元朗冰室

營業中

休息中

今朝屋企人買咗元朗冰室既早餐返嚟，有最出名厚切豬扒😍😍。果然一試真心真係唔錯！.一個早餐有一塊厚多士、一碗麵、同埋厚豬扒，對於我一個唔算係大食嘅女仔來講真係飽到上心口啊😆豬扒咬落去啖啖肉，豬肉好夠味道之餘又好鬆化，完全唔似X心（美x)啲豬扒咁薄😡！.至於厚多士係蒜香味道，外賣打返嚟林咗少少，我就自己烘返脆，脆口嘅多士真係好正。但係可惜嘅係米線湯底好清，冇乜味道，好彩嘅係豬扒味道搭救，齋食米線真係有啲淡啊。.加上位置都好方便，可以食一個頂級早餐再返工🤪見到佢餐牌都仲有其他唔同嘅選擇，自己對佢一個全日早餐都好有興趣，有機會會再試。

第一次出食評， 寫得唔好請勿見怪。今日寫間唔係元朗嘅元朗冰室。 打正招牌豬扒專門店， 下午茶時間食個豬扒沙律40幾蚊， 心念係有啲唔底， 不過記得上次食午飯時間都幾大兜， 咁唔想念咁多， 一於又試下試。話晒我知網名有都打正招牌玩健康，就當然要食健康小小， 姐姐來， 下午茶豬扒沙律呀唔該。 來到豬扒都到大塊， 沙律就生果來， 有蘋果喎，仲係新鮮嘅， 其他生果就…… 唔係新鮮嘅。 （其實好正常， 有新鮮蘋果已經好唔錯， 大佬人地茶仔來架咋。 ） 不過減磅人事小心， 冇得走沙律醬， 不過先食晒沙律再食豬扒， 在茶餐廳來說， 可能己經是為一出路啦。 😁總括嚟講， 豬扒同沙律都不錯， 對得住呢個價錢。

元朗冰室當然不用真的在元朗，油尖旺都有不少，豬扒最正好食，肉餅都夠用。醬油係最適合豬扒的，服務員每次都是那麼幾個都差不多喇。|厚切猪扒^都還可以，還是比較寬敞的，在太子這個地方是算比較方便。我們從地鐵站走過來差不多也是很近太子，太子吃飯的時候這家還是最大的地方。

星期日早上六點半不到的時候，作為消費者也談不上擁有選擇權，因為大部份食店還未營業，路上只見這家茶餐廳開門迎客，所以必須是它了。炒蛋配蒜茸多士，炒蛋無蛋香且水份過多，導致狀態太散碎，若加長烹煮時間使蛋汁多凝固可改善。平常早餐多是配牛油多士，這裡用上蒜茸多士有點新意，但是多士烘烤情況不理想，沒有烤出來的香脆感。這個名叫金牌沙嗲牛肉即食麵，味道不錯，重點是沙嗲汁給很多，使整碗麵充滿沙嗲香，而且牛肉很軟，適合早上還沒睡醒的時候食用😅即食麵比一般份量大，遺憾口感不好，麵條已微脹，不爽過軟，沙嗲味道再好也因為麵條而大大失色。奶茶有點苦澀，我雖然不滿，但大多茶餐廳做出來都有這種狀況，所以這裡說不上特別差，而且它還沒苦得令我不想喝下去。早餐咱一令我滿意的是沙嗲牛肉，其他都有不足之處，但在清晨沒有選擇的情況下，草草吃一頓還是可以。當下情況客觀來看其實能達到合格水平，倒不至於難吃，而且定價符合大眾，但寫出來總得着眼於問題之處，所以比較多提缺點。然而，個人對食物要求比較高，即使客觀來說合格，我寧可吃幾塊錢的杯麵，也不願意再來吃早餐😅

去開會旺角附近開會，食個快食！旺角嘅元朗冰室已經唔係第一次嚟，呢度出名豬扒厚切，今次食有少少失望！已經冇之前咁好食同埋咁厚，而且質感都冇之前咁鬆軟。不過上菜速度真係幾快！凍檸七加$3 ，買單$59正常價錢！

岩岩係太子做完少少野, 見有少少時間就去食個快lunch😊 一打開個餐牌就決定食個豐富d嘅全日餐加個好耐都無食過嘅奶油豬🐷😋😋全日餐都幾多單品😆 入面有炒滑蛋🥚, 火腿, 德國腸仔, 茄汁焗豆, 厚切煎豬扒🐷, 沙律配芝麻醬🥗同牛角包🥐, 味道正正常常, 唔錯!奶油豬🐷🥯, 奶油豬熱辣辣, 加埋牛油同煉奶, 香脆又香甜, 好味😋 如果可以再多d煉奶就perfect池😆😆總結: 味道屬正常茶餐廳嘅質素, 不過不失, 價錢亦唔貴, 平靚正!😊😊

開係太子既元朗冰室，厚豬扒非常出名，豬扒好夠鬆軟，經常行過都會黎呢到食lunch，有好多午市套餐，$47-$68 不等。都有日式烏冬食，叫左個雞扒烏冬，味道不過不失，雞扒都好大塊又入味，仲有好滑既炒蛋。黎過食過好幾次，整體食物味道偏濃味，食物質素唔錯只係飯既話，飯粒就會硬左少少。

呢日LUNCH去左元朗冰室食午餐。其實佢有午餐, 又有好多唔同既飯同麵食可以揀。見到佢有個洋日風味拉麵好豐富,連熱飲$54, 就叫咗來試下。洋日風味鳥冬 ($54)佢個拉麵可以轉鳥冬,湯底可以揀豬骨/地獄湯。佢真係好豐富的, 有雞扒, 腸仔, 火腿同炒蛋,其實幾乎食呢碟野已夠飽。味道, 一般啦, 正正常常~係塊雞扒有少少乾同硬囉~烏冬都OK~唔係正宗日式豬骨湯鳥冬,係港式食物來, 但味道可以的~間唔時想食下烏冬, 呢個都OK的~

意粉唔彈牙，比759個啲四蚊意粉好少少肉醬無味,得個樣紅豆冰沖唔好，成堆白點浮下浮下雞脾太咸但係上菜快 適合條脷整親食唔到味又要快嘅人但係正常有味覺嘅人就中一下常唔推薦啦

呢間元朗冰室喺太子，特餐由朝早十一點開始供應，可以自由配搭餸，加三蚊多一款，唔驚唔夠飽！除咗必備嘅沙嗲牛肉雪菜肉絲等等，加十蚊仲有厚豬扒。既然sell自己係厚豬扒專門店，當然要試吓佢哋豬扒。個豬扒雖然望落唔大舊，但的確比平時食嗰啲厚，切開已經見到好多肉汁，個皮煎得好香脆，啲肉好滑、唔韌，果然係好好食。至於個麵，份量都幾多，用大碗裝，沙嗲牛肉同雪菜肉絲都好多，仲有兩舊午餐肉。平時食呢類餐好怕唔夠飽，食呢一個絕對唔會。特餐當然唔少得個包同蛋啦，個包加咗蒜蓉焗，好脆；炒蛋好滑。除咗常餐，見到全日早餐都好多人食，下次再嚟可以試吓。

好多次經過門口都冇入黎，今次終於啱時間，入黎食個晚餐。見到厚豬扒套餐，心諗網名黎啫，兩塊厚豬應該緊緊夠飽，就試下佢。等到上菜，真係唔係講笑，兩塊咁大塊，一路食一路驚食唔完。最終食完兩塊扒，飲埋汽水飽晒，冇食過d飯。美中不足頭頂冷氣出水，希望有改善啦。

早上約8:15到達餐廳，尚算人多但仍能找到位置。我們一行四人分別點了4款早餐，其中普通早餐(A-D)只需$35，而包含豬扒的早餐稍貴，另外凍飲加$3。早餐A-D均附送蒜茸包，A-C更有炒蛋，非常飽足。D餐蕃茄湯牛肉通粉湯底味濃，但配菜三色豆賣相及味道一般。C餐雪菜肉絲火炒有大量雪菜及數條肉絲，整體味道偏淡。西式豬扒餐賣相吸引，豬扒於上菜時仍熱辣辣，似乎為即時製作。豬扒雖然脂肪較多，但味道不錯。總體而言，服務一般但食物性價比高。

我好少會喺呢度擺一啲我覺得唔好食嘅嘢食，因為我覺得搵食艱難，少不免都會有啲quality上嘅問題，但係今次真係不吐不快！嗰日想食茶餐廳，喺太子見到呢一間元朗冰室，見佢裝修都OK就入去食啦。Dear姐呼呼喝喝，係咁趕住問我地要食啲咩咁。之後我求其叫咗個餐，入面個肉醬死鹹，啲豬扒拿到已經冇晒味得啲梳打粉味。之後啲姐姐抹枱有眼麗麗好似覺得我哋阻住佢咁。總之成個experience好差。俾錢我都唔會黎。又貴。

名為元朗冰室，不過係九龍開既。最初第一次食係深水埗果間，但呢一年呢間野瘋狂開分店，睇黎幾好撈...黎得呢間茶記，一定係食佢招牌厚豬扒架啦。50幾蚊加條腸同野飲。個厚豬扒一如既往keep到水準，大大塊厚切，兩邊煎香，外面有少少脆脆地，入面既肉好腍，但又唔會覺得係鬆肉粉啦到林patpat，味道上唔咸唔淡，點一點佢既特製豉油，用黎送飯就一流。個腸就普普通通啦，冇咩好講。唔係幾好既地方係佢d配菜又凍又冇味，我寧願唔要。呢間野第一次食既時候先43蚊 估唔到兩年後加到就黎60，令到性價比都下降不少。

下午行完街覺得有d攰加上有少少餓諗住這裡個地方坐低休息下.店鋪面積都算幾大,都有唔少人,不過好在唔使等位.見到仲有下午茶餐可以點,就點咗兩個試下.佢哋嘅下午茶餐時間到下午6點,炸雞脾份量都可以,外皮炸得好脆,肉質都可以,不過薯條一上臺就已經係凍嘅,另外脆魚柳比較薄一塊,份量唔算多,搭配嘅沙律唔錯係水果沙律,另外跟餐嘅咖啡一般,加咗錢換個紅豆冰都算唔錯,唔會太甜,紅豆唔會一粒粒.整體嚟講一般,不過都幾適合休息坐下食個下午茶.