八刀麵館

營業中

休息中

同媽咪喺上環西港城Shopping完，就行去附近好多人推薦嘅麵館 — 八刀麵館醫肚。呢間小店真係高CP值之選，無論係湯底、配料定係麵條都做得一絲不苟，令人一試難忘！😋店面唔算大，但係乾淨企理，充滿住街坊小店嘅溫馨感覺。我哋去到嘅時候差唔多坐滿晒人，好彩仲有位。睇個餐牌，麵嘅種類都幾多，價錢亦都好合理。最後我哋每人點咗一碗招牌麵。八刀湯牛腩撈面 (配油麵) ($55)雖然叫咗少麵，但係份量都好多！💪🏻 牛腩炆得啱啱好，肉連筋膜，口感煙韌軟糯，入口即化。油麵掛汁一流，加上佢哋嘅秘製辣椒油，真係正到無朋友！🌶️ 我平時好少食油麵，驚太油膩，但係呢度嘅油麵完全唔會，反而好香好惹味，食完都唔會覺得好滯。媽咪叫咗 豬雜王（細）配米粉 ($45)鍾意食豬雜既朋友必食! 豬潤、豬心、豬粉腸、豬肺、豬大腸、豬肚，仲有平時好少見嘅蝴蝶腩，全部都齊晒！😍 處理內臟真係好花時間心機，但係八刀麵館做得非常乾淨，完全冇腥味，非常新鮮。就連我平時麻麻哋豬雜嘅人都忍唔住試咗幾啖，真係好驚喜！豬心爽口彈牙，豬潤鮮嫩滑溜，其他內臟都處理得好好，冇過熟或者過生嘅情況。胡椒湯底好清甜，越飲越上癮！👍🏻總括嚟講，八刀麵館真係一間

噚晚心血來潮想同男朋友仔出街撐枱腳，就冒點約咗佢去上環🤭。我早咗到就喺蘇杭街附近打個轉睇吓。嗰陣時差不多8點半乜春都收晒😅，只係淨返啲酒吧呀、日本料理呀、唔多想食既餐廳（入面冇咩人）。行行吓見到有間嘢食豬雜麵仲未收，就同男朋友仔入去。Openrice寫收九點，入去問事頭婆佢哋收幾點，佢話收得鋪嚟都10點我話我食得慢10點都可以事頭佢話收8點9，但收得鋪嚟都10點，我話我食得慢😅，佢問我一個鐘夠唔夠食，我梗係話夠啦，驚佢唔俾我食🤣！坐位唔多，當時都坐爆曬，我哋要企喺度等5分鐘左右啦，事頭婆就話幫我哋落單先，坐低即刻有得食。但係當時米線已經賣晒，剩返米粉、河粉同油麵。我要咗碗細既淨豬雜，男朋友仔就要咗碗大豬雜米。嚟到即刻試咗啖湯，好香胡椒味，熱辣辣正！豬大腸、豬肺、豬粉腸都好入味，口感好，冇異味。可能我唔識食，覺得豬心硬，細舊啲、薄啲既蝴蝶腩比較好，夠淋夠滑，但大舊啲厚啲既就好硬☹️食食吓食到幾嚿開始有啲鹹，最後仲越食越鹹，覺得有啲奇怪，我懷疑佢係用鹽水浸過啲豬雜，有啲浸得太耐太入味好鹹，我開頭食嗰幾舊可能浸得冇咁耐，所以仲食到豬什嘅清香味，食食吓仲開始有啲頸渴添😣，太鹹了。同男朋友仔講，佢

Google search 上環、豬雜，就見到「八刀麵館」，响舒淇大愛香薰油，上環隱世老店兆成行前少少，响小紅書爆紅，排長龍好易認專誠為豬雜而來，但媽咪胃口細，先叫淨豬雜王（細）$45。上枱後「嘩！」分量比想像中多，先試啖湯，胡椒湯底色清味濃，加多少少胡椒粉更香，所以連芽菜底我哋都清晒一條不漏🤣處理內臟全部功夫嘢但整得好乾淨，食得出好新鮮，我同媽咪最鍾意最鮮味又有咬口嘅頭三位：1️⃣粉腸 2️⃣豬心片 3️⃣豬肺門口睇餐牌見到豬手都想試，留返個機會下次😋

呢間喺上環蘇杭街嘅粉麵店今日終於有機會試到，佢最出名嘅就係豬雜所以第一次幫襯就梗係有叫到呢個招牌菜啦。豬潤、豬心、豬粉腸、豬肺、豬大腸、豬肚再加埋個蝴蝶腩，大碗65蚊，細碗45蚊，都咪話唔抵食，淨係新鮮豬雜都已經值回票價，仲要洗得幾乾淨，唔會有陣內臟嘅噏味，連埋個枸杞葉滾嘅湯真係令人食得開心。值得一陣就係佢啲內臟煮到啱啱好，唔會過曬火搞到啲內臟鞋颯颯。不過我覺得最正都係呢個秘製辣椒油，配住啲內臟嚟食真係特別惹味。

一向都幾鐘意食豬雜 尢其係鐘意食豬潤黎到上環呢度, 店面唔大, 位置都唔多見到有豬雜分2個sizes大同細, 都係爭$20心諗爭$20 . 通常呢d 細既份量都好細驚死細既唔夠食, 因為本身鐘意食嘛一野嗌左個大既一上枱, 比人望住哂.. 因為...嘩..個碗好大D人都忍唔住要問店員"咁 大 碗"既!!唉呀好尷尬呀 大家都一定以為我好大食啦~!!碗野份量好足, 有豬潤豬腰豬心豬肺豬大腸豬粉腸蝴蝶腩有咁多款食得好滿足湯底係好清有少少胡椒味可以食到豬雜好新鮮既豬味~!仲有(應該係) 枸杞葉配菜, 好清新唔肥膩的

位於上環的八刀麵館，是一家以各式麵食為主打的小店，這次我品嚐了$45的細豬雜加藤椒醬米粉，整體感受頗為滿意。首先，細豬雜的份量十分足夠，各種內臟處理得非常乾淨，沒有腥味，每一種內臟都有其獨特的口感。豬肝滑嫩、豬心Q彈、豬腸有嚼勁，每一口都充滿了不同的驚喜。這些豬雜與藤椒醬的搭配尤為出色，藤椒醬帶有獨特的麻香和微辣，提味的同時又不掩蓋豬雜本身的鮮味。整體來說，八刀麵館的細豬雜加藤椒醬米粉，以合理的價格提供了優質的美食體驗。食材新鮮、烹調得當，再加上獨特的藤椒醬，讓這碗米粉在眾多米粉和麵食中脫穎而出。如果你喜歡嚐試新口味，這碗細豬雜加藤椒醬米粉絕對值得一試。八刀麵館不僅滿足了味蕾，也帶來了滿滿的幸福感。餐飲沒有在店內買，在外邊購買凍咖啡。

八刀湯屬於客家菜系，已有100多年歷史，是紫金縣乃至河源市的客家特色美食。 「八刀湯」是用黑麥草、番薯葉餵養的紫金藍塘豬的八個部位，切割一刀，分別包括豬心、豬潤、豬肺、豬舌、豬腰、粉腸、隔山衣（豬隔膜 ）、前朝肉熬成的湯。一點枸杞葉與之同煮，令八刀湯除了那肉的滋味，更有枸杞葉那淡淡的清香。細豬雜王就有 豬潤、豬粉腸、 豬肺、 豬大腸、 豬心、 豬肚、 蝴蝶腩。客家腌面並非把粉或面腌了吃，而是客家人在遷徙躲避中原戰火,當時的客家人都喜歡把食物加鹽腌制後以便保存，麵條就是其中一種。客家醃麵是把面條在沸水中煮熟後撈出，再加上豬油炸過嘅油蔥酥及鬆化香脆豬油渣, 撈上已調味醬油及豬油， 其味無窮。配上係檯上任食的客家古早味醃蘿蔔乾， 香脆爽口，一口接一口， 為餐桌增添美味。

#八刀麵館in eng. eight knifes noodle. i dont know how it named that way. just a name, ok, forget it then.maybe boss uses 8 knives to cut the pig organs.ok cut the bullsheet. new open store. selling pig mix organ.there are many competitor around this area.1. 永記 2.達濠仔 3.潮洲人they all good and cheap. let see this place.ordered big mix organ rice noodle 65$.relatively cheap in such area.portion incredibly big. i almost cant finish.what make this special?1. more variety of organ. they hv pig heart, lung, k

其實想問有好多食肆。不過如果要食豬什又鍾意內臟嘅呢就真係唔可以坐到呢間咁好味啲小店。今日食嘅係三餸。叫咗粉腸豬心同蝴蝶攬。 如果唔大食嘅，其實都夠。喺枱面上面亦都有一啲葉嘅蘿蔔。我見人食我食。我12:15去到都已經要排幾個人。走嘅時候12:45，就開始出現人龍啦。

其實我已經不大食內臟了。但近日在中上環工作，經過這麵店外寫著...豬蝴蝶腩...我見識小，以為只有牛有蝴蝶腩，原來豬都有，就試下。入內都是一般港式簡易裝修，迫迫地就座在一起吃（其實這就是香港小麵店特別...I like...😂第一次去，就點了豬雜（不用想，唔識叫麻）豬雜很新鮮，豬蝴蝶腩原來是爽脆口感的！還有那藤辣醬就是絕，既麻又有很香的青胡椒味。湯底飲完不會口乾。還可以加一蚊多青蔥。之後去過幾次，確認好味😂😂3拼都是32蚊。好味到呢！.....唔食內臟的你，可以點豬手豬頸肉一樣...正

豬雜河(大)好多部位都有得食👍豬潤·豬肺·豬粉腸·豬心·豬肚·蝴蝶腩🤤可惜撞正咁岩大腸賣哂🥺可以下次再試😂湯底用胡椒湯～味香唔濃～怕太濃胡椒味既可以一試👍河粉淋左d不過好夾胡椒湯～如果河粉更有咬口可能更佳(小編覺得)😂😂選擇多都算·仲要全部大大舊咁砌俾你😍老實講唔係好肚餓可以淨餸都可能夠飽👍👍盛惠$6x💰💰💰💰💰好味指數🫵 5️⃣最佳🍻🍻🍻🍻🍻☻非專業食評·純個人口味☻🗣️仲有咩想講推介大家黎會一會佢🤣天氣涼涼地食完幾暖胃🔥小編覺得係心機湯黎～仲無咩味精🤤女士們如果驚太大碗食碗細雜都得😜

📍 八刀麵館上環蘇杭街136號地舖舊同事知我鍾意食豬雜，一見到上環新開咗豬雜粉麵就即刻報料畀我！🤭🤤🤤🤤🤤🤤🤤細豬雜王 $45 🌕🌕🌕🌕🌑個湯底似胡椒豬肚湯清清地好好飲🤤🤤🤤河粉一夾就爛 口感唔係幾好🫠豬雜有豬粉腸、豬潤、豬肺、豬大腸、豬心、豬肚、蝴蝶腩豬肚嘅份量比較多，所以成碗湯底嘅味道都好有豬肚味✅豬雜整體都處理得乾淨 但係切得比較細舊蝴蝶腩好爽口 😚但係啲筋有啲黐牙🫣

呢間新開嘅米線小店規模唔大但係見到有賣豬雜幾特別🤪座位同一般粉麵店一樣Expect地迫😅 但係豬雜粉既質素都OK喺呢一區食Lunch都算係CP值可以之選❤️相比之下同區嘅另一小店既豬雜雖然比較貴但味道更加出色⭐️ 豬雜王 🥓叫咗細碗份量都算合格既😚 有豬膶粉腸豬肺大腸同埋蝴蝶腩等等🐷質素合格無腥味但係比我預期無咁爽口同埋有肉味🥲 但係湯底就比較淡而且辣椒唔夠香比較單調🌶️ 如果辣椒油更有層次就更好

離島行山後到上環搵食，又攰又肚餓下見到這間豬雜麵店，店外表真係唔吸引，但又攰又肚餓下亂入試下，原來是新開店舖，食物款式不多，主要有招牌豬雜，所以叫碗豬雜米試吓，有細碗$45及大碗$60選擇，首先賣相唔錯，不會因為豬雜令湯底渾濁，食落感覺豬雜洗得好乾淨，沒有豬腥味，豬雜再加入冬菜、唐芹，好香好惹味！每張枱還有一盒醃蘿蔔，加落豬雜食，非常開胃，我食咗半盒有多，好彩是免費的。我覺得這裏豬粉腸很好食，下次可以集中選雙拼或三拼吃多些豬粉腸。

唔係住開呢邊亦唔係喺呢頭返工，係咁啱前幾日喺度附近做嘢經過，見開咗新鋪，有豬雜粉食！淨係知香港唔多食豬雜粉嘅地方，西環就有做得出名嘅仲要排隊，宜家上環都有喇好開心！仲要竟然OpenRice未有⋯ 當日好可惜已食咗野先經過見到，好在再過兩日又會黎呢頭做野⋯ 但著到鬼死咁隆重😂 我都唔理照入黎食，因為唔知下次幾時再有機會黎呢頭⋯ 上手果間燒味其實都做得唔錯，亦見生意幾好，但可能上環嘅燒味競爭太激烈⋯ 希望呢間店做得住啦！好食呀，係清淡嘅，但我就係鍾意佢比較清，成個湯都飲晒！豬雜有好多款，肚、肺、脷、腸、心等等，每樣都有幾件。仲有大同細碗可以選擇，加十蚊有碟菜，但原來配料已經好足、有芹菜、冬菜、芽菜、仲有d應該係枸杞葉！正，非常滿足。唔知係太好食定細碗份量係比較少，食完仲有少少意猶未盡，但專登行過黎食有少少趕住走⋯如果唔係再叫多d野黎試！好似聽到阿姐同食客講開咗三星期，然後有食客話食完專登再帶媽媽黎食，老闆又同食客講琴日有客話覺得個湯底唔夠味，今日專登落多d豬手落去煲，等佢厚身d，係有誠意嘅，我見另一枱嘅女士客人都同我一樣成碗食清光連湯都湯晒～ 老闆見我急急腳食完埋單走人都問做乜唔慢慢食坐多