全記(發仔)

營業中

休息中

朋友推介下，我今日特登試吓區內嘅食肆。頭盤就嚟個沙薑雞，啲雞塊香口得滯，每啖落肚都夠味，沙薑味十足，肉質又滑又嫩，完全唔使點醬都夠香！再配上揚晒一杯凍O茶，清新解膩，夏天嘅熱浪即刻消失得無影無蹤。講到正宗嘅豬扒米，個豬扒真係由外到內，煎得金黃香脆，肉質軟熟得嚟唔失嫩滑，豬肉嘅香味撲鼻而來，真係嘩使乎唔手軟，一啖接一啖！最後嗰杯奶茶，濃郁嘅茶香加上絲滑奶味，飲一啖就自動雙眼瞓覺，呢啲親民又高質嘅食物，真係令人回味無窮，忍唔住諗，點解自己唔早啲發現呢度！最正係啲工作人員都親切友善，問咩答咩，全程微笑，食完呢餐，心情都好晒！😊🍽👌

揾食肥華曾經貪因利乘便，入三聖村郊遊時，在一間名叫青山灣厨房嘅茶餐廳，初試咗一碟涼瓜什燴炒河，味道雖然唔差，但總覺仍未達到好評水準，和肥華心目中嘅，味道有落差，6月23日肥華要到九龍城例檢，完事後諗起，不如去主場食店之一嘅，大成街市，全記美食，食番碟涼瓜什燴炒河，睇吓水準如何，果然主場即是主埸，今日呢碟涼瓜什燴炒河，無論用料，味道及熱度，都高出青山灣㕑房嗰碟，不衹一班水準，可以講優劣互見，不枉肥華稱全記為，主埸之一嘅食店，因佢真係靠得住👍👍👍

抵食鑊氣小炒，香口大份，調味出色。晚市人均$65，抵食👍・・・・・・・・・・・・・・・・・・・・以下套餐喺美食熊貓外賣價，同店內價格或有出入，注意喔❗️飯麵餐均配汽水一罐🍹🍲 韭菜豬紅豬腸 HK$69・味道：醬汁唔鹹好入味，特別重胡椒味！豬腸唔臭一咬即開，配埋肥膏好正。豬紅0腥味，韭菜正常發揮。・口感：豬紅有咬口，加分！份量好多～🐮 乾炒牛河 HK$63・味道：鑊氣足，牛肉份量麵都唔少。・口感：正常，牛肉易咬。🐽 招牌椒鹽骨飯 HK$55・味道：椒鹽味香，配薄身淡味豉油，豬扒仲保留到小小豬味，有驚喜。・口感：炸蒜係小有嘅酥脆款，唔係硬嘅，香口同時易咬。🍛 越式牛柳粒西炒飯 HK$63・味道：正常發揮，醬汁濃而不膩。牛柳粒仲食到牛味，西炒飯同樣夠鑊氣同時唔會過酸，調味做得好👍・口感：炒飯粒粒分明！洋蔥等配菜都保留都爽脆清甜口感。・・・・・・・・・・・・・・・・・・・・🤰性價比：高～🤰9衝度：9衝～🤰結論：正正子，去街市坐低即叫即食應該會更香口更正😚。・・・・・・・・・・・・・・・・・・・・

大字標題明碼實價收海鮮加工費，到收錢時又另一回事。又話配料唔同，煮法唔同，收費不同。好唔老實，又話要問老板開價，咁餐牌寫嘅價錢係咩？白灼only?如果佢老板收錢仲大件事，永遠找少左錢，話佢就扮計錯數，要去幫襯請三思，一定要自己計清楚。

今日放工返到屋企後，諗住叫外賣食，喺外賣平台見到呢間大排檔好似都唔錯，叫左咖喱豬扒飯，之後送上屋企。拎到發現原來俾錯左，整錯左葡國雞飯俾我，而且味道麻麻地，下次要諗俾唔俾多次機會佢。

我們在大成街市烈正買海鮮後，去左大排檔加工，熟食市場又有冷氣，可以好舒服等食。我哋買左8款海鮮，清蒸東風螺、薑蔥炒辣蟹、椒鹽瀨尿蝦、蒜蓉粉絲蒸扇貝、豉汁蒸東星班、豉汁蒸鮑魚、韮王炒鮮魷、蒜蓉粉絲蒸帶子。加多個腐乳通菜，滿足的一餐。

因大成街市D米奇晚上係唔怕人，咁就變咗人怕咗佢，，揾食肥華巳有一大段時間冇到呢個平靚正主場食晚飯，因一路食飯見到啲米奇在天花喉四處游走，及恐防食食吓飯有隻米奇跌落張枱面嘅恐佈場面出現，肥華唯有斬腳指避沙虫，忍痛告別主埸，但在6月27日肥華要到就近大成街市的現崇山球場強檢後，肥華又能控制自己的心魔，再返主場食午餐，原因是想食主埸出品外亦知此處的米奇日間要訓覺，相對有米奇陪食飯機會較少，所以肥華今日就做過勇敢的食客，再嚐主場風味😋👍

好奇怪，每次到大成街主場食午飯，無論我之前諗到點樣，天花龍鳳，最後點嘅都係一味，什燴炒河，因我諗為呢個主場嘅什燴炒河，無論用料，份量，質素，都係超值，祇須付出$46蚊價錢，就食到一個美味，飽肚的足料什燴炒河，再加一杯凍檸茶，我諗以現時其他食店，都好難做得到，就算做到佢嘅價錢，就做吾到佢嘅質素，份量，做到佢嘅質素，份量，就一定吾係收$46蚊，呢個價錢，所以如果到此熟食中心檔，午膳嘅朋友，如果覺得餐牌，因食物繁多，令你有選擇困難感覺，信我，揾食肥華，點呢個，平，靚，正，嘅什燴炒河，啦

有朝無食早餐係附近打完波，好肚餓就走左上街市熟食中心覓食，一入去就係全記，見佢都唔少人食緊就試試佢啦叫左招牌豬餐唔記得咩名餐同一個椒鹽骨飯分量好足！豬扒好厚又大塊個人鐘意椒鹽骨多啲，因為有椒鹽惹味啲望見隔離檯有人飲樽仔鮮奶又忍唔住跟機睇黎打波減左既脂肪應該全部返晒黎小插曲係見到隻米奇係窗邊爬左走黎，嚇到即係急急腳食晒比錢走人，係度建議大家唔好坐近窗邊，啲米奇就係係外面啲喉管爬入黎下次有機會經開既話會想試試佢夜晚啲小菜

仲有個多月小弟就宣佈登6，而小弟亦趁機退休，所以近期小弟就頻頻安排飯局，與各有計傾同事歡敍一番，我最喜歡在大成街市海鲜檔買海鮮，海產後再交給二楼熟食中心，全記(發仔)食檔加工，貪佢收取自來海鮮加工費平民價外，其烹調手法亦相當有水準，绝會煑歪顧客帶來的食材，再加上此檔大厨炒各式小菜甚至素食亦有一手，正如今晚我除了自來龍蝦，奄仔蟹，東風螺，扇貝，中蝦海鲜食料外，因同事内有素食者，所以再加五個素菜，包括椒炎茄子(走蒜)，生菜扒双菇，紅燒豆腐，單尾係一窩羅漢齊湯米，當晚菜色因為將海鮮狂，及素食者都兼顧，加上份量足，味道好令到個個同事都食得非常開心，而最開心嘅就係我呢個萬歲，因當晚除了上列的食品外，還加上一隻該舖名物，海蜇，青爪，手撕鷄連少量酒水，包括買海鮮錢落楼價是二仟大元，真係好食，超值，低食負我揾食肥華譽為主場的良心食店

早上去大成街街市買菜，先去三樓市政熟食市場吃個早餐，吃飽才去買今晚吃的海鮮。点了.大路早餐，沙爹牛肉公仔麵，牛油方麭，火腿絲奄列，奶茶，33元一個街坊早餐不過不失啦。環顧週邊桌子，很多人在吃炸豬排餐，豬排金黄，樣子漂亮，跟粉麵分開上，引人食慾，我也單點一件試試。豬排放下便傳來炸物的陣陣香氣，肉是沾了蛋汁上薄粉才新鮮生炸的，肉質鬆軟有汁，少少肥，很香口。怪不得餐牌寫作“招牌炸豬扒”，我想這炸豬排是這大牌檔必吃之選。

今天專程特意去大成街街市熟食市場，因上網睇到星星師傅解介紹這間食店，給他推介完豬扒麵之後，瞓覺都掛住想食，一起身就即刻搭車去食，食完果然真的不錯！超級超級好味，真的又平又靚又好味！豬扒米，正到暈，豬扒食落鬆化又夠香，豬扒夠厚又大件，抵食好味。沙薑雞飯，雞味濃又夠沙薑味，唔點個醬都夠曬味道，奶茶香濃又夠滑，凍O茶又大柸又好飲，茶味清香，夏天恩物。最後服務員又好好人，我問好多問題都一一解答，整體滿意程度98分

買完餸滿頭大汗見到出面千個太陽🌞所以諗都路諗係番同一個街市樓上既熟食中心咬個lunch!一入門口就係呢間餐廳見到餐牌好多選擇就坐低左，侍應服務態度很好先遞上兩杯熱茶再介紹今日午餐推介！之後我地點左一個五香肉丁炒銀針粉+凍朱古力同豬扒炒飯+凍鴛鴦，再加多個餐湯$5。夾埋都係$105 。由於即點即煮既關係而且lunch time 多客，所以都等了大約十多分鐘先有得食，幸好有冷氣回回氣！五香肉丁銀針粉味道不錯，而且很多地少有炒銀針粉！所以值得一試！而豬扒炒飯豬扒煎炸得剛好，可惜炒飯味道淡淡。餐湯係紅蘿蔔粟米豬骨湯，仲有隻雞腳！足料同夠火喉！

今次大佬大嫂話要幫大姪女慶祝生日, 要到黃大仙大成街街市食海鮮.除了試過紅磡街市熟食檔, 今次係試第2度的街市熟食檔. 大哥大嫂負責買海鮮, 有靚海蝦、蜆、桶蠔、星斑、蟶子、扇貝到來加工, 共計買了800元。其中薑蔥桶蠔炒得夠鑊氣及星斑蒸得火候極好, 但用豉椒炒的蜆和蟶子就好普通. 值得一讚係上菜時間很好, 差唔多係食完一碟就再上另一碟, 唔會同時一齊上幾碟, 呢一點好多酒樓都做唔到呀!另外叫了京都骨, 椒絲腐乳通菜, 豆腐白菜滾魚頭湯, 份量大, 味道也是中規中距. 加上3個白飯和5支樽裝汽水, 連同加工費共計800元, 所以7 個大人呢一餐食咗1600元, 環境真係差, 場內有人食煙亦要硬食, 預咗冇服務所以都冇投訴啦.飯後甜品不是生日蛋糕, 而是在一樓生果檔買的蜜瓜, 35元1個, 入座時叫熟食檔老細幫手放入雪櫃雪凍,真係好甜好好食. 老細俾刀我們自行分瓜, 埋單時大佬諗住俾番40元貼士都俾老細拒絕, 話唔駛喎, 做生意都好均真呀!街市熟食檔環境密封, 啲枱擺得好貼(我們那一張就是加枱), 疫情下到呢度食飯真係幾高風險, 所以下次想再來食海鮮都係要等吓啦.

每次想食海鮮就會搵發仔，貪佢地點夠方便，又抵食，味道又到位。不過街市熟食中心環境就一定麻麻架喇，潔癖朋友仔就自己諗清楚喇🤓建議自帶海鮮黎加工，係樓下街市自己慢慢揀，覺得邊樣靚仔新鮮抵就買乜，唔怕比人湯🤪今次帶班朋友黎試買左蟹、螺、瀨尿蝦、刀貝、鮑魚、元貝、聖子、蝦上黎加工。整左薑蔥炒蟹辣酒螺椒鹽瀨尿蝦油鹽水刀貝蒸鮑魚蒜蓉粉絲蒸元貝豉椒炒聖子白烚蝦建議多啲人一齊黎食，買多啲海鮮黎，個加工費會抵好多。每張枱都會有一大包紙巾免費用，同層有廁所比你喪洗手，唔怕食到對手污糟邋遢。好滿足😎淨係食海鮮都食飽🤘🏻