元朗為食街

營業中

休息中

是晚經過教育路這小食店，原本想買三寶食，不過見蠔餅好多人買，心思思就買埋！即叫即煎，熱辣辣，加左芫茜一拎上手已聞到香氣四溢，真係流晒口水蠔仔份量夠多$28超好食又抵食！

🐚為食街-蠔仔餅好多人去元朗食蠔仔餅，第一時間會諗起XX蠔餅，👧🏻2間都食過，始終偏愛［為食街］的蠔餅辣汁係必落的😳酸酸辣辣非常開胃❤️如果不食得辣可以淋小小來食😋即叫即製，蠔仔份量又多☺️👧🏻👦🏻今次叫左$28@1件蠔餅☺️👍🏻已經夠食

黎到元朗,最愛呢間蠔餅,即整,夠新鮮熱辣,仲要任你選擇唔要蔥都可以,仲要蠔既份量又唔, 夠足料仲要好愛佢枝靈芝雞骨草涼茶,夠特別,仲好足料,好夠靈芝味道,大力推介~~

大胃D: 當你好鍾意食一樣嘢 其實可能唔係單純鍾意佢好食 可能係因為當時你第一次食既時候你身邊個位 所以每次經過都會想再食/去餐廳見到有個款食物 都一定會叫黎食😍#食回憶 #食過去 #食遺憾當然依間既 #炸蠔餅 係我食過咁多間街邊檔入面既no.1👍 佢既辣汁又係一定一定要落 沾黎食辣辣地 幾似泰式生蝦個隻辣汁 仲要辣少少 (拿 唔計打冷舖食既蠔餅 唔同嫁!咪抽我後腳😗)好食過同區既 #乜乜蠔餅😶#其實自己食過好食又平既嘢再帶朋友去食都認同自己無介紹錯真係幾開心#買2底唔洗分2個袋裝 #40蚊找2蚊##18蚊底 #平靚正.

前排試過了元朗「為食街」美味的鎮店之寶 ─ 蠔餅後，好像真的上癮了，而家成日都想食。 呢度嘅蠔餅多蠔仔(蠔仔都算大隻ga)，蛋漿份量適中，就咁聞到已經流晒口水，入口非常鬆脆，又煎得剛好熟。再配上泰式辣漿，perfect! 太好食了! 就連我個唔鐘意食蠔嘅朋友食過都話好食呀! 真係唔到你唔信! 大件夾掋食~ 記住喇，下次大家入開元朗唔好淨係掛住買老婆餅喇!仲有好多好味嘅野食ga。 下次再為大家介紹啦! 店舖地址:元朗教育路25-29號新基樓地下

元朗除左b仔外，為食街都好出名。但係宜家已經分家。一間係為食街，另一間係系泰星对面嘅肥姐，肥姐就係始祖，但係openrice又搵唔到，咁就寫住系為食街啦。蠔餅好足料，有好多料，而最出色就係個汁，酸酸辣辣，非常開胃。

剛吃完校長燒肉，小妹就和將軍散步到巴士站。姐姐一通電話打來，話外賣宵夜回家。我就行到為食街買蠔餅回家，遠遠也聞到蠔餅的香味。老闆忙碌地煎着蠔餅，很多人在外賣蠔餅。熱燙燙的蠔餅在隔油紙上滴油，加上胡椒粉，香味撲鼻，令小妹胃口大開。香煎蠔餅$17回家後，有點冷掉，所以我翻叮一下下。那獨有的辣汁是必點的，香辣脆三個元素也有，蠔肉頗大一顆。香脆的蠔餅，加上芫荽味道更吸引。熱食必定更吸引，回想也口水噴噴。評分：8.5/10

有朋友山長水遠黎到元朗，除左B仔仲有咩好介紹？ 同一條街行過少少轉角位就會見到呢間 元朗「為食街」！每次一有朋友黎都一定會介紹佢地黎幫襯！點解？ 一經過已經聞到蠔餅嘅香味，一路等佢煎，一路流口水！ 好人嘅姨姨仲特登比多好多芫茜，夾埋蠔餅一齊食簡直就係天衣無縫。岩岩煎起入口鬆脆，無可挑剔！不過，蠔餅真係要趁熱食啊！最好就真係即刻食，因為膠袋焗住拎到返屋企就會淋曬嫁喇！所以如果有朋友叫你外賣比佢，最好都係親自帶佢黎食喇！

係泰星食左碗完全唔飽既雞飯，行得幾個街口已經好似一陣風，好似無食過咁，見街頭轉角位有小食店，不妨去睇睇。原先以為咁細舖，多數都係賣魚蛋豬皮煎釀三寶之類食物，但真係無興趣，反而要了碗魚肉翅，在狂加麻油胡椒粉同紅醋之下，相信已經將原味改晒，不過改唔改都無所謂，始終都係味精芡一推，有冬菇絲、肉絲及粉絲，而且切得幼細，都算足料了，但魚肉有點腥，麻麻地。

估唔到我係第一個幫呢間野寫食評既人，真幸運其實今次係我第二次食呢度既蠔餅，水準一D都冇退步，VERY GOODD蠔餅係即叫即炸，$9 / 件，$20 / 2件，$28 / 3件， $35 / 4件，今日叫左2件，2個人SHARED槳一早開好，有ORDER既時候再用鴨蛋開，令D蠔餅有蛋香，至於點解要用鴨蛋唔用雞蛋，我就唔知點解LA~開左既漿加左大量既蔥花，令到塊蠔餅食落好香口，一塊大蠔餅我整開做8小塊到，但塊塊都有蠔係入面，好正。而且塊蠔餅會落胡椒粉，有小小辣，好惹味，另外，佢可以CHOOSE要唔要芫茜同辣汁，下次可能叫佢試下加辣汁要注意既係，D蠔餅要6:30後先有得買，唔知係唔係唔憂做呢.....同埋佢係冇魚露提供的.....