元朗冰室

營業中

休息中

今日試咗九龍城呢間 #元朗冰室 ，試左 #厚豬扒包 個包真係好大個，仲大個✋🏾手掌👍🏾👍🏾 豬扒大大塊好好味好香脆，真材實料無落鬆肉粉， 配埋芥辣沙律醬好好味 ，不過唯一美中不足係如果個豬扒去埋骨就好喇，因為食食下包有要咬骨就有啲唔方便 🤭🤭不過整體都係好好味 🌻🌻🌻🌻 配埋大大杯紅豆冰勁滿足🌻🌻🌻🌻🌻元朗冰室 (土瓜灣) @yuenlongbistro 土瓜灣新碼頭街38號翔龍灣廣場地下G07-08號舖———#麻花遊 #香港 #吃喝玩樂 #食 #麻甩熊與阿花 #吃 #厚豬扒專門店 #厚豬扒 #豬扒包 #香港打卡 #茶餐廳 #香港人 #blogger #maludfa #daily

諗住試下佢個咖哩牛腩飯，成碗咖喱得一粒薯仔粒都算，仲要係啲牛腩到搵到啲人類嘅毛髮。真係冇下次。同埋杯嘢飲上到枱，啲奶流到成個杯邊都係，拎唔落手，真心唔太建議去試食

今日試了翔龍灣元朗冰室，一進餐廳都很大間，有2邊，另一邊可以坐出室外～ 近海，感覺比較潮濕～ 我點了一個下午茶pizza炸薯條～ 😄 包熱飲，凍飲3蚊～ 紅豆冰加5蚊～ 首先黎左杯紅豆冰感覺都幾好～ 心諗加5蚊都幾抵～ 之後再黎埋炸薯條同埋pizza，姐姐比左2包茄醬我～ 炸薯條都幾好食～ 而pizza則是一般，不過40蚊左右一個下午茶餐～ 都不期望什麼質素～ 朋友叫了鰻魚飯～ 一杯熱鴛鴦～ 聽到她話鰻魚都幾好食，不過佢就食唔曬個飯啦～ 熱鴛鴦係正常味道～ 2個人下午茶100蚊左右埋單

今日路經呢間茶餐廳見佢裝修幾靚所以諗住入去試吓食物就普普通通服務簡直係零可言呢個拉麵全個面都係油個湯底好難食話就話叫地獄湯底只係將個味精湯加咗勁多辣油喺面食兩啖已經唔想食啲餸又好奇怪塊叉燒全部都係膏黎所以真係唔好喺茶餐廳叫拉麵食呢個焗豬正常好多熱辣辣幾好味最緊要係啲豬扒夠厚切唔會炸到乾晒整體來講都算正常不過最差都係服務問個侍應嘢完全唔想答你落單嗰時完全冇反應講真嘢唔係特別好食服務又差真係唔會再幫襯囉

本來一直覺得呢間水準只算正常的茶餐廳，但上個月屎忽痕入咗長洲食咗佢個所謂名物沙爹牛肉面，踩雷踩到叫阿媽，先知咩叫幸福唔係必然的....所以今日要表掦下我樓下的茶餐廳~元朗冰室。今日早餐例牌叫咗個沙爹牛面+奶茶（如圖），其實已經比之前差咗~沙爹牛份量少咗，面以前是丁面，炒蛋又好似少咗咁，但$37今時今日來講已正常，因為沙爹牛d沙爹幾好味（vs長洲果間陳通記）面渣咗都好過陳通記熱奶茶茶味濃奶味足，炒蛋算滑溜，重點個蒜蓉厚多士每次都熱辣辣從没失手.....最後總結下，$37咁多嘢，出品正常好味，要俾like我都俾我樓下呢間啦！

可算是咁多間分店中最麻麻了…食物唔係好熱，選擇少，豬扒特別貴，而豬扒大小愈來愈細。有次晚市坐近廚房對出，終於見到廚房實況奇境好恐怖，只有一女士和一男士在廚房內工作，一睇不是廚師，兩人都沒有佩帶口罩。食物好像預先煮好，只是夾上碟，仲有幸見到阿哥將跌出碟邊外的意粉就咁用手執番入碟內，然後出菜給客人。在廚房工作時求求其其，不停傾計說笑，分分鐘為上碟食物加添不少口水…

我食左餐廳大力推介既焗厚切豬扒飯加杯熱奶茶，唔係即叫即焗，所以都唔便等，叫完轉頭就有得食。醬汁唔會太多，剛剛cover飯面，有芝士，菠蘿，番茄。個飯底比較濕，見到有炒蛋，但完全唔覺係炒飯底，所以減分。另外主角豬扒，的確係比起其他餐廳厚切，份量都夠哂餸飯，個我食豬扒既骨位附近，好明顯有鬆肉粉味。雖然豬肉依家好貴，但豬扒過份用鬆肉粉，攪到一D味都無。如果係主打豬扒，真係言過其實。奶茶無落糖，有茶味，但唔多順口。個餐$58連熱飲，其實比起大X樂都係貴十幾蚊，話哂都有人serve 你，又唔係等位。都可以一試。

見到佢大大隻字厚切豬扒就入咗去Order左一份/厚切豬扒配辛辣麵加蒜蓉厚多士/真心！真係唔使再去食首先先形容我果碗辛辣麵一咬落去麵是硬未熟的好！咁我就等下食左其他野先等佢慢慢浸淋番啲..雖然我期望，一個消費者係應該有一個至少係煮熟，而唔係浸熟嘅辛辣麵但係礙於而家大家一齊面對逆境我唸住多一事，不如自己處理過渡左佢就算咁可以講講蒜蓉厚多士厚多士真係名乎其實的，好厚好厚但蒜蓉同牛油，好似無出現過一樣完全係好似食緊一片好厚，烘過下既包only 好！咁我就轉移寄望放係厚切豬扒話晒佢哋主力sell 結果，相當失望！我除咗食到呢舊應該係一舊豬扒嘅口感之外佢係冇其他味道可言，係乜嘢味都冇！真係乜嘢味道都冇！係鹹味都冇！最後，我又食番我碗辛辣麵淋番小小....但都仲係硬好浪費既一餐浪費錢浪費時間浪費quota 一餐飯裏面完全感受到呢間餐廳係幾咁無心去經營係咪真係上至高層，下至樓面前線們都真係覺得咁既食物質素係無問題呢

疫情關係店內客人不多，地方寬躺，點豬扒配蓮藕餅，非常喜歡豉汁另上的設計，讓我這個口味比較淡的人可以選擇性放入飯內，豬扒厚身並嫩滑，還有些粟米及椰菜，這個價錢來說性價比非常高。

來到元朗冰室吃午餐，叫了二個午餐：1）厚豬扒配蓮藕餅飯： 厚豬扒質地厚身，有肉感，不會梅梅爛爛，不過沒有鮮味。藕餅的豬肉成份不太夠，不過蓮藕尚算爽脆。2） 鮮牛肉米線+ 蒜蓉多士+ 炒蛋：米線十分大碗，牛肉有牛肉味，蕃茄湯底酸酸甜甜頗開胃，欣賞加入新鮮蕃茄，不會只得茄膏。蒜蓉多士十分香脆。炒蛋炒得過老，不夠滑。餐飲叫了熱朱古力，味道十分濃，不錯。總括來說，食物質素尚可，惟價錢偏貴，在土瓜灣有很多價廉物美的選擇。

晌附近做完野, 周圍搵野食, 見到間元朗冰室 睇門面都ok, 就入去試下.坐低叫左套餐 $190 ~ 3個餸包飲品.個馬尾女侍應(無戴眼鏡)態度超差, 唔望你, 唔覆單, 無笑容,好似得罪左佢咁, 間餐廳無咩人, 連埋個男經理有4個樓面, 唔明佢趕d 咩.我地已經秒速落單, 諗好晒食咩, 佢都黑口黑面.餐廳野食係ok, 豬扒鬆軟, 煎倉魚同蒸菜心正常發揮, 可能客唔多, 上菜超快.但總括 一定無下次!雖然呢個價位既冰室, 明知冇服務可言,但起碼要有基本禮貌, 平時食茶餐廳都唔使受氣, 點解要來呢度貼錢買難受.

是日為大罷工日，為免塞車，經海路回家，係9龍城碼頭落腳，食埋晚飯先返去。Grand Waterfront 選擇不是太多，就腳試下聽過下的元朗冰室。元朗冰室不是在元朗，正如豬排飯未必有豬排味一樣。標榜厚豬排🥩專門店，食客如我抱有一定的期望⋯⋯價錢算親民，晚飯六七十蚊一個人。蕃茄焗豬意粉賣相很靚，也很香，食落其實料唔多，豬排不是厚豬排，有失望，味道是可取的！紅豆冰也唔夠味、一般！至於茶記必食既常餐，瑞士汁撈公仔noodle都係麻麻好食，炒蛋正常

有間新式既茶餐廳「元朗冰室」進駐左翔龍灣一段時間，今次我係第一次入黎試下個tea set ...入到餐廳，原來唔係只係正門果幾張枱，侍應帶我轉左轉右，入面原來都係呢間餐廳，面積都好大，寬闊既坐位加摩登既環境，有別於一般既茶記。鮮茄焗豬扒飯$51茶記黎講$51係有d貴，仲要係下午茶時段wooo.... 問心果句，呢個焗飯做得唔差，炒飯底炒得夠乾身，配料又足，大大隻蕃茄/菠蘿🍍/洋蔥/芝士（邪惡度十足😈😈😈），加上豬扒夠淋又入味，一定唔會唔夠餸，（重點係個汁唔會只係酸酸既茄汁味，係有層次既甜酸醬，開胃x10000)一口冰室西多士$30有點令人失望😞，多士炸太老，唔係太食到中間既花生🥜醬，幸好外面加左練奶及朱古力醬，賣相加左唔少分。

第一次寫食評，見哩間無食評參考就唯有親身試試留個食評作記錄。晚上10點收工經過附近，想找找有無晚飯可好食，本來喺門口見「厚豬扒專門店」就打算試試厚豬扒飯，不過見到Menu有我最近好想食既炸雞脾，猶豫咗一輪之後就變成咁⋯「魔鬼醬豬扒包（$45）」個醬係幾惹味，有啲芥辣（我唔肯定係黃定青），但醬唔多，好不幸我係食到最後先食到啲醬，豬扒夠鬆軟，我個人食肉唔鍾意食肥肉，不過少少肥係應該啱大眾口味既。「炸雞脾（唔記得$37定$38）」唯一慶幸既係唔覺肥，不過乾，但又唔會韌，我係啱食既，大家就要諗諗喇。（兩個餐都係10:00pm後先有）本以為炸雞脾只係配沙律或薯條，原來仲有跟熱飲，結果自己一個飲兩杯⋯一杯奶茶一杯咖啡，咖啡感覺似即溶，奶茶出奇地淡，兩溝埋做鴛鴦就OK，不過我認為非正餐時段奶茶咖啡無咁好係正常既🤷🏻‍♂️。