元朗合隆潮州粉麵 (益發大廈)

營業中

休息中

一試潮州粉麪-開到鰂魚涌咁霸氣，點都要去食下，佢地暖出名既係湯底-白胡椒豬肚湯，同埋睇左網上介紹佢地銀針粉係搵人特製（咁一定要點啦）於是當日我點左醉雞+湯銀針粉+墨魚頭+紫菜，再要左一枝唔熱既樽裝維他奶（我覺得好奇怪既一樣）醉雞食得出係誠意之作，佢整到皮是彈牙肉又嫩滑，而且睇到d骨是熟左（好驚血淋淋既雞骨），酒香都幾出（我仲撈左少少落湯）而湯銀針湯是配左白胡椒豬肚湯，佢地個湯一上已經幾濃胡椒味（正呀），飲落唔似味精似煲左好耐既豬骨湯，幾好飲，而銀針粉幾彈牙偏短身（幾好），佢地即煮所以所唔會淋哂/比水浸到有陣怪味。墨魚頭我覺得好彈牙同新鮮，不過聽講凍食仲正（我放左湯）紫菜又真係用返潮州菜個種紫菜唔會太幼有點闊度（感動，小編半個潮州人食到正野會暗開心）圖2係同事點既三併，試左粒牛丸都好juicy 好食😋唯一比較失分係支維他奶無熱飲🫠🫠🫠🫠🫠🫠否則都值得再幫襯鰂魚涌同灣仔有分店

介紹返💁🏻‍♀️。。🇨🇳 潮州粉 在鰂魚涌 🇨🇳。元朗合隆潮州粉麵。益發大廈地下G35號舖。白胡椒湯 自選粉麵豬潤。豬粉腸。豬大腸。豬肺。豬心。豬肚。豬耳。豬脷。豬肉青。牛丸。豬肉丸。魚皮餃。黑豚肉餃。魚扎。魚蛋。魚片頭。鯪魚球。枝竹。紫菜特別推介 - 鮮牛柏葉。鮮牛肉。鮮牛脷。墨魚頭。墨魚丸。紐西蘭羊片。潮州珍珠蠔仔淨餸 / 配湯粉麵 * 拼特別推介 每款 另加 HKD3。HKD38 @ 單拼。HKD43 @ 雙拼。HKD48 @ 三拼配 豬油撈米 / 撈麵 / 撈針 / 撈河 / 撈飯* 拼特別推介 每款 另加 HKD3。HKD52 @ 最多三拼 柱侯炆牛筋腩 。HKD40 @ 配 湯粉麵 。HKD 50 @ 配 豬油撈小食花雕醉雞。HKD42自家製五花茶 。HKD10🤫 近排天氣咁凍..W豬仔話Lunch Time出去食返啲暖笠笠嘅嘢穩陣啲..我哋就揀咗怪獸大廈旁邊嗰條窄巷新開嘅合隆..因為之前都喺呢度買過外賣..飲過佢哋好好味好溫暖嘅白胡椒湯🤫 合隆嘅舖頭陳設係特登懷舊嗰種.. 以綠色鐵皮街邊檔作為藍本..再加木摺檯木摺凳..都幾有Feel..我哋諗咗一陣間..我就決定要試吓柱侯

雖然呢間舖頭唔係開咗係鰂魚涌好耐 但食過元朗合隆好多次 餐牌上好多野都食過 花雕醉雞明顯係用好差嘅貨😂豬手淋到用筷子機乎夾唔起😂 牛腩質素普通 比茶記差少少🤦🏻‍♂️冰鎮墨魚頭係室溫嘅…😂不過撇除呢啲小食 佢嘅豬什類同埋其他粉麵相當出色 胡椒湯底夠濃夠辣夠熱 配埋豬什係幾好食（除左粉腸係苦既之外）😋另外牛肉 蠔仔同熱既墨魚頭一樣都唔錯 連埋粉麵一碗50幾蚊 大大碗 如果揀銀針粉就仲大碗 本身鐘意食河粉多d 但係就比較易散 所以黎到真係要識揀先知邊樣好食😅

原本打算去灣仔食，發現新開鰂魚涌分店，坑口坐地鐵去方便很多，就改為去此，太古城站出行5分鐘就到，但位置比較僻，較難發現，要行到街尾個鋪位，五金水電鋪旁邊，裝修環境幾舒適，整潔光猛，叫左大豬雜河粉和可樂，豬雜雪白無異味，非常新鮮，，夠淋但仍有咬口，好味，湯底是胡椒豬肚湯，味道不算很濃但頗好味，胡椒味比較強烈，食完成頭汗，食完覺得好滿足，肯定會再來食，亦會想試下其它例如柱候牛腩，墨魚頭之類食物，真心推薦大家去試

早兩個星期見佢新開張，見到西廚Ricky Cheung 嚟剪彩，今朝再經過就入嚟試下。入面裝修喺扮返七十年代啲屋邨小店格局，圓櫈木枱咁，不過坐得算闊落，冷氣夠勁，企理整潔。今日食左碗鮮牛肉墨魚頭河粉，$50蚊，高質，牛肉冇乜嗱過，仍然保留鮮牛肉嘅肉味同埋口感，都唔韌，啫係入料有返咁上下，墨魚頭爽彈，新鮮，湯底強勁胡椒味，據稱冇味精，整體感覺高質，唔係賣平嘢，係真係靠食物質數講野嘅小店。另外叫左杯金銀花茶，冰凍濃郁，10蚊杯，口感真材實料。呢間店睇黎會係呢區企得穩。

新開張，朋友又勁推介，所以今日紅日中午黎食。前兩日已經買外賣試左佢嘅醉雞同炸魚皮，我唔知佢用花雕定係槽滷，隻醉雞醉到過咗龍，食幾舊ok嘅，食成半隻就愈食愈覺得苦，可能我唔識食，哩D先至係正野。至於炸魚皮，學蘇絲黃話齋，係硬嘅，一D都唔脆。講返中午黎食哩餐，兩個人叫左兩碗河粉，一碗係魚皮餃、墨魚丸、鮮牛柏葉拼紐西蘭羊片，另一碗係豬大腸、鮮牛肉拼墨魚頭。兩碗都係胡椒豬肚湯底。小食叫咗麻辣豬耳。仲叫多兩罐汽水。我哋中午兩點黎食，炸魚皮同一字骨已經賣晒，所以一字骨試唔到。河粉係好食嘅，湯底亦好正，唔飲埋有D嘥，但所有自選嘅食材就份量少質素亦麻麻，當中比較好食係魚皮餃，但係得兩粒。墨魚頭同墨魚蘇就淥過龍，縮左水又有D韌。鮮牛肉就有一浸豬潤味。羊片就係佳寶D肉。至於麻辣豬耳份量一樣係少，成$38，得幾舊，唔知係唔係新鮮豬耳，顏色比較淺，食落口感介乎爽脆同硬之間，但就夠辣。縂結，埋單$180，推介係辣椒油同胡椒豬肚湯，佢哋自己話個湯係冇味精，如果係真，應該貴就貴在煲湯度。

🆕新進駐！平時要走到北角先可以有機會食到，發現原來已經結業，新舖搬到鰂魚涌一條橫街嘅盡頭，咁啱坐車🚗路過見到即刻要去拜會一下😅.近期勾起白胡椒清湯底🐽豬雜粉嘅味道，上星期試過西環嘅一間，今趟 #元朗合隆潮州粉麵 裝修懷舊風，簡潔乾淨，同樣俾到滿足感☺️———————————————————————————🥢豬雜銀針粉（細）🍜💬同樣地無理到餐紙上嘅其他食物，又係諗都唔使諗，睇到「豬雜🐽」直接✅，配上家鄉銀針粉，就係最佳配搭🫶。先喝口胡椒湯底，香而不辣；有豬肺、豬心、豬肚、豬潤、粉腸、大腸、豬耳、豬脷、豬肉青，處理得很認真☺️

見佢新開張，就和同事去試一下。叫咗雙拼河粉，$45。得兩塊魚片頭，五條一吋以下嘅豬粉腸，全碗麵個湯冇乜味又細碗，男人應該唔夠飽。$40一碟墨魚頭，佢話係麻辣，但應該係加咗佢自家製嘅辣椒油，絕對唔係四川麻辣風味。墨魚頭大約10粒，都算係好新鮮，煮得啱啱好，口感不錯。魚皮佢哋係用鱔魚皮做，略嫌炸粉太厚，唔係特別好食，其他餐廳普通魚皮好食啲。總括，可以嚟試一次，但唔係好食或抵食到要重複幫襯。對面街cheap麵細細碗係賣緊24蚊單拼。