉質嫩滑抵讚😍不過酸菜味🥬就略嫌唔夠重🤏🏻，如果再多d就好啦🤣2️⃣ 任揀30幾種火鍋配料🍲門口位有兩個大雪櫃放滿唔同嘅肥牛🐮、肉類🐓、海鮮🦐、丸類、蔬菜🥬、菇類🍄同招牌的紅薯粉等等包你揀到心水❤️種類多到好似去咗酒樓🥢咁食緊幾百蚊的放題🤣✅滑牛肉🐮必食坊間少見嘅滑牛肉😎✅凍豆腐吸晒湯的精華🤤✅芝士年糕、芝士丸🧀芝士粒粒都爆棚🧀好邪惡😈✅招牌紅薯粉(寬粉/普通版)3️⃣自選飲品/醬料有10幾種飲品絕不欺場💯4️⃣自助小食區當晚有咖喱角、滷水雞翼花生🥜，但我哋食得太飽啦試唔到😢P.S: ▪️識得一提店員會keep住refill食物，每次出去都唔會見到有吉左的情況出現👍🏻