元気寿司 (曼坊)

營業中

休息中

元氣長期要排隊都成日見，今日係星期日，仲要晚餐，繼續多人。所以就想叫外賣返屋企食。哩幾碟都係每次去都點嘅壽司😂螺片 4件 $40 ：爽脆左口魚裙邊 2件 $24：肥美、彈牙帆立貝 4件 $68：肥美。哩個真係睇批次，$17一件，每次都有啲期待。榮螺 2碟 $28：一般般，叫啲熟食，就老人家。呑拿魚 2碟 $38：今次偏薄，無嗰間呑拿魚特別嘅「腥」味赤貝 2碟 $44：爽口芥辣八爪魚軍艦 2碟 $28：好食。。。夠wasabi味，美中不足嘅係揀左外賣，紫菜「林」晒。元氣卷 1碟（3粒）$22：有芝士，青瓜同少少脆嘅嘢，上面仲鋪左三文魚。❗️星期日嘅外賣，都等左20-30分鐘。行開去買啲嘢，再返黎就有得拎，都可以🤔

約左個住係附近嘅朋友係星期六食壽司，一向係元氣會員的我當然會黎食元氣支持下。依到兩點半開始就有lunch set午後自選三食，我地人三點黎到，唔洗點等位就有得坐，依到唔算大間，店員都好忙做得好快手。我地簡左個壽司盛拼蒸蛋同炸周打蜆湯餅都係$50另加$12有軟殻蟹手卷。兩個人食再散叫左啲壽司依到個手卷即叫即整，仲熱哄哄，夠哂脆。蒸蛋入面啲料多，有冬菇蟹柳等，蒸得又夠滑如果食炸蝦卷建議可以問店員拎啲沙律醬點黎食依到兩咁多都係$1xx又唔洗同人逼，好滿足皀一餐

前排同朋友係美孚行到去萬克頓山下，經過元氣壽司見冇人排隊就入左去食lunch。叫左個lunch set。有前菜，飲品，壽司。84蚊都算合理。壽司好靚仔，大大件，又夠新鮮。

好耐無去過元氣，今日去食lunch,發覺又轉左餐牌。叫左一個午市套裝A,$84套餐有五款野食1. 壽司五件2.雜錦魚生飯3.熱湯烏冬4.炸芝士薯餅5.溏心蛋五件壽司分別係一件三文魚、一件蝦、一件北寄貝同埋兩件卷物。除左蝦壽司之外，其實都好一般。芝士薯餅係微溫，表層唔係特別香，芝士味亦都唔係好濃，但啲薯蓉幾滑，都可以接受。魚生飯係小碗份量，但魚生份量都幾多，正烏冬就正常溏心蛋係半溶狀態，配烏冬食係prefect match整體黎講雖然貴少少，但都係一餐唔錯既lunch

美乎呢間元氣壽司人流唔多，每次黎食都係等一兩張枱甚至唔使排隊，但食物質素卻跟其他分店一樣，甚至更好，因為需服務的人數不多，所以更多左時間準備用食物！我本人就最愛呢款 火炙三文魚壽司 真係每次食都覺得好好食，吉士醬加上火炙過既三文魚令壽司飯口感充滿油香，唔洗點任何野就已經好好食仲有每次都必叫既軟殼蟹手卷，炸到鬆脆既軟殻蟹配上脆紫菜同珍珠米，一口接一口，瞬間就食完。至於呢碟炸雞軟骨就炸得有點過咸了，但還是很脆口的

美孚曼克頓商場雖然多左啲餐廳，不過都係得元氣一間日本菜。元氣lunch set 雖然價位偏高，不過食物種類都好豐富！呢個餐連埋加一要$9x, 不過擺出黎一眼就見到有六款食物，就已經係視覺上贏哂！呢個lunch set包括有沙律、刺身、蒸蛋、炸物、魚生飯同埋烏冬，一次過滿足哂我既胃口！所以計落都幾抵！沙律係青瓜蟹籽沙律，蟹籽都幾多，但可惜青瓜唔係青瓜絲，而係切片，口感一般。刺身有一片三文魚，一片北寄貝加一隻蝦，正常水準。魚生飯雖然細細碗，不過因為另外仲有烏冬，所以都ok!最差係蒸蛋，太水，食到一半就唔想食了

天氣開始熱，冇咩胃口，想食輕盈啲，元氣壽司幫到你。中午經過元氣見冇咩人就入左去，嘆杯茶鬆一鬆。中午有lunch set,不過我比較喜歡單點。選擇都幾多，仲可以揀左回轉枱，我就選擇左坐卡位，舒服d。點左牛油果軟殼蟹卷（一客兩件），珍寶皇帝蟹柳 （一件），炙燒帆立貝（一件），蒲燒鰻魚芝士巷（一件），蒸蛋，竹輪卷湯烏冬。牛油果軟壳蟹卷食到松子仁，味好夾，正。炙燒帆立貝雖然薄左少少，但仍可以食到d鮮甜味，算系咁了。蒸蛋好滑，碗底有蟹柳，香菇，味道鮮甜，幾好。珍寶皇帝蟹柳真系幾大舊，好有口感，不錯。

上星期三早上係美孚辦完事,剛到午飯時間,於是行去曼克頓山商場睇下食乜。見到有間元氣,於是入去叫左果set lunch.牛肉烏冬配迷你三文魚飯定食,包前莱及麵豉湯。三文魚好新鮮,烏冬好味。但可惜份量不夠,食完要再食下午茶餐。😂🤣

平時食下午餐多數都去茶記或者大家樂，今日經過元氣既時候見到佢d下午茶好似都幾吸引，雖然以下午茶黎講$50起係比較貴，但今日都無食lunch所以一於去試下。壽司拼盤：我叫左Set 1A，壽司拼盤份量都幾多，有三文魚刺身*2、生蝦刺身*1、三文魚壽司*1、熟蝦壽司*1、辣三文魚軍艦*1、炸蝦卷一客，所以食完都幾飽，味道唔錯都有中上水平。炸單骨雞翼：味道其實好似M記既辣脆香雞翼，但比較辣，炸得夠香脆，唔錯唔錯。日式燉蛋：平時都有食開元氣燉蛋，但唔知點解今次食味道比較淡，可能落留左d調味，味道麻麻。總括黎講$62食到咁多野都抵既，覺得唔夠飽可以唔要燉蛋改烏冬，下次無食lunch都可以再食。

係美孚返工唔知食咩好，炎炎夏日想食返d清清地涼浸浸既野，第一時間就諗起元氣，仲可以等兩點半下午茶時間，一夠鐘即刻入座，呢個時候唔算好多人下午茶餐真係幾抵食架，仲可以食得好飽，今日唔係好餓，就叫左一個C餐+泡芙同埋沙律，唔使食得太飽五件壽司其實都大大件，一向都係元氣既忠粉，壽司都一如既往既新鮮好味沙律係煙三文魚沙律。份量唔太多啱啱好，菜都算新鮮其實第一次係元氣食呢個泡芙，不過擺左一陣外層好淋，但入面就夠冰凍，好好味。埋單$55都食得幾滿足

元氣壽司都算是我的食堂之一吧, 通常一個月左右(最多二個月吧)會去吃一次吧~~經常去同一家食肆吃難道不會悶嗎??  不會~~  雖然元氣只是一間壽司(快餐)店, 但每次到訪基本上都會有新菜式。這次的應該算是fushion壽司吧~只試了蕃茄沙律醬蝦壽司, 另一款咖哩三文魚完全沒興趣... 賣相很不錯, 顏色繽紛, 在炎熱天氣下很能引動人食慾。酸甜的醬汁及洋蔥絲配上炸蝦很夾, 用來包裹的爽脆生菜更解了炸蝦的油膩感。 如果炸蝦是即炸即上的話我相信會更加好味之後又叫了其他壽司, 味道不過不失, 算是中上水準啦~燒魚鮫~ 我很喜歡的菜式之一, 入口充滿了魚香及油脂, 吃完再來一杯冰凍啤酒簡直是一大享受~下個月應該會再來試一試其他新款壽司吧吸引食客的手段是啥? 就是創新啦!!   正如元氣每隔一段時間就出新菜式就吸引了我的回頭啦, 除非它有什麼重大的質素問題, 否則我這個常客就應該會KEEP住黎啦

係MANHATTAN呢邊食飯食左咁耐, 岩岩先知原來元氣係有得食下午茶!!!而且假價都唔貴, 50蚊加一, 有3個item同埋自助綠茶, 盛惠55蚊.食物質素真係唔錯, 無將貨就價.去茶記食個常餐都要四十幾蚊啦, 食日本野50蚊, 抵!

一個人的晚飯，又唔想食快餐，就食元氣吧...點了軟殼蟹手卷，芥辣八爪魚，海膽墨魚，日式燉蛋，軟殼蟹手卷入面嘅軟殼蟹好似細舊左，冇以前咁足料。但味道不錯。日式燉蛋好滑，好好味。其餘的都不錯，若嫌紫菜唔夠脆。

今日中秋佳節公司提早放工所以我跟男朋友到了曼坊吃元氣剛好有下午茶時段所以我們便決定點一客下午茶，然後再加一點小吃。。因為我們已吃過午餐，所以只需點一小小東西吃便夠了餐廳內人數不多，這間餐廳分別有迴轉座位和卡座下午茶餐牌平時也很少機會可以吃到下午茶，看到這餐牌也十分便宜而且種類也十分多更可以優惠價加配不同小吃除下午茶餐牌外，我發覺元氣更多了一個期間限定餐牌看起來也十分有創意我們點的1D套餐，包一份壽司，再選2款食物分別有五件壽司 有三文魚，三文魚腩，炙燒黑椒三文魚，煙三文魚，辣味三文魚 十分滋味，而且可以吃盡5種不同口味，口感的三文魚壽司岩曬貪新鮮既大家跟餐點的沙律， 但沒有甚麼特別，上面有一些蟹柳和粟米。。。跟餐點的湯烏冬， 味道還可以，烏冬十分彈牙煙韌。。 湯底鹹鹹的，像豉油湯底。。所以吃下烏冬時也有點點鹹味相當清新額外加9元所點的手捲。。 我們選了吞拿魚手捲。。。吞拿魚切成粒狀。。 外觀看下去也十分晶瑩剔透。。。吃下來也十分鮮味我最欣賞的是這個北海道炸薯球配芝士醬外皮十分香脆，而且內裏的薯蓉很軟綿綿薯仔味很重，外層上面芝士醬很多很濃，吃下來的時候，首先，一咬下去外皮很香脆，之後慢慢

一向對曼坊呢間元氣既評級都好高雖然店內卡位不算多 只有5至6張但呢間元氣既壽司我覺得比其他元氣既好味d..而且最讚的是迴轉帶上 款式好多 唔似一般分店咁 轉黎轉去都係個幾樣呢度又多款 流量又快 保證迴轉帶上碟碟新鮮架所以我黎呢間一定坐迴轉位 望轉咁多款唔同既壽司係面前轉呀轉 真係唔經唔覺食多左好多碟架長長的迴轉帶。。轉呀轉呀 碟碟唔同款新鮮 美味第一次食中華沙律 感覺幾得意 有點彈牙 幾好味元氣必食 軟殼蟹手卷紫菜脆卜卜，熱辣辣既炸軟殼蟹比飯仲有沙律汁包住一啖咬落去。。脆脆的紫菜，蟹，軟軟的飯，汁味道又好。。perfect match是次用餐十分滿意