八幡平石燒牛扒專門店 (Eastmark)

營業中

休息中

終於可以再約朋友食飯睇戲😭4月尾時知道限聚令放寬，第一次時間約朋友補祝生日。這間餐廳位於鄰近德福廣場的商業大廈內，平日人流不多，那天晚上預約了6:45很快就能入座卡位，兩人坐很寬敞，剛巧在應援抽獎活動中獲得一塊Foam Board🙈也能舒適地吃牛扒套餐選擇約有7款，除了必點的牛肉外，亦可選擇雞套餐，適逢餐廳2周年慶，選擇A4和牛套餐自動升級A5鹿兒島產和牛。但經朋友推薦和商量後，決定點鐵三角（招牌牛扒及肉眼各100g+A4日本產和牛80g) 及牛柳套餐200g各一，加起來有440g還有套餐跟日本飯、湯、沙律，相信足夠兩人食用。自3年前起石燒牛扒在香港盛行，也吃過數間餐廳，但一般入座需輪候超過一小時，能訂座的餐廳座位也較窄，而且大多通風系統較差，而平民石燒的食物質素較參差，衛生情況則是一般可接受水平。所以，甫步入這家餐廳到食物上桌真的超驚喜，食具擺放衛生、乾淨企理，食物質素也佳。店家更會主動提供牛脂和更換石板，不怕影響牛肉口感，更重要的是通風良好，吃完也不怕頭暈不適，身上氣味不會過重。再來介紹一下食物，這份鐵三角不愧是必點招牌牛扒肉質好有牛味肉眼肉質較稔味道也不錯，配上店內提供的生蒜和燒

同阿女經過呢頭，咁啱見到呢間想試下，阿女本身話無兒童餐唔要，但阿媽計下數覺得兩個餐加埋同呢到1份扒個價未差唔多就拉左佢入去🤪飯、沙律同湯呢到都係自助+可以任添，帶小朋友黎就真係一流，佢食又唔食得多，但又唔係少，平時去餐廳叫多份餐又要阿媽包底，呢到就方便啦，攞多半碗仔飯再一齊share 份牛剛剛好❤️值得一提因為係自己燒，所以可以一半全熟一半1成熟咁，媽咪鍾意食生嘅，但平時帶住阿女焗住要食熟d，黎呢到就啱啱好可以滿足曬2個願望😂有唔同醬汁選擇，亦有教學教點燒

性價比⭐️⭐️⭐️⭐️回頭率⭐️⭐️⭐️⭐️⭐️⭐️⭐️⭐️為滿分$120/ 招牌牛扒 （270g)Top Blade係平嘢，$120 食到270g又軟淋又牛味濃嘅牛扒其實好不錯了～ 飯 湯 沙律任加～ 真係可以吃到飽☺️除牛之外，店舖仲有豬/ 雞可以揀仲有和牛，下次可以試下食物同價錢我絕對認同性價比高😥我是一人到訪的，當時是 7點，餐廳只有一半入座率，店或者覺得我一人不應佔太多位置，硬要將隔板放在我用餐位置中間？

疫情下好耐冇出街堂食，石燒牛扒係其中一外賣唔到個滋味既野食，所以難得出街食就去番之前食過幾唔錯既石燒牛扒店。呢度最基本個款招牌牛扒份量已經好夠食，仲有沙律菜、白飯同湯係自助任食。個洋蔥牛肉湯好推介，用蘿蔔洋蔥牛肉等配料去煲，幾好飲～牛扒既生熟度可以自己控制，呢一點係我鍾意食石燒牛扒既原因之一。想食生一d既我會將整塊牛扒厚切開幾舊放起，食之前再煎熱。九龍灣店開業時已經有幫襯開，相隔咁耐冇黎食，仲拎住緊個時儲印花既優惠卡黎想繼續儲，點知得知原來已經冇再做儲印花，少少可惜。諗住撕左張印花卡打算掉之時，老闆竟然話送我地每人一球雪糕，好驚喜亦都好多謝佢～雪糕仲要有好多口味揀，我地要左芒果同菠蘿，芒果個款好香，菠蘿個款就食落好有菠蘿味，兩款都好好食，估唔到牛扒店既雪糕一d都唔馬虎😋

事緣太肚餓，求其搵個地方食飯，但又ok woo😜✨用自助售賣機order主食牛肉質素唔差雞扒爽口鮮嫩；但石板超級熱，真係要小心睇火🔥😂出面有自助吧枱，任取沙律、牛肉湯同白飯，三樣都味道正常；如果個飯係粗身嘅珍珠飯會更好🙌🏻~~~~~~~~~~~~~~~~~~~~~~~~~~~~~~🐮鐵三角套餐 $240🐓日本熊本雞扒$150~~~~~~~~~~~~~~~~~~~~~~~~~~~~~~

係九龍灣工作中午有時想食個熱辣辣既石燒肉，呢間絕對係性價比高味道好，而且仲有任添既足料牛肉蘿蔔洋蔥湯，同埋椰菜車厘茄沙律同白飯，值得一讚嘅就係佢嘅醬汁都有幾款選擇，仲有窩心嘅圍裙仔比戶客，咁D肉汁就唔會彈倒件衫啦，而且服務好好真心值得推介👍🏻

牛肉好好味，價錢合理，好多調味料，海鹽，黑胡椒，醬油汁，芥辣，蒜蓉！ 白飯任裝，沙律菜新鮮，蘿蔔洋蔥牛肉湯好鮮味，胡椒味好重好正，飲咗好溫暖！環境乾淨，有位置比客人放外套，以免氣味吸咗落衫度，好貼心

已經第2 次來食啦，今次都係食佢招牌 + 牛柳 招牌食落肉好嫩， 好正冇失準要再讚佢牛肉濃骨。滿滿的牛肉，白蘿蔔，洋蔥加胡椒好入味 仲好驅風要讚佢舖staff 光頭叔叔好nice ,其他店員都有禮貌！ 店坐位夠闊落，光猛，冷氣夠大環境好係德福mcl出面行天橋落就到，好易搵！又唔使同人迫 推薦呀😀😀

之前已經去過鰂魚涌總店，九龍人始終唔方便，好彩九龍灣開左分店，方便好多，其實已經幫襯過好幾次，但今次先有時間post 。一入門口就自助揀牛，買完食物再搵位。今次只有我同大仔一齊食，兩個都叫招牌牛，夠林，又有牛味，抵食。沙律、湯、白飯任裝。個湯好足料，好好飲👍🏼白飯仲可以加飯素，哥哥食得好開心，又可以自己燒，佢好中意食呢間牛👍🏼👍🏼環境衛生，寬敞，唔逼，就算人多都唔會覺得逼，店員好好，有bb椅。仲有無加一服務費👍🏼

網上見到呢間餐廳有人介紹抵食，位置都近九龍灣地鐵站，$80可以食到石燒牛扒仲要白飯牛肉湯沙律任添，決定去試試。星期六夜晚7、8點到，吾洗等有位坐，門口電腦點餐俾錢等食，點左$80牛扒試下先，野飲就個人認為吾抵，可樂一罐要$10，餐廳有提供熱水同檸檬水。坐到埋位，店面裝潢日式，坐位前放有不同調味料俾客人隨心使用。先去拎左碗湯同飯，想拎埋沙律，但係去到已經見晒底，等左一陣都未見添…牛肉湯有牛肉嫁，吾係淨係得湯，😳，飲落淡淡牛肉味，加入原粒黑胡椒煲，令到湯帶微辣，暖胃～ 飯、鰹魚味素任添🤔👍🏾吾小心加多左😂到牛扒上枱，出晒煙～店已將牛煮1-2成熟，熟生客人自己決定，有點手忙腳亂，怕佢會焦… 真係冇咩概念要煮幾耐，唯有切開一件件，裡面紅卜卜既生牛肉，等到每面都望落熟左再夾到碗中慢慢食～牛肉軟吾韌口冇筋，雖然牛肉味吾算重，點蜜糖芥末醬好開胃～ 抵食，質素ok，可以再試～

呢間舖平時lunch hour都人山人海，今晚友人相約食晚飯，就提早book定位。準時6點去到，可能早ge關係，唔係好多枱客。店員禮貌唔錯，貼心咁比我地坐低左先，之後先岀去買餐。牛肉選擇都幾多，價錢ge range由80到幾百都有，重量都分3款，啱晒食量唔同ge人。沙律、湯、同白飯都係自助任fill，店員不是查看食物狀況，雖然係自助但衞生方便冇問題。飯用左珍珠米，配上提供ge飯素，好食。至於牛肉方面，生熟隨自己喜好，但如果要食生一啲ge話，就要食快d。味道方面同其他店沒太大差別。

今日Lunch食好啲🍚！試一試新開嘅石燒牛扒，滿足一下食肉嘅慾望！好似日本餐廳咁門口有部販賣機🎟，揀好食咩俾埋錢就可以搵位坐低同拎自助吧食物。過一陣熱辣辣嘅石板牛扒就會上枱🔥，店家預先煎到1至2成熟，要自己切開再煎熟入面生肉部分，煎到幾成熟就自己決定啦。不過全程都好彈油🙈，要戴好小圍裙同小心掂到石板啊！————————————————👅八幡平招牌牛扒（$80/180g）🔸最特惠嘅入門版牛扒，最小份量嘅180g大概夠食量細嘅女仔👧🏻，食肉獸同男士應該唔夠滿足。按英文睇應該係取自牛肩肉嘅翼板牛排，肉質軟硬適中，尚算有肉汁🥩，因為石板全程都好熱同好快煎熟，煎到喜歡嘅熟度就快啲夾起喇，過熟就會好韌🔸套餐包括白飯、沙律同湯放題，係自助放題區自取，白飯加啲飯素更好味🆓，湯係類似清清甜甜嘅牛肉/牛骨湯———————————————— 🚩總結：唔怕麻煩又enjoy燒肉嘅可以一試———————————————— 🌟注意：只可用八達通或現金付款————————————————📍 八幡平石燒牛扒專門店地址︰九龍灣常悅道21號The Eastmark2樓5-6號舖

見到宣傳，話A4和牛 upgrade A5不加價，一定要再去食啦。和牛都係入口即溶，配食左好多飯 ， 堅好送飯。牛肉湯好野味，食過好多間石燒，呢間嘅湯最正。湯，沙律，飯任食，飽到一個點。還有香港製造嘅雪糕，飯後食一球，滿足晒。

邊個話燒肉一定要一大班先食得，無朋友毒L嘅我決定lunch食好啲，自己一個食燒肉！呢間燒肉店聽同事講得多，話平得嚟肉嘅質素都唔差，所以勁多人排隊，咁唯有早少少去lunch～好好彩去到唔使排隊，可能因為太早😂 原來叫野食係用機係門口點餐，我叫咗一個招牌牛肉200g只係80蚊，餐廳採用自助形式，自己出去拎其他野食包括沙律，白飯同牛肉湯，自己refill，名符其實白飯任裝！牛肉湯真係有好多牛肉，其他野就唔好期望太高。輪到主角石燒牛，比我想像中高質，整體而言，呢個價錢性價比都算高，而且店員都好有禮貌，真心唔錯😋

第一次係無意中行過見到開左試業嘅石燒店，見光線好，地方大，價錢又吸引，所以入左去試試。同大部分石燒一樣，先點餐後內進用膳。點左兩個唔同嘅牛，牛腹同肉眼。講左個湯先，超足料，牛，羅白，洋蔥，好好飲，3，4碗無走雞。到沙拉同飯都係任食，唯一想講下佢地嘅配料同汁醬，比出面用心，好食。多選擇同貴價，如果大家有食過淘×商場另一間石燒，呢間一定好過佢好多倍。無論環境同食物質素。嚟到員工好好咁服務，到牛嚟，都好細心叫睇熱。牛肉多汁，易咬，配上燒汁，蜜糖介辣，仲有我最愛嘅蒜泥!!!!第一次食，唔識食，好趕好趕，驚熟晒唔好食。第二次再去，已經掌握到。如果石凍左，員工仲會換另一塊!推薦嘅餐廳，好味，高質素，服務好。會再幫襯!!