元気寿司 (圍方)

營業中

休息中

今日下午，帶了二位小朋友去了大圍圍方購物中心,地方寬敞,環境優美,我們去了3樓元氣壽司嘆下午茶,入到裏面一看，座位勁闊，氣氛不錯，我點了美味可口的蛋壽司丶青瓜蟹柳壽司、蒸水蛋和波子汽水給他們吃喝，下次再去°

今天一家人過來食元氣非常開心唔係好多人排隊好快就到我哋，特別驚喜係呢度有張好大嘅枱基本上坐八個人都鬆動，平時我哋屋企人食飯出面嘅元氣一般都係得六人座，味道方面一如以往都係不錯嘅呢度真係正在高新裝修環境唔錯坐得舒服

今日接咗個仔放學之後有啲肚餓，所以去咗元氣食下午茶佢啲下午茶都算抵食最平50幾蚊都有一個餐都唔想食咁豐富嘅時候佢嘅下午茶都係一個幾好嘅選擇同埋下午茶時段唔係好多人都坐得幾舒服咁

星期日下午來到圍方元氣壽司，二人入座不用等位。元氣推出$10兩件壽司優惠，共有二款壽司可選，玉米蟹柳福袋（原價$17）和柚子胡椒鰈魚（原價$16），我們也享用了。食物方面：玉米蟹柳福袋十分足料，福袋設計也很精美，不錯，柚子胡椒鰈魚沒有魚腥味，價錢十分便宜。另外點了幾款三文魚產品也是不錯吃。最後二人一共$152 ,十分便宜。

試咗元氣最新以鰻魚同左口魚兩大人氣食材做主角嘅「黑白祭」新餐目。.極上厚切鰻魚壽司增量一倍！魚脂豐盛，以香濃鰻魚汁炙燒，散發陣陣焦香.鰻魚蛋他他軍艦蒲燒鰻魚原件上，質地厚實。 紫菜香脆，雞蛋沙津他他醬酸酸甜甜。 再額外附上香甜鰻魚汁，可按喜好自由淋上.鰻魚芝士脆卷呢個我鐘意。 口感好豐富，入口先有奶香滿滿北海道金文拔芝士味道，之後就食到清新牛油果、香甜玉子、酥脆海苔天婦羅同香濃軟嫩鰻魚滋味。.炙燒左口魚裙邊左口魚裙邊經炙燒後，甘香魚油流晒出嚟🤤.左口魚裙邊軍艦升級版炙燒左口魚裙邊壽司，脆卜卜紫菜捲起醋飯，再放咗經炙燒後，甘香魚油流晒出嚟嘅左口魚裙邊，然後再掃咗咸香醬油同惹味炸大蔥絲🤭.鹽蔥醬油左口魚裙邊另一款升級版炙燒左口魚裙邊壽司，，脆卜卜紫菜捲起醋飯，再放咗經炙燒後，甘香魚油流晒出嚟嘅左口魚裙邊🤭不過佢就掃咗鹽蔥醬油，入口會微鹹同充滿蔥香

上菜速度快，食落新鮮，只係飯有啲啲太黏，不過未到影響個味道既，可能因為新開張未係好熟手，我覺得可以接受。另外就係圖二既帶子，原本上黎既個樣有啲怪，無清好咁，呢個係新一碟黎。當時同店員反映左都好快出過個新既，而且店員都有過黎跟進返新既o唔okay，感覺呢度既staff都好盡責有禮，唔係是但hea你咁。不過唔知係咪因為我食既時候好多人，咁啱無曬甜品叉，所以我用左茶碗蒸既匙羹，不過之後都見到有員工補緊，可能因為客多掛。整體都唔錯，不過可能新開張同埋都好多客，所以食物質素仲有啲改善空間。

唔知點解攞票機，唔會叫Number需要自行留意我哋都差少少就Miss咗其他食物水準正常發揮小朋友好鍾意食佢哋嘅烏冬，熱食亦都夠熱我哋一行四大兩小，個卡位好大，坐得好舒服

新商場，由於太多人最後最快係元氣有位置（因為可以手機拎定）食材新鮮，無論刺身定炸物定烏冬都keep住應有既水平好耐冇食，都好有驚喜🥰依家圍方開左，可以多d來幫襯而且帶BB來都無問題，座位夠寬都有BB凳提供

The Wai 開張大吉真係間間餐廳都迫爆左無阻小朋友想食元氣壽司的心星期六由4點半在App拎位等到7點半先有得食好肚餓可能人太多了每碟即刻整反而覺得比在其他分店新鮮坐位亦夠闊有空間感新開張食夠$300仲送保溫水壺我地點左牛肉烏冬、腐皮、粟米、三文魚壽司、饅魚手卷⋯ 炸物有八爪魚丸、軟殼蟹、薯條全部都好脆熱辣辣甜品點了三款蛋糕 芝士、朱古力和千層蛋糕雪得太耐未解凍 有點失色最推介朱古力 非常濃郁下次再黎食過～