元気寿司 (禾輋廣場)

營業中

休息中

識食元氣一定係食下午茶因為下午茶係有得叫套餐，套餐包壽司盛、小食同輕食都係$60-$50到，比起平時食壽司多d選擇不嬲元氣壽司都係新鮮炸雞都唔錯，幾香口唔洗成日食壽司咁掛，食下烏冬都唔錯三文魚凱撒沙律都幾好味，又健康芝士蛋糕係我男友嘅最愛😂😂我都好中意去元氣食下午茶，又冇咁多人等位，又唔算貴，又多野食簡，味道都ok

今晚大概6點幾與朋友黎到食壽司...估唔到屋村商場都咁多人..都等左20分鐘先有位... 今次坐迴轉檯..最鍾意食元氣既帶子，又肥又大隻.. 筋子本身叫左一件..不過落錯單.又無覆單..不過算啦..食赤海蝦個陣...舊蝦係室溫既溫度.. 好差👎🏻軍艦同卷物都ok..keep到水準..特別鍾意食軟殼蟹卷同波士頓卷 好味今次仲叫左竹輪烏冬，味道淡淡的..唔錯..但竹輪一啲都唔入味炸雞，皮好厚好油中華沙津...唔夠凍唔夠飽 再叫左個豚肉卷...好一般.... 總括而言： 係咪元氣個雪櫃壞左？ 今次啲食物好一般...

今日經過沙田想食下壽司，就去左禾輋分店到食，同沙田廣場果間鋪頭唔同，外面排隊人數唔多，等左幾分鐘左右就入左去。同平時一樣點左三文魚刺身，壽司方面比較好味既有牛肋骨，芥辣八爪魚同熟蝦，值得推介牛肋骨同熟蝦壽司好啱一d唔太鐘意食生野而又想食壽司既朋友而且面頭用火槍燒過，食落口既味道又多左一層變化至於芥辣八爪魚，成舊放入口食芥辣味相當刺激，一試就愛上。不過雞翼就真心難食，上碟果陣已經唔熱，入面仲要無味，好似未醃過咁。

只要同屋企人一起吃飯，無論食咩都開心琴晚去買金多寶六合彩，買完就去左元氣食壽司新年黎講都唔算好多人，等左唔係好耐就可以入座啦因為太肚餓既關係我地勁點好多壽司等左唔係好耐就有得食先食元氣卷賣相唔算討好，而且入面得個殼，無乜肉食無幾耐其他都黎埋飯上面的刺身都不錯小妹特別鍾意食左口魚壽司蘸鹽食好好味炙燒黑椒蠔都好香好好味蠔好大粒，加埋黑椒再燒，蠔味道更加突出不過全部壽司稍為有少許不足之處就係個飯一夾就散可以再好啲，整體一切都不錯備註：其中一個男店員十分有禮貌，值得一讚

沙田廣場個邊都有間元氣，但長期都要排隊等。而禾輋呢間，唔係中午學生放飯時段，都一定會有位！佢地下午茶時段好抵，最近仲推出左個晚餐優惠：前菜，烏冬，六件壽司六大幾蚊，都好抵食丫～最緊要唔駛等位，而且同其他元氣質素一樣麻～

諗唔到食乜, 最好又係食壽司........雖然超多人, 由落order到拎要等差半個鐘, 但都快過等堂食lor~~燒穴子似係海鰻, 肉質超林超散, 麻麻地甜蝦每件有2隻, 都幾甜幾新鮮炙燒左口魚裙邊炙燒咗, 令佢d魚油走過哂出嚟, 雖然係漏d, 但就香d石垣貝我覺得似象拔蚌果樣, 而且口感都似似地, 因為都係爽口多春魚籽第一次食, 平時都係食蟹籽, 今次見有呢個新產品就試下, 其實口感同蟹籽差不多, 但顏色比較暗, 唔夠通透, 不過最緊要唔好腥就得喇~長鯺吞拿魚佢d肉質比普通吞拿魚實淨, 冇咁散, 所以貴d海鹽左口魚裙邊加工咗海鹽, 有少少鹹鹹地, 有返d味道油甘魚我自己覺得且其他魚差不多味, 但un少少, 有d咬口唔知係一早整好定本身已經解凍咗一排, 再加上拎返屋企都要一段時間, 全部壽司都唔夠凍, 係室温感覺, 我都係鍾意微凍, 感覺上好食d同埋唔係放耐咗~