元福茶房

營業中

休息中

香煎雞扒配香菇肉燥飯 $52 呢幾間元福餐廳相信喺附近讀書或者做嘢嘅人一定唔陌生，個人認為簡直係恩物，每樣嘢嘅味道都唔錯，價錢都幾平，份量好多！香菇肉燥嘅味道甜甜哋得來又唔會太油膩，雞扒超級大塊，飯量充足啱晒學生，仲有蔬菜搭配，職員都幾Nice！如果未來有電子支付就Perfect啦😬

呢間嘢喺唔想排隊之選上次揀左佢個麵今次就試下佢個便當我叫左蜜汁雞髀滷肉便當 $58 雖然佢係台式餐廳 但係佢呢款就係日式便當有蕃薯同茄子天婦羅佢個蕃薯天婦羅 片得夠薄同炸得夠耐唔會咬落去仲係好硬 未熟咁樣 而且個蕃薯都夠甜但係個茄子就唔太得啦 茄子本身就冇味 再加上好吸油 成舊都係油我食左一半就冇食落去便當仲配左滷豆腐同滷蛋我覺得佢煮得唔夠耐 嗰滷蛋同豆腐都冇咩味佢仲有個蟹柳沙律 都唔係太好食至於佢係雞髀其實都係滷嘅 反而好夠味 又夠滑我就嫌佢個飯少左啲 撈佢啲滷肉都唔夠令佢啲滷肉襯得有啲咸 個滷肉偏肥嘅 如果夠飯嘅話撈飯一流！呢個餐仲送一杯野飲 我叫左荔枝冰茶佢杯荔枝冰茶就好明顯係工業嘅荔枝味同能得利荔枝糖嗰味幾似 不過好彩佢加得夠多冰飲落去先冇咁甜 反而甜度啱啱好 三分糖度如果想要甜啲就要叫佢走冰

Lunch time時間要搵到有位嘅餐廳好唔容易今日我哋就去咗呢一間元福台式茶房度食呢間嘢非常細啲位極狹窄大概只可以坐到15、6人 入到去就聞到好香嘅蘿蔔味佢有便當同埋紅薯粉俾你揀咁就因為好香嘅蘿蔔味所以我哋就諗住食紅薯粉兩餸嘅紅薯粉就$44 三餸嘅紅薯粉就$49我哋嗌左兩碗三餸紅薯粉我揀咗水餃大腸同埋滷水雞翼 中辣酸辣紅薯粉原本碗麵已經有芽菜韭菜肉碎佢個肉碎係有調味嘅應該會跟翻辣度調 因為我朋友同我唔同味佢俾左兩隻雞翼 雞翼好入味好滑 好容易就可以拆到骨大腸都有十片左右 不過就唔係好厚都洗得乾淨冇異味 夠肥 好食😋水餃一食就知係普通急凍仲要係最平嗰隻而且得兩粒 唔難食不過唔推薦佢啲紅薯粉偏幼 應該係煮得唔夠耐所以你係要咬好耐 個湯飲第一啖幾辣 不過之後都係酸為主朋友就揀咗蘿蔔香茅骨同埋豬耳 小辣酸辣米線個蘿蔔聞落去好香 點知食落去 完全一啲味都冇豬耳夠糯但係朋友話佢見到上面有毛香茅骨就普通啦因為我唔係特別鍾意香茅不過三個來講佢應該係最好嘅仲叫咗一杯金橘檸檬跟餐就加$5 正常味道金橘味比較重好少會飲到檸檬嘅味道