元気寿司 (荷里活廣場)

營業中

休息中

全店電子點單,環保之餘,又快又CHECK到單,對老虎黎講夠效率。但高速線會否太快太高速,見到好多人碟野都炒晒車咁,唔係訓係到就飯同材料分離,快到幾刺激。唔一一介紹啦, 食果時都重未有新聞講話吞拿魚有野,老虎都係唔好食生冷野,要食就食肉。總括食物唔係差的,夠效率,同時希望日後夠衛生(因為最近新聞)不過我真係好Q鐘意佢碟上唔同既字元気寿司整體評分 7.0 /10推介: N/A(五分滿)老虎回頭率：🐯🐯🐯

再次來臨元氣壽司，科技日新月異，現在點餐連電腦平板都用不到了。只需在單張上的qr code掃一掃就可以點餐。又有特別的新產品，今次試了帶子壽司杯，雖然內容跟帶子壽司沒有什麼大分別，但賣相十分特別。.

新年初二，唔想煮就同屋企人黎食元氣，等位都等左1個鐘，唔知係咪太多人，廚房太忙，第一次見元氣送d咁既野黎，見到個時認真嚇左嚇，一開始覺得廚房太忙姐，或者架車太快但睇睇下：1. 舊壽司切得唔平口，係斜嘅2. d飯粒唔實到飛埋落碟3. 完全冇擺過碟架列車冇理由咁大威力架…除左呢舊壽司，d壽司都比以往平均地縮左水。唉，希望元氣幾忙都好，注意下質素，本應好好食欲，見到d咁既壽司都唔係好開胃，差d以為自己去左爭鮮。

- 元氣壽司推出呢個高速列車，真係一個好勁嘅賣點， 其實都係嗰啲壽司，但就係用咗呢個列車再加啲少少高科技呢送一個餐，出嚟成件事即刻upgrade咗。 邊個話食熟食食唔到壽司㗎！？今次晚餐就煮力食熟食嘅壽司：鰻魚手卷：必食推介 - 軟殼蟹手卷：腐皮：必食推介 - 炸蝦天婦羅：牛肉薯餅：蒲燒鰻魚芝士卷：芝士蟹柳卷：必食推介 - 炸蝦卷：__________________________地址：鑽石山荷里活廣場3樓320D號鋪

同屋企人睇完戲,唔太餓,所以决定食元氣壽司,份量可以容易控制,入到去見到火車送餐,就知係電子點單😀但唔見電子點餐機,所以詢問店員如何點單😖原來要用自己電話,掃二維碼,方何點餐😅終於可以點餐,我地點左幾款壽司,軟殼蟹手卷,同小小熟食但每次點單只可點6樣野,雖可以記住自己叫左咩,但想點多D就要分多幾次,壽司同熟食就中規中矩,我就比較中意炙燒類既壽司,手卷有好多人推介軟殻蟹,試左真係唔錯,可以ㄧ試,但火車好似太快,有壽司到既時候,就"訓"左😂但都好有趣

考完試阿仔想食佢最愛元氣壽司，咁就就下佢la,我地係鑽石山分店食，呢間店大部份時間都要等位，好彩用電話遙距攞飛咁就方便好多，食材新鮮，我今日試咗個鰻魚丼好好味，但份量就小咗d,仔仔最鐘意叫壽司，而我就最鐘意叫三文魚湯真係鮮甜又好喝

週末真係好多人, 好多都一家大細估唔到好多小朋友鐘意食元氣壽司之前食既分店都係有部平版電腦洛Order呢一間分店就係用自己手機SCAN QR CODE洛單係到諗唔識用既老人家會點呢? 之後因為太餓就係咁嗌野食呢個甜蝦卷$10,又幾平, 不過唔知係咪整得太快呢就黎散開之後都係不停食因為又趕睇戲(因為無諗過要等成粒鐘先入到去)整體以呢個親民價,食物係同價錢成正比的有呢個高速線壽司輸送帶, 完全好似一餐快餐一洛ORDER唔洗5MINS即到即食睇黎呢個服務係元氣壽司既新文化

終於到weekend可以出黎放鬆抖抖氣😍今日突然好想食壽司，就去左元氣等。。救命。。星期六我由7點半開始等，200張飛左右，9:30終於有得食！由於真係好唔甘心放棄，就堅持等下去...唔知係咪餓得太耐，野食黎到係咁塞落口，咩都覺得好食。😂😂元氣一向出品有保證，最愛佢既三文魚腩同左口魚，好有魚油香味。覺得不足之處係佢個燒玉子壽司，可能整左好耐，所以唔太暖。仲有個迷你鰻魚丼都幾失望，鰻魚好碎，又凍冰冰，似係整鰻魚壽司剩落。。。大家千萬唔好叫總體黎講，正正常常，不過不失，但唔值等咁耐啦。

呢幾個月去過沙田、 淘大、 新蒲崗同鑽石山嘅元氣， 最好食要算係呢一間。 沙田在偉華中心店已經keep唔到之前喺沙田中心嘅水準， 淘大嗰間好似食緊隔夜飯， 服務完成日掛住打牙骹 ，不知所謂。 尋日去鑽石山呢一間買外賣，拎到返屋企已係40分鐘後，但都仲覺得好新鮮好好食 ，芥末八爪魚份量好足、吞拿魚腩、黃帝蟹棒壽司、黑椒蠔壽司、黑椒蝦壽司、連紫菜同飯都有種新鮮嘅感覺。 服務員好有耐性同友善， 只係隨便問下佢點樣參加抽獎，佢已好主動咁樣想幫我操作手機，值得一讚。 朋友話呢間高速線係新開嘅，下次要入店試吓。

今日一個人無所事事落街唸住食下午茶，路經元氣沒有人等位，於是便入了去！ 我點了一個下午茶餐，個餐包括有一碗細細的烏冬、炸洋蔥圈、一客蒸蛋、兩件炙燒三文魚壽司、一件三文魚壽司、三件卷物壽司& 一件赤海蝦壽司！我很喜愛吃這碗元氣嘅烏冬，烏冬十分彈牙，湯又清清地，不會太鹹，而且分量剛剛好！赤海蝦壽司也很好味，蝦很爽囗！一客蒸蛋裡面很足料：有冬菇、一片粉紅色既魚蛋& 蟹柳，蒸旦也十分滑！總括來說，能夠享受這個元氣下午茶，十分飽、滿足；十分豐富！

坦白講小秘書其實唔多撐「元氣壽司 GENKI SUSHI HONG KONG」將一間又一間分店轉成「高速線」🚅🍣，除咗可以幫老闆慳啲人手，對顧客嚟講又真係唔覺有咩新意🧐 我就反而鍾意啲壽司成盆上枱... 唔係更加吸引咩？！👀小秘書今日有啲嬲😤 講真幫襯「元気寿司」咁多年，都未見過啲咁無禮貌嘅服務員，為咗張單走嚟兇我哋😤 我嘗試解釋可能係系統出錯，但係個服務員就一於少理，黑住面問我哋仲有無嘢要cancel😕 激死！算... 唔想比啲無謂人掃興，繼續享受我哋嘅 Happy Saturday🙌🏻🙌🏻今日「元気寿司」啲食物都幾新鮮，剛炸起嘅「吉烈蠔」同「榮螺壽司」尤其美味 #おいしい 😋

今時今日，迴轉壽司對小朋友來說，已經不再是什麼新奇同刺激既事了。雖然一碟碟轉過來的壽司，仍然會令小朋友開心快樂，但聰明的經營者總會有奇趣的 idea，令大人同小朋友都增添歡喜。是次，我們在鑽石山的荷李活廣場食晚飯，小兒子想起了壽司，所以便來到《元氣壽司》排隊。一入內，我們才發現，這一家《元氣壽司》同我們以前去過的，有不同。 不同的地方，就是這一店沒有慣常的壽司輸送帶，所有要食，想食的壽司，均要由一個平版電腦直接禁。可以說，保證是即叫即整。 整好的壽司，不會由店員端來，而是有趣地以一個子彈火車型的電動輪送盤，高速地傳送過來。雖然，一架 "列車" 可以載四碟壽司，但每一次只會來一至兩碟，壽司師傅的確唔會等到齊四碟才出壽司。而且，每一次出行的 "列車" 是專屬列車，只會載上我們本檯的壽司。取完壽司，記住禁返架車返去廚房呀。 在《元氣壽司》食野，當然是以壽司為主，普通的一份粟米軍艦。粟米粒爽爽的軍艦壽司，簡單可口。 三文魚籽軍艦，沒想到是兒子的最愛，相信，小朋友是喜歡咬爆三文魚籽時的爆汁感覺。 油甘魚新鮮，入口香滑，是當日的時令壽司之一。 蒲燒鰻魚芝士卷，是一個很特別的壽司，之不過，我本人就

元氣壽司係全港都有好多分店，但就算去到邊一間，唔知點解食物味道質素都保持到咁一致，真係好犀利。荷里活呢間係新裝修，用平板點餐，高速車送食物，好方便，雖然家人等左成粒鐘先有位，但當食到超肥美嘅火炙左口魚邊壽司嘅時候，即刻覺得咩都抵返今次仲試左芝士蟹棒壽司，啖啖肉好正，真係食極都唔厭

尋晚同女朋友睇戲之前搵野食 唔太肚餓 一於食元氣 因為睇比較夜 要等都無所謂 不過都等左成個鐘 元氣d壽司維持一貫水準食左好多碟當中比較中意食既係赤貝 赤海蝦 元貝 燒蠔都好新鮮。 去相。

元氣一直都係荷里活廣場最多人排隊嘅一間每一次晚餐都要排過百張飛最近呢間都轉埋高速線又有全新裝修但食物嘅水準都冇變過 都係好食嘅尤其是係黑椒火炙三文魚壽司 每次都一定會叫如果大家想食記得download個app攞位先呀