元氣一杯

營業中

休息中

此店於美麗華經營十多年, 經歷商場2次大翻新都依然屹立不倒, 是很多日本人會光顧的居酒屋! 唔向外望, 真會以為自己去左日本, 坐周圍都係日本人! 我每每去元氣一杯午餐, 餐牌乃是無意義的, 炸雞是必然選擇!以前個名係 “南蠻炸雞定食” 而家係 “炸雞件定食” $82 ~ 雞件炸得好香脆, 肉質軟嫩濕潤, 配上特制沙律醬汁, 連唔食沙律醬既我都食唔停口! 有生果, 有飲品, 有餐前小食, 醃菜, 仲有湯! 友人食麻醬冷麵, 清爽可口, 麵條彈牙, 餸是另上的, 仲有一個手卷及滑滑茶碗蒸! 我偷左少少嚟食, 好好味的! 註: 午晚餐好多人的, 一定要訂位! 

尖沙咀晚上一般人多，要找間店也不易。剛雜完美麗華9點左右想吃飯，這店雖滿也沒人等，便排了會隊後入座。坐下來雖不寬闊，但也、正常合理不會太狹窄。侍應會先給小碗沙拉給大家墊肚，要收費$20。不過可慢慢看菜單挑菜的。三文魚牛油果沙律$68，三文魚也不算少，還算厚，牛油果也蠻鮮。中規中矩。炸蟹肉忌廉餅$68，挺一大塊，炸皮不算厚，裡頭熱騰騰，還挺惹味尚算不錯。吞拿魚加州卷$82，飯有點散不夠香，正常水準。還有飯團忘了照，挺大一個，燒的火喉還好但飯不夠香。不過地理好價錢不算貴。

每隔一排都會嚟呢間居酒屋，最初識得呢間餐廳係因為之前喺美麗華返工，附近茶餐廳食個lunch連凍飲都要收緊$58，佢竟然有個lunch set只係收$60。不過已經係好多年前，唔知而家仲係唔係呢個價。餐廳清酒選擇都多，獺祭純米50 720ml賣$320，比大部份餐廳都要平，但今晚我揀咗另一支比較辛口嘅。佢哋嘅刺身有寫明幾多日熟成，但選擇就比較少。串燒一般，但煮物，日式料理極之適合我嘅口味，好家庭好正宗嘅煮法，我諗呢個係呢間餐廳咁多日本人嚟嘅原因。而之前有人話餐廳只係對日本人好招呼，我就好好彩，我未遇過。掛住食，好多都唔記得影相，下次補返。

今日晏就同啊媽食飯，佢帶左我去食呢間日本餐。餐廳好有正宗日式風格，而且見到有吾少日本人去食， 已經令人好期待。第一眼見到餐牌覺得價錢略貴，餐牌無圖文並茂，不果就列出好多款式，而且中英日文都有，吾識中文都可以叫到餐。今次我地叫左吉列炸蝦咖哩飯及鹽燒鯖魚定食，兩個餐到左之後就發現物超所值，每一個餐都包括前菜，甜品，味噌湯。而且每個餐至少兩個前菜，仲要正餐份量好多，一個人食一個餐都有少少難度。吉列炸蝦咖哩飯，日式咖哩帶微辣及煮得好香，咖哩汁多過飯好多，炸蝦炸得好脆。咖啡同炸蝦配合令人食慾大增。鹽燒鯖魚定食，鯖魚燒得剛剛好，吾會太老。跟餐附送一個篜蛋，篜蛋味道淡而且好滑，可以清一清味蕾。

今次第二次蒞，估唔到成九點幾都仲有咁多人 。入到去目測一半係日本人，好多枱都有飲酒，咁樣食日本菜先夠氣氛，哈哈。三文魚牛油果沙律(好似係$68)：蔬果新鮮；以為都係嘅魚生頭魚生尾無咩好期望，誰知佢魚生嘅肉質都唔差喎親子丼(好似係$85)：蛋夠滑，雞肉唔鞋，洋蔥熟透；可惜我扮健康，低納飲食，無加豉油，所以味道啖啖的後來見到一枝黑蒜汁還是黑蒜醋，理佢咩低納唔低納，試咗一啲，又幾好味滑蛋吉列豬扒飯(好似係$85)，除咗塊豬肉而少少鞋，味道，吉列嘅脆口，各樣都合乎理想，好味呢碟仔係入坐就放低一人一碟嘅前菜，埋單才知道$20一碟呢元気一杯唔算平，但性價比高。

之前經過見到呢間鋪幾好咁終於有時間黎試下點知...勁失望一入到去勁嘈隔離坐左2個日本人已經hi大左手舞足蹈講野又大聲超級噪音污染好彩職員好好人肯俾我地調位先耳根清淨到可能間鋪係日本客為主全程都好嘈所以求其揀幾樣食就算

朋友推介去到尖沙咀美麗華廣場元氣一杯食,朋友說非常抵食及好食去到我地就睇餐牌都算幾多選擇既,我們一行4人每人叫一個LUNCH SET燒池魚開邊定食,炒牛肉定食,豬肉炒雜菜定食,燒三文魚定食豬肉炒雜菜定食-先講主菜之後一次過講其他菜都算幾多炒落都唔會好油,豬肉都幾香豬肉味道前菜沙律正常野,個蒸蛋都OK唔會太老生果都係正常野,D蘿蔔就好一般個味增湯配合埋個飯都OK既燒池魚開邊定食-條池魚係幾好食既細個幾條咸過咸魚細細碟都係好咸,真係好咸.炒牛肉定食-菜都OK既唔會好油,而個牛肉軟硬度都既,都OK啦燒三文魚定食-個蛋就一般啦,都係蒸蛋好食DD三文魚都算細,不過咬落去係正常既都香三文魚味既細碟個碟真係好咸

係附近返工，近近地今次試下元氣一杯既lunch。佢既menu有好多選擇呀😍每款定食都包左特色小食同前菜，我今次叫左燒鯖魚定食，有沙律，面豉湯，前菜，白飯，茶碗蒸，同埋生果，好豐富呀～依個set仲包埋餐飲，好滿足呀😋😋

現在回想，這一間坐落於美麗華商場多年的日本居酒屋，也可算是城中其中一所歷史較悠久的老字號了....已有相當耐的時間沒來此店。今天一家三口要在商場內祭五臟廟，第一時間我就想到了這裡....店內仍有不少的支持者，生意頗興旺的，難怪過了多年，這兒仍舊屹立不倒....每人各自各點自己想吃的各自修行，但最後還是忍不住好奇心，要偷少少兩母子點的來試，就算是一口也好啦....我所點的吉列炸池魚定食，無論在陣容、賣相以至味道皆和小弟當年在東京的小店吃到的十分類似。吃著之時，真有點時光倒流之感....唯一不同的，便是在飯後甜果中出現了兩顆荔枝，這一定是在日本找不到的....先吃幾口酸鹹度恰可的醃蘿蔔及醃菜，再來嚐一口軟滑的茶碗蒸，最後喝一啖麵豉湯，是吃這一類日式定食的指定動作....來到主角的炸池魚，份量絕不吝嗇，一來便是三大片。外層吉列炸皮鬆化不油膩夠脆口；皮下魚肉不乾夠實淨不見很重腥氣。此時醮點和炸魚一向是絕配的他他醬，吃時滋味更佳。以九十多大洋一個定食而言，這已是交足貨有餘了....試了一點太太的熱滑蛋雞烏冬，湯熱呼呼的；蛋軟滑；烏冬煙齦；雞肉略覺有少少雪味誠然是小疵。除了烏冬外，餐內還奉上一小件

同好友約定食飯, 2個人食咩好呢？既然2個都鍾意食日本菜就去食日本野啦😋😋早一日打去訂位, 係一位日本人聽電話已經好親切, 因為早一日先訂, 所以得 bar 枱坐~一坐低已經有一味前茶送上, 以為只係普通沙律, 點知有驚喜豬頸肉有好多, 而且醬汁好正2個人唔係好餓嘅情況下, 只係叫左3樣野食。加州卷裡面嘅牛油果好香, 材料新鮮。雜錦串燒嘅牛舌同鮮冬菇好好食明太子玉子燒真係好正, 個蛋仲有少少半生熟係我最愛食緊個時發現身邊都有好多日本人食串燒送酒飲真係好有去左日本居酒屋 feel

女友人生日, 一定要大肆慶祝, 勁食一餐, 日本菜係一個大好嘅選擇, 感覺比較健康, 清新D, 碟碟細细碟, 可以叫多幾碟, 試多幾款！！上網睇到美麗華廣場嗰間元氣一杯好似食評吾錯, 於是便約同女友人一同去試試！！串燒~雞翼, 免治雞肉, 雞軟骨同牛舌, 全部都燒得很香口美味, 最精彩係免治雞肉！！燒銀雪魚~燒得又滑又嫩, 不過略嫌细塊D！！日式炸雞~脆卜卜, 啖啖肉！！日式炒烏東~材料滿載, 烏東彈牙！！鹽燒魷魚鬚~脆口有靭勁！！蒸蛋~香香又滑滑嘅蒸蛋！！特色沙律~很清新可口！！附送前菜！！生日一定要飲番兩杯啦！

難得到尖沙咀，想吃日本菜。跟朋友到了4樓的元氣一杯，有午餐set可吃。我選了銀鱈魚定食，肉質鮮嫩，也沒有魚腥味，配上沙律，前菜，湯及飲品，$160加服務費，算是不錯。

元氣一杯一向都係日本人食堂，好多日本人都會喺放工後去飲番杯🍻傾下偈。難得約左位長期於內地工作嘅朋友食晚飯，一於帶佢去試下呢間日本正宗．居酒屋。🍶雖然好耐無黎，但係舖內環境依然熟悉。被帶到店內角落位置，方便我地聚舊。周圍嘅人都講緊日文，唔知以為我地去左日本。🇯🇵三文魚牛油果沙律🥗：三文魚片🐟厚薄適中，新鮮味甜，可惜菜🥦則有苦澀味。牛油果🥑新鮮嘅，可惜太少同切得太細粒，口感不足。鵪鶉蛋煙肉🍢：佐酒小食必備！燒得剛好嘅煙肉🥓包住小巧嘅鵪鶉蛋🥚，造成外皮好脆入面好彈牙嘅口感，煙肉嘅鹹香加上鵪鶉蛋嘅香醇，好美味呀~🤤炸雞軟骨：炸漿較厚，做唔到外酥內脆嘅口感，不過入口唔算油膩，都算有可取之處🙄清酒煮蜆：蜆肉鮮甜，可惜有沙。豆腐同菜🥦吸哂啲湯，非常入味~ 😋宮崎南蠻雞🐣：醃得好入味，雞肉🐔鮮嫩多汁，再加上塔塔醬，酸酸甜甜，可惜炸漿太厚，外層唔夠酥脆😥日式炒烏冬：牛肉🐮過熟，肉質好韌，加上烏冬水份太多，成碟野好稀😰總知：雖然之前已經聽聞佢大不如前，只係無諗過可以差成咁… 好失望呀！！！😭

說這裏是我的食堂一點都不誇張，幾乎平均一個月都會嚟兩次，只要隔一陣冇食就會心思思想嚟，原因無他，食物質素真係好高，由日本師傅主理，平時都好多日本人嚟，我幾乎每次都係午飯時間嚟，因為真係好抵食，滿滿一盤有蛋，有煮物，有漬物，有湯，主菜，白飯加水果（以前試過有甜品），飯後仲有餐茶，咖啡，雖然咁多年嚟由最平6x一個是日便當到而家最平都要8x,但係依然比其他好多餐廳抵食，同好食好多，食完會有滿滿的飽足感。餐廳地方不算大，通常卡坐都坐了人，而且只要過了十二點十五分左右就會有人排隊，所以想吃的話都係早啲好啲，不過環境唔錯，日式風格，乾淨簡潔，而且食物選擇都唔小，炸物，刺身，漢堡，蕎麥麵，咖哩，幾乎樣樣都好食☺️

三個人去食等左好耐位，不是很多人等位，前面有兩抬而已，但都等左九個字至一個鐘以上。望見入面有三個位但佢都冇比我地入，無出聲叫我地等多陣，完全無視等位嘅客人，要到我地話唔等位先話另一張抬埋緊單。但其實入面是有位的！但重點是侍應生服務實在不太好！食物質素，一般。串燒太乾唔好食，以呢個價錢並唔值得。冷蕎麥麵味道可以，但啲麵太碎。熱的就不太好吃。壽司就...我還是吃爭鮮比較好...只點了個小卷嘗嘗，再打算叫壽司拼盤，食完小卷完全打消再點餐嘅念頭，以這個價錢吃這壽司，壽司不出色覺得不值得。總然之，性價比太低。如果真係非常得閒，想燒時間和金錢的話，不妨一試，不知是不是我恰巧這次的待遇差而已，但我就不會再光顧同一間餐廳了。