影片
營業時間
今日營業
11:30 - 22:00
星期一至日
11:30 - 22:00
*最後落單時間: 21:00
以上資料只供參考, 請與餐廳確認詳情
夜晚經過呢度附近，見到食石燒牛扒專門店，凍凍地天氣食下石燒牛扒，暖下個身。鐘意食肉既人一定會成日食石燒牛扒，大大塊肉，啖啖肉餐廳內飯、湯、沙律免費任食，飯係珍珠米，湯係牛肉白蘿蔔湯，沙律用料好新鮮，我食左好多碗沙律我同朋友點左八幡平招牌牛扒270g, 牛柳200g招牌牛扒必點！一上碟270g 對比起200g 有明顯size分別，招牌牛扒大大舊，半燒半生狀況外面有好多血汁滲出來，用石燒將肉汁鎖住。我鐘意食石燒原因自己可以控制到幾多成熟，我想熟多少少又可以放係石上煮一煮，唔想太熟又可以拎起。當煎到3-4成熟肉質細密，無筋，再點餐廳提供既燒汁令牛扒味道昇華。另一塊牛柳200g，牛既肌肉紋，每一條都見到，一切起好腍，不論幾多成熟一切好易分開，肉質唔痴牙，好嫩又易咬開。餐廳係門口放置一部只接受八達通付款自助點餐機，好方便餐廳內有提供掛褸既位置，好貼心既服務
繼續閱讀
好耐🈚食過牛扒，又覺得好耐🈚同姐妹一齊食嘢，於是今日尋尋覓覓到鰂魚涌食牛扒大餐。👅🥩八幡招牌牛扒（270g）：牛扒放系燒熱既石板上面，需要幾成熟可自由控制。如果想食鮮嫩多汁既就切一片食一片，需要熟d既就切好曬再食。我就中意3/4成熟既，所以切開既時候依然鮮嫩多汁，口感嫩滑。🍖日本產の豚扒：豚扒同石板系分開上既，由你自己放上石板燒，煎到一面金黃色就反面再煎。睇住d豚扒一邊煎一邊出油脂，特別興奮~自己動手就系不一樣。入口金香，肥瘦均勻，外脆內軟，加碗白飯真系無得頂！環境：麻雀雖小但五臟俱全，店內環境簡潔舒服，餐廳舒適。門口就有台點餐機先付後食，清晰易用。白飯、餐湯、沙律任裝，自助式服務，中意食幾多就攞幾多，不會浪費。而且餐廳仲好貼心咁張貼咗牛扒食用方法出來方便大家可以食到口感最佳既餐品。
繼續閱讀
是日約朋友捐窿捐罅食午餐，就是去咗呢間日式石燒牛扒餐廳。餐廳是四四方方，坐到20人左右，枱上高架放有特製醬汁和多款調味料 — 黑胡椒、喜馬拉雅山玫瑰鹽、薑蓉、芥末醬和飯素，亦有提供紙巾，很貼心。我哋就喺門口部販賣機度點餐，俾錢，然後跟着店員安排座位。等食扒嘅時候，我哋去咗自助區，因為呢度嘅白飯、湯和沙律係任裝任食，大食嘅裝幾多飯都得，女士們愛健康嘅生菜椰菜沙律任食。湯就係白蘿蔔牛肉湯，足料所以濃味，好好飲喎！🐄🥩 八幡平招牌牛扒 (HK$125/270g)． 店員一拎起張牛油紙，估唔到塊牛扒有咁厚咁大塊😮，仲聽得到的滋滋聲，見得到牛扒的燒熱油泡彈彈下！． 廚房處理得塊牛肩肉好好，所切牛扒時，已感覺到牛肉的厚度和軟腍度，食落好軟腍零根，似食緊牛柳扒咁正👍🏼．因為是塊靚扒，加少許黑胡椒，點少少醬汁已經好好食😋🐓🥩 日本産の地鶏扒 ($140/280g)． 呢度除咗有牛扒之外，其實仲有豚肉和雞肉，估佢唔到呢？． 雞扒係來自熊本縣出產的走地雞，直送到香港，唔怪之得啲肉咁實淨又有啲彈牙，唔肥，好好味😋🐚 珍寶元貝 (扒餐+HK$15/一枚)． 見到有呢個期間限定優惠，梗係要一人叫一枚，當年尾獎勵自己辛苦咗成年啦～． 同肉扒一齊上枱，真係好大隻，好厚肉呀😮． 面和底都燒到焦香就食得，鮮甜又肥美，好味😋📌 提提你：此商場有2個入口，建議由祐民街扶手電梯嗰邊入商場會比較容易搵到此餐廳喔！
繼續閱讀
店名: 八幡平石燒牛扒專門店 地址: 鰂魚涌英皇道1010-1056號東匯坊地庫077號舖太古站B出口，行5分鐘環境: 4/5價錢: 4/5味道: 4.5/5大家可以按食量自選響應份量嘅套餐，半自助式餐點任君選擇，每位客人都有條圍裙以免整污糟件衫，環境都比較闊落，三五知己一齊開心share 野食😆八幡平招牌牛扒（180g $85 / 270g $125）❤️❤️❤️❤️❤️牛排選用左Top Blade，一上嚟喳喳聲。肉質柔嫩中卻帶有一絲嚼勁口感，烤嘅方式更突出牛肉香味，唔點醬到配搭燒汁或其他醬汁，都食到豐富的層次感🤩牛柳餐（200g $130/300g $195）❤️❤️❤️❤️❤️牛柳肉感較明顯，可以按喜好去烹飪熟嘅程度，每一啖食落肉質細膩，充滿肉汁，無咩脂肪嘅感覺，食落都唔會覺得heavy，配搭不同醬汁、調味味道又可以好多變🤤日本巨物元貝❤️❤️❤️❤️❤️+$25每個餐都加左粒元貝，真係好巨型！新鮮滑嫩，食落好彈牙，鮮美清甜，唔洗任何調味已經好好食🤩自助吧❤️❤️❤️❤️❤️內設自助吧，附有白飯、沙律、檸檬水、牛肉湯，牛肉湯熱辣辣，伴隨一點黑胡椒味道，湯料有油香較重嘅牛肉、白蘿蔔片，冬天飲黎暖下身子最合適不過😍
繼續閱讀
想吃牛扒但預算有限？最近在家附近偶然發現位於鰂魚涌某商場地庫一間主打親民價的連鎖石燒牛扒店，180g牛扒低至$85就吃得到，實在是打工仔糧尾之選。食物有不同種類及組合選擇，更可按個人喜好將牛扒燒至理想的生熟程度。店內環境簡潔舒適，使用自助下單模式，有卡位也有一人座位，下單後乖乖等店員將食物送上就可以，對I人來說十分友好。❥ 八幡平招牌牛扒 ($125/270g) 🥩(惠顧任何扒餐+$25 🐚日本巨物元貝)招牌牛板腱部位脂肪相對較少，牛味濃郁肉汁豐富。牛扒放在燒熱了的石板上，上菜時只有三成熟，可以按個人喜好慢慢燒至理想的生熟程度，微微焦香，簡單用盬和黑椒調味已經很美味。日本巨物元貝鮮貝新鮮爽口，鮮味十足。❥ 牛柳 ($130/200g) 🥩牛柳肉質細膩，油脂分佈均勻，口感嫩滑多汁。餐廳非常貼心地為客人提供一次性圍裙，不用擔心牛扒的汁液濺到衣服上。另設自助區免費無限供應沙律、湯和白飯，即使大胃王亦不用擔心吃不飽。◦•◦♡.﹀﹀﹀.♡◦•◦♡.﹀﹀﹀.♡◦•◦♡.﹀﹀﹀.♡◦•◦𖠿 八幡平石燒牛扒專門店 𖤣𖤥 鰂魚涌英皇道1010-1056號東匯坊地庫077號舖其他分店：𖤣𖤥 北角和富道21-53號和富中心地庫B57&B58號舖𖤣𖤥 觀塘巧明街99號巧明工廠大廈地下19號舖𖤣𖤥 九龍灣常悅道21號 Eastmark 2樓5&6號舖◦•◦♡.﹀﹀﹀.♡◦•◦♡.﹀﹀﹀.♡◦•◦♡.﹀﹀﹀.♡◦•◦
繼續閱讀
您可能會有興趣的...