元気寿司 (元朗廣場)

營業中

休息中

之前去左元朗間元氣, 食物既味道都可以,不過d態度真係吾多掂, 我諗住再叫野食既時候佢冇啦啦啤住我地, 俾錢果陣又係, 拎緊散紙個陣, 佢個樣又勁吾gur甘 乜事ah佢 -0-

外賣壽司今次服務好差, 三文魚壽司一早攞左出來, 等左20分鐘都未見軟殼蟹手卷出來, 追佢三次, 都是答"新鮮造比我", 炸近!好喇! 差不多30分鐘才出齊, 不過件軟殼蟹手卷是凍的, 我唔收貨, 佢地不出2分鐘就換左一份熱辣辣的比我!有冇攪錯, 點做野! 咁唔老實!仲有一個問題, 軟殼蟹手卷新鮮造比我就唔好咁早攞其他壽司出來"灘熱"啦!佢地又識教客人, 壽司要放係4度以下, 及快d 食晒壽司! 好心元氣壽司公司安排員工訓練下衛生知識啦!想投訴, 打佢地個熱線, 又冇投訴一欄, 又冇公司網站! 真係有冤無路訴...

事先聲明,本人最愛吃日本菜。可以講係中左日本菜毒。近來毒癮加深，我同太太平均隔日會去食一次。本來我地會周圍去食下．．．點知自從上個月去左元氣後．．．就隔日食．．．本人極力推介（可能記錯名稱）蛋壽士（$9）燒三文魚壽士（$15）<--本人第二至愛, 肉質非常肥美,味道一流,次次食三碟新出既蝦壽士（$15）<--本人至愛, 新鮮, 有好強烈既鮮蝦味, 一試難忘, 次次食三碟以上他他牛壽士（$18）<--不過水準次次下落,不過尚算好食。比多幾次機會,再差就唔食佢

我覺得d壽司真係麻麻地,味道一般.他他牛壽司感覺上好似冇對上一次咁好味,對上一次食有一種令人回味既感覺,但係今次食就完全冇左個種味道.而且d壽司飯一夾就散晒,未食到已經斷開左一半,感覺上好似壽司司師冇力整咁,而且d三文魚好似岩岩係冰櫃拎出黎咁,凍冰冰,條輸送帶上面壽司既黎黎去去都係得3-4種,而且望落去整得好求其.但係炸軟殼蟹,味道都ok總結:質素差左

剛搬到元朗，不敢隨便吃魚生，怕不新鮮，所以還是光顧老字型大小元氣，不過，我吃過那麽多間元氣，這間可算是人最少、魚生最不新鮮，當然啦，人流不夠，食物當然要很久才賣出。但後來發現了元朗都有很多日本餐廳，不是因爲它本身的因素，而是確實有太多好選擇，就沒有再去了。

上兩個星期日下午六點半左右,我和友人原本想去試吃田中既壽司但太多人等位轉左去行元朗廣塲,當經過這間元氣廻轉壽司見它唔多人又唔洗等位咪入去試下囉,點知....唉！...令我哋太失望....當時我哋攞咗海膽壽司、三文魚壽司、吞拿魚壽司、三文魚子壽司、尤魚壽司、鰻魚壽司等等.....除咗鰻魚壽司較為好DD其他就唉！.........果舊海膽壽司又唔新鮮又有陣怪怪哋味食落去嘩！好難食....舊吞拿魚壽司又係唔新鮮食落好似食死魚咁！舊三文魚子壽司又係唔新鮮Ｄ三文魚子又少又細舊食落{好腥呀！}...最攞命就係三文魚壽司簡直{極品}食落去有陣雪味又簿又細舊好難食,當我哋正在望向師傅整壽司過程,眼見師父喺雪柜攞咗一盒盒好似喺百佳買返嚟已切好嘅三文魚出嚟{似買收工特價果隻}...咦!..咁都得...又話師傅點知原來連魚都唔識擋用百佳牌頂當唉!{一言難盡}....總之我哋唔會再去呢間元氣

元朗有兩間迴轉壽司，以味道計當然揀番元氣，山窮水盡時又想過迴轉壽司癮可去另外一間。最愛元氣既係佢既壽司細細舊，岩岩好果隻，好驚果d一啖食唔晒既大舊壽司><芥辣八爪魚同三文魚子壽司係每次去都必叫。芥辣八爪魚好爽口，如果撞岩紫菜夠脆ｄ料又夠凍，真係一流。三文魚子，以前朋友食過話覺得腥，因為好驚腥所以一直都冇試，直到有一次真係諗唔到食乜就拎左碟三文魚子，自此就戀上左喇，魚子爆開後湧出既鮮甜實在抵擋唔到。其他壽司，三文魚、帶子、辣味三文魚、他他牛、波士頓卷等…都相當不錯

元朗瑜伽班食肆巡禮之一, 呢次到呢間元氣分店試試, 每逢行元朗廣場, 定必經過呢間迴轉, 但過往排長龍景象現已消失, 令人聯想是否會步和民後塵?全店迴轉座位, 例牌排得密密, 最新鮮壽司起菜位該店西北方位, 見住師父從cop飯機出飯後, 加片魚生掐幾掐, 擺上迴轉帶上, 坐呢part位, 簡直食盡最新鮮產品, 同時亦可窺探工作區情況, 例如係告示提醒員工每20分鐘換新手套工作等等.是次響螺壽司, 生牛肉壽司, 帶子壽司都算突出, 螺肉彈牙, 生牛綿滑, 鮮味雖不算頂級但可一試, 飯團比例個人覺得較元祿更適中, 唔會有種大舊飯扼錢感覺, 但曾經有暖飯現象, 總体來說, 幫襯過咁多次水準仍可保持.