元気寿司 (青衣城2)

營業中

休息中

每個月都必吃，吃到有會員會藉。會員可以系APP取票不會到門市取，相對時間不用等太久，尤其是有列車的門市，網上取票我真的快捷很多呢每次必叫的單點為粟米壽司，蟹籽壽司，芥末八爪魚壽司，赤海蝦壽司，元氣卷，玉子壽司，焰燒皇帝蟹棒壽司，前菜八爪魚等等另外熱點包括烏冬及燉玉子大約幾個月前還有焰燒左口魚裙邊壽司，但不久前已沒有再賣了太可惜燉玉子，烏冬與粟米壽司必是兒童首選。玉子內的冬菇味十分香濃，蛋十分之滑，還痛帶子肉和蟹柳在裡面，十分出色！

我喜歡在這裏吃絕對因為是他列車送餐的服務覺得格外新鮮 而且喜歡元氣店在不同的月份推出不同款式的壽司每次都非常創新從它改為列車送餐服務後我覺得送餐的速度比以前更快更有效率 喜歡炸三文魚皮 和軟殼蟹手卷 通常都會叫這兩樣 今次他新出的甜蝦帶子卷物好正

今日同朋友一齊去左食元氣😍試咗雙重三文魚卷好好味😋壽司上層有一塊三文魚舖滿濃濃嘅汁，而且內層仲有一啲充滿鮮味嘅三文魚碎 ，三文魚嘅油脂令口腔散發油香 真系好值得大家試😍伊家元氣仲有其他新式食物推廣 例如極辛三文魚卷 辣辣地好開胃😍😍

已經算係成日黎幫襯，有時同d 小朋友出去又諗唔到食咩都會㨂黎青衣城呢間元気食，因為有高速列車線可以玩，大部分既食物都可以經高速線黎送餐。但如果有d 咩錯漏or 有d 咩係你想食但手機apps 冇顯示到既話就要搵番店員黎處理lu.sushi 的價錢算ok la, 所以我地先成日黎食，食物質素都維持到水準，好新鮮好好食又唔算得上係，因為始終一分錢一分貨啦。但薄切三文魚，蟹肉蟹膏sushi 呢d 就係每次黎必定會order 既！

擺設不變自己太耐冇黎元氣，上次見係火車送餐已經覺得新奇，原來宜家已經全部電子化，之前都仲可以用IPad落單, 宜家冇左，要用自己手機掃嘅QR code, 但都幾好方便易用其實好懷念迴轉個感覺，可以慢慢揀，鐘意就攞，雖然有時會浪費，但睇住轉個感覺真的不錯。但亦欣賞嘅火車送餐，因為又快又準。 而且有聲音提示你取完要幫火車回歸電子化後，上菜速度都非常快，亦可能因為較為夜晚關係冇乜人。見一共上中下3條路軌，上及中路軌最常用，下路軌有遮板，最後我見到如薯條等易散落就會用呢，幾細心當然，熱湯等還是人手送上的。雖然我唔食生野，但係元氣壽司係每1，2月就來，其實兒童之選好多都係我常食，亦因久唔久都會有新既菜單，所以都鐘意光顧

香港人多數都有舖壽司癮🍣又冇錢去日本🇯🇵💸💸💸所以間中會去食下放題or迴轉壽司止下癮💁🏻‍♀️即使d人講食三文魚=食💩 三文魚始終係港人最愛❤️(如圖）講返元氣 總覺得質素冇之前細個個時咁高 都唔知係咪因爲對食嘅要求高左🤫Btw個帶子刺生迷你丼飯又幾jeng😎🤙🏻間中食下都ok嘅：）-價錢：❓🤡 (因人而異）性價比：🤤🤤🤤⚪️⚪️飽肚：🤤🤤🤤⚪️⚪️味道：🤤🤤🤤⚪️⚪️環境：🤤🤤🤤🤤⚪️服務：🤤🤤🤤⚪️⚪️Score：73/100

無耐之前開始join左元氣既membership 所以間品時都會同男朋友黎食我自己就最中意食佢地既芥辣八爪魚同左口魚裙邊男朋友就中意食高速限定既照燒三文魚 同埋燉蛋 草下分又哥以每餐有discount 都幾好丫

阿女啱啱開始放農歷新年假，我地既迪士尼年卡咁啱今日到期，咪同阿女玩多轉先，玩到兩點幾實在太多人，都係走人去左青衣城，咪走去食個下午茶。三色刺身盛 $62有蒸蛋，迷你鰻魚丼，三色刺身（三文魚，北寄貝，甜蝦），三文魚壽司，墨魚壽司，蟹籽沙律軍艦。整體唔錯，蒸蛋好香好滑，剌身和壽司都係新鮮既，至於鰻魚係好味，但真係比較比細骨。經典壽司盛 $50有蒸蛋，迷你烏冬，三文魚壽司，甜蝦壽司，蟹籽軍艦，芥末八瓜魚軍艦，辣味三文魚軍艦。烏冬尚算滑，而我比較喜歡辣味三文魚。整體ok, 都新鮮！至於價錢，我覺得都算抵食既！

要數連鎖式集團日式廻轉壽司店，一定要數元氣！對我來說元氣簡直是日本菜入面的「麥當勞」，能夠做到快、靚、正。炸多春魚（$37）炸物食唔少，尤其係炸雞翼，炸軟殼蟹咁，都非常好味！今次試下炸多春魚卻有點失望，因為脆皮太厚，而且可能因為魚春出水的關係，唔夠乾爽影響炸物的味道。三色刺身（$50）有三文魚、北寄貝、帶子三款刺身，最正係帶子夠厚，非常鮮甜。吉列炸蝦（$12）吉烈炸蝦超酥脆可口，完全合味道，抵讚！日式燉蛋（$20）精緻的日色燉蛋表面滑一滑，入面材料充足，十分暖胃。

下晝兩、三點一個人去食壽司，一入去就被人安排去一個非常之適合面壁思過、思考人生的自閉位聽聞用火車仔送餐是噱頭，但真是好嘈，本來只想靜靜地、一個人安安樂樂食個飯，隔離條火車軌就不停出車，非常煩擾主角壽司由製作到上菜擺位都求求其其，如圖所示筋子跌到周圍都係；塊紫菜好似濕過水咁、軟綿綿；三文魚壽司差差差，以為食緊爭鮮！整體而言，不值這個價錢，越做越差仲要客人用自己電話download app來落單，究竟我是來服務人抑或是俾人服務？

聖誕節梗係一家人係屋企開party~ 想叫下唔同類型既食物，壽司一定係必選之一！依家係依間壽司店叫外賣，可以係網上購買，簡左要買咩食物，簡埋日期同時間，上網比錢，會收到email ，到時拎個email 就可以到。當日聖誕節翌日，簡左18:00 拎，我只點左一個人氣壽司盛！元氣係聖誕節會出壽司拼盤，有恆生卡仲有折！去到18:00 已經要排隊，好采我係買外賣 佢有一條另外既隊係比上網買左既人拎壽司，比左個email佢睇大概5 分鐘就走得！壽司都好新鮮！ 亦都比得好夠調味料，食物質素同堂食一樣呀！當晚好快清晒～真係唔錯

在差不多晚上六點已到達，人流不算多，亦不用排隊。一到門口已被安排坐係吧枱。而家既元氣非常方便，有pad 點菜，有曬圖片，簡單兼容易操作。加上自動送餐，有gimmick 得黎又得意，吸引到好多小朋友。食物方面， 都算中規中矩，比較推薦炙燒類食品，另外蒲燒鰻魚芝士卷都唔錯幾有驚喜既蒲燒鰻魚芝士卷，可以一試室內環境次次都會叫既芥辣八爪魚亦都係次次會叫，但水準似乎有降低普普通通火炙系列 幾好食呢個算係新野，我覺得算唔錯

趁平日嘆嘆, 原因不想太多人. 以前喜歡座吧枱.但現在座卡位也好好,有pad點餐,非常方便.差不多全部分店改晒用列車送餐.非常先進.小朋友一定鐘意.今次叫左幾款,看圖片吧,食物很新鮮,味道岩口味.元気也有品質保證.

平時逢週末黎元氣壽司午飯已經成為一家人樂聚天倫的節目之一，今天趁國慶假期工人姐姐放假，車車壽司又係時候開動啦！我地今次遲左少少出門口，黎到攞28號飛，卡位冇曬只有吧枱，照殺！黎到元氣必定要食吓刺身呀，軍艦壽司呀咁，真係食到厭啦，由於坐吧枱關係，鄰桌食客所點的火炙壽司經列車一碟碟在面前高速擦身而過，令我試一試很多未曾點過的火炙壽司！火炙壽司不外乎係用火槍彈一彈件壽司令到佢半生熟，但又真係有畫龍點睛之效，令活生生的刺身增多一個層次！值得一提係火炙澳洲牛，薄薄的澳洲肥牛比火炙一炙，果浸獨特油脂芳香真係齒頰留香，令人一識難忘！仲有炙燒牛油熟帶子，牛油味美妙至極！炙燒赤海老，大大隻海蝦加上牛油炙一炙，鮮味爆曬燈！火炙壽司系列真係唔可以低估，令只吃熟食的朋友多一個選擇，值得推介俾大家！

元氣新幹線開到成行成巿，幾乎每個大商場都總有間响你附近，其新幹線列車有姿勢有實際，提升效率之餘又能成功俘虜小朋友的心，每逢週六日都必然大排長龍！今天我們一行四個大人三位小朋友被安排坐响靠近窗邊的卡位，雖然有少許迫狹，但坐埋一齊食開心啲就冇計啦！元氣壽司雖然打正旗號日式廻轉壽司，但有唔少岩小朋友的熟食，例如湯竹輪卷烏冬、玉子壽司、玉米壽司、腐皮壽、蟹柳反卷同日式燉蛋等，令一眾虎爸虎媽可以好安心。大人方面，三色刺身鮮甜肥美，仲有各式軍艦：北寄貝沙律、芥辣三文魚、辣味三文魚等等等等，一啖一件岩岩好。熟食方面，炸蝦卷、軟殼蟹手卷、珍寶皇帝蟹柳，仲有燒三文魚鮫都係必食！元氣能夠滿足曬大人細路，價錢又唔貴，絕對係已經深入民心成為一家大細週末週飯堂，難怪未到十一點半就已經聚集大小食客，若然食唔到頭圍就要起碼等約45分鐘，記住要準時出門口！