元気寿司

營業中

休息中

上個月五月突如其來的七折優惠，足足有一星期七日那麼長按捺不住，與朋友走了去吃了一餐從來不試過有七折優惠那麼多那麼多年一直也是七折朋友鐘意食熟壽司，幾乎都點了炙燒炙燒珍寶皇帝蟹柳SIZE超級巨大，比飯團大得很多入面很多肉汁，很juicy炙燒辛辣三文魚腩魚腩位肉脂較重，魚香味濃，加上辣醬更惹味炙燒黑椒蠔黑椒剛好僻走蠔的腥味，不算太腥，可以接受炙燒黑椒熟蝦黑椒味太濃烈，太搶去蝦本來的味道還是牛油蝦比較好吃炙燒牛油熟帶子輕輕的牛油更帶起帶子的鮮味，絕配鰻魚壽司鰻魚太薄太小，變相沒有口感

天氣開始炎熱， 昨晚好想食壽司🍣， 走到太子新世紀廣場的元氣， 排了差不多成個鐘才有位。 用qr code落單， 再加上高速列車🚅，點餐方便，速度更快。 但唔知係咪當晚太多人， 上菜的速度比其他分店慢很多。 數數我昨晚吃了多少件壽司先，有蟹肉蟹膏$20、 油甘魚$20、 燒珍寶皇帝蟹棒$20、筋子$20、 珍寶北海道帆立貝$36、 炙燒黑椒蠔$20、 芥辣八爪魚$14、 海膽墨魚$17、日向柑橘白蝦卷$19、 厚燒玉子$24、 柚子鹽雞拉麵$32、 千層蛋糕$19和蜜瓜梳打配雪糕$19。講下新口味日向柑橘白蝦卷， 蝦肉配柑橘很香甜， 還有我最愛的珍寶帆立貝， 鮮甜厚肉好味。 另外幾款壽司都非常新鮮， 食飽飽之後再點了軟綿好味的千層蛋糕和清新的蜜瓜梳打雪糕做甜品。食了很多埋單都只是三百幾， 超抵又好食， 如果上菜速度可以改善一下就更好了。

一到晚餐時間，路過每一間元氣壽司都會大排長龍，睇黎元氣壽司真係有魔力，無論要等幾耐都會等架！今次朋友係會員，所以係手機apps到遠距離拎定飛都得，好好呀又可以邊行街邊等位，搞到我都好想做會員好快就有位喇，職員安排左我地坐卡位，好舒服嘅sofa，原來高速線就係有架快車送到你面前，等一次黎嘅我真係好興奮雖然已經係大人最最最鐘意就係牛油果鰻魚卷呀，唔好見佢$22只有一件,其實係超值架，又大件又足料，厚厚嘅鰻魚下，有3片好新鮮嘅牛油果🥑，最下層唔係一係得飯架，係有青瓜絲卷住好正，食完又再叫多件呀真係！

每個月都有幾天心思思想吃元氣壽司，每個月第一星期三一定會吃，因為是會員優惠日呀( ･ㅂ･)و ̑̑會員還可以手機取票，邊行街邊等待，時間也易過點～～每次一定要點的頭三位：1.蒲燒鰻魚芝士卷，一口過地吃是超美味的，鰻魚與芝士融合一起，加上清新的青瓜好yummy 呀！美味到要再encore多一碟！2.吉列蝦壽司，比起天婦羅炸蝦，吉列蝦更優勝，香脆的外圍，連同鮮味的蝦，每一口也是享受。3.粟米蟹柳絲福袋，真的像福袋一樣豐富，甜甜的粟米滿佈整個福袋。北寄貝沙律軍艦，用料很充足，很新鮮。辣三文魚軍艦，很喜歡wasabi 與三文魚拌在一起的味道，甜中帶辣，切碎的三文魚口感又不一樣。炸天婦羅蝦，我會更喜歡吉列炸蝦～ 天婦羅蝦炸粉比較厚，咬下去不太脆。軟殼蟹手卷，可能放耐了才吃，軟殼蟹有點過氣的感覺。他們每隻碟也有元氣熊仔金句～用餐時增添樂趣

有啲人好怕食魚生類食物元氣壽司下午茶亦提供火灸類下午茶下午茶set D全熟壽司分別有熟蛋熟蝦熟帆立貝灸燒三文魚同皇帝蟹柳如果喜歡壽司又唔想食生冷野可以食呢個餐配搭熱湯烏冬加炸雞加多幾件10蚊壽司 又一餐

今日嗌咗下午茶餐D 係軍艦壽司 湯烏冬同埋炸雞壽司嘅三文魚好軟熟亦鮮甜 其他軍艦例如芥末八爪魚 蟹子亦好食 湯烏冬應該係柴魚湯底 熱辣辣配七味粉亦係大滿足小食方面揀咗炸雞 炸雞上黎溫度高而且juicy .推薦

平時同朋友食飯，一諗到想食日本嘢，都會諗起元氣壽司。因為佢性價比高，壽司又新鮮，成日都有唔同嘅新推出食品。  好似係8月15號去到9月18號都有一個新嘅menu。就係極上優惠。有四款新嘅壽司，同埋檸檬cheesecake。豪快海老二点 🦐🦐 有兩舊蝦壽司🍣，上面有三文魚籽，好新鮮！三色海鮮卷  四舊海鮮卷上面有帶子同蝦，一次過滿足2個願望😂海膽 配厚切墨魚🐙 海膽鮮甜，墨魚有口感北海道帆立貝牛油燒 好香香草🌿牛油味，加上大只帆立貝，惹味😍焗檸檬芝士蛋糕 我最中意元氣甜品就係佢黎款蛋糕🎂，有檸檬🍋香味加上幼滑的芝士，口感一流！

剛剛行完旺角MOKO開始覺得肚餓餓，周圍揾野食，見到元氣唔使排隊咪入去開餐原來元氣變左好多...可能我太耐無食嘅關係😔一坐底，比左個QR Code我，而家原來要用手機點餐，睇啱想食咩就自己落單。落好單等左一陣就會由佢嘅高速線列車送啲野食出黎， 當我拎起野食，部列車就會走，又幾過癮喎😆蔥吞拿魚新香卷 $24/3件，呢個口味幾特別，而且幾夾蟹肉蟹膏軍艦 $10，嘩！成件都係蟹，好鮮味，好好味😋而且只係$10件，抵！芥辣八爪魚軍艦 $14/2件，呢款係經典，芥末粒令件壽司提起左個味，好刺激㗎😆鹽燒三文腩鰭 $28，燒得好香脆，可惜應該係價錢影響，份量較少，唔夠喉😅炙燒辛辣長鰭吞拿魚 $10，因為燒過嘅關係，油脂味出晒黎，比蔥吞拿魚新香卷香😋炙燒牛油赤海蝦 $10，牛油味好香，而且蝦夠大隻，有口感炙燒明太子三文魚 $14/2件，好味，但未至於要encore 😅珍寶赤海蝦迷你飯 $22，有牡丹蝦、小柱同三文魚籽，好好味，大滿足🤗海膽墨魚 $17/2件，經典中嘅經典，味道應該無咩可以失手辣味三文魚 $17/2件，呢款壽司我好鐘意食，必叫！甜蝦蟹膏 $19/2件，甜蝦配蟹膏原來咁好味，甜蝦嘅鮮甜配上

趕起5:30前食下午茶$50 就有5件壽司加個烏冬好抵食我揀左D餐 因為我唔食生嘢佢5件壽司都係熟嘅有烏冬/蕎麥麵揀 (三選一，我淨係記得呢兩樣有個伴菜 都係三選一今次我揀左南瓜薯餅好好食個烏冬略咸壽司ok朋友好鍾意食辣味三文魚，佢話好好食但我就試唔到了小插曲 因為同時間入 佢搞錯左張單 我地order 既野 去左人地度😂 但人地5個 我地2個 咁都搞得錯😅😅

Came for a quick lunch and food was good. Steamed egg had lots of seafood and tasted fine. The salmon sushi rolls were ok as well as the tuna sushi. The minced tuna rolls weren’t good and lacked taste. Overall atmosphere was a bit of a forgettable experience but this was a no frills meal so can’t ask for too much I guess.

今日同朋友嚟食元氣，我哋總覺得每一間元氣有唔同嘅師傅，食物都有d唔同嘅味道。呢間元氣係手機點食品，我第一次試，大鄉里出城，haha以前食呢個芝士薯條嘅時候啲芝士係淋上面嘅，不過今次就係分開上，同埋啲薯條有啲燶，有點失望。非常之厚身嘅蟹柳！好鍾意食。三文魚都燒得好好味！軟殼蟹趣卜卜，炸得好好啊！如果多啲沙律醬就會更加好味。環境方面都坐得多會舒服唔會太迫，又近火車站，最主要係食物質素OK，呢間店我都幾鍾意。

元氣壽司最近新登場咗期間限定嘅食物😍1️⃣帆立貝迷你飯($22)：以北海道特選帆立貝加上三文魚籽配製嘅迷你飯，多重口感係口入面徘徊，啖啖帆立貝鮮味同一咬一爆嘅三文魚籽真係好好食🤤2️⃣脆蒜辣味噌鰆魚($14)：日本豐洲直送嘅鰆魚，以蒜辣香味遮蓋咗魚腥，令鰆魚不腥又不油，但又不至於太重配料而沒殺咗本身鰆魚嘅味道，第一次食鰆魚，肉質細嫩幾特別😋3️⃣平目($14)：同樣係由日本豐洲運送到港，平目肉質結實，配上少少柚子粉，減少咗本身平目嘅油膩感，絕配👍🏾4️⃣凱撒風乾火腿($14)：本身以為火腿一定會好咸，但原來配上生茶同Parmesan Cheese係會咁夾🤩鍾意食芝士同火腿嘅一定唔可以錯過5️⃣北海道蜜瓜梳打($20)：北海道嘅蜜瓜一向出名，用黎整梳打又真係幾易入口，再加上一整球嘅雪糕，即刻令人聯想起北海道嘅裡冰雪畫面😂

元氣壽司🍣以前喺大件新鮮抵食的代表，而且種類多。但喺！點解呢兩年每一次食，都只會喺一次比一次失望😞！好坦白講，元氣再咁搞，得個綠茶🍵粉keep到不改變之外，小至碟，到服務，到迴轉壽司🍣裝置，大到壽司🍣本身的質素，都係度退步退步！我見好耐冇食，就俾一次機會啦，食多次。 但連米都唔用大粒珍珠米，我真係以後唔會再食，俾番少少對壽司🍣的尊重，可以嗎？另外件刺身真係嬲左， 薄到呢，而且唔太新鮮。 我一直最愛的牛油果🥑軟殼蟹壽司🍣都保唔住。 唉⋯

前晚係旺角放工  就想食小小好野慰勞下自己咁我就簡左元氣黎食我入到去叫左個拉面同天婦羅蝦手卷 仲有幾件壽司食完覺得幾好食 同埋d壽司都幾新鮮最後一百蚊左右圭單都算幾抵

小朋友很喜歡吃壽司，約中午十二時都有位不用等便來吃午餐。👍🏻有高速列車玩，小朋友喜歡。大部分食物都來得快。電子點單挺方便。👎🏻食物欠新鮮，質素愈來愈差。食物賣相欠佳。食物比以前細件。叫了茶碗蒸等了很久。