元朗燒賣皇后妙舒

營業中

休息中

之前在Youtube見過這間店的介紹，已經好想試，難得黎到元朗，當然要試下。因為知道之後會食其他野，所以我和朋友只叫了5粒的招牌香菇燒賣，過過口癮。燒賣唔算好大粒，但入面d料好扎實，每一粒都食到菇味，質素媲美高級的中餐廳。忘記跟店員講落少d豉油，個人感覺有點咸。總體是值得推介的美食。

睇完戲有少少餓，就行咗去食街嗰邊食個宵夜😜夜麻麻唔敢食炸燒賣，試咗香菇燒賣，同埋魚蛋😉燒賣真係好重冬菇味，個魚蛋有好香魚味🤩又彈牙又好食，bookmark下次再試先Btw, 我真係好鍾意食燒賣，真係一個燒賣精😂😂😂已經加入了燒賣關注組男朋友話以前成日喺到掃街，但而家淨返好少舖頭開lu😕😕📍 元朗燒賣皇后妙舒 (元朗)元朗阜財街14號宏豐大廈地下11B及11C號舖

1️⃣招牌冬菇豬肉燒賣（$12/5粒）燒賣細粒左好多，冇左啖啖肉既口感，覺得好唔滿足，個皮又有啲厚2️⃣白魚蛋（$12/8粒）魚蛋有咖喱/香辣味揀，今次試香辣味，好普通，味道唔係好惹味，但本身個白魚蛋係彈牙好食既！值得再食！

由細食到大,叫得燒賣皇后最出名既當然就係燒賣,而佢地燒賣既質素真係堪稱一絕,曾經有幾次有其他舖頭模仿/挑戰佢,到最後都銷聲匿跡,而且妙舒近年仲做埋串燒,雖然款式多左,但質素就明顯下降左,希望將來會改善返

平日晏晝非繁忙時段，只有我地一枱串燒客，等候時間大約45分鐘，買左兩大袋拎走，番去打開見到咁樣，燒到同炭一樣顏色，咁都好意思俾人食？側側膊當人吾知？ 建議大家外賣拎走前睇一睇先

​🤍元朗燒賣皇后​妙舒​作為元朗人👯‍♀️由細就食燒賣皇后嘅燒賣大👍🏻大家尼元朗都可以試下👀雖然以前（未裝修先）燒賣大粒啲又平啲🏷近年縮水左不少（貴左又細粒左）😅但佢仍然係我全港其中一間最中意嘅燒賣💕🧏🏻‍♀️​​∞ ∞ ∞ ∞ ∞ ∞ ​​◽️香菇豬肉燒賣7/10 (HKD 12/5粒）​​同普通嘅豬肉燒賣唔同☝🏻入面加左好香口嘅冬菇🍄配上半肥瘦嘅豬肉🐷成粒燒賣好有𡁻勁🤣中意食辣嘅一定要加辣油🌶辣油辣嘅程度應該係全港燒賣無人能及😋辣油同燒賣好夾☺️加埋一齊將燒賣嘅味道昇華到另一個層次😇正！​​∞ ∞ ∞ ∞ ∞ ∞ ​​💭評分​​味道 7/10​環境 4/10​​∞ ∞ ∞ ∞ ∞ ∞ ​​📍地點​​元朗燒賣皇后妙舒 (📌元朗)​元朗阜財街14號宏豐大廈地下11B及11C號舖​​∞ ∞ ∞ ∞ ∞ ∞ ​

今日經開元朗做嘢，一直知道燒賣皇后好出名。所以今天買來一試。買了一份招牌香菇豬肉燒賣，一份椒鹽炸燒賣。買咗兩樣嘢，一共要$27，食燒賣都食咗差唔多$30，所以價錢平定貴真係見仁見智啦。哈哈。由於椒鹽炸燒賣要等6分鐘，所以食咗個招牌香菇豬肉燒賣先，加咗少少辣油，其實都真係幾好食，好足料。有五粒大大粒。之後食個椒鹽炸燒賣，其實只係將招牌香菇豬肉燒賣拎咗去炸，之後加少少椒鹽粉，可能椒鹽粉又唔係好夠，所以覺得呢一個就一般般。行過路過，未食過嘅的確可以推薦佢嘅招牌香菇豬肉燒賣。

以前食嘅時候得元朗先有，而家越嚟越開得多分店，愈出愈多新款，但其實我始終鍾情佢個豬肉燒賣配辣椒油😍😋出面真係搵唔到。.反而白魚蛋麻麻地，好似無咩味咁，都係燒賣好食，仲要蒸唔係炸😅😂

見到有一部份人講到咁好食，又有另一部份人話好難食，咁我特登刻意走過來元朗咁遠食呢一間燒賣皇后啦，點知原來真係難食😖😖😓😓😓😓😓燒賣，好普通，真係好普通，普通到唔覺得有咩特別好食，當然亦都唔係難食，口感唔算彈牙，一半粉😓😓😓炸燒賣，叫做食咗啲炸物咁解，不過唔算高質，亦都唔算好差，又係不過不失，不過好油，同埋等好耐好耐，大概15分鐘，只係一串炸燒賣，要搞咁耐，而且又唔係好多人排隊，真係理解唔到😵😵😵最後見到佢哋有買辣椒油，又話自己比食客用緊嘅辣椒油係自家製，不過好奇怪，佢哋店舖裏面有極度多錦珍辣椒油！完全係人哋製造個喎，根本唔係自家製，如果唔係點解識裏面有咁多筒買返嚟嘅辣椒油呢？唯一可以相信係，佢哋買完返嚟，入落自己個樽。唔知道啦，不過在此分享一下，大家自行判斷😓😓😓😓😖😖😖

在元朗提到燒賣，應該會想起的是 燒賣皇后 吧！平時在街頭都是即買即食的，但這裡還提供了另一種選擇給客人就是急凍了的燒賣，大家可以買回家再蒸來吃。✦ 招牌香菇豬肉燒賣 ($28/12粒) -忘了解凍就直接蒸的我表示傻眼，蒸好仍然會是一餅。不過這不影響味道喇～大家記得先解凍後蒸約10分鐘雖然是豬肉燒賣，但有加入鯪魚肉 口感彈牙且能吃得出落料十足！整個比例剛好，香菇的味道濃郁所以即使不沾豉油吃也沒問題。

 元朗燒賣皇后妙舒都好多人推薦，應該都好多人食過。佢同一般出面賣既燒賣唔同，出面通常係賣魚肉燒賣，呢度都有得買，但係最多人推薦既就係佢既香菇豬肉燒賣！點都要試下。1⃣️招牌香菇豬肉燒賣（$12）真係食到粒粒既菇同埋豬肉餡，唔會有魚肉燒賣既果種粉粉地既感覺，鮮味同口感都更加正。而且有菇有豬肉，有種係酒樓食既燒賣既感覺😍。十二蚊有五粒都唔算貴。  另外一定要叫辣！配埋佢地既辣油更加惹味🔥  

香菇豬肉燒賣 $12/5粒食左咁多年仍然保持水準，大大粒，真材實料，好香菇味，可以話係簡易版嘅酒樓燒賣，好喜歡佢嘅鼓油同辣油，超正！分店愈開愈多，更多嘅人可以食到佢嘅好味道喇！除左現場即食，佢重有出急凍包裝，係屋企都可以食到😋

搬咗入黎元朗年幾都未試過呢間咁出名嘅燒賣😅今晚餓餓地唔知食咩又係果附近就決定試下👍叫咗一份椒鹽燒賣，香菇豬肉燒賣同埋三粒茶葉蛋～椒鹽燒賣我拎到返屋企食大約過左十分鐘，依然好脆，唔油膩👍 裡面彈牙，有咬口，食落好香，好食過酒樓既豬肉燒賣，又唔似某啲魚肉燒賣咁粉，我唔算係一個燒賣鐵粉都真心覺得好好食👍👍👍香菇豬肉燒賣加左辣椒油，好香，我唔食得辣都食到，如果食得辣既我諗要要求特辣先得😅茶葉蛋夠香夠入味，12蚊三粒幾抵食🙌呢間燒賣咁出名，香港製造真材實料，性價比真心高👏👏

話說今日又經過元朗，我每次經過元朗都會去幫襯元朗燒賣皇后妙舒嘅冬菇豬肉燒賣，而且每次都會叫10粒，過吓口癮。呢間店舖喺元朗都非常之出名，每次都見到門口大排長龍。佢哋嘅燒賣係自家製，食落非常彈牙有口感，有好香冬菇味，加埋佢哋啲辣油同埋豉油超級好，啲辣又好香，值得一讚。成日都好掛住佢哋嘅燒賣。

巴士落車，係又新街行過見到有人排隊，就走過去買左份魚蛋燒賣孖寶黎試下，佢用嘅係白魚旦，非常彈牙，魚味夠😬  佢嘅豬肉冬菇燒賣都好好食。再上佢地嘅特製辣椒油，簡直一流。