元気寿司 (創紀之城五期(apm))

營業中

休息中

往肚腩既列車即將到站~~~開動啦~~唔知係咪呢間先有新幹線呢?平時食開都無列車咁得意~今日就特登黎玩下架車啦~~~~全部轉晒平板點餐~~唔錯唔錯~~~與時並進係好既~3文魚壽司蒜香牛油蝦壽司沙律軍艦..辣味3文魚軍艦...帶子壽司....新幹線限定! 芝士焗蟹蓋!好搞笑既作品~無蟹肉~得上面D蟹柳~入面係通心粉+超多芝士味道唔錯~但係無蟹肉3文魚腩壽司~好厚切～～好凍筋子壽司...唔太新鮮~唔記得咩名*v*黑椒蠔同3文魚壽司again好似叫太極.... 原來係撈麵好重胡椒粉味總結：環境都算闊落～日本餐廳既油ｌｕｍｌｕｍ問題依然係度～魚油太多價錢都係連鎖店價錢啦～食物有新鮮亦有唔新鮮～綠茶粉依然係無乜味～豉油樽轉左新野～無咁易漏到周圍都係～唔錯間唔中黎玩下列車都幾好呀～建議６點前黎食～都唔駛等位～

今天工作十分不順利！心情欠佳！得30分鐘時間食午餐，簡直生活迫人！只想快快醫飽肚，但又唔想刻薄自己，同事即諗起附近有間快靚正嘅元氣壽司！所以大家就急急腳走過去！大家快快點咗午後之選，價錢分兩種50及62，連加一都唔需要70呢！因為即叫即做即送到，仲要加埋火車速遞，簡直快靚正及新鮮！最估唔到嘅事:午後之選都係火車頭送到，之前還擔心柯打午後之選要等好耐，結果一樣咁快！質素有保證之餘，快靚正既服務！令我們一班同事，雖然得30分鐘既午餐，都覺得鬆了一鬆！之後充電後繼續搏殺！

由於囡囡跟身，沒甚機會食壽司或生冷的食物，有幸有同事們與我慶祝生日，立即選擇了中午去食壽司。觀塘的美食可為數之不盡，壽司店的選擇亦不少，但外於午餐時間有限，只好去食就近的平靚正－元氣壽司。 壽司當中一定要選帆立貝，原隻帆立具鮮甜味美，一口咬落去，口腔被帆立具完完全全所占據，相當滿足。 食完一件，忍不了繼續要再下單帆立貝，但今次就下單它的變種－海鹽帆立貝。少量的海鹽加上檸檬汁馬上將帆立貝進一步提鮮。 食完冷盤就叫熱食，其中的炸墨魚咀又是數一數二的好食。炸雞軟骨食得多炸墨魚咀比較少見，炸雞軟骨通常細細件，炸至全脆，而炸墨魚咀卻是大大件，外脆內軟，可惜得四件，而且真是比較大件，一口難以處理。 生日當然要食蛋糕，元氣壽司都有蛋糕－千層蛋糕，味道一般，似剛剛由雪櫃取出的雪糕，當然比專門店差很多，但總比沒有蛋糕好。 題外話：知道日本壽司店有火車送壽司，原來香港都有，但感覺日本的比較有趣。

元氣對大家來說都食到家常便飯，其實都冇咩好寫了。不過食過不同的元氣，其實每次的飯的質素都會唔同，參次。Apm 這間高速快車，長期都好多人，亦好多小朋友。今星期日，因未夠12點來到，很快就有枱了。我們叫了𣎴同的壽司，今爾的飯不錯，不散的。來到高速，當然要叫高速限定的。我今次寫呢個食評其實只想介紹呢個芝士薯條！左手邊那個，因為本來冇諗住寫，冇影真身，食晒先來影下menu。這薯條好好味，夠脆夠香，又夠薯味🙈加埋芝士醬！❤️大家可以試試～～

呢個就係我嗌既卷物，咁細舊都好意思拎岀黎，👀👀👀👀🙄🙄🙄🙄🙄🙄🙄食物質素不是很好喔👀👎🏿👎🏿👎🏿👎🏿👎🏿👎🏿👎🏿啲野食唔新鮮都算，仲要勁細舊好求其

自從樓下結業後，第一次來幫襯呢家新開的元氣！味道不錯，有效率又新奇！節省大量人手添！不過唔知係咪整好先，即叫即刻有得食，壽司🍣好味，飯糰夠實！美中不足係軍艦紫菜唔夠脆！可以改善一下就perfect！

今次去咗觀塘食元氣壽司，餐廳用咗平板來點餐，點餐後會有架列車送壽司過嚟，感覺非常過癮好玩😝。原來真係有人會分好多次落單，咁架列車就會黎好好次😂玉子壽司一如既往咁出色，份量大大嚿，玉子香甜，飯量不會太多，好滿足。三文魚炙燒壽司的魚油入口即溶，夠肥美。個人覺得比就咁三文魚壽司仲要好食！芝士大蝦炙燒壽司一樣有特色。芝士醬唔會過多或者過鹹。啱啱好同蝦嘅鮮味好夾。點了一個熱烏冬，係讚岐烏冬，中規中矩，冇乜特別。只係驚唔夠飽所以叫🤣總結覺得餐廳質素中上，但就性價比來講,我都係會選擇食放題。因為花款多之餘，仲可以唔使睇價錢叫。😝😝

第二次来食了，每次给我的感觉就是吃完了像没吃一样。等的过程就已经饿了…而且寿司还经常上错桌！其实人不多，平日基本不用等位。也不知为何服务这么凌乱。好在食物味道还说得过去…

曾幾何時，壽司是飲食潮流的象徵，是電視遊戲節目常見的食物。曾經是香港日式迴轉壽司代表的X綠壽司在旺區開設大量的分店，有明星作代言人。但X綠壽司現在門市餐廳全告結業，只剩下外賣速遞服務仍在艱苦經營，垂死掙扎。現在壽司店雖然仍然成行成市，但經營方式不斷在轉變，開始變得重質不重量。現在的壽司店大多趨向精品化和轉向日本料理餐廳發展，如板X壽司、峰X司，剩下的迴轉壽司開始走下坡，部分質素下降面臨淘汰，如四大劣食之一的「X將」，現在連店名也要改，轉向其他方向發展「自救」。又或者像日本傳統迴轉壽司店「元氣壽司」，為了逆境求存，亦要從「軟件」壽司款式和「硬件」經營模式上著手變革圖強自救。所謂的硬件，經營模式，雖然仍是平價壽司店，但運送售賣壽司的方式在不知不覺間已經有了轉變。以往迴轉壽司店師傅做好大量壽司，然後分批放上輸送帶，供食客自己選購，最後按食完按碟數和價位結帳收錢。但是現在的迴轉壽司，其實有點兒名存實亡，雖然「元氣壽司」仍有分店按舊有方式放壽司上輸送帶，另一邊按客人的落單即製壽司奉客。但實際上現在「元氣壽司」，已甚少有壽司大量放在輸送帶上等待食客選取食用，取而代之是即叫即製壽司。大量壽司排隊上輸

呢間APM分店從開後，我哋都無來過食，今天黎食lunch，一點左右到來，唔洗等兼有張大卡位，正吖，舒服！坐低先知同以往嘅元氣有啲唔同，對我哋來講，好新奇😁 用tablet 落 order，然後由列車送上壽司，對我來講，我都幾鐘意用tablet落單。第一碟到，do do do ... 🎶 自己拎，拎完發現黃燈繼續閃同發聲，原來要按一下佢先自己回廠。。。真係鄉里😂😂食食吓，我哋就發現，呢種"列車"款式，似乎無咗迴轉壽司嘅特式！ 對我哋就無所謂，去親元氣有得㨂就揀order枱，所以鐘意有迴轉嘅就要諗吓黎唔黎呢間😉至於食物，我哋一向都係元氣支持者😅 呢間分店都算好嘅一間，味道，店舗都整潔程度都good 👍🏽👍🏽不過，今次有件軟殼蟹手卷同個碟牛油果菘葉軍艦就麻麻，好似唔多新鮮😛 當然呢張相係部分壽司，每人食九十蚊當然唔只咁少😝 減埋會員積分同恆生cash dollar, 今餐只係俾咗134.6😁😁

好耐無食過元氣。而家元氣竟然有高速列車送壽司。對我呢個大朋友來說，實在太吸晴！我對眼就成日掛住追蹤住d列車😆野都可以不食😂整個感覺都不同以前食的元氣。呢間又時尚又乾淨企理！説回食物，可能太耐無食元氣。好像好食左好多咁！波士頓卷👍🏻👍🏻呢個由好耐以前已經必食。最鍾意就係飯入面那舊芝士。配上飯一起食真係好好味👍🏻玉子壽司👍🏻玉子又是我另一喜愛。不知從那時開始竟愛上了玉子。逢見到有玉子，都會叫來食。甜甜鹹鹹的感覺很奇妙，亦覺得好味。呢度仲印上熊人樣。so cute腐皮壽司👍🏻👍🏻👍🏻我食親壽司都鍾意食埋晒d小朋友野😂但真心覺得腐皮壽司好好食！可以話係我嘅最愛！微微酸嘅飯被帶著甜味嘅腐皮包著，真係好美味要大叫oh Sui燒三文魚腩壽司👍🏻👍🏻而家向香港不太敢吃生嘅三文魚。所以叫左個燒過下嘅三文魚腩壽司。好肥美！其實我覺得燒過嘅三文魚腩都好食過刺生。多了一份油香味！牛肉薯餅👍🏻👍🏻👍🏻第一次食呢個薯餅。估唔到咁好食！外面勁脆，內裡嘅牛肉薯蓉又幼滑又野味。好味！

之前去日本食壽司嗰陣時候，見到人哋非常之潮流，就係用電子點餐，跟住啲嘢食會自動用機器，放喺自動傳輸帶可以送到去你個位，完全全自動化嘅服務，不涉及人手。估唔到依家香港都有啦！但係唔知有咗幾耐呢？我呢啲大鄉里就剛知道呢一間新幹線店，位於觀塘嘅APM商場。初頭間嘢係喺地下嘅，而家就搬左上去戲院嗰層。全新設計，全新裝修。呢度嘅午餐原來係無午市套餐，坐低就有一部電子iPad俾你安排點餐，全部都係散叫嘅。嘢食有壽司，面類，湯類，炸物同埋甜品。我地一行三人叫左壽司，烏冬，仲叫咗少少炸物。佢啲壽司嘅質素來講都比以前好，而且出餐嘅速度就好快，啱啱先點完，唔使1分鐘已經送到去你面前。首先有幾款係值得推介嘅，就有煙熏三文魚壽司啦，三文魚腩壽司，辣三文魚軍艦，帶子壽司，都唔錯嘅選擇。野菜天婦羅烏冬，係值得推介嘅食物，唔係以自動方式攞出，可能因為係湯嘅問題，佢係用人手捧出嚟，個天婦羅有手掌咁大，食落去係熱辣辣，烏冬都幾彈牙，唔係話用平價貨。一個30蚊左右，所以個價錢價錢同埋質素講得係ok。另外一個推介就係天婦羅炸吞拿魚手卷，估唔到呢個手卷外層脆卜卜，咬落去有紫菜嘅香味，然後就係飯加吞拿魚做餡，再點埋沙津醬，整個

今晚一心諗住去元氣食高速列車壽司，其實元氣已經食過好多次 高速列車就真係未食過 其實我諗應該冇咩分別瓜！一早用apps拎位 都要等成200個號碼 等左兩個幾鐘 終於食得 服務員門口個個就幾禮貌 因為我有BB車 但內裡服務員可能太忙 個個面黑黑 叫佢加芥辣同豉油都勁唔想 仲要加得個少少俾我地😡😡認真 壽司冇咩驚喜 一貫水平 只係因為未試過列車 不過認真 架列車又幾快送到食物黎 order左唔係好耐就有得食 呢樣抵讚 但手卷太細舊 我男仔兩啖冇左 其他壽司都可以接受 最後叫左個芝士蛋糕 出奇好食 雪到好硬 勁似雪糕 哈哈

話說，近日超流行神咪喜歡唱歌既我都買左枝仲拍左段片放左上自己既Facebook之後 引來好多朋友叫我幫佢地訂貨到了，陸續相約朋友交收有位好友急不及待要搵我取貨仲話請我食飯因為佢放10點係沙田黎觀塘搵我呢個時間 其實都無咩餐廳好簡 我睇到APM 既元氣收12點咁好啦 就簡左元氣我地上到去10:40pm佢地last order 11:30pm仲有好多時間慢慢叫原本 舊元氣係係大堂個層宜家搬左去6樓 而新既分店仲有以列車做主題而點菜全部電腦化點後會有部專車 車出黎但個人覺 呢個電腦化有點唔太方便可能驚大家眼寬肚窄 每次只可以點8碟但我發現 咁樣我地點得仲多左，或者可能我唔識用佢個點菜程式 唔知點check （同類既壽司店一早已用電腦點菜，無限制 點完 一目了然）呢一點相對下 我覺得差左d點好菜後過左一陣無啦啦有部JR 載左我地既食物出黎我地終於明白 點解會有三行野係到呢三行完來係路軌黎呢個設計 好特別送出黎個下特地覺得新奇又開心帶小朋友黎食 佢地一定會好鍾意食物送左出黎 部車係要我地禁制佢先識得返去鐵路廠既😂😂好喇，講完新奇野講下d野食完自己一向覺得 元氣係唔差既迴轉壽司店價錢合理 品質亦新

元氣sushi其實已經唔係第一次幫襯, 不過今日真係要講講自己既說法🙄🙄🙄APM既元氣以前係係lobby果層, 人多已經係正常不過既事,宜家搬左上頂層, 而且轉左日本JR列車🚄呢個賣點之後, 人流真係多不聲數😳早排去食繁忙時間一早已經上apps攞飛,等左好耐耐耐耐耐耐耐……最後等左接受1.5hrs先入到😑😑😑😑😑😑JR賣點係幾特別既, 不過....每架JR🚄只有3個碟🍣, 同埋得上下2條路軌, 送餐慢左好多, 難怪要等咁耐🙄用PAD入單, 點食物既單件次數有限制食物種類都比平時既元氣少好多, 都係叫左都係d普通野筋子sushi係幾特別, 不過食落唔算好新鮮, 冇咩鮮味😣腐皮sushi舊飯竟然係散既?!👎🏻👎🏻👎🏻其他就好一般冇咩太大驚喜食味個人感覺差左, 黎呢度嘛係《綽頭》😥, 我就唔會再黎食😢👎🏻