八幡屋日本料理 (已結業)

平日比較少食自助餐同放題。難得男朋友放假興緻勃勃，提議食日本放題，諗起兆萬有不少放題店。 八幡屋在兆萬9樓，餐廳容納30多位客人，格局同其他日本放題店差不多，舒適度合理，仲有開放式廚房。座位後方有顏色豔麗的畫，而餐廳後方亦設有餐桌與隱私度甚高包廂，讓客人可安座舒適的空間用餐。一如其他放題店，大家可自由在餐紙上選擇喜愛的食品與份量。飲品和雪糕則可在凍櫃任揀。刺身款式有十幾款，刺身水準不錯，用料新鮮。尤其欣賞赤蝦及三文魚，食味清甜爽口。壽司款式比刺身多，生熟款式都有。黑松露中帶子壽司用黑松露引味，黑松露本味清香有一定吸引力。炸物天婦羅都有一定保證。平日食天婦羅最怕太油同個皮太厚，但八幡屋都沒有以上問題。燒物試左虎蝦和甜番薯仔，都幾有驚喜，好吃到前後叫左兩碟。飯後再食左雪糕、牛奶樂同菠蘿冰作結，帶住滿足感離開。八幡屋的用料比同級放題店好，尤其刺身質素比較突出，擺設都好靚。餐廳出菜的速度及準確率令人滿意，其他放題店都會出現漏單或故意漏單的情況 。八幡屋定價合理，值得一試。

依家約親朋友都食放題, 都試左好多間 聽人介紹過呢間八幡屋日本料理幾正, 以我地為食精神 點會過放 >O< 今日就踩上去 地點都幾好搵 就係兆萬樓上, 食飯最緊要 頭盤 梗係 食左環境先啦 我地一入去係坐左係最入邊間小房仔度 牆上D畫都幾有feel 有D櫻花點綴下 同埋D位都算闊落 幾干淨 上菜速度好快 唔似某D餐廳咁 限時食 又上得好慢 服務態度都好好 好有禮貌入正題先 野食先係主角 食物種類真係超多 我地2個小女子 好想試曬 但肚皮同胃仔唔爭氣T.T 不過都食左好多 我地仲order埋升級食物 有生蠔刺身 黑松露珍珠鵝盰帶子壽司 仲有仲有心太軟 好迷你 勁仲意 我好似order左3次 哈哈仲有D剌身好新鮮 三文魚好肥好厚 北寄貝 鮑片都好鮮甜 太多啦 數唔曬 好滿足^D^天婦羅類 D小紫薯仔都好甜 細細粒 好cute 仲有D燒物 個羊排超好味 完全冇騷味 好似食牛咁 唔食得牛肉果D朋友仔可以試下 好香好滑又juice 仲試左個燒鯖魚 好後悔淨係order左一次 我好喜 冇咩骨 燒得岩岩好熟 好滑><佢有個海鮮湯 呢個少少失望 因為冇鮮甜咁 好似飲緊雞

有時候出街想食好少少，但硬係揀唔到食咩好，但早幾日出街，個fd竟然諗好去邊食乜，直接帶咗我去食放題 一坐底就緊係即刻睇下有咩食啦，竟然連拉麵都有！一於就叫拉麵試下先啦哈哈，食放題任食又有咩所謂拉麵細細碗，又可以食到想食既野又唔驚食完食唔到其他野，幾好幾好野飲係自己出去拎，汽水果汁同茶都有，種類真係好多 吖之後發現加少少錢就可以升級，有生蠔食，食三隻都回本啦！除咗生蠔仲有海膽蒸蛋都覺得好好食，好香海鮮味！壽司既選擇都好多，和牛壽司我都係第一次食 天婦羅方面都全部都叫咗少少嚟食，個炸漿唔會好厚，啱啱好包住，唔錯唔錯最後甜品叫咗個玄餅，好似果凍但又比較彈口，好得意哈哈

想食放題都係想同食餐豐富又好食，所以食物種類一定要多。不過估唔到依家放題都有得自己燒章魚燒，哈哈！我第一次自己燒，竟然順利燒好，無燶，好有成功感呢。店員好好，係隔離一路教我燒。唔知係咪因爲自燒，所以覺得特別好食，哈哈！刺身款式多，我都係最中意食基本野，三文魚刺身夠肥美，厚切。甜蝦都好新鮮，鮮甜，我同朋友都食左好多。之後嘅芝士龍蝦好有份量，勁大隻。放題都食到龍蝦，抵啊壽司都好有質素，最中意食花之戀牛柳粒即炒，熱辣辣，正啊。炒雜菌同野菜都好好味，值得encore

忽然很想很想輕鬆一番，周圍去食放題，事實上對於這個類別的放題一直情有獨鍾。在街頭看到呢個單張，就去咗地點在人來人往的旺角食日式放題，很好彩，今次不用排隊等升降機浪費時間。店前帶位職員服務不錯，態度超好又親切，店內坐位尚算寬敞，枱與枱之間闊落度是可以接受的，也不覺被打擾，非常舒適。安坐之後隨職員介紹除標準放題之外，可加錢升級放題，了解詳情後立即點食物，這裡和很多日式放題店一樣，都是自己落單，種類也繁多呢，有超過100款精選美食飲品任點任食，緊有一款啱你！先點菜紙上之內的全部剌身來一圈，上菜有冰鎮之餘，各式魚生擺盤上也排得美輪美奐，重點少不了帶子、吞拿魚、鮑片、甜蝦、三文魚、象拔蚌、北寄貝等。刺身厚切，鮮甜甜蝦更是滋味之選，最後還點了兩轉。大大隻甜美的虎蝦刺身和生蠔的確令人難以忘懷，這可謂今晚算是最突圍而出的。佐酒小食–地獄汁煮螺，食吾到辣的人都可以試試。另一日式小炒小蟶子都幾好食，味道甜美，爽口彈牙，不妨一試。開邊芝士焗龍蝦味道吾錯，肉質夠彈夠厚，口感滿意！這道日式小炒牛肉，正所謂牛有牛味，幾好食。壽司也無期望下有點驚喜的，離奇的好吃，飯也不太大件，各式火灸壽司不錯。而熟食方面亦不失望，

與同事放工後心血來潮想豪吃一餐，便相約到兆萬看看吃哪一間放題。眾多選擇中見八幡屋主打日式料理、刺身及炸物，所以便決定到八幡屋試試。一坐下，店員細心地推介我們可以加$60升級體驗，會送芝士龍蝦及有特別的放題單點紙。當然，愛吃海鮮的我們馬上點頭升級。最後，升級menu中送的龍蝦令人食指大動，龍蝦肉大大件，夠新鮮彈牙，單這隻龍蝦已經值回$60的票價。另外升級menu中亦有其他特別料理可試，澳洲和牛壽司只有3成熟左右，牛味新鮮但口感一般，亦建議一試。*整體味道一流，食物種類繁多，食物新鮮。但漏單問題嚴重，若能改進會更完善。

講起日本放題，如果有睇開小弟食評的朋友，就知道是粉絲之一；每個月小弟一定會最少都會去吃一次日本放題，可能大家又會再問，為何不吃其他日本菜而去吃日本放題呢？ 以Step來說可以說是有以下原因： 1) Step極愛日本菜； 2) Step本人身型較為大份，食量龐大，任食才可以填飽小弟的胃口； 3) 食物選擇多，大部份日式菜餚也可以選擇，有如置身吃自助餐 (而且不用置身出去搜羅食物，Waitor會新身送上食物到檯面，只須安坐等待即可享用)； 4) 除了有魚生或壽司外，還有不同的熟食供應，可以滿足大部份人的願望 (娘子愛吃日式熟食多於魚生刺身)； 5) 食物、飲品、甜品等選擇多達100款(或以上)，價錢相對傳統日式料理餐廳更為實惠!! Step和娘子是無飯家庭，平日和娘子會四週去找尋美食，不過有時也會到吃過的質高美味的餐廳『翻焯』；今晚當娘子在旺角做完facial時，問到Step吃甚麼，Step當然立即說出：『不如吃到八幡屋吃日本放題吖？！』 雖然聽到娘子有點不太願意(因為今個月已經吃了很多不同的日本菜)，但基於娘子也不想想吃甚麼的原因，便約了在兆萬中心地下等了… -------------

今次是第四次幫襯，其實都是朋友介紹的 由於吃頭段時間關係，餐廳整體感覺很良好的，冇乜漏單情況出現，而家服務態度整體良好，但今次失色不少，清酒🍶算是本餐廳賣點之一，但今次去竟然冇清酒，而且門口招牌也有寫有清酒供應，到最後只有啤酒🍻，但其實對不喝酒的朋友不大，但清酒🍶對我來說確實是本餐廳賣點之一，同埋今次羊架同木魚湯品質比上次差，過去木魚湯至少喝幾碗，今次只喝了半碗就停了。而刺身出品算保持良好水準，餐廳如果考慮到清酒問題，可學牛x鍋加錢任飲，如果再行呢個政策也可能流失一些喝酒食客，雖然今次是好失望，但服務態度方面是要比個你。

這次放題是在十月三十一日，也剛好是在萬聖節當日，儘管如此，沒有想像中太多人太繁忙，也許是因為當天星期二不是公眾假期，我們也太早到達；亦可能因為這原因，上餐速度非常快，不會等太久。先說食物選擇方面，無論是刺身，壽司，卷物，燒物，選擇都算是足夠之餘亦有不少驚喜。其中值得一提的是生蠔，比想像中肥美和新鮮，不會因雪得太久而帶有冰味。首先吃了一輪刺身，很新鮮，推介的劍魚腩亦真的不錯，種類也算是多的。刺身擺設精美，同埋試得岀係幾新鮮，三文魚係好有口感，切得厚身，一啲都唔吝嗇。我自己中意食希靈魚，唔會有腥味，好爽口，仲有少少肉汁唔會太乾身。叫左幾款壽司，細細一件可以試多幾款。叫咗玉子，蟹棒同灸燒海蝦壽司等等。蟹棒配上沙律醬味道剛好。蝦略燒過後保持甜蝦口感，上面既芝士唔會蓋過蝦既鮮甜。和牛壽司，黑松露帶子等等，味道不錯而且有新意。再點了些燒物炸物，燒物有雞翼，羊架，牛舌等， 重點推介雞翼夠Juicy，夠香口，推薦！另外焗蠔都唔錯，唔會太多沙津醬，亦無苦味。另外，這次附送的波士頓芝士龍蝦更是值回票價的重點，多肉而且彈牙，濃厚的芝士味亦不會蓋過肉香。其中加六十元的升級體驗中，一品海鮮燉湯更是不可錯過，非常

全家人去食 ，啲野食黎得非常慢，叫刺身 ，差吾多等左半個鐘先比幾塊刺身，仲要非常難食。再寫多一次刺身，又係等左好耐都無，吹左幾次先有，送到黎係仲味解凍，仲係有雪。花之戀既壽司啲三文魚係臭既，一食即刻嘔翻出黎。其他壽司啲飯都係好散，一夾就散哂。燒雞翼，叫左4隻，3隻係味熟。叫其他燒物黎到都係凍既打邊爐啲野食更加吾需要講，都係難食。如果淨係食丸都正常既，但其他既野食 例如牛 豚肉 都真係好似橡筋。食完全家個肚都吾舒服。一定吾會再去！如果可以比0分 佢真係當之無愧！

從來甚少食放題，亦可能我應該抱住「商品說明條例中嘅合理期望」嘅心態去試哩間嘢。老實講，由樓下派傳單到樓上所有侍應都好有禮貌。但我提提大家，你要抱有合理期望嘅心態去食嘢，由刺身、壽司、炸嘢、燒嘢、湯、飯、麵....所有嘢都係凍嘅！而最新奇嘅係....佢攞上枱時係有煙出，但食落時都係凍架！神奇......而當中最出色嘅，可以算係「韓式牛肋條」，不食落竟然係鹵水牛仔骨嚟！松葉蟹棒？！我心諗，兩舊水一位有哩d嘢食？一上枱，嘩！大佬呀！樓下街市28蚊一pack嘅蟹柳嚟嘅？！....唔緊要！香港人記得！咩叫合理期望....同時我希望大家睇完哩幾隻字之後...都要抱住合理期望先好嚟食嘢！

实在不知好的食怎么评出来的？！今晚平安夜，满怀期待的到来，现在全部是失望！服务很差就算了，吃的东西简直是垃圾！the every food taste so badly!they said Grill BBQ, but actually just fried so oily! The sashimi not fresh at all! My Xmas wish just hope I wouldn't go to hospital with food poisoning ! Bless me Santa!!

又去到食放題嘅日子 (因為一年365日都咁啱食放題 )但今次就搵到個好少少既籍口，因為工作嘅緣故，好耐、好耐冇同男朋友食飯啦~~ (其實都只係兩個星期 ) 所以決定今晚要食好啲! 提早訂位仲送芝士焗龍蝦，有海鮮食，人都開心啲芝士焗龍蝦既份量比我想像中大，有三分二隻手掌咁大， 將佢拉返直，應該長過我隻手掌添除咗芝士，仲有沙律醬，多左份甜酸甜酸既味道，又幾開胃，而龍蝦質素都唔差，好彈牙，加上趁熱食配埋芝士真係好香 我哋仲叫咗好多壽司，我最鍾意就係蟹棒壽司，因為好鍾意一絲一絲既口感，而且仲夠哂甜 另外火炙三文魚都唔錯，火既熱力迫出左三文魚嘅油份，所以油脂香比起食三文魚刺身更勝一籌炸物同天婦羅登場~芝麻雞翼脹卜卜，聞落十分之香，外脆內嫩，永遠都係我放題的最愛 天婦羅必食嘅就係蟹棒，原因無他，就係我鍾意蟹棒同埋呢到有充滿中學回憶嘅雞肉串燒!!! 以前放小息既時侯，好多時都係食佢，配返無得輸既經典燒汁 芝士焗蠔配埋酸酸甜甜沙律醬，雖然蠔有D細粒，但勝在夠飽滿，蠔味充足去到最後一ROUND既甜品，發現選擇都唔少升級放題可以揀布朗尼伴鮮果， 細細粒一口一個，而且熱食令朱古力味更濃泡芙味道選擇仲有3種咁

今日去食日式放題好旺，好多人，食品種類非常多，刺身拼盤好靚好新鮮擺設賣相好靚。服務好好，每個服務員 ~上菜時 都會廣~請慢用又有人換蝶，非常多服務員，所以呢度嘅服務都特別好。所以我會下次再來

最近天氣開始轉冷，對於身體沒太多脂肪的我已經是一大考驗。而我可以做的，當然是增加食量，囤積脂肪，抵禦寒冬的來臨。於是今晚就約了三五知己食放題，積谷防寒。來到兆萬中心，商場內食肆林立，到了9樓一家日式放題店。入座已經送芝士波士頓龍蝦，本身沒預料之下有龍蝦食，的確幾有驚喜。每位加$60能夠享用升級體驗 (S) order 紙，生蠔，油甘魚刺身，珍寶赤蝦刺身，京蔥金目錭壽司，澳洲和牛壽司，黑松露珍珠鵝肝帶子壽司等，在放題之中食到夠晒豪華，都算值回票價。生蠔鮮甜沒腥味。珍寶赤蝦刺身大隻夠份量，又爽口。佢仲有一個八幡一品海鮮燉湯都值得一試，足料且味度香濃。還有很多其他食物 order 紙，壽司，刺身，冷熱食，甜品應有盡有。一般常見的刺身都有供應。芝麻雞翼比較印象深刻，炸得香脆惹味，朋友也不停 encore。冷豆腐都幾細滑。冷蕎麥麵細細碗唔怕飽到食唔到其他食物。鹽燒牛舌爽口彈牙。蒜片牛柳粒有嚼勁，但唔韌。飲品櫃選擇豐富，當然唔少得啤酒。最後還有雪糕和糯米糍無限量供應。食到飽一飽，成個人暖晒，行出兆萬褸都唔駛著。