元気寿司 (創紀之城五期(apm))

營業中

休息中

放假同阿媽行完apm, 攰攰地, 就搵野食坐下疫情關係, 食左好多日茶記, 咁就食下壽司啦可能個個都咁諗, 所以要等位...不過等左15分鍾左右, 都ok既因為唔太肚餓, 所以叫左少少壽司就算啦三文魚腩, 鰻魚,甜蝦,帶子,沙律同埋章魚小丸子(有幾樣一黎就食左,唔記得影相...哈哈XD)我媽覺得新奇, 因為係新幹線列車送壽司黎, 之後自己拎落黎完全唔使經店員送黎....都好既疫情關係, 少D接觸都好...元気寿司地址: 觀塘觀塘道418號創紀之城五期(apm) 6樓L6-3A號舖

今日去元氣食tea, 入門口竟然無探熱😰今日食左腐皮壽司，味道唔錯，甜甜地，但細舊左咁。。。食左卷物同烏冬，味道正常。但侍應拎碗烏冬比我時手指放左喺入面碗邊。。😰呢個劣評係比衛生情況欠佳的。。。

這幾日天氣超級炎熱， 中午時段都唔知食乜好， 又唔想食茶餐廳， 到最後就揀了觀塘APM的元気寿司。 平時多數食晚餐時段， 原來午餐非常抵食， 點了兩個壽司盛$50， 有壽司、烏冬和炸物， 真是超值。壽司每一件都很新鮮， 湯烏冬熱辣辣的， 味道都唔錯呀！ 仲有炸雞和炸南瓜餅， 炸雞 外脆內嫩有肉汁， 炸南瓜餅味道甜甜的， 兩款我都很喜歡。原來元気午餐咁抵食，lunch又多一個選擇了。元気寿司地址: 觀塘觀塘道418號創紀之城五期(apm) 6樓L6-3A號舖

肺炎既陰霾下，都一直唔敢食壽司同刺生呢類生冷野，過左年咁耐，終於都忍唔住啦！仲以為會好冷清，但午市人流都算唔錯，比起旁邊食丼飯果間，都多一半人。綠茶粉轉左用樽裝，連出野食都加左個透明硬膠蓋（一早就要啦！）衛生好左，薑要落order/用apps叫。野食算係有進步既，d飯都好食左，唔會散曬，但灸燒既壽司都一貫係唔熱而且多油！新出左好多熟既壽司我個人就麻麻地，試左個炸帆立貝配青森蘋果蛋白醬，有驚喜呀下！平時唔食醬淨係落檸檬汁，但佢個醬撈左蘋果蓉多左份清新既甜味燒三文魚鮫感覺上大舊左少少，如果俾返兩粒鹽落去會吊一吊味會好好多！牛油果軟殼蟹卷有驚喜，裡面原來加左松子！臨尾既敗筆竟然衰係個焦糖布甸到！食到底先見到有條頭髮！問左店員，布甸係佢地自家制既，好難想像到底係抹野既時間跌左落去？定係整野食既時間跌？咁好唔衛生咯！

今日個apm睇戲 最近就係食隔離嗰間元氣 今日七點去到 可能因為最近小左人出街 所以完全唔使排隊 今日去到元氣發現有少少唔同咗就係 綠茶粉 wasabi 酸薑片都轉咗款 衛生咗好多 之前綠茶粉要自己打開個蓋 攞入面隻匙羹嚟不綠茶粉 其實都好唔衛生 而家轉咗就好啦 酸薑片要自己點而高速列車運送嘅壽司都加咗蓋兩個人食叫咗啲壽司同小食芥辣八爪魚軍艦海膽魷魚軍艦炸雞軟骨 叫服務員攞埋沙律醬點嚟食就最正啦北寄貝壽司蟹肉蟹膏軍艦燒三文魚鮫炸蝦卷軟殼蟹手捲 三文魚頭麵豉湯以連鎖壽司店哩講 元氣算中價ok

其實真係少左好多人食，但都係要等，係呀！眼見好多位，而我得一丁友，都唔肯嗌飛，難道真係有d唔乾淨？今次d清潔同壽司既質有所改善啦！不過睇真d，有d野唔同左既？台面個斟水位無左，變左擺壺熱水自己斟，而且兜wasabi變左！！！咦？唔係掛？！大陸青芥辣？！有無搞錯呀！元氣，你有無再cheap d呢？呢d大陸貨都好意思拎出泥serve客仲要連包裝上？本身想話個焗蠔都做得唔錯架，但唸到佢用埋曬d cheap野又唔係減價......小卷就唔多掂當，d紫菜林曬既！非常核突下，乜唔係即制架咩？好失望呀！醬油薄燒我自己覺得太多汁，我估大眾係鍾意呢種既。

唔掂咯！上次食都已經係好壞參半，今次直頭係難食兼污糟，啲豉油彈到周圍都係都冇人清潔，但成個場四行只係坐咗一行都唔夠，絕對唔係唔夠人手或者繁忙時間囉！啲碟都好污糟，癡立立咁好似上一手食完冇買過就直接換上新壽司蝦腸都未清乾淨，呢個真係絕對唔可以接受啊！作為一間咁大嘅連鎖迴轉壽司餐廳，點解啲質素仲可以衰過名將？真係咯明，一個禮拜既時間居然可以差咁遠？！我唔知我仲夠唔夠膽再試，寧願行遠少少買爭鮮都唔幫襯佢，有會員都係咁話

親子一日經過一日城市的癱瘓，終於可以外出用膳品嚐美味的食物，舒適過一天點了很多熟食，品質沒變，新鮮！員工笑容好好，兩個小朋友也開開心心點了一系列熟食，玉子很美味，再來還是會來。

放工趕時間，電光火石之間想快食一定係要d raw既野，勉強之下唯有食元氣啦！無人果時服務係好d既，間舖勁吉，得1-2成客都係要安排d一人坐埋一齊，張台又唔多位，真係叫多幾碟都唔好意思呀⋯⋯一支公食迴轉就係咁，攞餐具呀、斟個茶都要睇隔離位面色，慘過返工講到蟲壽呢樣野，我對佢好有信心既，係香港so far未見過魚生有魚咁離譜，最多都係生蝦有腸既者！不過個燒魚鮫裡面就唔多乾淨啦！帆立貝好乾，好似吹左好耐咁；蟹膏好腥；三文魚腩ok好足油！五碟素材，缺一不可！

想食壽司 所以去左元氣食本身已經用電話app排隊 都等得幾耐先可以入到去食真係受歡迎呀～個人鍾意食元氣多啲平啲好味又多選擇最好係有高速自動送食物方便快捷壽司材料新鮮味道幾好飯唔會太硬醋味適中最喜愛的是帆立貝 好有牛油味仲加左芝士蛋糕做甜品夠凍夠芝士味

The Genki Sushi in APM switched from a conveyor belt to a train system in ~ 2016. You order your food by scanning a QR card with your smartphone and it brings you to a personalized webpage. Don't worry about using your mobile data - the restaurant provides free wifi. However I don't know what happens if you don't have a smartphone with you.The food is delivered on a train system. Although very gimmicky, it means you know your sushi is fresh(er) compared to picking up a dish on the conveyor belt.

元氣高速線！今日係觀塘放工，諗緊晚飯食乜嘢好，突然就好想食元氣，於是就排左超級耐嘅隊，等左成個幾鐘，建議唔好係黃金時間黎排，真係要等好耐。超級推介呢度嘅極太麵，醬汁鹹鹹地麵好彈牙，超啱我口味，每次黎都一定會食。仲有蟹籽沙律，青瓜香脆香甜，配上蟹柳同沙律醬，真心好食，唔知點解屋企整唔到咁好食。

下晝黎到觀塘APM想食下午茶，又諗到食元氣！因為可以叫幾碟醫下個肚先未黎過呢間分店食，用apps一早拎定票，等左15分鐘入得！環境都幾舒服！元氣會定期有新壽司，上兩個星期食過北海道帆立貝牛油燒今次又想食番，依然都係大大粒，不過唔夠熱另外，炙燒辛辣長鰭吞拿魚都幾好食，又夠油份最推薦一定係照燒三文魚薄切入口即溶，好似食緊和牛既感覺好有油香！仲有炙燒珍寶蟹柳啖啖肉又有汁嫁！而且炙燒味幾香整體黎講，真係好抵食

好耐冇食壽司，於是食下元氣，2:00pm離左，等左15mins左右有位入得，依間都有高速線壽局送餐，小朋友見到覺得好得意😆👉🏻高速限定 紫菜壽司上邊有三文魚蟹子 三樣野味道都好夾👉🏻炙燒三文魚壽司 有陣煙熏味 好食😛

好耐冇食日本野，見到有元氣，就諗住walk-in去食，嗰陣時係六點幾，已經有啲人排緊隊，大概等左20分鐘到先入到去。入去叫咗一啲壽司同極太麵，極太麵嘅味道不錯，佢嘅面好彈牙，但個汁偏鹹，對於一啲比較鍾意清淡嘅人來講可能唔太合適。除咗麵之外，佢哋之中比較突出嘅壽司係炙燒黑椒三文魚，啲三文魚好新鮮，而配上芝士同埋黑椒，絕配！